Víkurfréttir - 04.09.2014, Blaðsíða 48

fimmtudagurinn 4. september 2014 • VÍKURFRÉTTIR48
„Ég var fenginn til
að sjá um hátíðina
2006 í þrjá mánuði
og það varð að
þremur árum. Var
með ákveðna hug-
myndir um hvern-
ig við myndum
breyta hátíðinni,
sem miðaðist áður eingöngu við
laugardaginn. Mínar tillögur
voru að efla fimmtudag, föstudag
og sunnudag,“ segir Ásmundur
Friðriksson, alþingismaður, en
árið 2006 var hann ráðinn í þrjá
mánuði til þess að stýra Ljós-
anæturhátíðinni en endaði með
því að starfa í þrjú ár.
Öflugt og gott fólk lagði lið
Ásmundur segist hafa verið með
skemmtilegt og gott fólk með sér
í öllum undirbúningi og nefnir
í því sambandi Valgerði Guð-
mundsdóttur, Steinþór Jónsson,
Dagnýju Gísladóttur og Guðlaug
Sigurjónsson. „Einnig var mikil-
vægt í þessu ferli hversu öflugir
starfsmenn þjónustuvers Reykja-
nesbæjar voru og lögðu sig mikið
fram. Einnig voru fulltrúar Mið-
bæjarsamtakanna, Kristín í Kóda
og Lilja í Cabo, mikilvægar í að
virkja verslanir og þjónustuaðila til
þátttöku. Geirmundur Kristinsson
og Sparisjóðurinn áttu sinn stóra
þátt í að hjálpa okkur við að láta
hlutina verða að veruleika,“ segir
Ásmundur og bætir við að í raun
hafi Ljósanóttin tekið nokkur skref
upp á við í einu stökki.
Mikilvægt að flagga um bæinn
Ein af áherslum Ásmundar var
hvatning til íbúa Reykjanesbæjar
um að flagga á föstudagsmorgni til
þess að tengja umgjörðina við íbú-
ana sjálfa. „Það var svona til þess að
fólk áttaði á sig þegar það fór um
bæinn að hátíðin væri hafin. Síðan
kom Maggi Jóns með hugmyndina
að árgangagöngunni árið 2007 og
sú hugmynd steinlá og er orðin
eitt af aðalnúmerum hátíðarinnar.
Einnig byrjuðum við á þessu með
súpuna niðri í bæ og fengum Axel
Jóns með okkur. Það var gert til að
minnast Ástu Olsen, sem bjó í Fis-
hershúsi. Sem ung kona hafði hún
stutt við bakið á ungum börnum
í kringum jólin og gefið þeim að
borða. Þetta er enn í gangi og góður
siður,“ segir Ásmundur.
Hátíðin aldrei meiri en fólkið
Þá var einnig farið út í að hafa stórt
útisvið, ljósabúnað og hljóðkerfi.
Við fórum líka út í það 2006 að
fá svið, ljósbúnað og hljóðkerfi.
„Við breyttum umgjörðinni og það
tókst okkur með stuðningi frá fjöl-
mörgum fyrirtækjum. Svona há-
tíðir verða þó aldrei meiri en fólkið
sjálft og við vildum auka almenna
þátttöku. Í framtíðinni verður lyk-
illinn almenn þátttaka bæjarbúa.
Ég var í þjóðhátíðarnefnd í Vest-
mannaeyjum í mörg ár og sú hátíð
hefur verið haldin í 140 ár. Þar sjá
fjölskyldur um ýmsa þætti maður
fram af manni. Ef fram heldur sem
horfir þá verður Ljósanótt vonandi
svipuð. Það er það sem mun gera
hana svo mikilvæga fyrir fjölskyld-
urnar,“ segir Ásmundur.
Veðrið alltaf gott í hjartanu
Ásmundur á frænku sem búið
hefur í Keflavík í 75 ár. „Þegar
Ljósanótt byrjaði fór hún að sjá
ættingja sem hún hafði ekki séð í
áratugi. Það sem er mikilvægast er
að hún tengir saman fjölskyldurnar
og kynslóðirnar. Mér finnst að að-
koma mín, þeirra sem voru á undan
mér og þeim sem hafa komið á
eftir, hafi sameinast í því sem hefur
skilað því að Ljósanótt hefur þróast
eins og núna og er styrk og sterk
hátíð,“ segir Ásmundur, sem sjálfur
verður með árlegt heimboð fyrir
sitt fólk sem býr víða um land en
mun sameinast heima hjá honum.
Hann kvíður ekki veðurspánni og
segir að lokum: „Sama hvernig
viðrar, ef Ljósanótt er í hjartanu þá
er veðrið gott.“
Græjaðu skólann!
Allt sem námsmaðurinn þarf
Lenovo Y50 15,6”
Verð: 199.900 kr.
Öflugt skjákort og
i7 örgjörvi fyrir leikina.
6 klst.
300
Lenovo Flex 2 15,6”
Verð: 114.900 kr.
Lipur og kraftmikil.
Með HD snertiskjá.
Lenovo Yoga 10” HD+
Verð: 51.900 kr.
Skærasta stjarnan á svæðinu.
Með innbyggðum standi. 10 klst. 18 klst.
Lenovo U430 14”
Verð: 149.900 kr.
Létt og liðug
með snertiskjá.
444 9900 www.omnis.isAkranesi Dalbraut 1 Borgarnesi Borgarbraut 61 Reykjanesbæ Tjarnargötu 7
-viðtal pósturu olgabjort@vf.is
■■ Þingmaður hefur fjórum sinnum komið að undirbúningi Ljósanætur:
Lykillinn er almenn þátttaka bæjarbúa
Sama hvernig
viðrar, ef Ljósanótt
er í hjartanu þá er
veðrið gott