Fréttablaðið - 24.02.2018, Qupperneq 2

Fjarskipti Á þriðja hundrað þúsund
ferðamenn fara um tíu kílómetra
kafla í Snæfellsjökulsþjóðgarði á ári
þar sem fullkomið fjarskiptaleysi
ríkir. Framkvæmdastjóri Neyðar-
línunnar vonar að hægt verði að
fara í úrbætur í sumar en hið dauða
svæði hefur plagað vegfarendur og
viðbragðsaðila um árabil. Tvö slys
urðu á svæðinu í fyrra þar sem ekki
var hægt að hringja eftir aðstoð.
„Þarna við Dritvík og Djúpa-
lónssand koma mjög margir ferða-
menn. Vonandi verður þetta dekk-
að í sumar en við erum að vinna í
útreikningum og það er ekki búið
að taka ákvörðun enn þá,“ segir Þór-
hallur Ólafsson, framkvæmdastjóri
Neyðarlínunnar. Hann segir málið
nokkuð flókið en að Neyðarlínan
sé búin að reisa 80 fjarskiptastöðvar
um landið í samvinnu við Fjarskipta-
sjóð og fjarskiptafélögin á undan-
förnum árum.
„Við erum að holufylla og bæta
svona staði. Við viljum auðvitað að
fólk geti hringt eftir aðstoð. Þú getur
bara ímyndað þér að keyra út af í
hálku og vitlausu veðri, þá labbar þú
ekki fimm kílómetra eftir símasam-
bandi.“
Þórhallur segir þetta eitt af mörg-
um verkefnum sem unnið hafi verið
að um nokkra hríð í samvinnu við
marga aðila. Að mörgu sé þó að huga.
„Við gerum allt sem í okkar valdi
stendur til að bæta úr þannig að
þessi dauðu svæði minnki. Það voru
tvö slys þarna í fyrra og það er óþægi-
legt. Þú getur ímyndað þér að keyra
með einhverjum sem fær heilablóð-
fall og þú þarft að keyra nokkra
kílómetra til að ná símasambandi.
Þetta er líka vont fyrir lögreglu og
sjúkraflutningamenn að vera ekki
í tetrasambandi á svæðinu. Það eru
nokkrir svona staðir á landinu og við
höfum verið að pilla út einn og einn.
En við höfum ekki óendanleg fjárráð
í þetta og erum að forgangsraða.“
Þórhallur segir þó að miðað við
það sem gengur og gerist séu Íslend-
ingar mun betur settir en flestar
þjóðir hvað þetta varðar. Varðandi
kaflann á Snæfellsnesi segir Þór-
hallur málið viðkvæmt og ganga
þurfi frá öllum leyfum. Um sé þó að
ræða jörð í eigu ríkisins svo það ætti
ekki að vera vandamál. „Það kostar
heilmikinn pening. Þegar menn byrj-
uðu á þessari gsm-væðingu fóru þeir
á staði sem voru fyrir með rafmagn
en voru ekki endilega að velja stað-
ina með tilliti til þessara þarfa sem
við erum með til að ná sem bestri
dekkun í gsm. Það þarf að draga
niður rafstreng, koma ljósleiðara að,
byggja hús og mastur og þetta kostar
allt sitt.“ mikael@frettabladid.is
Veður
Sunnanstrekkingur eða allhvasst í
dag og víða skúrir eða él, en hægari
og léttir til norðaustanlands eftir
hádegi. Kólnandi veður. sjá síðu 50
Fyrsta skóflustungan
Fyrstu skóflustungurnar að 155 nýjum leiguíbúðum sem Bjarg íbúðafélag, sem ASÍ og BSRB stofnuðu, byggir voru teknar í Spönginni í gær. Reiknað
er með því að um 450 íbúðir verði komnar í byggingu hjá félaginu í lok árs. Þau Gylfi Arnbjörnsson, forseti ASÍ, Björn Traustason, framkvæmda-
stjóri Bjargs, Elín Björg Jónsdóttir, formaður BSRB, og Dagur B. Eggertsson borgarstjóri tóku fyrstu skóflustungurnar. Fréttablaðið/Eyþór
Rafvirkjar
LED tunnuljós
Endursöluaðilar um land allt
Snjöll lýsing!
OSRAM LIGHTIFY: Aðlaga u ljósið
að þínum þörfum með Appi
Jóhann Ólafsson & Co.
Krókháls 3, 110 Reykjavík
533 1900
olafsson.is
Ekki hægt að hringja
eftir aðstoð á slysstað
Tíu kílómetra kafli við Dritvík og Djúpalónssand á Snæfellsnesi er dautt svæði
í fjarskiptum. Á þriðja hundrað þúsund ferðamenn fara um svæðið á ári. Ef eitt-
hvað kemur upp á er ekki hægt að hringja á aðstoð. Tvö slys urðu þar í fyrra.
Dritvík í Snæfellsjökulsþjóðgarði er einn margra vinsælla ferðamannastaða á
umræddu svæði þar sem símasamband og tetra-samband næst ekki.
Við viljum auðvitað
að fólk geti hringt
eftir aðstoð.
Þórhallur Ólafsson,
framkvæmdastjóri
Neyðarlínunnar
Ólöf Páls-
dóttir, mynd-
höggvari og
heiðursfélagi
í Konunglega
breska mynd-
höggvarafélag-
inu, lést á miðviku-
dag, 21. febrúar, 97 ára að aldri.
Ólöf fæddist í Reykjavík
14. apríl 1920. Hún nam við
Konunglega listaháskólann í
Kaupmannahöfn árin 1949-1955.
Hún útskráðist þaðan með gull-
verðlaun fyrir verk sitt „Sonur“
sem stendur nú í Hljómskála-
garðinum.
Ólöf kvæntist Sigurði Bjarna-
syni frá Vigur, fyrrverandi
alþingismanni, ritstjóra og síðar
sendiherra.
Þau hjón eignuðust saman tvö
börn, Hildi Helgu og Ólaf Pál.
Ólöf Pálsdóttir
listakona látin
samFélag Tveir blaðamenn Frétta-
blaðsins eru tilnefndir til Blaða-
mannaverðlauna ársins 2017, þeir
Hörður Ægisson, ritstjóri Markað-
arins, og Kjartan Hreinn Njálsson
aðstoðarritstjóri. Tilnefningarnar
voru kunngjörðar í gærkvöld.
Hörður er tilnefndur í flokknum
Rannsóknarblaðamennska ársins
fyrir umfjöllun um viðskipti með
hlutafé í Arion banka og áhrif kaupa
vogunarsjóða í bankanum. Kjartan
Hreinn er tilnefndur í flokknum
Umfjöllun ársins fyrir umfjöllun
um CRISPR/Cas9-erfðatæknina og
hvernig íslenskir vísindamenn beita
henni til að þróa lyf.
Blaðamenn Kjarnans eru til-
nefndir til Blaðamannaverðlauna
fyrir umfjöllun um tillögur dóms-
málaráðherra til Alþingis um skipan
í stöður dómara við Landsrétt.
Til sömu verðlauna er ritstjórn
Stundarinnar tilnefnd og þá fyrir
umfjöllun um uppreist æru kyn-
ferðisbrotamanna og áhrif þess á
fórnarlömb mannanna.
Sigríður Hagalín er jafnframt til-
nefnd fyrir hönd RÚV fyrir umfjöll-
un um konur sem fengur mótmæl-
endur fyrir utan heimili sín í kjölfar
hruns.
Blaðamannaverðlaunin verða
veitt í fimmtánda skipti þann
3. mars næstkomandi. – þea
Fréttablaðið
með tvær
tilnefningar
Verðlaunin verða afhent 3. mars.
2 4 . F e b r ú a r 2 0 1 8 l a u g a r D a g u r2 F r é t t i r ∙ F r é t t a b l a ð i ð
2
4
-0
2
-2
0
1
8

0
4
:3
5
F
B
1
1
2
s
_
P
1
1
1
K
.p
1
.p
d
f
F
B
1
1
2
s
_
P
0
9
8
K
.p
1
.p
d
f
F
B
1
1
2
s
_
P
0
0
2
K
.p
1
.p
d
f
F
B
1
1
2
s
_
P
0
1
5
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
F
0
C
-F
5
D
8
1
F
0
C
-F
4
9
C
1
F
0
C
-F
3
6
0
1
F
0
C
-F
2
2
4
2
7
5
X
4
0
0
.0
0
1
1
B

F
B
1
1
2
s
_
2
3
_
2
_
2
0
1
8
C
M
Y
K