Víkurfréttir - 18.05.2017, Side 20
20 fimmtudagur 18. maí 2017VÍKURFRÉTTIR
Bílaviðgerðir
Smurþjónusta
Varahlutir
Brekkustíg 38 - 260 Njarðvík
sími 421 7979
www.bilarogpartar.is
Verið velkomin
á samkomu
alla sunnudaga kl. 11.00
Hvítasunnu-
kirkjan í Keflavík,
Hafnargötu 84
FIMMTUDAGUR 18. MAÍ KL. 20
Í kvöld eru árlegir vortónleikar
Eldeyjar, kórs eldri borgara á Suður-
nesjum, eða „krúttkórs“ Arnórs B.
Vilbergssonar. Tónleikarnir fara fram
í Kirkjulundi og er aðgangseyrir er
1000 kr. en enginn posi er á staðnum.
Það fá allir góða stund og gleði í sálu
við að sjá og heyra Eldey syngja.
Verið öll velkomin.
SUNNUDAGUR 21. MAÍ KL. 11
Þennan morgun ætlum við að vera
með helgistund og sunnudagskóla
í Hvalsneskirkju. Gefa fróðleik um
þennan merka helgidóm, um sr.
Hallgrím Pétursson sem þar þjónaði.
Biblíusaga og bæn eru fastir liðir eins
og venjulega. Boðið verður uppá
kaffisopa og kökubita. Þangað til við
hittumst á Hvalsnesi megið þið leggja
í bæn að við fáum blítt og gott veður
svo við getum snætt utandyra.
Vonumst til að sjá ykkur öll,
eldri sem yngri.
Nokkur umræða hefur verið um uppbyggingu og skipulag í miðbæ
Reykjanesbæjar og má þar nefna reiti við Fischershús og Hafnargötu
12. Þá hefur verslun við Hafnargötuna dalað á sama tíma og straumur
ferðamanna hefur verið að aukast.
Þá kviknar sú spurning hvernig miðbæ íbúar vilja. Hvar er miðbærinn?
Að vissu leyti hefur hann færst til þar sem verslun og þjónusta hefur
færst nær gömlu bæjarmörkum Keflavíkur og Njarðvíkur. Þá er Reyk-
janesbær orðið stórt bæjarfélag og áhersla hefur að undanförnu verið
lögð á íbúakjarna utan við miðbæ eins og á Ásbrú og í Innri Njarðvík. Nú
er hugsanlega tækifæri til þess að líta inn að miðjunni þar sem ímynd
sveitarfélagsins er sköpuð og þorpið verður til. Reynslan hefur sýnt
að miðbær er alltaf hluti af elstu byggð og tengist sterkt verslun sem
hefur verið á Hafnargötunni og við þekkjum það flest að þangað leitum
við þegar við ferðumst erlendis. En spurningin er, hvernig er hægt að
styrkja þessa miðju svo úr verði raunverulegur miðbær?
Við fengum þrjá aðila með ólík sjónarhorn til þess að ræða mótun
miðbæjar en það eru arkitektinn Jón Stefán Einarsson, Eydís Henze,
íbúi í gamla bænum, og Eysteinn Eyjólfsson, formaður umhverfis- og
skipulagssviðs Reykjanesbæjar.
Jón Stefán Einarsson
Arkitekt
Miðbærinn er sam-
eiginlegt verkefni
okkar allra
■ Jón Stefán Ein-
arsson starfar hjá
Batteríinu og vinnur
nú að hönnun við
u p p b y g g i n g u á
Laugarvegsreitnum
í Reykjavík sem er
eitt umfangsmesta
verkefni við þéttingu byggðar sem
um getur í miðborg Reykjavíkur.
Hann segir mikilvægt að horft sé á
miðbæinn sem heilsteypt verkefni
og að þar búi verðmæti.
„Miðbær eða miðja verslunar, þjón-
ustu og menningar er nauðsynlegur
hluti af umhverfi manneskjunnar, þar
sem við erum í grunninn félagsverur
og byggjum samfélag okkar á sam-
skiptum, hvort sem um er að ræða
vörur, þekkingu eða skemmtun. Ekki
ólíkt forfeðrum okkar sem settust
saman við eldstæðið og mynduðu
grunninn.”
Verður miðbær ekki bara til af sjálfu sér?
„Í upphafi var mótun hans tilviljunar-
kennd, þar sem byggingar voru reistar
í kringum verslunarmiðju. Í dag erum
við kominn aðeins lengra, þar sem
skipulag umhverfis okkar er unnið
út frá margþættu kerfi eins og land-
skipulagsstefnu í svæðiskipulagi, aðal-
skipulagi og að lokum deiliskipulagi.
Tilgangurinn með þessari þróun, er
að vanda vel til verka með því að gefa
ólíkum aðilum tækifæri til að hafa
áhrif á mótun umhverfis síns.
Sumir segja lítið varið í miðbæinn-
hvað segir þú?
„Sem heimamaður verð ég að segja
að miðbærinn er mér mjög kær og að
vissu leyti er hann hrífandi, en hann
hefur vantað athyglina í stækkandi
byggðafélagi, sem er eðlilegt þar sem
fókusinn getur ekki verið á öllum
stöðum í einu. Kannski er það kostur,
þar sem við höfum enn möguleika á að
móta hann inná við en við verðum að
athuga að við erum uppi á tímum þar
sem hlutirnir geta breyst hratt. Ekki
fyrir alltof löngu var miðbærinn nán-
ast aðeins staður þeirra sem bjuggu í
bæjarfélaginu, en með auknum fjölda
innlendra gesta og ferðamanna hefur
miðbærinn aukið verðmæti sitt sem
skapar mikið sóknarfæri fyrir bæjar-
félagið.“
Hvað áherslur voru lagðar í þéttingu
byggðar í þeim verkefnum sem þú
hefur komið að?
„Ég myndi segja að við værum mest
spenntir að finna tengingar við ein-
kenni staðarins og gera þeim hátt
undir höfðu. Ekki endilega að gera
nákvæmar eftirlíkingar af því sem
var, heldur móta nýjar byggingar
eða byggðamynstur sem tekur mið
af því umhverfi sem fyrir er og sögu
staðarins. Það er nefnilega svo margt
skemmtilegt sem er hægt að nýta aftur
sem minnir á rómantík eldri mið-
bæja.“
Hver eru helstu mistökin sem gerð
eru í miðbæjarskipulagi?
„Ég myndi telja að það sé skilnings-
leysi á verðmæti staðarins, rangur
fókus og feimni við skilmála er varðar
upplifun staðarins sem er undirstaða
hönnunar td. staðarandi, umlyking,
mannlegur skali og margbreytileiki.“
Hver er sérstaða miðbæjarins í
Keflavík og hvernig á að skipuleggja
hann?
„Hólmsbergið og elsti hluti bæjar-
ins, gamli bærinn, er mikilvægur sem
hluti staðarímyndar Reykjanesbæjar,
það er að segja menningarlegri sér-
stöðu bæjarins og íbúa hans. Hann
er sameiginlegt verkefni okkar allra,
hann er miðjan í bæjarfélaginu okkar
en ekki staður sumra.
Setja þarf saman þverfaglegan hóp
ráðgjafa sem vinnur með íbúum og
öðrum hagsmunaðilum í að móta
stefnu og markmið til að styrkja
miðbæinn. Nú er verið að skipu-
leggja litla reiti sem er varhugavert
ef heildarmynd er ekki til staðar. Við
þurfum að hafa stefnu um það hvað
miðbærinn okkar á að gera og setja
okkur markmið, eftir það er hægt að
hleypa einstökum aðilum inn en að
mínu mati tekur Aðalskipulag ekki
nógu vel á þessu. Við viljum þétta
byggð en við viljum ekki bara standa
uppi með eitthvað sem er þétt heldur
eitthvað sem er hluti af okkar sam-
félagi og við getum séð okkur í. Mið-
bærinn er eitthvað sem tilheyrir okkur
öllum, hann skapar ásýnd okkar og
gefur okkur karakter.“
Eydís Henze
Íbúi í gamla bænum
Við viljum ekki vera
sólblóm í skuggabeði
■ E y d í s H e n z e
flutti fyrir nokkru
í gamla bæinn þar
sem hún býr með
eiginmanni sínum
Guðmundi Bjarna
S i g u r ð s s y n i o g
f j ór u m b ör n u m .
Hún segir staðarblæinn þar einstak-
an og ævintýralegan enda búi þar
fólk sem hefur það að lífsviðurværi
sínu að hugsa út fyrir kassann.
Hvernig miðbæ vilt þú sjá? og af
hverju?
„Ég vil að sjálfsögðu sjá öflugri og
meira lifandi miðbæ og mig grunar
að allir sveitungar mínir deili þeirri
skoðun með mér. Við þekkjum það
vel þegar við ferðumst til annarra
bæja, innanlands eða utan, hvað það
er gaman að vera á miðbæjarsvæði
þar sem hlutir gerast. Þar sem hægt er
að setjast niður og fylgjast með mann-
lífinu. Systir mín sem hefur lagt stund
á kandídatsnám í ferðamálafræðum
við Kaupmannahafnarháskóla talar
oft um staði sem viðburðarríka og
hins vegar staði með viðburðum. Við-
burðarríkir staðir eiga það alla jafna
sameiginlegt að vera hannaðir þann-
ig að fólk geti auðveldlega safnast
saman, ungir jafnt sem aldnir og í
kjölfarið myndast ákveðnar forsendur
til þess að menningin vaxi. Staðir
með viðburði hafa ekki þessa lífrænu
hvata til að þroska menninguna og
mannlífið - það þarf sífellt að stýra
allri menningu. Mér finnst Reykja-
nesbær vera gott dæmi um það síðara:
Hér er ógrynni af söfnum. En það
eru fáir á ferli og menningarstarfið
hefur því ekki eins lífrænan farveg
og ella. Við höfum engin torg, ekk-
ert eiginlegt miðbæjarsvæði sem er
laust við bílaumferð. Síðasta sumar
fórum við fjölskyldan til Ítalíu og þar
iðaði allt af mannlífi, meira að segja í
litlu fjallaþorpunum því þar voru torg
eða piazza. Það voru veitingahús við
torgin en líka bekkir þannig að fólk
gat tyllt sér og börnin hlupu um og
léku sér. Það var dásamlegt og maður
hafði á tilfinningunni að allt gæti
gerst, hvað úr hverju. Öflugri miðbær
getur veitt svo mörgum meiri gleði og
við getum verið stoltari af umhverfinu
okkar. Sem sálfræðinemi verð ég að
slá því föstu að þau rök fyrir slíkri
uppbyggingu eru góð og gild. Meiri
gleði takk!“.
Hvers vegna valdir þú þessa stað-
setningu þegar þú keyptir þér hús, af
hverju viltu búa í þessu hverfi?
„Það eru svo ótal margar ástæður
fyrir því og þar held ég að þær flest-
ar vegi jafn þungt. Sem íbúi í gamla
bænum ertu í návígi við allt nema
þennan misheppnaða miðbæ sem
átti að byggja upp í Krossmóanum.
Mér finnst yndislegt að heyra í fólki
seint á laugardagskvöldi vera að rölta
áleiðis á skemmtistaði bæjarins, að
vera svona mikill hluti af Ljósanætur-
hátíðinni og að vita af bæði ferða-
mönnum og heimamönnum rölta
hérna um og virða fyrir sér húsin og
söguna. Möguleikarnir á menningar-
tengdri uppbyggingu hérna eru líka
svo margir og ég bíð alltaf spennt
eftir að eitthvað meira gerist í þeim
málum, að svæðið opnist meira og að
það myndist alvöru miðbæjarkjarni
hérna. Og svo leikur enginn vafi á
því að hérna í gamla bænum býr rétta
fólkið, bæði til að taka þátt í menn-
ingartengdri uppbyggingu en líka fólk
sem mun njóta hennar og elska að
hafa þetta líf í kringum sig. Ég hef
aldrei á ævinni kynnst svona hverfi
og vissi hreinlega ekki að þau væru
til á Íslandi, staðblærinn í hverfinu
er ævintýralegur. Það er kannski líka
vegna þess að hérna er svo mikið af
fólki sem hefur það að lífsviðurværi
sínu að hugsa út fyrir kassann, hugsa
upp nýja nálgun og lausnir, vera skap-
andi. Svo er það sagan í hverfinu og ég
held að það sé einhver taug innra með
mér sem vil þakka Keflavík fyrir að
hafa tekið svona vel á móti mér þegar
ég flutti hingað sem unglingur og þess
vegna vil ég taka þátt í að varðveita og
þróa söguna. Svo er líka betra veður
hérna og þeir greinilega vissu það sem
námu hérna land að þetta væri besti
bletturinn. Engir aukvisar sem voru
hér á ferð.“
Hvað finnst þér að bæjaryfirvöld
eigi að hafa í huga við skipulag?
„Fyrst og fremst að hafa skipulags-
vinnuna þverfaglegri. Við það eru
mun meiri líkur á að hægt verði að
sameina ólík sjónarhorn og þarfir
gesta og íbúa. Á undanförnum árum
og áratugum hafa hugfræði og aðrir
angar sálfræðinnar komið mjög sterkir
inn í hönnun og skipulag umhverfis.
Upplifun er t.d. alveg jafn mikilvægur
hluti skipulags og allir aðrir þættir.
Ef við tölum t.d. um uppbyggingu á
SBK-reit og Fischers-reit þá verð ég
að játa að mér finnst vanta heildræna
framtíðarsýn. Ef við skoðum það útfrá
Hvernig miðbæ?
Unnar hafa verið tillögur að skipulagi Fischersreits-
ins þar sem m.a. er gert ráð fyrir hóteli, veitinga-
rekstri og menningarstarfsemi en stefnt er að opinni
hönnunarsamkeppni um reitinn.
Fimmtudagskvöld
kl. 20:00