Fréttablaðið - 03.05.2018, Qupperneq 14

Frá degi til dags
ÚTGÁFUFÉLAG: 365 miðlar ehf. STJÓRNARFORMAÐUR: Einar Þór Sverrisson FORSTJÓRI: Ingibjörg Stefanía Pálmadóttir ÚTGEFANDI OG AÐALRITSTJÓRI: Kristín Þorsteinsdóttir kristin@frettabladid.is
AÐSTOÐARRITSTJÓRAR: Kjartan Hreinn Njálssson kjartanh@frettabladid.is, Ólöf Skaftadóttir olof@frettabladid.is, Sunna Karen Sigurþórsdóttir sunnak@frettabladid.is.
Fréttablaðið kemur út í 85.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum
án endurgjalds. ISSN 1670-3871 FRÉTTABLAÐIÐ Skaftahlíð 24, 105 Reykjavík Sími: 512 5800, ritstjorn@frettabladid.is HELGARBLAÐ: Kristjana Björg Guðbrandsdóttir kristjanabjorg@frettabladid.is MARKAÐURINN: Hörður Ægisson hordur@frettabladid.is
MENNING: Magnús Guðmundsson magnus@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Halldór
Kjartan Hreinn
Njálsson
kjartanh@frettabladid.is

Í dag er
staðan sú að í
mörgum
löndum er
bólusetn­
ingarhlutfall
komið niður
fyrir 95
prósent, sem
er viðmið
WHO.

Reykjavík
hefur náð
árangri sem
hefur vakið
mikla athygli
erlendis við
þróun þátt­
tökulýðræðis
og Reykjavík
hefur alla
burði til að
gera hið sama
sem snjall­
borg.
Þ ökk sé uppgötvun þinni munu kyn­slóðir framtíðarinnar aðeins hafa kynni af hinni ógeðfelldu bólusótt í gegnum venjur fyrri alda.“ Þetta ritaði Thomas Jefferson árið 1806, þá for­seti Bandaríkjanna, í bréfi til enska
vísindamannsins Edwards Jenner. Seint á 18.
öld ruddi Jenner brautina fyrir eina af grunnfor­
sendum nútíma heilbrigðisþjónustu þegar hann
þróaði fyrsta bóluefnið. Hundrað og sjötíu árum
eftir að þakkarbréf Jeffersons barst Jenner lýsti
Alþjóðaheilbrigðismálastofnunin (WHO) því yfir
að bólusótt, einni hörmulegustu pest mannkyns­
sögunnar, hefði verið útrýmt.
Þó svo að gjöf Jenners hafi verið mikilvæg þá
var það ekki aðeins uppgötvun hans sem leiddi
til sigurs yfir bólusóttarveirunni, heldur var það
grettistak alþjóðasamfélagsins, undir merkjum
WHO, sem varð til þess að endanlegt markmið
um útrýmingu náðist. Sama hversu öflugt bólu­
efnið er þá er sjálf bólusetningin lykilatriði.
Því miður er það svo að lítill skilningur á bólu­
setningum, ásamt útbreiðslu villandi upplýsinga
um þær, litlu trausti til sjúkrastofnana og vand­
ræða við framkvæmd og skráningu, hefur valdið
því að hlutfall þeirra sem fara í bólusetningu hér
á landi og víðar hefur farið niður á við undan­
farin ár. Árið 2017 greindust 22 þúsund tilfelli af
mislingum í Evrópu. Síðasta ár var metár í þessum
efnum. Á fyrstu tveimur mánuðum þessa árs eru
staðfest smit í Evrópu ellefu þúsund.
Í dag er staðan sú að í mörgum löndum er
bólusetningarhlutfall komið niður fyrir 95 pró­
sent, sem er viðmið WHO. Hér á Íslandi erum
við einnig komin niður fyrir viðmiðunarmörk
bólusetninga hjá börnum milli 12 mánaða og
fjögurra ára.
Það sem er í húfi er ekkert annað en framtíðar­
velferð þess samfélags sem við höfum tekið
höndum saman um að skapa og rækta. Linkind
gagnvart þeim sem vanrækja bólusetningar á ekki
að líðast. Á undanförnum misserum hafa yfirvöld
á Ítalíu og í Frakklandi, af illri nauðsyn, innleitt
reglur sem skylda fólk í bólusetningar.
Það að tryggja ásættanlegt hlutfall bólusettra
með löggjöf eða reglugerðarbreytingum hefur
ekkert með val einstaklingsins að gera, heldur
heildarhagsmuni samfélagsins með tilliti til
hjarðónæmis og þeirra sem veikir eru fyrir.
Eins og Thomas Jefferson gerði sér grein
fyrir hefur skilvirk bólusetning jákvæð áhrif til
skemmri og lengri tíma. Minnkandi þátttaka í
bólusetningum er ekki nýtt fyrirbæri. Því þarf að
efla það góða starf sem þegar hefur verið unnið
og tryggja að fólk mæti í bólusetningu og að fram­
kvæmd og umgjörð hennar sé eins og best verður
á kosið.
Ill nauðsyn
Í dag stendur Reykjavíkurborg fyrir ráðstefnu um snjallborgina Reykjavík í Hörpu. Á undanförnum árum höfum við lagt mikla áherslu á að nýta tækni í
þjónustu við íbúa borgarinnar. Við fengum framsæknar
tillögur úr starfshópi um snjallborgina Reykjavík,
höfum starfað mikið með Cisco um að Reykjavík verði
tilraunasvæði snjallborgar, Vodafone er samstarfsaðili
okkar um snjallvæðingu Klambratúns og við höfum
gert samninga við fyrirtæki í velferðarmálum sem mun
bæta þjónustu við eldri borgara með nýrri velferðar­
tækni. Allt er þetta hluti af snjallborginni Reykjavík
sem er nokkurs konar samheiti yfir nýjar hugmyndir
um viðfangsefni í borgarrekstri.
Aukin lífsgæði, betri þjónusta og tæknibreytingar
Reykjavík starfar í nýstárlegu landslagi sífellt örari
tækniframfara og samfélagsbreytinga sem umbylta við­
teknum venjum og gömlum gildum. Þar er mikilvægt
að muna að Reykjavík er líka staðsett í samkeppnis­
umhverfi norrænna og evrópskra borga sem keppast
um að laða til sín fólk. Nýleg úttekt Norrænu ráðherra­
nefndarinnar leiddi í ljós að Reykjavík er að hækka
verulega í samkeppnishæfni og lífsgæðum samanborið
við helstu svæði á Norðurlöndum.
Ljósleiðaravæðingin
Það sem gerir Reykjavík að einstökum stað til snjall­
borgarvæðingar er að nú þegar höfum við ljósleiðara­
vætt allt höfuðborgarsvæðið sem hefur skilað okkur
í fremstu röð snjallborga. Við búum við græna orku,
tæknilæsi hér er mikið og fólkið okkar er vel menntað.
Reykjavík hefur náð árangri sem hefur vakið mikla
athygli erlendis við þróun þátttökulýðræðis og Reykja­
vík hefur alla burði til að gera hið sama sem snjallborg.
Fólk frekar en tæki
Á ráðstefnunni í Hörpu í dag gefst okkur tækifæri til
að fá innsýn í snjallborgina Reykjavík og á hvaða leið
við erum – en um leið heyra um það sem er efst á baugi
í lausnum og framtíðarsýn á þau verkefni sem allar
nútímaborgir eru að kljást við í dag.
Snjallborgin Reykjavík
Dagur B.
Eggertsson
borgarstjóri
Flísabúðin
Stórhöfða 21 | s: 545 5500 | flis.isFinndu okkur á facebook
Flísabúðin
30
ÁRA
2018
Gæði og glæsilei
ki
endalaust úrval a
f hágæða flísum
Úr sveit í borg
Í gær var birt á vef Ríkis-
endurskoðunar úrdráttur
úr uppgjöri vegna þátttöku
Eyþórs Arnalds í leiðtoga-
kjöri Sjálfstæðisflokksins
fyrir komandi borgarstjórnar-
kosningar. Kemur þar meðal
annars fram að Eyþór lagði
milljón króna til úr eigin vasa
og að afkoma framboðsins
var neikvæð um 1.500 þúsund
krónur. Þar kemur einnig
fram að Mjólkursamsalan og
Kaupfélag Skagfirðinga, sem
er einn eigenda Mjólkursam-
sölunnar, styrktu framboðið
um 200 þúsund krónur hvor
aðili. Bæði fyrirtækin eru að
sjálfsögðu þekkt fyrir að vilja
hag borgarinnar og borgarbúa
sem allra mestan.
Frjór Kópavogur
Kosningabaráttan í Kópa-
vogi er farin á fullt líkt og í
flestum öðrum sveitarfélögum.
Kosningabaráttan þar gefur
ástæðu til að kanna hvort það
sé eitthvað í vatninu í þeim bæ
sem geri það að verkum að fólk
verður of einsleitt eða byrjar
að hugsa á sama hátt. Svo hátt-
ar nefnilega til að Sjálfstæðis-
flokkurinn og sameiginlegt
framboð Viðreisnar og Bjartrar
framtíðar hafa bæði valið að
keyra á slagorðinu „Kópavogur
til framtíðar“. Mögulega gætu
dreggjar síðustu ríkisstjórnar
þó spilað þar inn í.
joli@frettabladid.is
3 . M A Í 2 0 1 8 F I M M T U D A G U R14 S K O Ð U N ∙ F R É T T A B L A Ð I Ð
SKOÐUN
0
3
-0
5
-2
0
1
8

0
4
:2
0
F
B
0
5
6
s
_
P
0
5
4
K
.p
1
.p
d
f
F
B
0
5
6
s
_
P
0
4
3
K
.p
1
.p
d
f
F
B
0
5
6
s
_
P
0
0
3
K
.p
1
.p
d
f
F
B
0
5
6
s
_
P
0
1
4
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
F
A
7
-F
7
4
C
1
F
A
7
-F
6
1
0
1
F
A
7
-F
4
D
4
1
F
A
7
-F
3
9
8
2
7
5
X
4
0
0
.0
0
1
3
A

F
B
0
5
6
s
_
2
_
5
_
2
0
1
8
C
M
Y
K