Víkurfréttir - 04.09.2014, Blaðsíða 2
fimmtudagurinn 4. september 2014 • VÍKURFRÉTTIR2
-fréttir pósturu vf@vf.is
Komu að stórskemmdum bíl
XuErlendum ferðamönnum, sem brugðið höfðu sér í Bláa lónið á
sunnudag brá heldur betur í brún þegar þeir komu að bílaleigubifreið
sinni sem þeir höfðu lagt í rúmgott stæði.
Stór dæld var komin í framhurð bifreiðarinnar, að líkindum eftir ákeyrslu,
en enginn sást sökudólgurinn. Fólkið leitaði til öryggisvarða á staðnum
og tilkynntu að auki lögreglunni á Suðurnesjum um atvikið. Málið er í
rannsókn.
Ók á girðingu og stakk af
XuLögreglan á Suðurnesjum hafði afskipti af allnokkrum öku-
mönnum um helgina vegna brota á umferðarlögum. Einn þeirra ók
sviptur ökuréttindum og sýnatökur á lögreglustöð staðfestu jafnframt
að hann hafði neytt kannabisefna. Annar ók á girðingu og fór af vett-
vangi. Lögregla hafði fljótlega upp á viðkomandi, sem var vistaður
í fangaklefa vegna gruns um ölvun við aksturinn. Sá þriðji ók með
útrunnin réttindi.
Loks voru þrír ökumenn kærðir fyrir of hraðan akstur. Sá sem hraðast
ók mældist á 138 kílómetra hraða þar sem hámarkshraði er 90 km. á
klukkustund.
Sektaður um 168 þúsund
XuBifreið, sem ungur ökumaður ók nýverið í umdæmi lögreglunnar á
Suðurnesjum, mældist á 146 kílómetra hraða þar sem hámarkshraði
er 90 km. á klukkustund. Að auki var bifreiðin með stóra kerru í eftir-
dragi. Sektin við broti af þessu tagi nemur 168 þúsund krónum, þar
sem bannað er að aka með kerru hraðar en á 80 km. á klukkustund. Þá
verður ökumaðurinn sviptur ökuréttindum í tvo mánuði.
Trampólín á ferð og flugi
XuÓhætt er að segja að trampólín hafi verið á ferð og flugi í umdæmi
lögreglunnar á Suðurnesjum í óveðrinu sem gekk yfir á sunnudag.
Þannig var lögreglu tilkynnt um trampólín á miðri götu í Njarðvík.
Loka varð götunni að hluta meðan björgunarsveitarmenn náðu yfir-
höndinni í baráttunni við trampólínið og gátu bundið það við ljósa-
staur.
Þá fuku tvö trampólín á hús og var ekkert vitað hvaðan annað þeirra kom.
Grunur leikur á að það hafi fokið utan í bifreið, sem á vegi þess varð og
skemmt hana.
Fjórða trampólínið fauk á grindverk á sólpalli, þar sem það stöðvaðist.
Hið fimmta fauk í hlutum og voru eigendurnir að taka saman grindurnar
af því þegar lögreglu bar að garði. Ekki er vitað hvort ferðalag grindanna
ollu einhverju tjóni á bifreiðum.
Nú, þegar búast má við fyrstu haustlægðunum brýnir lögregla fyrir fólki
að festa niður lausamuni og ganga tryggilega frá fyrir veturinn.
Fengu hliðið í framrúðuna
XuErlendir ferðamenn á bílaleigubíl óku á hlið sem lokar námunum
við Stapafell í síðustu viku. Framrúðan í bifreiðinni brotnaði, auk
fleiri skemmda sem á henni urðu við atvikið. Hliðið skemmdist tölu-
vert.
Dottaði og ók niður skilti
XuBetur fór en á horfðist þegar ökumaður bifreiðar í umdæmi lög-
reglunnar á Suðurnesjum dottaði undir stýri með þeim afleiðingum
að bifreiðin endaði þversum á akbrautinni. Áður hafði hún farið yfir
umferðareyju, lent á móti umferð, farið yfir aðra umferðareyju og þar
yfir umferðarskilti.
Byggja nýtt fisk-
vinnsluhús í Sandgerði
Bæjarráð Sandgerðis hefur samþykkt tillögu að breyttu
deiliskipulagi af hafnarsvæði
Sandgerðishafnar, svokallaðan
Vesturbakka.
Tillagan var unnin af VSÓ og
gerir ráð fyrir að sameina lóðir að
Strandgötu 16 og Sjávarbraut 29-
37 í eina 7.050 m2 lóð og afmarka
nýjan 2.000 m2 byggingarreit á
lóðinni. Framkvæmdir eru hafnar á
þeirri lóð við byggingu á nýju fisk-
vinnsluhúsi.
Einnig er gert ráð fyrir að sameina
lóðir og byggingarreiti við Sjávar-
braut 1-7 í eina lóð og einn bygg-
ingarreit. Jafnframt er gert ráð fyrir
að einfalda götunúmer við Sjávar-
braut.
„Það hefði kannski enginn trúað
því fyrir fimmtán árum að við
værum enn að sækja í okkur
veðrið fimmtán árum síðar. Á
þessum árum hefur ýmislegt slíp-
ast. Við höfum haldið góðum við-
burðum áfram og jafnvel stækkað
þá og sleppt úr því sem minna
merkilegt var. Sú skemmtilega
áhersla sem við lögðum strax á
í byrjun, var að gera Ljósanótt,
fjölskyldu- og menningarhá-
tíð Reykjanesbæjar, að öðruvísi
bæjarhátíð. Það gerum við með
mikilli menningaráherslu í tón-
list og myndlist,“ segir Valgerður
Guðmundsdóttir menningarfull-
trúi Reykjanesbæjar í samtali við
Víkurfréttir. Ljósanótt í Reykja-
nesbæ, bjartasta fjölskyldu- og
menningarhátíð landsins, verður
nú haldin í 15. sinn. Hátíðin
er sett í dag og stendur fram á
sunnudagskvöld.
Áherslan á listir og menningu
Aðalsmerki Ljósanætur hefur ávallt
verið áherslan á listir og menningu.
Mikill metnaður er lagður í tón-
listardagskrá, enda vel við hæfi í
Bítlabænum, og fjölbreyttar mynd-
listarsýningar teygja sig í gegnum
allan miðbæinn með ríkulegri þátt-
töku bæjarbúa. Í ár standa um 120
manns fyrir myndlistarsýningum
á 30 mismunandi stöðum og um
170 taka þátt í tónlistarviðburðum
á 25 ólíkum stöðum. Að auki er
boðið upp á allt það sem prýðir
góða bæjarhátíð, sölutjöld, leik-
tæki, íþróttaviðburði og alls kyns
uppákomur um allan bæ fyrir alla
fjölskylduna.
Það má segja að Ljósanæturhátíðin
hafi hafist óformlega í gærkvöldi
þegar húsfyllir var á hátíðartón-
leikum Ljósanætur, Með blik í auga
- Keflavík og kanaútvarpið. Há-
tíðartónleikarnir eru nú haldnir í
fjórða skiptið undir merkjum Með
blik í auga. Hátíðartónleikarnir
verða svo endurteknir á sunnudag
á tveimur sýningum.
2000 blöðrum sleppt
Setningarhátíð Ljósanætur er í dag
þegar um 2000 grunn- og leik-
skólabörn koma saman og sleppa
til himins marglitum blöðrum og
fagna með þeim hætti fjölbreyti-
leikanum í samfélaginu. Í kvöld
breytist svo bærinn í stóra opn-
unarhátíð þegar myndlistarsýning-
arnar opna hver á fætur annarri
með tilheyrandi mannamótum.
Á föstudegi er hátíðargestum
boðið í ekta íslenska kjötsúpu og
Bryggjuball er haldið á smábáta-
höfninni. Þar koma fram Bjartmar
og Bergrisarnir, Klassart og Stebbi
og Eyfi.
Dagskrá laugardags er þéttskipuð
og hefst með Árgangagöngu þar
sem árgangarnir sameinast í risa-
stórri skrúðgöngu sem endar á
hátíðarsvæðinu þar sem við tekur
stanslaus dagskrá fram á kvöld.
Hápunkti ná hátíðarhöldin með
stórtónleikum á útisviði með úr-
vali tónlistarfólks og björtustu flug-
eldasýningu landsins. Fram koma
hljómsveitirnar Pollapönk, Valdi-
mar, Hjaltalín, AmabAdamA og
Björgvin Halldórsson.
Hátíðinni lýkur á sunnudegi, sem
gjarnan er nýttur til að skoða allar
þær sýningar og viðburði sem ekki
hefur tekist að komast yfir þrjá
fyrri dagana.
Stefnumótastaur
við Hafnargötu
Meðal nýjunga á þessari Ljósanótt
eru tónleikar í glænýju og glæsi-
legu Rokksafni Íslands í Hljóma-
höll. Þá verður kveikt á Stefnumó-
tastaurnum, sem er ljósastaurinn
sem unga stúlkan hallaði sér upp
að í lagi Magnúsar Kjartanssonar,
Skólaball. Loks verður Fjölskyldu-
setur Reykjanesbæjar opnað, en
það er einstakt á landsvísu, og er
ætlað að skapa umgjörð fyrir fjöl-
skyldur í bænum til að sækja sér
jákvæða þekkingu og fræðslu af
ýmsu tagi.
„Það er óskaplega stór hópur sem
kemur að Ljósanótt hverju sinni
og margt af þessu fólki höfum við
verið að vinna með árum saman,
eins og björgunarsveitinni, slökkvi-
liðinu, lögreglunni, allskyns menn-
ingarhópum, íþróttafélögunum,
tómstundahópum og svo fram-
vegis. Ég vil þó sérstaklega minn-
ast á tvo forkólfa sem gerðu sitt til
að gera Ljósanótt að því sem hún
er. Þá er annars vegar Steinþór
Jónsson, sem er upphafsmaður
að hátíðinni og svo ekki síður Ás-
mundur Friðriksson sem kom inn
með miklum krafti á sínum tíma.
Við sem stöndum að þessu í dag
erum ekki bara að halda í horfinu,
við erum alltaf að reyna að gera
betur en við höfum góðan grunn
að byggja á,“ segir Valgerður.
Þrjár nýjar sýningar opna í Duus-
húsum á Ljósanótt. Fyrst má nefna
sýningu Kristínar Rúnarsdóttur í
Listasafninu. Hún er ung stúlka
úr Reykjanesbæ og er að sýna sína
fyrstu einkasýningu. Í bíósalnum
er spennandi ljósmyndasýning í
tilefni þess að Jón Tómasson hefði
orðið 100 ára á þessu ári. Fjöl-
skylda og vinir Jóns tóku sig saman
og standa að sýningunni þar sem
birtar eru samtíðarmyndir úr um-
fangsmiklu safni Jóns, sem m.a. var
ritstjóri Faxa um árabil. Þá er ný
sýning frá Handverki og hönnun
sem kallast Net. Þar hafa ungir
hönnuðir búið til ýmsa muni sem
tengjast sjónum og sjósókn.
Í stofunni hjá mömmu
Einn af viðburðum Ljósanætur
sem vert er að vekja athygli á eru
tónleikar sem Júlíus Guðmunds-
son heldur heima í stofunni hjá
mömmu sinni á Skólaveginum á
hæðinni fyrir ofan hljóðver Geim-
steins
Dagskrá Ljósanætur má skoða í
heild sinni á glænýjum vef, ljosa-
nott.is, sem hannaður var af vef-
hönnunarfyrirtækinu Kosmos
& Kaos sem einmitt á aðsetur í
Reykjanesbæ.
X■ Ljósanótt, bjartasta fjölskyldu- og menningarhátíð landsins:
Bæjarhátíð með sérstöðu
– segir Valgerður Guðmundsdóttir menningarfulltrúi Reykjanesbæjar