Fréttatíminn - 28.01.2017, Blaðsíða 10

Unglingaherbergið
Mikilvægt að
eiga griðastað
Halla Harðardóttir
halla@frettatiminn.is
Við bjuggum í pínulítilli íbúð þangað til ég var fimm ára. Þá sváfum við öll í einu horni á stofunni og settum
bara tjald á milli. Það var mjög
kósí en svo fékk ég mitt eigið her­
bergi þegar ég var fimm ára,“ segir
„Mér líður betur ef það
er fínt en mér líður samt
ekkert illa ef það er drasl.“
Júlía Karín Kjartansdóttir bauð Fréttatímanum
upp í risherbergið sitt.
Júlía Karín Kjartansdóttir, sextán
ára gömul menntaskólastúlka.
Er alltaf svona fínt hjá þér?
„Nei, en samt oftast. Mér líður
betur ef það er fínt en mér líður
samt ekkert illa ef það er drasl.
Einu sinni var herbergið mitt
alltaf eins og sprengja en það er
ekki þannig lengur, ég hef breyst
aðeins með það, eiginlega þegar
við fluttum í þetta hús,“ segir Júlía
en hún fékk þetta nýja herbergi
fyrir ári síðan, þá nýkomin heim
eftir ársdvöl með foreldrum sín­
um og tveimur yngri systkynum í
Barcelona.
„Pabbi var í mastersnámi þar
svo ég tók níunda bekk úti. Það var
algjört æði því þar var ég með mitt
eigið herbergi með litlum svölum,
það var ótrúlega kósí og þá fór ég
í fyrsta sinn að gera kósí og setja
upp seríur og þannig.“
Hvernig gekk að skipta um skóla
og læra á nýju tungumáli?
„Það var frábært, ég var mjög
feimin að tala fyrst, mér fannst svo
óþægilegt að tala ekki fullkomlega
því ég er svo mikill perfeksjón­
isti, hef alltaf verið það. En samt
var þetta líka þægilegt því ég hef
alltaf verið svo upptekin af því að
fá háar einkunnir en þar pældi ég
ekkert í því og slakaði bara á. Svo
ég lærði að slaka á og vera aðeins
minni perfeksjónisti,“ segir Júlía
og hlær.
Júlía byrjaði í MH í haust og
elskar skólann. Þau vinirnir hitt­
ast oft í herberginu. „Við höngum
frekar mikið hér. Og ég hangi líka
mikið ein hérna, mér finnst mjög
gott að æfa mig á hljómborðið, lesa
og skrifa og hlusta á tónlist. Ég er
mjög mikið í herberginu mínu því
mér finnst gott að vera í friði. Það
er svo mikið í gangi alltaf svo þess
vegna mjög mikilvægt að hafa sinn
eigin griðastað. Svo er gott að geta
verið hér í friði þegar foreldrarnir
eru pirraðir á mér eða ég á þeim.“
Álagningarseðlar fasteignagjalda í Reykjavík 2017 verða sendir til íbúa á næstu dögum. Fasteigna­
gjöldin verða innheimt í gegnum netbanka þar sem jafnframt er hægt að prenta út greiðsluseðil.
Greiðsluseðlar verða ekki sendir út en hægt er að óska eftir heimsendum greiðsluseðlum á mínum
síðum á www.reykjavik.is eða í gegnum þjónustuver Reykjavíkurborgar í síma 411 1111.
Fjármálaskrifstofa Reykjavíkurborgar annast álagningu og innheimtu á
fasteignaskatti, lóðaleigu og sorphirðugjaldi.
Fasteignagjöld ársins 2017, yfir 25.000 kr., greiðast með níu jöfnum
greiðslum á gjalddögum 1. febrúar, 4. mars, 2. apríl, 2. maí, 3. júní,
2. júlí, 2. ágúst, 2. september og 2. október. Gjalddagi fasteignagjalda
undir 25.000 kr. er 1. febrúar.
Tekjulágir elli- og örorkulífeyrisþegar, sem fengu lækkun á fasteigna-
skatti og fráveitugjaldi á liðnu ári, fá einnig að óbreyttu lækkun
fasteignaskatts og fráveitugjalds fyrir árið 2017 að teknu tilliti til
tekju- og eignaviðmiða. Fjármálaskrifstofa framkvæmir breytingar
á fast eignaskatti og fráveitugjaldi eftir yfirferð skattframtala elli- og
örorkulífeyrisþega. Það þarf því ekki að sækja sérstaklega um lækkun
eða niður fellingu þessara gjalda. Við álagningu fasteignagjalda í janúar
verður afsláttur elli- og örorkulífeyrisþega til bráðabirgða miðaður við
tekjur ársins 2015. Þegar álagning vegna tekna ársins 2016 liggur fyrir
haustið 2017, verður afslátturinn endanlega ákvarðaður og verða þá
allar breytingar tilkynntar bréflega.
Skilyrði lækkunar eru að viðkomandi sé elli- eða örorkulífeyrisþegi,
sé þinglýstur eigandi fasteignar, eigi þar lögheimili og geti átt rétt á
vaxtabótum vegna hennar skv. B-lið 68. gr. laga nr. 90/2003 um
tekjuskatt og eignaskatt.
Einungis er veitt lækkun vegna íbúðarhúsnæðis til eigin nota.
Borgarráð hefur ákveðið að tekjumörk elli-og örorkulífeyrisþega vegna niður-
fellingar/lækkunar fasteignaskatts á árinu 2017 verði eftirfarandi:
100% lækkun: Einstaklingar með tekjur allt að 3.130.000 kr.
Samskattaðir aðilar með tekjur allt að 4.360.000 kr.
80% lækkun: Einstaklingar með tekjur á bilinu 3.130.000 til 3.580.000 kr.
Samskattaðir aðilar með tekjur á bilinu 4.360.000 til 4.850.000 kr.
50% lækkun: Einstaklingar með tekjur á bilinu 3.580.000 til 4.170.000 kr.
Samskattaðir aðilar með tekjur á bilinu 4.850.000 til 5.790.000 kr.
Umhverfis- og skipulagssvið Reykjavíkurborgar, Borgartúni 12-14, veitir allar
upplýsingar varðandi álagningu og breytingar á gjaldi fyrir meðhöndlun úrgangs
í síma 411 1111. Einnig má leita upplýsinga með tölvupósti á netfangið
sorphirda@reykjavik.is.
Fjármálaskrifstofa Reykjavíkurborgar, Höfðatorgi, Borgartúni 12-14, veitir
upp lýsingar varðandi álagningu fasteignaskatts og lóðarleigu og breytingar á
þeim í síma 411 1111. Einnig má leita upplýsinga með tölvupósti á netfangið
fasteignagjold@reykjavik.is.
Hægt er að leita upplýsinga um ofangreind atriði á heimasíðu Reykjavíkurborgar: www.reykjavik.is
Fasteignagjöld
2017
Borgarstjórinn í Reykjavík, 28. janúar 2017.
www.reykjavik.is
10 | FRÉTTATÍMINN | Laugardagur 28. janúar 2017