Fréttablaðið - 02.05.2018, Blaðsíða 29
Kraftmiklir leiðtogar koma vel fyrir sig orði
Viltu vera leiðtogi sem nærð til fólks, endurspeglar öryggi og færð aðra í lið með þér á jákvæðan
og faglegan hátt? Hvernig þú tjáir þig getur verið lykillinn að velgengni þinni í starfi. Námskeiðið
Áhrifaríkar kynningar (High Impact Presentations) styrkir fagfólk til að miðla af öryggi og
trúverðugleika til ólíkra áheyrendahópa.
16. maí og 30. maí • Nánar á dale.is
Copyright © 2018 Dale Carnegie & Associates, Inc. All rights reserved. ad_121317_iceland
Það sem við förum yfir:
• Skapa jákvæð áhrif við fyrstu kynni
• Auka trúverðugleika
• Framsetning á flóknum upplýsingum
• Tjáning á áhrifaríkan hátt
• Hvetja aðra til framkvæmda
• Bregðast rétt við krefjandi aðstæðum
• Fá aðra til að fagna breytingum
• Koma fram í fjölmiðlum
Breskir þingmenn og grein-endur hafa varað við því að risasamruni bresku matvörukeðjanna Sains-bury og Asda gæti leitt til
þess að þúsundir missi vinnuna og
tugum verslana verði lokað. Búist
er við því að bresk samkeppnisyfir-
völd gaumgæfi samrunann ítarlega.
Forsvarsmenn Sainsbury, sem er
næststærsta matvörukeðja Bret-
lands, tilkynntu á mánudag um
áform sín um að taka Asda, sem
er í eigu bandaríska verslanaris-
ans Walmart, yfir. Sameinað félag
yrði stærsta matvörukeðja lands-
ins með um þriðjungshlutdeild á
markaðinum. Markaðsvirði þess,
að teknu tilliti til skulda, yrði um
15 milljarðar punda eða sem jafn-
gildir um 2.080 milljörðum króna.
Walmart fær hluta kaupverðsins,
þrjá milljarða punda, greiddan
í peningum og hluta með hluta-
bréfum, en bandaríska félagið mun
eignast 42 prósenta hlut í sam-
einuðu félagi. Það hefur hins vegar
samþykkt að fara aðeins með 29,9
prósent atkvæðaréttar til þess að
þurfa ekki að gera yfirtökutilboð í
allt félagið.
Fjárfestar tóku tíðindunum
fagnandi en til marks um það snar-
hækkuðu hlutabréf í Sainsbury um
14,5 prósent í verði eftir að tilkynnt
var um kaupin á mánudag. Ýmsir
breskir stjórnmálamenn voru ekki
eins ánægðir, að því er fram kemur
í fréttaskýringu Financial Times, og
sögðust efast um að loforð stjórn-
enda fyrirtækjanna um að engum
verslunum yrði lokað og engum
starfsmönnum sagt upp væru trú-
anleg.
Hillary Benn, þingmaður Verka-
mannaflokksins, nefndi til dæmis
að búast mætti við uppsögnum
í borginni Leeds, þar sem höfuð-
stöðvar Asda eru, og þá sagði
Rachel Reeves, formaður við-
skiptanefndar breska þingsins, að
starfsfólk keðjanna væri „ótrúlega
áhyggjufullt“ yfir stöðu sinni.
Rebecca Long-Bailey, sem fer
með viðskiptamál í skuggaráðu-
neyti Verkamannaflokksins, sagði
það „áríðandi“ að bresk sam-
keppnisyfirvöld grandskoðuðu
áhrifin sem samruninn gæti haft
á birgja. Varaði hún jafnframt við
því að sameinað félag gæti skapað
sér því sem næst einokunarstöðu á
matvörumarkaði.
Hvað segir eftirlitið?
Þegar fyrst var tilkynnt um kaupin
sögðust forsvarsmenn Sainsbury og
Asda ekki eiga von á því að þurfa að
selja eða loka verslunum yrðu kaup-
in að veruleika. Bæði vörumerkin
yrðu áfram notuð og höfuðstöðvar
Asda yrðu á sínum stað. Lofuðu þeir
því jafnframt að verð í verslunum
þeirra myndi lækka um allt að tíu
prósent.
Síðar um daginn viðurkenndu
þeir þó að ekki mætti útiloka með
öllu að einhverjum verslunum yrði
lokað eða fermetrum þeirra fækkað.
Það ylti á því hvaða afstöðu sam-
keppnisyfirvöld tækju til samrunans.
Greinendur telja ekki ósennilegt að
yfirvöld muni setja samrunanum
þau skilyrði að sameinað félag selji
tilteknar verslanir og veiki þannig
markaðsstöðu sína.
Breska samkeppniseftirlitið
sagði á mánudag að líklegt væri að
það tæki kaupin til skoðunar. Fyrst
yrði rætt við forsvarsmenn mat-
vörukeðjanna og í kjölfarið hæfist
formleg rannsókn. Keðjurnar hafa
þegar beðið eftirlitið um að hraða
rannsókninni. Eru vonir bundnar
við að yfirtakan gangi að fullu í gegn
haustið 2019.
„Yfirtakan gæti auðveldlega farið
út um þúfur ef CMA [breska sam-
keppniseftirlitið] heldur sig við
sínar gömlu reglur og mælikvarða,“
segir Bruno Monteyne, greinandi hjá
eignastýringarfyrirtækinu Bernstein.
Samkvæmt útreikningum Patrick
O’Brien, rannsóknarstjóra hjá Glo-
balData, gæti sameinað félag þurft
að selja í það minnsta 75 verslanir.
„Ég vona að þeir hafi fengið góða
lögfræðilega ráðgjöf,“ segir stór
hluthafi í Sainsbury í samtali við
Financial Times, og vísar til stjórn-
enda félagsins. „Þeir telja greinilega
að kaupin fái að ganga í gegn. Maður
myndi halda að fyrirtækin hefðu
farið rækilega yfir öll samkeppnis-
legu álitamálin.“
Stærsti hluthafi Sainsbury, fjár-
festingarsjóður Katars, sem fer með
22 prósenta hlut í matvörukeðj-
unni, hefur sagst styðja yfirtökuna.
Bregðast við breyttu umhverfi
Sérfræðingar telja að með kaupunum
séu matvörukeðjurnar að leita leiða
til þess að bregðast við aukinni sam-
keppni, til dæmis frá þýsku lágvöru-
verðskeðjunum Aldi og Lidl og ekki
síður netverslunum eins og Ama-
zon, sem og breyttri kauphegðun
neytenda. Nokkrir benda á að bresk
samkeppnisyfirvöld hafi hingað til
leyft fyrirtækjum á smá- og heild-
sölumarkaði að bregðast við breyttu
umhverfi með sameiningum. Þann-
ig keypti Sainsbury verslanakeðjuna
Argos árið 2016 og Tesco, sem er
stærsta matvörukeðja Bretlands, festi
kaup á heildsalanum Booker í fyrra.
Fyrrverandi starfsmaður breska
samkeppniseftirlitsins segir hins
vegar í samtali við Reuters að for-
svarsmenn Sainsbury og Asda megi
ekki draga of víðtækar ályktanir af
niðurstöðu eftirlitsins í umræddum
samrunamálum. Samruni Sainsbury
og Asda sé einfaldlega af annarri
stærðargráðu. Samkeppnislegu álita-
málin sem þau skapi skipti tugum.
Sameinað félag verður, eins og áður
sagði, stærsta matvörukeðja Bret-
lands með meiri markaðshlutdeild en
Tesco. David Tyler, stjórnarformaður
Sainsbury, mun gegna stjórnarfor-
mennsku í sameinuðu félagi og Mike
Coupe, forstjóri Sainsbury, mun stýra
daglegum rekstri þess.
„Þetta er stórt tækifæri til þess
að búa til nýtt og sterkt afl í breskri
verslun,“ sagði Coupe. „Ég starfaði
fyrir Asda áður en ég fór til Sainsbury,
þekki menninguna og reksturinn vel
og trúi því að fyrirtækin passi vel
saman.“
Fraser McKevitt, sérfræðingur
hjá greiningarfyrirtækinu Kantar
Worldpanel, segir að hægt sé að líta
á kaupin sem vendipunkt á breskum
matvörumarkaði. Sameinað félag
gæti „gjörbreytt“ landslaginu.
Samkvæmt gögnum fyrirtækisins
hefur nokkuð hægst á söluvexti Sains-
bury og Asda undanfarna mánuði
samanborið við vöxt helstu keppi-
nauta þeirra. Þannig jókst sala aðeins
um 0,2 prósent hjá Sainsbury og 1,4
prósent hjá Asda á síðustu tólf vikum.
Til samanburðar var vöxturinn 2,1
prósent hjá Tesco og 2,2 prósent hjá
Wm Morrison, fjórðu stærstu mat-
vörukeðju Bretlands. Á sama tíma
stórjókst sala þýsku lágvöruverðs-
verslananna Aldi og Lidl, sem hafa
haslað sér völl í landinu, um allt að
níu prósent.
Sainsbury gæti þurft að selja verslanir
Breskir þingmenn óttast að yfirtaka Sainsbury á keppinautinum Asda muni leiða til uppsagna starfsfólks. Sameinað félag verður
stærsta matvörukeðja Bretlands. Samkeppnisyfirvöld gætu sett samrunanum þau skilyrði að sameinað félag selji tilteknar verslanir.
Sameinað félag Sainsbury og Asda verður stærsta matvörukeðja Bretlands með um þriðjungshlutdeild. Ekki er búist
við því að samkeppnisyfirvöld komi í veg fyrir samrunann en þau gætu sett honum ströng skilyrði. NordicpHotoS/GEtty
Samrunar fyrir 120 milljarða dala á mánudag
Tilkynnt var um samruna og yfirtökur fyrir meira en 120 milljarða dala,
jafnvirði um 12.112 milljarða króna, síðastliðinn mánudag. Samkvæmt
gögnum frá Dealogic nemur heildarvirði samruna á árinu um 1.700
milljörðum dala en upphæðin hefur aldrei áður verið hærri á þessum
tíma ársins.
Í frétt Financial Times segir að aukningin í samrunum og yfirtökum
sé drifin áfram af háu hlutabréfaverði, ódýru lánsfé og myndarlegum
hagvexti á heimsvísu.
Tilkynnt var um óvenjumarga stóra samruna í upphafi vikunnar. Til
viðbótar við yfirtöku Sainsbury á Asda samþykkti stjórn bandaríska fjar-
skiptarisans T-Mobile að festa kaup á einum helsta keppinauti sínum,
fjarskiptafyrirtækinu Sprint, fyrir 59 milljarða dala, en viðskiptavinir
sameinaðs félags verða yfir 127 milljón talsins.
Auk þess var tilkynnt um 36 milljarða dala yfirtöku olíuhreinsunar-
risans Marathon Petroleum á keppinautinum Andeavor, en kaupin eru
þau verðmætustu í olíugeiranum í yfir tvö ár.
„Það er meira í vændum,“ segir Lee Le Brun, framkvæmdastjóri hjá
Rotschild-bankanum. „Það eina sem gæti komið í veg fyrir frekari sam-
runa væri eitthvað utanaðakomandi eða pólitískt áfall. En svo lengi sem
tónlistin hljómar mun dansinn duna.“
15
milljarðar punda verður
markaðsvirði sameinaðs
félags Sainsbury og Asda.
Kristinn Ingi
Jónsson
kristinningi@frettabladid.is
5M I Ð V I K U D A G U R 2 . M A í 2 0 1 8 mArkAðurinn
0
2
-0
5
-2
0
1
8
0
4
:1
6
F
B
0
4
8
s
_
P
0
3
2
K
.p
1
.p
d
f
F
B
0
4
8
s
_
P
0
2
9
K
.p
1
.p
d
f
F
B
0
4
8
s
_
P
0
1
7
K
.p
1
.p
d
f
F
B
0
4
8
s
_
P
0
2
0
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
F
A
4
-7
C
1
4
1
F
A
4
-7
A
D
8
1
F
A
4
-7
9
9
C
1
F
A
4
-7
8
6
0
2
7
5
X
4
0
0
.0
0
1
6
A
F
B
0
4
8
s
_
1
_
5
_
2
0
1
8
C
M
Y
K