Morgunblaðið - 03.06.2017, Blaðsíða 6

Vilhjálmur A. Kjartansson
vilhjalmur@mbl.is
„Ákvörðun Trumps um að draga
Bandaríkin úr Parísarsamkomulag-
inu hefur vakið mikla athygli um all-
an heim og er ekki góð. Þetta er ekki
neitt fagnaðarefni,“ segir Guðlaugur
Þór Þórðarsson utanríkisráðherra
en bendir jafnframt á að þrátt fyrir
ákvörðun forsetans ætli fjöldi ríkja
og borga innan Bandaríkjanna að
halda sig við markmið samkomu-
lagsins.
„Ljósið í myrkrinu er kannski hinn
mikli frumkvöðlakraftur Bandaríkj-
anna og vilji fjölda ríkja, borga og fyr-
irtækja að ná markmiðum Parísar-
samkomulagsins. Ákvörðun forsetans
er engu að síður bakslag í hinni al-
þjóðlegu samvinnu í loftlagsmálum.“
Spurður hvort Ísland geti brugð-
ist við með einhverju móti segir Guð-
laugur mestu máli skipta að ganga
fram með góðu fordæmi. „Við höfum
staðið okkur mjög vel með notkun á
endurnýjanlegri orku og lagt mikla
áherslu á að sækja okkar markmið
samkvæmt Parísarsamkomulaginu.“
Sigurður Ingi Jónsson, formaður
Framsóknarflokksins, tekur undir orð
Guðlaugs Þórs og segir það reiðarslag
í loftlagsmálum að stærsta hagkerfi
heims skuli segja sig frá markmiðum
Parísarsamkomulagsins. Þetta sé
áhyggjuefni fyrir allan heiminn.
„Núna reynir enn frekar á stað-
festu Íslendinga í umhverfismálum.
Samband ungra framsóknarmanna
ályktaði í vetur um rafbílavæðingu
landsins og það er einn þáttur sem
líta þarf til, auk fjölda annarra,“ seg-
ir Sigurður Ingi og minnir á mik-
ilvægi þess að draga úr kolefnisspori
landsmanna t.d. með því að neyta ís-
lenskrar framleiðslu.
Morgunblaðið/Ómar
Fordæmi Loftslagsmál eru ekki einkamál einstakra ríkja og telur utanríkisráðherra Ísland geta lagt sitt af mörkum.
Vandamál allra
 Afstaða forseta Bandaríkjanna í loftlagsmálum áhyggju-
efni  Ísland getur svarað með því að sýna gott fordæmi
„Enn og aftur sannar íslenskur
landbúnaður gildi sitt, enda mikil-
vægt að kaupa vörur sem ekki þarf
að flytja langar leiðir á markaði.
Auðvitað framleiðum við ekki allt
hér en við eigum að nýta það sem við
getum framleitt. Þá þurfum við einn-
ig að efla skógrækt t.d. með bændum
landsins.“
Tækifæri fyrir Kína
Ingrid Kuhlman, félagi í París
1,5, sem er baráttuhópur um að Ís-
land standi við gefin loforð í Par-
ísarsamkomulaginu, segir ákvörðun
Donalds Trump vera mikið
áhyggjuefni en um leið tækifæri
fyrir aðrar þjóðir að stíga fram og
taka forystu.
„Kínverjar og Evrópusambandið
hafa sent frá sér yfirlýsingar vegna
ákvörðunar Trumps og ljóst að bæði
ríki ætla sér að taka forystu í loft-
lagsmálum,“ segir Ingrid og bendir á
að milljónir starfi við grænan iðnað
m.a. í Bandaríkjunum og því mikið í
húfi efnahagslega fyrir ríki að helt-
ast ekki úr lestinni.
„Ísland þarf að spýta í lófana þótt
margt sé vel gert hér á landi. Við
mengum t.d. of mikið miðað við
höfðatölu,“ segir Ingrid.
Loftlagsmál
» Bandaríkin hafa sagt sig frá
Parísarsamkomulaginu.
» Fjöldi borga og ríkja í
Bandaríkjunum hafa lýst því
yfir að þau muni standa við
samkomulagið.
» Evrópusambandið og Kína
vilja taka forystu í loftlags-
málum enda mikið í húfi.
»Margt þarf að gera betur á
Íslandi þó að margt sé vel gert.
6 FRÉTTIRInnlent
MORGUNBLAÐIÐ LAUGARDAGUR 3. JÚNÍ 2017
Hansakaupmenn&Marsípan
sp
ör
eh
f.
Haust 8
Í þessari glæsilegu ferð ætlum við að fræðast um
heimsborgina Hamborg og fallegustu borg Norður-Þýskalands
Lübeck, sem báðar teljast til hinna þekktu Hansaborga. Í
Hamborg siglum við um gamla vöruhúsahverfið við höfnina
og sjáum hina stórfenglegu tónlistarhöll Elbphilharmonie,
en í Lübeck fræðumst við um marsípangerðina sem þessi
miðaldabær er hvað frægastur fyrir.
26. september - 1. október
Fararstjóri: Kristín Jóhannsdóttir
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Verð: 148.400 kr. á mann í tvíbýli.
Mjög mikið innifalið!
Magnús Heimir Jónasson
mhj@mbl.is
„Við erum rétt að átta okkur á
þessari niðurstöðu, við erum að
sitja yfir því hvernig hún mun birt-
ast í verklagi og endurmati. Það er
ljóst að við verðum að meta hvert
mál fyrir sig,“
segir Gissur Pét-
ursson, forstjóri
Vinnumálastofn-
unar, um nið-
urstöðu Hæsta-
réttar í máli VR
gegn Vinnu-
málastofnun í
gær. VR og einn
félagsmaður þess
höfðaði mál gegn
Atvinnuleys-
istryggingasjóði, Tryggingasjóði,
sjálfstætt starfandi einstaklingi, ís-
lenska ríkinu og Vinnumálastofnun
vegna styttingar á tímabili atvinnu-
leysisbóta úr 36 mánuðum í 30
mánuði. Styttingin var talin óheimil
enda skerti hún bótarétt félags-
manna í VR sem þáðu atvinnuleys-
isbætur 31. desember 2014 eða
sóttu um slíkar bætur 1. janúar
2015 og eftir það.
Óvíst hversu
margir fá bætur
„Það eru auðvitað einhverjir
sem kunna að hafa orðið fyrir
skaða og fá hann bættan, en það er
ekki öruggt að það séu einhver
hundruð manna. Það þarf að setj-
ast yfir það,“ segir Gissur. Hann
segir jafnframt að Vinnu-
málastofnun sé byrjuð að yfirfara
hverjir gætu átt von á bótum. „Við
munum reyna að flýta þessari
vinnu eins og kostur er,“ segir
Gissur og bætir við að vænta megi
svara í næstu viku um fjölda og
upphæðir. Þá mun Vinnumálastofn-
un funda með velferðarráðuneytinu
á næstu dögum. „Við eigum eftir að
fara yfir þetta með ráðuneytinu
sem ber ábyrgð, að hluta til, á
þessari lagasetningu og meta hver
kostnaðurinn er.“
Áminning um vönduð vinnu-
brögð við lagasetningu
Hann segir að stofnunin sé
byrjuð að áætla hvernig hún muni
tækla málið og segir niðurstöðu
Hæstaréttar vera áminningu um
vandaðri vinnubrögð. „Þetta er svo
sem sérstakt mál og kannski
áminning um að það er nauðsyn-
legt að vanda sig við lagasetningu.“
Vinnumálastofnun skoðar
hverjir eiga rétt á bótum
Morgunblaðið/Ómar
Bætur Vinnumálastofnun segir að málið muni skýrast í næstu viku.
 Stytting bóta-
tímabils óheimil
Gissur
Pétursson
Anna Sigríður Einarsdóttir
Magnús Heimir Jónasson
Af þeim 15 dómurum, sem í vikunni
voru skipaðir í nýjan Landsrétt, eru
átta núverandi
héraðsdómarar.
Samkvæmt upp-
lýsingum frá
dómsmálaráðu-
neytinu verða
stöðurnar aug-
lýstar í haust og
verða nýir dóm-
arar ráðnir frá og
með 1. janúar
2018. Af þeim
héraðsdómurum
sem skipaðir voru í Landsrétt eru
sex úr Héraðsdómi Reykjavíkur og
er þar Ingveldur Einarsdóttir talin
með sem er skráð í leyfi á vef Hér-
aðsdóms Reykjavíkur en hún er
settur hæstaréttardómari um þessar
mundir. Ásamt Ingveldi fara úr Hér-
aðsdómi Reykjavíkur Arnfríður Ein-
arsdóttir, Ásmundur Helgason,
Hervör Þorvaldsdóttir, Jón Finn-
björnsson og Ragnheiður Harð-
ardóttir.
Mun fara yfir málið
Þá eru tveir dómarar úr Héraðs-
dómi Reykjaness skipaðir í Lands-
rétt en það eru þau Ragnheiður
Bragadóttir og Þorgeir Ingi Njáls-
son, sem er jafnframt dómstjóri
dómsins.
Jóhannes Rúnar Jóhannsson, einn
þeirra fjögurra umsækjenda, sem
hæfisnefnd hafði talið hæfasta í
starfið, en Sigríður Á. Andersen
dómsmálaráðherra skipti út fyrir
aðra umsækjendur, íhugar nú að
leita réttar síns vegna ákvörðunar
ráðherra. „Ég mun fara yfir málið,“
sagði Jóhannes Rúnar í samtali við
mbl.is í gær. Spurður um hversu
langan tíma hann hygðist taka sér til
að skoða málið svaraði hann því til
að hann þyrfti að afla sér gagna áður
en lengra væri haldið.
Átta stöður
héraðsdómara
lausar í haust
 Dómarar úr héraðsdómum í Landsrétt
 Jóhannes íhugar að leita réttar síns
Jóhannes Rúnar
Jóhannsson
Hálendisvegir opna í fyrra fallinu
þetta árið. Dettifossvegur eystri og
norðurhluti Kjalar hafa opnað. Einn-
ig er búið að opna út í Flateyjardal
en Norðurfjörður er enn lokaður.
Vegagerðin og Umhverfisstofnun
birtu kort um ástand fjallvega á
heimasíðu Vegagerðarinnar í gær.
Slík kort hafa stofnanirnar lagt fram
frá árinu 1989. Dettifoss eystri og
norðurhluti Kjalar.
Jón Jónasson, þjónustufulltrúi hjá
Vegagerðinni, segir kort yfir ástand
fjallvega væntanlega detta út á
næstu árum. „Á kortinu er hægt að
sjá allar leiðir sem enn eru notaðar.
Hálendisleiðir eru ekki allar inni á
korti Vegagerðarinnar um færð á
landinu. Skyggðu svæðin á kortinu
sýna þær leiðir sem enn eru lokað-
ar.“ Jón segir kortagerðina vera
hálfgert „hjálparstarf“ við Vatnajök-
ulsþjóðgarð og bæjarfélög sem eiga
vegi á hálendinu en hafa ekki tök á
að fylgjast með þeim og skrá stöð-
una. Hann segir ferðaþjónustuaðila
og fleiri nýti sér kortið og fylgist með
stöðunni á hálendinu.
Jónas bendir á að allir vegir séu
meira og minna lokaðir eins og vana-
lega. „Einhverjir eru í fyrra fallinu
eins og norðurhluti Kjalar sem hefur
að meðaltali opnast 9. júní en opnar
nú viku fyrr.“
Fjallvegir opnast viku fyrr en í meðaltalsári