Fréttablaðið - 24.02.2018, Qupperneq 16

Útgáfufélag: 365 miðlar ehf. Stjórnarformaður: Einar Þór Sverrisson forStjóri: Ingibjörg Stefanía Pálmadóttir Útgefandi og aðalritStjóri: Kristín Þorsteinsdóttir kristin@frettabladid.is
aðStoðarritStjórar: Kjartan Hreinn Njálssson kjartanh@frettabladid.is, Ólöf Skaftadóttir olof@frettabladid.is, Sunna Karen Sigurþórsdóttir sunnak@frettabladid.is.
Fréttablaðið kemur út í 85.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum
án endurgjalds. ISSN 1670-3871 fréttaBlaðið Skaftahlíð 24, 105 reykjavík Sími: 512 5000, ritstjorn@frettabladid.is helgarBlað: Kristjana Björg Guðbrandsdóttir kristjanabjorg@frettabladid.is markaðurinn: Hörður Ægisson hordur@frettabladid.is
menning: Magnús Guðmundsson magnus@frettabladid.is lífið: Guðný Hrönn Antonsdóttir gudnyhronn@frettabladid.is ljóSmyndir: Vilhelm Gunnarsson villi@frettabladid.is framleiðSluStjóri: Sæmundur Freyr Árnason sfa@frettabladid.is
Gunnar
Kristín
Þorsteinsdóttir
kristin@frettabladid.is
Mín skoðun Sif Sigmarsdóttir
Daginn eftir að ég flutti frá Íslandi til Bretlands stóð ég við mjólkurkæli í stórmarkaði með lamandi valkvíða og snert af heimþrá. Mjólkurúrval
verslunarinnar var svo mikið að mjólkurkælirinn var
sjö metra langur. Úrvalið var þó ekki eina menningar-
sjokkið sem beið mín í kælivörunum.
Þar sem ég stóð full af söknuði eftir einfaldleika einok-
unarstöðu Mjólkursamsölunnar – var Nýmjólk, Létt-
mjólk og Fjörmjólk ekki nóg? – heyrði ég ungan dreng
biðja mömmu sína um að kaupa handa sér kókómjólk.
Þegar móðirin neitaði rak drengur upp skaðræðisöskur.
Útundan mér sá ég móðurina lyfta handleggnum. Ég
taldi hana ætla að faðma drenginn að sér. Svo var þó
ekki. Hvellur kvað við þegar móðirin rak syni sínum
kinnhest.
Aldalöng hefð
Í Bretlandi eru líkamsmeiðingar bannaðar samkvæmt
almennum hegningarlögum. Ein undantekning er þó þar
á. Foreldrar mega enn refsa börnum sínu með líkams-
meiðingum sé það gert skynsamlega og barnið láti ekki
á sjá.
Í lok síðasta árs tilkynnti ríkisstjórn Skotlands að hún
hygðist banna siðinn. Upphófst umræða um hvort ekki
væri ráð að enskum lögum yrði einnig breytt. Englending-
ar héldu nú ekki. Þeir báru því við að aldalöng hefð væri
fyrir því að foreldrar döngluðu í óþekk börn; virða þyrfti
frelsi foreldra til að siða börn sín eins og þeim sýndist best
– ríkinu kæmi það ekkert við.
Út fyrir túngarðinn
Frumvarp sem nú liggur fyrir Alþingi um bann við
umskurði drengja hefur vakið hörð viðbrögð. Þeir sem
gagnrýnt hafa frumvarpið hafa einkum beint sjónum að
tvennu: Trúfrelsi og virðingu fyrir menningu og hefðum
annarra.
Hildur Eir Bolladóttir, prestur í Akureyrarkirkju, komst
svo að orði á Facebook: „Elsku vinir þetta snýst ekki um
hvort okkur geðjist að umskurn drengja, flest okkar óar
við slíku inngripi á börnum en það er bara ekki nóg að
óa þegar kemur að umræðu um siðferðisviðmið og fjöl-
menningu við verðum að bíta á jaxlinn og hugsa út fyrir
túngarðinn heima hjá okkur.“
Ég ætla að hætta á að afhjúpa minn innri molbúa sem
„sér ekki út fyrir túngarðinn“ og spyrja: Hvað með börnin?
Er enginn að hugsa um börnin?
Einu sinni var hefð fyrir þrælahaldi. Enn eru konur
grýttar í nafni trúarbragða. Fæstum okkar dytti í hug að
réttlæta slíkt á þeim forsendum að um hefð eða trúar-
brögð væri að ræða. Hvers vegna gilda önnur viðmið þegar
um er að ræða börn en fullorðna?
Heilagur réttur
Pistlahöfundurinn knái, Kári Stefánsson, skrifaði opið bréf
til Alþingis Íslendinga í Fréttablaðið í vikunni undir yfir-
skriftinni „Leyfið foreldrunum“. Þar gagnrýndi hann frum-
varpið um umskurð drengja og sagði það vega „að rétti
foreldra til þess að taka ákvarðanir fyrir hönd barna sinna
sem hefur verið höndlaður sem allt að heilagur á Íslandi
fram til þessa“. Nefndi hann sem dæmi að foreldrum
sem tilheyrðu Vottum Jehóva leyfðist að meina læknum
að gefa börnum sínum blóð þótt líf barnanna lægi við;
foreldrum leyfðist að reykja og drekka áfengi kringum
kornabörn sín þótt það skapaði þeim hættu.
Þótt ég sé að þessu sinni á öndverðri skoðun við Kára
sýnist mér hann enn sem oftar hitta naglann á höfuðið.
Allt of víða er réttur foreldris til að vera fáviti dæmdur
æðri rétti barns til mannréttinda. Af hverju trompa trúar-
brögð foreldris rétt barns til eigin líkama? Af hverju er
í lagi að reka barni kinnhest en ekki fullorðnum? Þótt
siður sé útbreiddur þýðir það ekki að hann sé líðandi.
Þótt eitthvað hafi verið stundað lengi er það ekki endilega
réttmætt.
Með sömu rökum og Kári tínir til í grein sinni vil ég
biðla til Alþingis: „Leyfum foreldrum ekki“. Nær væri að
kanna réttarstöðu barna sem eiga foreldra í Vottum Jehóva
en að drekkja umskurðarfrumvarpinu í yfirlætisfullu orða-
gjálfri um frelsi, víðsýni og virðingu.
Kári Stefánsson lýkur grein sinni á að segja frumvarpið
forræðishyggju. Væri ekki hægt, með sömu rökum, að
segja það forræðishyggju að ríkið banni mér að ganga upp
að Kára og slá hann kinnhest? Mér er spurn.
Ef ég slæ Kára Stefánsson kinnhest …
Því miður
virðist sem
lenska hafi
verið meðal
þingmanna
að misnota
tómlæti
starfsmanna
þingsins
þegar kemur
að eftirliti
með endur-
greiðslu á
útlögðum
kostnaði.

Aðalfundur
Sláturfélags Suðurlands svf.
Aðalfundur Sláturfélags Suðurlands svf. verður haldinn á Goðalandi
Fljótshlíð, föstudaginn 23. mars 2018 og hefst kl. 15:00.

Dagskrá:
1. Aðalfundarstörf samkvæmt 24. gr. samþykkta félagsins.
2. Önnur mál.

Tillögur frá félagsaðilum sem bera á fram á aðalfundi þurfa að vera
komnar skriflega í hendur stjórnarinnar eigi síðar en 14 dögum
fyrir aðalfund. Framboð til stjórnar og varastjórnar skal hafa borist
skriflega í hendur stjórnarinnar eigi síðar en þremur vikum fyrir
aðalfund í samræmi við 2. mgr. 27. gr. samþykkta félagsins.
Reykjavík, 22. febrúar 2018.
Stjórn Sláturfélags Suðurlands svf.
Forseti Alþingis hefur tilkynnt að breytingar séu í vændum á reglum um þingfarar-kostnað. Héðan í frá verði akstur á eigin bíl bundinn við fimmtán þúsund kílómetra og reglur um bílaleigubíla skýrðar. Loks verði kröfur um staðfestingargögn vegna aksturs
hertar.
Síðast en ekki síst var tilkynnt að þingmönnum
bæri framvegis að skila mánaðarlegu yfirliti um þing-
fararkostnað og að slík yfirlit yrðu öllum aðgengileg á
netinu. Birtingarskyldan skal vera afturvirk og gilda frá
1. janúar síðastliðnum.
Ástæða er til að hrósa þinginu fyrir skjót og fumlaus
viðbrögð. Hins vegar hlýtur sú spurning að vakna
hvers vegna miðað sé við 1. janúar 2018 en ekki farið
lengra aftur í tímann. Er hugsunin að gefa þingmönn-
um tækifæri til að bæta ráð sitt og slá striki yfir for-
tíðina? Gömlum syndum eigi einfaldlega að gleyma?
Auðvitað er þetta ekki fullnægjandi. Komið hefur
fram að Ásmundur Friðriksson rukkaði skattgreiðend-
ur á síðasta ári um 2,5 milljónum króna hærri upphæð
en sem nemur áætluðum rekstrarkostnaði bíls hans á
einu ári. Þótt Ásmundur hafi verið efstur á blaði voru
allnokkrir með háar upphæðir.
Tíu akstursglöðustu þingmennirnir rukkuðu um 29
milljónir króna. Sömuleiðis hafa komið fram upp-
lýsingar sem benda til þess að reglur um húsnæðis- og
dvalarkostnað hafi verið misnotaðar, eða í besta falli
togaðar og teygðar. Um risnu þingmanna og ráðherra
er ekkert vitað.
Enn hefur ekki verið upplýst að fullu hverjir eiga
í hlut. Slíkt er ólíðandi fyrir þann meirihluta þing-
manna sem ekkert hefur að fela. Skilaboðin út í
samfélagið eru afleit. Ráðamenn þurfa ekki að mæta
afleiðingum gjörða sinna.
Björn Leví Gunnarsson, þingmaður Pírata, hefur
sent erindi til forsætisnefndar þess efnis að rann-
sakað verði hvort reglur þingsins hafi verið brotnar
við endurgreiðslu á aksturspeningum. Hann vill
sömuleiðis að upplýst verði hvort skrifstofa Alþingis
og skrifstofustjóri hafi vanrækt að sinna eftirliti með
endurgreiðslum til þingmanna. Hvort tveggja eru
brýnar spurningar sem brýnt er að svara.
Þegar fólk fær sjálfdæmi í eigin málum gengur það
oft á lagið. Því miður virðist sem lenska hafi verið
meðal þingmanna að misnota tómlæti starfsmanna
þingsins þegar kemur að eftirliti með endurgreiðslu á
útlögðum kostnaði.
Við þekkjum það frá nágrannalöndum okkar að
þingmenn hafa verið sóttir til saka vegna lægri fjár-
hæða en hér er teflt um.
Jón Þór Ólafsson, sérfræðingur í refsirétti, hefur látið
hafa það eftir sér að röng skráning í akstursbók geti
talist til fjársvika. Sama gildir væntanlega um annan
kostnað sem fæst endurgreiddur á fölskum forsendum.
Þingið hefur nú sýnt vilja til að breyta verklagi sínu
til batnaðar. Ef eyða á grunsemdum að fullu þarf að
ganga enn lengra.
Ráðamenn eiga ekki að vera hafnir yfir lögin.
Ekki nóg
2 4 . f e b r ú a r 2 0 1 8 L a U G a r D a G U r16 s k o ð U n ∙ f r É T T a b L a ð i ð
SKOÐUN
2
4
-0
2
-2
0
1
8

0
4
:3
5
F
B
1
1
2
s
_
P
1
1
2
K
.p
1
.p
d
f
F
B
1
1
2
s
_
P
0
9
7
K
.p
1
.p
d
f
F
B
1
1
2
s
_
P
0
0
1
K
.p
1
.p
d
f
F
B
1
1
2
s
_
P
0
1
6
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
F
0
C
-F
0
E
8
1
F
0
C
-E
F
A
C
1
F
0
C
-E
E
7
0
1
F
0
C
-E
D
3
4
2
7
5
X
4
0
0
.0
0
1
1
A

F
B
1
1
2
s
_
2
3
_
2
_
2
0
1
8
C
M
Y
K