Morgunblaðið - 21.07.2017, Page 31

MENNING 31
MORGUNBLAÐIÐ FÖSTUDAGUR 21. JÚLÍ 2017
Þorgerður Anna Gunnarsdóttir
thorgerdur@mbl.is
„Við byrjuðum með þetta í Aust-
urríki í fyrra þar sem tólf listamenn
frá átta löndum unnu saman í tíu
daga og voru svo með þriggja vikna
sýningu í Museum Angerlehner,“
segir Linda Steinþórsdóttir sem
stendur fyrir viðburðinum Art
Diagonale á Korpúlfsstöðum. „Nú
erum við að koma með Art Diago-
nale til Íslands í samstarfi við SÍM.
Sex íslenskir listamenn taka þátt og
sex frá Austurríki svo í þetta sinn
eru þátttakendur aðeins frá tveimur
löndum,“ segir Linda.
Um er að ræða eins konar vinnu-
stofu sem hófst 15. júlí og stendur
til 25. júlí. Þegar vinnustofunni lýk-
ur verður svo opnuð sýning á verk-
unum sem unnin voru og stendur
hún til 30. júlí. „Vinnustofan er opin
þannig að það geta allir komið á
Korpúlfsstaði og séð listamennina
vinna sem er oft svolítið spennandi,“
segir hún. „Ég ætla að sýna þeim ís-
lenska náttúrufegurð svo þau fái
innblástur fyrir verkin sem þau eru
að fara að vinna. Það er alltaf ein-
hver á staðnum allan sólarhringinn.
Það er svo misjafnt hvernig fólk
vinnur, sumir vinna á morgnana,
aðrir á kvöldin og enn aðrir á nótt-
unni. Það er í rauninni enginn opn-
unartími, það má alltaf koma við og
endilega ræða við listamennina og
sjá hvað þeir eru að gera.“
Mínímalískur listamaður
Hún segir listamennina vera mis-
munandi og að búast megi við inn-
setningum, myndlist, skúlptúrum og
vídeólist. „Þarna verða bæði ungir
listamenn og reyndir listamenn. Til-
gangurinn er að tengja saman lista-
menn, listunnendur og listasafnara
þar sem hægt verður að skiptast á
hugmyndum.“
Linda segir þetta hafa komið til
þegar hún var með sýningu í Aust-
urríki þar sem hún hefur búið í 29
ár. „Það kom til mín kona að nafni
Christine Bauer, hún er einmitt
einn af listamönnunum sem ætla að
taka þátt núna. Hana langaði svo að
gera eitthvað í samvinnu við Ísland
svo við byrjuðum að plana það og út
úr því kom Art Diagonale. Ég og
Christine ásamt Helmut Egger er-
um frumkvöðlarnir að þessu.“
Linda ætlar að taka þátt í vinnu-
stofunni sem listamaður og lýsir list
sinni sem mínímalískri. „Ég geri
mjög hvítar myndir þar sem verkin
breytast eftir því hvernig birtan
fellur á þau. Ég vinn aðeins með
ösku og geri norðurljósaverk sem
eru þannig að frá einu sjónarhorni
virðist myndin vera hvít en svo frá
öðru blossa upp gulir, gylltir, græn-
ir, bláir og bleikir litir eins og norð-
urljósin eru. Þetta er minn inn-
blástur frá Íslandi. Ég vinn líka með
strúktúr svo sumar myndirnar virð-
ast alveg flatar þegar maður horfir
á þær en svo þegar horft er á frá
hlið kemur þessi þrívídd,“ segir
Linda.
Hún er með vinnustofu í Linz í
Austurríki, þar sem hún er búsett
og heldur reglulega sýningar. Í kjöl-
far Art Diagonale verður Linda með
einkasýningar bæði í Hannesarholti
og ART67 Gallerí áður en hún held-
ur aftur heim til Austurríkis.
Vilja gera fólk forvitið
Linda segir allt verkefnið unnið á
styrkjum og vill hún þakka þeim
fyrirtækjum sem styrkt hafa verk-
efnið kærlega fyrir.
„Í fyrra gerðum við bækling en
erum að leita að styrktaraðila til að
geta gert slíkt hið sama núna. Í
bæklingnum er mynd af listamönn-
unum hverjum fyrir sig og því verki
sem hver þeirra vann á Art Diago-
nale auk heimasíðunnar hans. Þetta
er frekar mínímalískt að því leyti,
við viljum gera fólk forvitið og ef því
líkar við listamanninn eða listina
hans þá er hægt að kíkja á heima-
síðuna og sjá allt sem hann er búinn
að gera,“ segir Linda.
Að lokum vill hún hvetja fólk til
að koma við á Korpúlfsstöðum, bæði
til að sjá listamennina vinna og svo
á sýninguna sjálfa.
Listamennirnir sem taka þátt eru
Herbert Egger, Erich Spindler, Jo-
hann Wimmer, Christine Bauer,
Angelika, Linda Steinthórsdóttir,
Edda Þórey Kristfinnsdóttir, Dóra
Kristín Halldórsdóttir, Gerður
Pálmadóttir, Katrín Jónsdóttir, Jak-
ob Veigar Sigurðsson og Sólveig
Hólm.
Einhver á staðnum
allan sólarhringinn
 12 listamenn taka þátt í Art Diagonale á Korpúlfsstöðum
Ljósmynd/Johann Wimmer
Sólarhringsopnun Hér má sjá listamennina tólf í vinnurýminu á Korpúlfsstöðum. „Það er í rauninni enginn opn-
unartími, það má alltaf koma við og endilega ræða við listamennina og sjá hvað þeir eru að gera,“ segir Linda.
Bandaríska poppdrottningin Ma-
donna hafði sigur í máli gegn upp-
boðsvefnum Gotta Have Rock and
Roll þriðjudaginn sl. þegar dómari
kvað upp þann úrskurð að vefnum
væri ekki heimilt að setja á uppboð
ýmsa hluti sem henni tengjast,
þ. á m. notaðar nærbuxur, hár-
bursta og bréf til hennar frá rapp-
aranum heitna Tupac Shakur þar
sem hann slítur ástarsambandi
þeirra. Ýmislegt annað henni tengt
verður engu að síður boðið upp, að
því er fram kemur í frétt á vef dag-
blaðsins Los Angeles Times en
Madonnu tókst þó að koma í veg
fyrir uppboð á 22 hlutum.
Í fréttinni segir að Madonna hafi
ekki haft grænan grun um að þessir
hlutir væru ekki lengur í hennar
eigu og vitnað er í dómsskjöl þar
sem Madonna segir að þó svo hún
tilheyri hópi hinna frægu eigi fólk
ekki rétt á því að rjúfa friðhelgi
einkalífs hennar. „Ég geri mér
grein fyrir að hægt er að ná DNA-
sýni úr hári af mér og það er
hneykslanlegt og verulega móðg-
andi að mögulega verði slíkt sýni
sett á uppboð og að almenningur
geti keypt það,“ segir Madonna.
Dagblaðið vitnar í annað blað,
New York Daily News, sem sagði
fyrst frá þessu uppboði, en þar kom
fram að umræddir hlutir hefðu
upphaflega komið frá fyrrverandi
vinkonu Madonnu, Darlene Lutz,
sem aðstoðaði hana við flutninga
frá Miami. Meðal þess sem kom frá
Lutz er bréf þar sem Madonna ger-
ir lítið úr hæfileikum og velgengni
söngkonunnar Whitney Houston og
leikkonunnar Sharon Stone.
Úrskurður dómara í máli Ma-
donnu er þó ekki endanlegur því
aðeins er um tímabundið lögbann á
uppboðið að ræða og umsjónar-
menn uppboðsvefjarins segjast
sannfærðir um að banninu verði af-
létt og munirnir 22 boðnir upp.
AFP
Móðgandi Madonna segir það móðgun
að hægt sé að bjóða upp hluti sem áður
voru í hennar eigu og þá m.a. hárbursta.
Nærbuxur Madonnu ekki boðnar upp
Myndlistarmaðurinn Sigurþór Jakobsson opnar sýninguna Gluggi minn-
inganna á morgun, laugardag kl. 14, í Heilsugæslu miðborgar, Vesturgötu
7. Sigurþór sýnir í anddyri, á fyrstu og efstu hæð og tilefnið er 75 ára af-
mæli hans. Sýningin verður opin virka daga og um helgar, frá kl. 14 til 18.
Sigurþór stundaði nám við Myndlistaskóla Reykjavíkur 1959-63 og nám í
grafískri hönnun og auglýsingateikningu við Sir John Cass College of Art í
London 1965-68. Hann hefur stundað myndlist í yfir hálfa öld og haldið
fjölda einkasýninga og tekið þátt í mörgum samsýningum.
Fagnar 75 ára afmæli með sýningu
Afmælissýning Sigurþór fyrir framan grafíkverk sitt „Glugginn“ frá árinu 2010.
Ljósmynd/Oliver Devaney
1.259.000
Austurvegur 69 - 800 Selfoss // Lónsbakk i - 601 Akureyr i // Sólvangi 5 - 700 Egilsstaðir
Sími 480 0400 // jotunn@jotunn.is // www.jotunn.is
Verð frá
m. vsk