Fréttatíminn - 28.01.2017, Blaðsíða 36

36 | FRÉTTATÍMINN | Laugardagur 28. janúar 2017
Dans á að tilheyra
öllum líkamsgerðum
Dansararnir Jade Alejandra P. De Ávila og Sandrine Cassini nota dansinn
til þess að kenna ungmennum jákvæða líkamsvitund.
Helga Dögg Ólafsdóttir
helgadogg@frettatiminn.is
Ég ólst upp í mjög klassísk-um ballettskóla. Þú sem dansari þarft að berjast við að halda niðri kíló-unum og fá gagnrýni alla
daga. Maður er aldrei nægilega
góður og aldrei nægilega grann-
ur. Það er mjög erfitt fyrir barn
að fara í gegnum kynþroskann í
þessum geira, ég var alltaf mjög
ástríðufull og komst í gegnum
þetta en þróaði með mér lystarstol
mjög snemma. Ef ég get gefið eitt-
hvað áfram af þessari reynslu þá
væri það frábært,“ segir Sandrine
Cassini, ballettkennari hjá Kram-
húsinu.
Sandrine flutti til Íslands til að
fá nýtt upphaf og fyrsta mann-
eskjan sem hún kynntist var
flamingo-kennari við Kramhúsið,
Jade Alejandra P. De Ávila. „Alej-
andra sagði mér frá hugmyndinni
sinni að blanda saman ballett og
flamingo sem var eitthvað sem
mér hefði aldrei dottið í hug. Við
ákváðum að reyna ná til unglinga
til að deila reynsluheimi okkar
beggja því þeir eru mjög ólíkir.“
Að sögn Alejöndru eru unglingar
opnari fyrir nýjungum og því auð-
veldara að hafa áhrif á líf þeirra
en fullorðinna. „Markmiðið var að
kenna dans í þeim tilgangi að ungt
fólk gæti nýtt það sem það lærir og
tekið með sér í gegnum lífið. Við
viljum kenna ungu fólki hugmynd-
ir um jákvæða líkamsvitund. Þetta
er tækifæri fyrir mig sem kennara
að finna nýjar leiðir til að vera
skapandi í kennsluaðferðum og að
koma með eitthvað jákvætt inn í
samfélagið. Ég held að þetta sé í
fyrsta skipti sem eitthvað svona
hefur verið gert á Íslandi,“ segir
Alejandra.
„Fólk tengir oft ballett við
ákveðnar klisjur sem eru í mörg-
um tilfellum sannar, að þú þurfir
að hafa ákveðinn líkamsvöxt. Ég
vil að unga fólkið fái að upplifa
ballett á skemmtilegan hátt, að
það finni fegurðina í ballettin-
um en ekki ótta við að vera ekki
nægilega góður,“ segir Sandrine.
Þegar Sandrine var 18 ára flutti
hún til San Fransisco til að dansa
með flokki þar úti og kynntist þar
nýjum aðferðum þegar kemur að
dansi. „Þarna lærði ég mjög margt
í sambandi við líkamsvitund og
vann mikið að því að læra aðferðir
til að sætta sig við sjálfan
sig og hver maður er.
Fegurð þarf ekki
að þýða að þú
verðir að
vera á for-
síðu tísku-
tímarits,
það er bara
klisja. Að
tjá listina,
ástríðu og til-
finningar sínar er
fegurð og gerir þig
fallegan í stað hins
fullkomna líkama sem
samfélagið pressar á
okkur að hafa. Allir ættu
að geta dansað og fegurðin
kemur að  innan.“
Ég vil að unga fólkið
fái að upplifa ballett
á skemmtilegan hátt,
að það finni fegurðina
í ballettinum en ekki
ótta við að vera ekki
nægilega góður.
„Að tjá tilfinningu og ástríðu
gerir þig fallegan en ekki hin
fullkomna líkamsþyngd,“ segir
Sandrine Cassini.
Mynd | Vaka Njálsdóttir