Fréttatíminn - 28.01.2017, Blaðsíða 26

26 | FRÉTTATÍMINN | Laugardagur 28. janúar 2017
Kristín er mjög góð í því að koma
í veg fyrir slíkt. Hún er svo tilfinn­
ingalega vel gefin, með mikla tilf­
inningagreind, enda er hún búin að
vera í mikilli sjálfsvinnu. Það hefur
veitt mér innblástur. Hún var mik­
ill kvíðasjúklingur og var þannig að
hún keypti sér flugmiða, keyrði út í
Leifsstöð en fór ekki í vélina, en nú
er hún jaxlinn á andlega sviðinu.“
Kristín fer hálfpartinn hjá sér
þegar vinkona hennar lætur þessi
orð falla. En hún veit að þetta er satt.
Hún hefur þurft að sýna styrk í erf­
iðum aðstæðum og taka sjálfa sig í
gegn.
Litla systir varð bráðkvödd
„Við höfum báðar átt mjög erfitt
tilfinningalega síðustu misseri og
gengið í gegnum ýmislegt. Þá hefur
vinskapurinn verið eitt af stærstu
bjargráðunum,“ segir Tobba, en
litla systir hennar varð bráðkvödd
í maí á síðasta ári og það tók mikið
á hana. Þá greindist dóttir Kristín­
ar með svokallað Williamsheilkenni
þegar hún var rúmlega ársgömul.
Báðar hafa þær því gengið í gegnum
sorgarferli á síðustu árum, með ólík­
um hætti þó.
„Þegar áföll dynja yfir þá er svo
dýrmætt að eiga góða vini. Þegar
okkur líður virkilega illa þá sjáum
hverjir það eru sem treysta sér til að
tala við okkur. Það er meira en að
segja það. Ég er sjálf ekkert góð í að
vita hvað ég á að segja ef það kemur
eitthvað upp á. Ef einhver til dæmis
missir ástvin. Þá á ég hrikalega erfitt
með að tala við fólk. Ég verð vand­
ræðaleg og kjánaleg. Eins og í tilfelli
Kristínar. Dóttir hennar fékk þessa
greiningu og ég vissi ekkert hvað ég
átti að segja. Maður reynir að segja
eitthvað en ég held að mesta björgin
sé fólgin í því að standa með vinum
sínum þó að maður segi líklega eitt­
hvað rangt. Maður segir þó allavega
eitthvað,“ segir Tobba
Dugleg að segjast elska
„Mér finnst það hafa tekist vel hjá
okkur. Við getum verið hreinskiln­
ar með það hvernig okkur líður.
Ég reyni líka stundum að senda
Tobbu og fleiri vinkonum mínum
skilaboð og segi henni að ég elski
hana, eða að hún sé frábær. Alveg
upp úr þurru. Stundum þarf mað­
ur bara að fá að heyra að maður sé
að standa sig vel,“ segir Kristín og
heldur áfram: „Stundum er mikið
álag á vinum manns og ekki hægt
setjast niður með þeim og ræða allt
sem bjátar á. Það er engu að síður
gott að komast úr erfiðum aðstæð­
um og það gefur svo mikið að heyra
eitthvað fallegt og jákvætt.“
Tobba tekur undir þetta. „Svo höf­
um við líka hist og ákveðið að tala
ekki um börn eða ekki um erfið­
leika. Tala frekar um vín, flugferðir
eða ókunnuga karlmenn, þar sem
Kristín er aftur orðin einhleyp,“ út­
skýrir Tobba. „Ég er nefnilega sú
sem er alltaf að skilja,“ skýtur Krist­
ín inn í og þær skella upp úr.
Þær segja þetta einmitt vera
alvöru vinskap. „Það er mjög fall­
egt að geta fengið slíkt svigrúm.
Það hafa ekkert allir þroskann til að
gefa svigrúm. Fólk er að spá í það af
hverju maður talar ekki við það og
maður finnur að fólk verður stund­
um svolítið tilætlunarsamt á mann.
Mig langar ekkert endilega að setj­
ast niður og ræða læknisheimsóknir
dóttur minnar,“ segir Kristín hrein­
skilin.
„Við erum alltaf til staðar ef það
þarf að ræða erfiðu hlutina en það er
í boði að sleppa því og það þýðir ekki
að erfiðleikarnir hafi ekki haft mikil
áhrif á okkur,“segir Tobba.
Þær eru sammála um að það hafi
haft þroskandi áhrif á vináttuna að
vera til staðar hvor fyrir aðra á erf­
iðum tímum. Tobba grípur orðið:
Það hefur þroskað mig mikið að
fylgjast með Kristínu og læra af því
hvernig hún tekst á við hlutina. Ég
dáist svo að henni. Margir hefðu far­
ið ofan í holu og ekki komið upp úr
henni. Kristín hefur auðvitað tek­
ist á við kvíða og þekkir svolítið inn
á sig. Hún þekkir þær bjargir sem
eru í boði. Hún á önnur börn og
fjölskyldu og varð að gera það sem
þurfti til að standa undir þessu. Mér
finnst það svo aðdáunarvert. Og af
því hún tókst svo vel á við þetta þá
getur hún boðið manni góð og gild
ráð.“
Bónorðið kom á óvart
En vinkonurnar sameinast ekki bara
í sorg og erfiðleikum. Þær sameinast
líka í gleðinni. Kristín var einmitt
viðstödd eina af gleðistundum
Tobbu í lífinu á dögunum.
En Tobba og unnusti hennar,
Baggalúturinn Karl Sigurðsson, trú­
lofuðu sig skömmu fyrir jól. Hann
bað hennar í lok jólatónleika hljóm­
sveitarinnar að viðstöddum öllum
vinahópnum, nokkrum ættingum
og fullum sal af ókunnugu fólki í Há­
skólabíói.
„Ég var þarna í salnum og grenj­
aði mikið. Þetta var svo fallegt. Við
vorum þarna allar vinkonurnar en
vissum ekki neitt fyrirfram,“ segir
Kristín.
„Hann vissi að þær myndu allar
koma. Hann sá um að bóka mið­
ana þannig hann lét okkur sitja
óþarflega nálægt. Svo sá ég
að systir hans var allt í einu
mætt,“ segir Tobba sem spáði
þó lítið í því fyrir tónleikana. En
bónorðið kom henni algjörlega að
óvörum.
Aðspurð segir Tobba þau ekki
búin að festa stóra daginn, enda á
hún eftir að setjast niður með vina­
hópnum, drekka ríflegt magn af
kampavíni og fara yfir málin. „Þetta
er ekkert bara á milli mín og hans.
Þetta snýst meira um hvernig partí
vinkonurnar hafa séð fyrir sér. Þetta
verður óhefðbundið allavega,“ segir
hún, en meira verður ekki gefið upp
að sinni.
„Ef maður lendir í miklu
áfalli þá á maður ekkert
annað en vini sína. Þegar
manni líður virkilega illa
þá sér maður hver það er
sem treystir sér til að tala
við mann. Það er meira
en að segja það.“
volundarhus.is · Sími 864-2400
GARÐHÚS 14,5 m²
www.volundarhus.is
Vel valið fyrir húsið þitt
RÝMINGARSALA
20% aukaafsláttur af öllum
GARÐHÚSUM
á meðan byrgðir endast
V
H
/1
6-
05
GARÐHÚS 4,7m²
44 mm bjálki / Tvöföld nótun
GARÐHÚS 4,4m²
GARÐHÚS 9,9 m² án gólfs
GARÐHÚS 9,7m²
50% afsláttur
af flutningi á
GARÐHÚSUM og
GESTAHÚSUM
á allar þjónustu-
stöðvar Flytjanda.
GESTAHÚS og
GARÐHÚS
sérhönnuð fyrir
íslenskar aðstæður
Sjá fleiri
GESTAHÚS og
GARÐHÚS á tilboði
á heimasíðunni
volundarhus.is
· Allt á að seljast
· Fyrstur kemur fyrstur fær
· Ekki missa af þessu
Sjá nánari upplýsingar á heimasíðu
okkar volundarhus.is
og í síma 864-2400.