Morgunblaðið - 20.07.2017, Page 56

MORGUNBLAÐIÐ FIMMTUDAGUR 20. JÚLÍ 2017
Þóra Sigurðardóttir
thora@mbl.is
Flanksteik hefur verið í miklu
uppáhaldi hjá mörgu mat-
aráhugafólki enda um virkilega
skemmtilegan bita að ræða. Því
miður hefur hún ekki verið auðfá-
anleg hér á landi fyrr en þau
gleðitíðindi bárust að hún væri
alla jafna til í Matarbúrinu úti á
Granda.
Flanksteikin eins og hún kallast
eða síðusteik eins og hún er kölluð
á íslensku er þunnur og góður
vöðvi sem verður algjört sælgæti
með þessari leynikryddblöndu sem
þykir með þeim betri.
Aðferðin er í raun einföld eins
og oft vill verða með góðar steik-
ur. Kryddblandan er borin á kjöt-
ið og það látið standa í að minnsta
kosti 30 mínútur eða þar til
kryddð er búið að taka sig. Kjötið
er grillað á funheitu grilli í 1-2
mínútur á hvorri hlið. Flank-
steikin er þunn en þar sem hún er
misþunn er erfitt að gefa mjög ná-
kvæm fyrirmæli hér þar sem um
nákvæmnisverk er að ræða sem
krefst þess að vakað sé vel yfir
því. Einnig er misjafnt hvernig
fólk vill kjötið sitt eldað en betri
er minni grillun en meiri. Eftir
þessa fyrstu umferð er kjötið tek-
ið af og látið hvíla í 5-10 mínútur.
Síðan er það grillað aftur í 1-2
mínútur og látið hvíla aftur.
Lykilatriði er að skera kjötið
þvert á þræðina en auðvelt er að
sjá hvernig þeir liggja á flank-
steikinni. Eins er gott að skera
það í þunnar sneiðar og þá er
einnig upplagt að nota það í steik-
arsalat.
Meðlætið sem var boðið upp á
að þessu sinni var ávaxtasalat og
kartöflusalat. Kartöflusalatið var
sérlega ljúffengt en þar voru not-
aðar nýuppteknar kartöflur, avó-
kadó, sílantró og rauðlaukur. Sal-
atið skal krydda vel með salti,
pipar og sítrónusafa.
Flanksteik með leynikryddblöndu
 Sjaldséð nautasteik nú loksins fáanleg hér á landi
Girnilegt Matarbúrið út á Granda selur kjöt beint frá býli. SJÁ SÍÐU 58