Morgunblaðið - Sunnudagur - 09.07.2017, Blaðsíða 6

6 MORGUNBLAÐIÐ SUNNUDAGUR 9.7. 2017
Apple og Google hafa att
kappi á snjallsímamarkað-
inum síðustu tíu ár. And-
svar Google við iPhone-
símanum var Android-
síminn HTC Dream, en
hann hafði bæði snertiskjá
og lyklaborð. Í
dag ganga
rúmlega 80%
snjallsíma á
Android-
stýrikerfi frá
Google, en
18% styðjast
við iOS-
stýrikerfi frá
Apple.
Hinn 29. júní 2007 mynduðustlangar raðir fyrir utanverslanir Apple-tölvuris-
ans víðsvegar um Bandaríkin. Sumir
höfðu með sér svefnpoka, aðrir
regnhlífar eða útilegustóla, þúsundir
viðskiptavina biðu tímunum saman
eftir að verða fyrstar til að kaupa
glænýjan iPhone-snjallsíma. Æði
hafði gripið um sig sex mánuðum
fyrr þegar Steve Jobs, forstjóri
Apple-samsteypunnar, tilkynnti
áætlun fyrirtækisins að gefa út sinn
fyrsta síma. Draumóramaðurinn
Jobs hefði tæplega getað séð fyrir
hversu gríðarlega vinsæll iPhone-
síminn ætti eftir að verða, eða afleið-
ingar snjallsímabyltingarinnar sem
hann hrinti af stað.
Síminn sem
breytti heiminum
Tíu árum eftir að iPhone-síminn
sprengdi sig inn á markaðinn hefur
hann orðið að einni vinsælustu vöru í
sögunni. Hátt í 1,2 milljarðar ein-
taka hafa verið seldir á heimsvísu og
hefur síminn gert Apple að einu
verðmætasta fyrirtæki heims.
Snjallsíminn hefur umbylt atvinnu-
greinum allt frá tónlist til hótel-
reksturs, ásamt því að gjörbreyta
hvernig við höfum samskipti við
fólkið og heiminn í kringum okkur.
Snertiskjáir og stýrikerfi
Augljósasta nýjung iPhone-símans
var snertiskjárinn, en þótt snerti-
skjáir hefðu verið til í rúma fjóra
áratugi og að IBM hefði byrjað að
framleiða síma með snertiskjá 15
árum fyrr, hafði engu fyrirtæki tek-
ist að framleiða síma með eins vel
heppnuðum og notendavænum
snertiskjá fyrr en Apple gaf út
iPhone-símann. Það var þó ekki
snertiskjárinn sjálfur sem gaf
iPhone-símanum forskot, heldur var
það stýrikerfið iOS eða iPhone OS
eins og það hét í fyrstu, en stýrikerf-
ið er ein helsta ástæðan fyrir vin-
sældum iPhone-símans.
Smáforritin breyttu öllu
Þrátt fyrir mikinn áhuga dyggra við-
skiptavina Apple á iPhone-símanum
seldist síminn ekki eins vel og búist
var við á fyrstu mánuðunum. Það
var ekki fyrr en Apple kynnti til
leiks App Store, dreifingarþjónustu
fyrir smáforrit, sem áhugi fjárfesta
vaknaði og sala á snjallsímanum
stórjókst. Fyrirtækið opnaði símann
fyrir utanaðkomandi smáforrita-
framleiðendum árið 2008 svo smá-
forritum fjölgaði mjög, fljótlega var
til smáforrit fyrir nánast allt á milli
himins og jarðar.
Snjallsímabyltingin
Apple var ekki lengi eini tæknirisinn
á snjallsímamarkaðinum, heldur
slóst Google í hópinn með Android-
stýrikerfið í fararbroddi aðeins ári
eftir að iPhone-síminn kom í versl-
anir. Í september 2008 gaf Google út
fyrsta snjallsímann með Android-
stýrikerfi í samstarfi við kínverska
símaframleiðandanum HTC, en árið
2010 hóf Google samstarf við fleiri
framleiðendur á borð við Samsung
og Huawei.
Í dag er meira en milljarður
snjallsíma í notkun um allan heim,
sem tengir notendur þeirra við um-
heiminn á hátt sem aldrei hefur áður
sést. Allt frá Kanada til Kenía eru
snjallsímanotendur sítengdir við
nær óendanlegan gagnagrunn upp-
lýsinga, sem hefur gjörbreytt venj-
um og samskiptum fólks og óneitan-
lega bætt líf fjölmargra
notenda.
Engu að síður getur sí-
tenging snjallsímanna
verið varasöm, sér-
staklega við akst-
ur ökutækja.
Samkvæmt
skýrslu Sam-
göngustofu um
aksturshegðun
hafa ríflega 40%
aðspurðra á aldrinum 18-34 ára not-
að farsíma til að skoða samfélags-
miðla við akstur. Einnig hafa vanda-
mál tengd símafíkn aukist, en
samkvæmt rannsókn Deloitte lítur
manneskja í Bandaríkjunum á aldr-
inum 18-24 ára að meðaltali 74 sinn-
um á símann sinn á degi hverjum.
Afmælisútgáfa iPhone
Í tilefni afmælisins mun Apple gefa
út afmælisútgáfu af snjallsímanum á
árinu, en síminn mun að öllum lík-
indum heita iPhone 8.
Fyrirtækið hefur ekki staðfest út-
gáfudag en líklegt er að síminn komi
út í september. Dulúð liggur yfir
smáatriðum símans, en orðrómur
innan tæknigeirans hermir meðal
annars að „home“-takkinn fái að
fjúka, hægt verði að opna símann
með andlitsgreiningu og myndavélin
verði betri en nokkru sinni fyrr. Auk
þess mun Apple afhjúpa nýja iOS
11-stýrikerfið í haust.
Áratugur
snjallsímans
Tíu ár eru síðan iPhone-snjallsíminn
leit dagsins ljós og hrinti af stað snjall-
símabyltingu sem breytti heiminum.
iOS eða
Android?
Reuters
Frá því að iPhone síminn var kynnur til leiks fyrir áratug hafa hátt í 1,2 milljarðar eintaka verið seldir á heimsvísu.
’
Allir eru með farsíma, en ég þekki ekki
einn mann sem líkar við símann sinn.
Ég vil gera síma sem fólk elskar.
Steve Jobs
ERLENT
PÉTUR MAGNÚSSON
petur@mbl.is
HONG KONG
Tollverðir í Hong Kong
fundu rúmlega 7,2 tonn
af fílabeini um borð
í malasískum gámi í
vikunni, en um er að
ræða eitt stærsta smygl
þar sem fílabein hefur
verið gert upptækt í
landinu. Smygl á fílabeini
er ólöglegt í Hong
Kong og háar sektir og
fangelsisvist bíða þeirra
sem finnast sekir um
slík smygl, en á hverju
ári eru rúmlega 20.000
fílar veiddir ólöglega til
að standa undir eftir-
spurn á fílabeini.
LESÓTÓ
MASERU Leigubílstjórar í höfuðborg Lesótó
bjóða nú farþegum sínum upp á fræðslu um al-
næmi og umskurð karla, en verkefnið er unnið
í samstarfi við heilbrigðisráðuneyti Lesótó.
Fræðslan er hluti af baráttu Lesótó við alnæmi,
en landið hefur næsthæsta útbreiðsluhlutfall
alnæmis í heiminum. Rúmlega 200 leigubílstjórar taka þátt í verkefninu en mark-
miðið er að fræða almenning um hvernig á að hægja á útbreiðslu alnæmis.
SVÍÞJÓÐ
STOKKHÓLMUR Sænski bílarisinn
Volvo tilkynnti í vikunni að allir bílar sem
koma frá fyrirtækinu eftir árið 2019 munu
vera rafmagnsbílar eða blendingar. For-
stjóriVolvo, Hakan Samuelsson, tilkynnti í
vikunni að þessi ákvörðun markaði enda
þess að fyrirtækið framleiði einungis bíla knúna af brunahreyflum.
Bílafyrirtækið er ekki eitt um að taka skref í þessa átt.
FRAKKLAND
Frakkar vilja banna
sölu bensín- og
dísilbíla árið 2040, en
það tilkynnti nýr um-
hverfismálaráðherra
Frakklands í vikunni.
Aðgerðin er hluti af áætlunum Emmanuels
Macrons til að „gera plánetuna græna á ný“.