Fréttablaðið - 12.01.2018, Blaðsíða 4

Allsherjaratkvæðagreiðsla
Tillögur uppstillingarnefndar og stjórnar Verkalýðsfélagsins Hlífar um stjórn,
skoðunarmenn reikninga, stjórn sjúkrasjóðs og stjórn orlofsheimilasjóða félags-
ins fyrir árið 2018, liggja frammi á skrifstofu Hlífar frá og með 11. janúar 2018.
Kosið er samkvæmt A-lið 22. gr. laga Hlífar í eftirtaldar stöður:
1. Formann, ritari og tvo meðstjórnendur til tveggja ára
2. Tvo varamenn í stjórn til tveggja ára
3. Tvo félagslega skoðunarmenn reikninga og einn til vara til eins árs.
4. Stjórn sjúkrasjóðs, formann, varaformann og ritara til eins árs og jafn marga
til vara.
5. Stjórn orlofsheimilasjóðs, formann, varaformann og ritara til eins árs og
jafn marga til vara.
Öðrum tillögum ber að skila á skrifstofu Hlífar, Reykjavíkurvegi 64, Hafnarfirði,
fyrir kl. 16:00 föstudaginn 19. janúar 2018 og er þá framboðsfrestur útrunninn.
Til þess að bera fram lista þarf skrifleg meðmæli eða stuðning 1/10 hluta
fullgildra félagsmanna þó ekki fleiri en 250.
Kjörstjórn Verkalýðsfélagsins Hlífar
Fangelsismál Dómsmálaráðherra
hefur synjað Barry Van Tuijl, alvarlega
líkamlega fötluðum fanga, um náðun.
Barry missti fótlegg í umferðarslysi
og notar gervifót, en vegna tíðra sýk­
inga í stúfnum þarf hann oft að notast
við hjólastól. Hann afplánar nú átta og
hálfs árs langan fangelsisdóm á Kvía­
bryggju.
Íslensk fangelsi eru illa í stakk búin
til að vista fanga með fötlun á borð við
þá sem Barry er með. Aðgengi fyrir
hjólastóla er ekki fyrir hendi og stigar
og tröppur hamla mjög för Barrys.
„Það er hvergi í fangelsiskerfinu
gert ráð fyrir fötluðu fólki,“ segir
Barry og furðar sig mjög á
þeim aðbúnaði sem honum
er boðið upp á. Hann seg­
ist hafa skoðað löggjöfina
bæði hér á landi og sam­
kvæmt dómafordæmum
Mannréttindadómstóls
Evrópu og er sannfærður
um að lagaleg réttindi
hans hafi verið þver­
brotin.
Einfættur fangi fær ekki náðun
Fangelsið Kvíabryggja er illa búið fyrir alvarlega fatlaða fanga eins og Barry Van Tuijl. FréTTaBlaðið/PjeTur
Barry Von Tuijl,
refsifangi á Kvía-
bryggju, missti
fótlegg í slysi
og er ósáttur
við aðbúnað
í íslenskum
fangelsum.
Forsendur synjunarinnar
Tillaga Náðunarnefndar:
Nefndin telur það meginreglu að refsingum beri að fullnægja eftir
efni þeirra og að náðun komi aðeins til greina í sérstökum undan-
tekningartilvikum, þar sem sterk rök mæli með því að fella refsingu
niður með náðun, t.d. ef talin er hætta á að fullnusta hennar komi
til með að hafa alvarlegar afleiðingar í för með sér fyrir velferð
dómþola.
Nefndin telur að ekki séu nægileg rök til að mæla með
náðun á grundvelli þeirra gagna sem fram hafa komið.
Hún telur því að ekki séu fram komin næg rök til að
mæla með að Barry Van Tuijl verði veitt náðun af
eftirstöðvum 8 ára og 6 mánaða fangelsisrefsingar.
Niðurstaða ráðherra:
Með vísan til þess sem greinir í framanritaðri til-
lögu náðunarnefndar og til þess er fram kemur í
fyrirliggjandi gögnum málsins hefur dómsmála-
ráðherra ákveðið að hafna fyrrgreindri beiðni um
náðun.
Alvarlega líkamlega
fatlaður fangi býr við
óviðunandi aðstæður í
íslensku fangelsi. Ráð-
herra synjaði honum um
náðun. Skilyrði náðunar
að afplánun hafi alvar-
legar afleiðingar fyrir
velferð fanga.  
Aðspurður segist Páll Winkel, for­
stjóri Fangelsismálastofnunar, ekki
geta tjáð sig um einstök mál. „En það
er alveg ljóst að húsnæði opnu fang­
elsanna á Sogni og Kvíabryggju var
ekki hannað með þarfir mikið líkam­
legra fatlaðra fanga í huga,“ segir Páll.
Þá er ljóst að Barry hefur ekki raun­
hæfan kost á að afplána eftirstöðvar
dóms síns á áfangaheimilinu Vernd,
en hann á rétt á að fara á Vernd
18. janúar næstkomandi. Hús Verndar
er hins vegar á þremur hæðum og
engin lyfta er í húsinu. Af umsókn
Barrys um náðun er að skilja að for­
svarsmenn Verndar treysti sér ekki
til að fá Barry til sín. Þá kemur fram
í umsókninni um náðun að vegna
fötlunar hans og erlends þjóðernis
sé ólíklegt að hann geti aflað sér lífs­
viður væris sem er nauðsynlegt öllum
sem fá að ljúka afplánun sinni á Vernd.
Fötlun Barrys er kostnaðarsöm
enda þarf hann hann á mikilli stoð­
tækjaþjónustu að halda en hann er
ekki sjúkratryggður hér á landi og
hefur heilsu hans hrakað mjög í fang­
elsisvistinni. Þá á Barry ekki rétt á
örorkubótum á Íslandi og er heldur
ekki tryggður fyrir þeim kostnaði sem
hlýst af fötlun hans. Hann er heldur
ekki tryggður í hollenska sjúkratrygg­
ingakerfinu meðan hann afplánar
dóm hér á landi. Annar möguleiki
Barrys gæti verið að ljúka afplánun
í Hollandi en þarlendar reglur gera
hins vegar ekki ráð fyrir því að hann
geti fengið reynslulausn eftir helming
afplánunar líkt og íslenskar reglur
heimila í hans tilviki. Barry þarf því að
velja á milli þess að afplána í heima­
landi sínu með þeirri þjónustu sem
hann gæti fengið þar eða afplána við
lakari kost hér á landi en eiga þó kost
á reynslulausn mun fyrr en ella.
Í umsókn Barrys um náðun kemur
fram að hegðun hans í fangelsinu hafi
verið til fyrirmyndar og samfangar
hans leiti mikið til hans eftir ráðum
og sálgæslu og hann hafi lagt sig fram
um að byggja unga afplánunarfanga
upp andlega, aðstoðað þá við nám og
verið til staðar í andlegum erfiðleikum
þeirra. Um þetta geti fangaverðir á
Kvíabryggju vitnað.
Í svari náðunarnefndar segir að
náðun komi aðeins til greina í sér­
stökum undantekningartilvikum,
til dæmis ef hætta er á að fullnusta
dóms geti haft alvarlegar afleiðingar
fyrir velferð dómþola. Nefndin telur
þó fötlun og aðstæður Barrys ekki
nægileg rök fyrir því að veita honum
náðun. adalheidur@frettabladid.is
stjórnmál „Þá bara tökum við
þann slag,“ segir Vilhjálmur Bjarna­
son, frambjóðandi í leiðtogakjöri
Sjálfstæðisflokksins í borginni, og
svarar að það verði engin fyrirstaða
að þurfa að flytja til Reykjavíkur
fari svo að hann hreppi oddvitasæti
flokksins fyrir sveitarstjórnarkosn­
ingarnar 26. maí næstkomandi. Vil­
hjálmur er sem kunnugt er búsettur
í Garðabæ og einn af þekktustu
íbúum bæjarins eftir vasklega fram­
göngu fyrir hans hönd í Útsvari.
Samkvæmt lögum um kosningar
til sveitarstjórna yrði Vilhjálmur að
flytjast búferlum til Reykjavíkur, að
minnsta kosti þremur vikum fyrir
kosningarnar.
„Ég er í Reykjavík fjórtán til sextán
klukkutíma á dag og legg mig stund­
um í Garðabæ í sex til átta tíma. Mér
finnst þetta smáatriði miðað við
vandamál borgarinnar.“ – smj
Ætlar að flytja
nái hann kjöri
Heilbrigðismál Tuttugu rúm á
Landspítalanum hafa verið tekin
úr notkun nýverið vegna skorts á
hjúkrunarfræðingum og sjúkra­
liðum, segir Jón Magnús Kristjáns­
son, bráðalæknir á Landspítalanum.
Greint var frá því á síðasta ári að um
500 hjúkrunarfræðinga vantar til
starfa. Að auki vantar fjölda sjúkra­
liða.
Jón Magnús segir vandann sífellt
vera að aukast. „Síðast var sex
rúmum lokað á hjartadeildinni
núna í desember og við finnum
mikið fyrir því þegar kemur að inn­
lögnum sjúklinga. Það er að mynd­
ast mjög alvarlegt ástand,“ segir Jón.
Hann segir þessi 20 legupláss bætast
við þá hundrað eldri einstaklinga
sem hafa lokið sérhæfðri sjúkrahús­
meðferð en bíða eftir því að komast
að á dvalarheimilum og hjúkrunar­
heimilum.
„Þannig að í raun og veru erum
við með um 120 færri sjúkrahús­
rúm en við þyrftum að vera. Þetta
er á bilinu ¼ til � af öllum sjúkra­
rúmum spítalans. Þarna verður
vítahringur sem verður verri og
verri nema að stjórnvöld grípi inn
í,“ segir hann.
Niðurstaðan sé lengri legutími
sjúklinga og hins vegar aukið álag
á starfsfólk sem leiðir aftur til þess
að fleiri hætta störfum. „Þannig að
starfsmannaveltan verður meiri
og það verður enn þá erfiðara að
manna þau rúm sem eftir eru.“ – jhh
Tuttugu sjúkrarúm tekin úr notkun
jón M. Kristjánsson segir útlit fyrir mjög alvarlegt ástand. FréTTaBlaðið/aNToN
Viðskipti Verslunarfyrirtækið
Hagar var rekið með 401 milljónar
króna hagnaði frá septemberbyrjun
til loka nóvember í fyrra. Sömu
mánuði 2016 var fyrirtækið rekið
með 874 milljóna króna hagnaði.
Samkvæmt árshlutareikningi sem
Hagar birtu í gær nam rekstrarhagn­
aður fyrir afskriftir (EBITDA) 894
milljónum samanborið við 1.398
milljónir árið á undan. Þegar níu
mánaða tímabilið frá 1. mars er
skoðað dróst afkoman saman um
1.306 milljónir eða 29 prósent. Velt­
an minnkaði um 5,2 prósent. – hg
Hagnaður Haga
dregst saman
Vilhjálmur
Bjarnason.
Dómsmál Ökumanni hjólabáts
hefði verið mögulegt að afstýra
banaslysi við Jökulsárlón, sem varð
í ágúst 2015, hefði hann sýnt af sér
meiri aðgát við stjórnun bátsins.
Maðurinn var dæmdur í tveggja
mánaða skilorðsbundið fangelsi
fyrir manndráp af gáleysi í fyrradag.
Fyrir dómi bar maðurinn því
við að hann hefði ekki getað sýnt
af sér meiri aðgát við stjórnun
bátsins. Bakkmyndavél hafi verið
biluð og hann hafi treyst á annan
starfsmann ferðaþjónustufyrir­
tækis síns til að vera augu sín og
eyru varðandi það sem gerðist
fyrir aftan bátinn. Þá hafi hávaði frá
þyrlu, sem var að lenda skammt frá
slysstað, gert honum erfitt um vik
að heyra það sem fram fór.
Að mati dómara málsins gaf
nærvera og hávaði þyrlunnar
ástæðu til að sýna enn meiri aðgát.
Bátnum var ekið um 50 metra leið
áður en slysið varð og hefði öku­
maðurinn getað stöðvað reglulega
til að kanna nærumhverfi bátsins.
Þá hefði einnig verið unnt að biðja
samstarfsmann um að vakta svæð­
ið betur í ljósi þess að myndavélin
var biluð.
Þrátt fyrir að erfiðar aðstæður
leystu ökumanninn ekki undan
ábyrgð voru þær metnar honum
til refsimildunar. Þá var einnig litið
til þess að hann var ungur að árum
á slysdag og að hann hafi tekið
atvikið mjög nærri sér. Var refsing
hans því skilorðsbundin. – jóe
Hefði getað sýnt af sér meiri aðgát með því að stoppa reglulega
Slysið varð á plani við jökulsárlón í ágúst 2015. FréTTaBlaðið/Valli
1 2 . j a n ú a r 2 0 1 8 F Ö s t U D a g U r4 F r é t t i r ∙ F r é t t a b l a ð i ð
1
2
-0
1
-2
0
1
8

0
4
:2
8
F
B
0
5
6
s
_
P
0
5
3
K
.p
1
.p
d
f
F
B
0
5
6
s
_
P
0
4
4
K
.p
1
.p
d
f
F
B
0
5
6
s
_
P
0
0
4
K
.p
1
.p
d
f
F
B
0
5
6
s
_
P
0
1
3
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
E
B
9
-2
A
E
0
1
E
B
9
-2
9
A
4
1
E
B
9
-2
8
6
8
1
E
B
9
-2
7
2
C
2
7
5
X
4
0
0
.0
0
1
3
B

F
B
0
5
6
s
_
1
1
_
1
_
2
0
1
8
C
M
Y
K