Morgunblaðið - 17.10.2017, Blaðsíða 33

MENNING 33
MORGUNBLAÐIÐ ÞRIÐJUDAGUR 17. OKTÓBER 2017
Blade Runner 2049 Ný Ný
Undir trénu 3 6
My little Pony, the movie 2 2
The Snowman Ný Ný
The Lego Ninjago Movie 5 4
Kingsman: The Golden Circle (2017) 4 4
Home Again 6 3
Happy Family 8 7
Emojimyndin 9 8
The Son of Bigfoot (Sonur Stórfótar) 10 6
Bíólistinn 13.–15. október 2017
Nr.
Var
síðast
Vikur
á listaKvikmynd
1
2
3
4
5
6
7
8
9
10
Tekjuhæsta kvikmynd sl. helgar af
þeim sem sýndar voru í bíóhúsum
landsins var Blade Runner 2049
sem skilaði rúmum fjórum millj-
ónum króna í kassann. Undir trénu
sótti í sig veðrið, fór úr þriðja sæti í
annað en alls hafa nú um 36.000 séð
hana frá frumsýningu.
Bíóaðsókn helgarinnar
Blade Runner 2049 vel sótt
Sumarbörn. Þetta orð erþrungið ljóðrænni bjart-sýni, hvað er yndislegra enbörn og sumar? Titillinn
vekur jákvæðar tilfinningar en þeg-
ar myndin byrjar er snúið upp á
þessar tilfinningar. Þar lærum við
að sumarbörn eru börn sem verja
sumrinu á vistheimili. Þau sem
dvelja þar árið um kring eru kölluð
öllu kuldalegra nafni; vetrarbörn.
Þar með öðlast orðið alvörugefnari
vídd. Því er titillinn ansi sterkur,
hann endurspeglar stemninguna í
myndinni þar sem ljóðrænni og
barnslegri bjartsýni er fléttað sam-
an við þrúgandi alvöru lífsins.
Í upphafsatriðinu sjáum við aðal-
persónurnar, Eydísi og Kára,
kveðja móður sína áður en þau fara
um borð í rútu. Móðurina leikur
Hera Hilmarsdóttir, sem fór á sín-
um tíma með aðalrulluna í Veðra-
mótum (2007) sem einnig fjallar um
lífið á upptökuheimili og mér hefur
alltaf þótt með best heppnuðu ung-
lingamyndum íslenskrar kvik-
myndasögu. Hér er Hera þó í auka-
hlutverki og börnin baða sig í
sviðsljósinu.
Rútan flytur þau á vistheimilið
Arnartanga sem er á ótilgreindum
stað úti á landi. Þar veitir „yfirfóstr-
an“ Pálína Pálsdóttir þeim afar
óblíðar móttökur. Frá fyrstu kynn-
um er ljóst að Pálína er óvinurinn í
sögunni, bæði útlit hennar, nafn og
framkoma gefa til kynna að hún sé
ströng, hvöss og ósanngjörn. Stór-
leikkonan Brynhildur Guðjónsdóttir
túlkar Pálínu með glæsibrag og fær
hvern sem er, jafnt börn og full-
orðna, til að óttast sig og sannfærast
um að ef þeir mættu henni í lifanda
lífi myndi hún veita þeim ærlega
ráðningu.
Eydís og Kári þurfa að aðlagast
lífinu á Arnartanga sem einkennist
af ströngum reglum og litlum kær-
leika. Kári er afar óöruggur framan
af, hann óhlýðnast fóstrunum og er
feiminn við hin börnin. Það er bjart-
ara yfir Eydísi en litla bróður henn-
ar, hún stappar í hann stálinu og er
afar móðurleg, bæði við hann og hin
börnin. Eftir því sem líður á sum-
arið snýst hlutskipti þeirra við; Kári
verður liðlegri en Eydís verður sí-
fellt borubrattari og fóstrurnar full-
yrða að hún sé algjör óhemja. Eydís
hefur ríkt ímyndunarafl og lætur sig
dreyma jafnt á daginn sem á nótt-
unni og það hjálpar henni að glíma
við lífið. Hún kemur endurtekið
auga á strák sem ríður á hesti um
sveitina og hann verður trúnaðar-
vinur hennar en áhorfendur verða
að ákveða með sjálfum sér hvort
hann sé raunverulegur eða ekki.
Í dag myndi hegðun Eydísar síst
af öllu vekja þau viðbrögð að hún
væri óhemja, fólk myndi segja að
hún væri sjálfstæður og skemmti-
legur krakki. Það er auðvitað margt
öðruvísi í dag en í innri tíma mynd-
arinnar, sem er um 1960, og maður
prísar sig sælan að svo sé. Ástæða
þess að Eydís og Kári eru send á
Arnartanga er heimilisofbeldi. Í
samtali við önnur börn segir Eydís
að pabbi hennar sé stundum svo
reiður að mamma hennar þurfi að
fara á spítala. Það nístir hjartað að
heyra baksögur barnanna, bak-
grunnur þeirra er ólíkur en þau eru
öll frá brotnum heimilum. Allar
fóstrurnar, nema ein sem er góð og
skilningsrík, koma fram við börnin
eins og þau beri ábyrgð á því hvern-
ig komið er fyrir þeim og sýna lítinn
skilning á aðstæðum þeirra. Þar
sem maður veit að svona var þetta
einu sinni í raun og veru verður
maður stundum alveg fokvondur
yfir því að svona nokkuð hafi við-
gengist.
Sumarbörn er fyrsta kvikmynd
Guðrúnar Ragnarsdóttur í fullri
lengd. Hún nam kvikmyndagerð í
einum virtasta listaháskóla heims,
CalArts í Bandaríkjunum, og hefur
síðan gert stuttmyndir sem hafa
unnið til verðlauna og unnið í kvik-
myndabransanum um skeið. Þótt
Guðrún sé á fullorðinsaldri og hafi
tekið sér langan tíma í að gefa út
sína fyrstu stóru mynd er í öllu falli
gleðilegt að hún sé komin og for-
vitnilegt verður að fylgjast með
hvað hún gerir í framtíðinni.
Í þessari fyrstu mynd sinni tekur
Guðrún áhættur sem ég kann einkar
vel að meta. Sú fyrsta er að gera
fjölskyldumynd, en fjölskyldumynd
af þessu tagi hefur ekki komið út
hér á landi í áraraðir og það þarf
ekkert að fjölyrða um mikilvægi
þess að það komi út vandað efni á ís-
lensku fyrir yngri aldurshópinn.
Önnur áhætta er að hafa börn í aðal-
hlutverkum myndarinnar en hún
lukkast ágætlega og ungi leikhópur-
inn stendur sig með prýði.
Myndin virkar bæði fyrir börn og
fullorðna þótt viðfangsefnið sé al-
varlegt. Börn fíla alveg dramatík og
maður skyldi ekki vanmeta það,
manni verður t.d. hugsað til Benja-
míns dúfu og Bróður míns Ljóns-
hjarta sem hafa heillað börn svo
kynslóðum skiptir. Það er líka
skemmtilegt hvernig sagan er sögð
frá sjónarhorni barnanna, þannig að
draumar og ímyndun verða stund-
um raunveruleg. Sérstaklega hafði
ég gaman af því hvernig þjóðsögu-
minni birtast í atriðum undir lok
myndarinnar þar sem börnin sjá
ýmsar óvættir holdgerast í stór-
skornu landslaginu. Að því sögðu
hefði ég samt viljað sjá aðeins fleiri
fjörug atriði inn á milli til að létta
stemninguna. Atriðin sem sýna Ey-
dísi njóta lífsins inn á milli harm-
rænni atriða eru draumkennd og
falleg en verða ofurlítið endurtekn-
ingasöm.
Það vantar aðeins upp á í tækni-
legri úrvinnslu myndarinnar. Klipp-
ingarnar fannst mér svolítið skrítn-
ar, sérstaklega í byrjun myndar þar
sem stundum er stokkið ómjúklega
milli ólíkra tíma og tökustaða. Þá er
myndin endrum og sinnum í mót-
sögn við sitt innra samhengi. Þetta
sést m.a. á því að börnin flakka
frjáls um alla sveit þótt það sé búið
að útlista að þau megi ekki fara út af
lóðinni og þegar Eydís finnur sendi-
bréf frá mömmu sinni á mjög tilvilj-
unarkenndum stað og óljóst af
hverju í ósköpunum það ætti að vera
þar. Hljóðvinnslan er á köflum
óvönduð, stundum detta bakgrunns-
hljóð út þegar einhver tekur til máls
eða það verður áberandi að átt hefur
verið við hljóðið. Tónlistin er hins
vegar frábær, í fararbroddi eru Kira
Kira og Hermigervill sem sömdu
tónlistina og flutninginn annast ein-
valalið íslenskra tónlistarmanna. Þá
eru tæknibrellurnar í kvikmyndinni,
sem eru notaðar til að láta persónur
fljúga um loftin blá og sitthvað
fleira, með þeim bestu sem ég hef
séð í íslenskri mynd.
Hugljúf Sumarbörn er hugljúf mynd um alvarlegt málefni, vönduð íslensk fjölskyldumynd, að mati gagnrýnanda.
Með augum barnsins
Smárabíó, Háskólabíó og
Borgarbíó
Sumarbörn bbbmn
Leikstjórn og handrit: Guðrún Ragnars-
dóttir. Kvikmyndataka: Ásgrímur Guð-
bjartsson. Klipping: Davíð Alexander
Corno. Aðalhlutverk: Kristjana Thors,
Stefán Örn Eggertsson, Brynhildur Guð-
jónsdóttir, Hera Hilmarsdóttir. Guðlaug
Elísabet Ólafsdóttir.
BRYNJA
HJÁLMSDÓTTIR
KVIKMYNDIR
Láttu þér ekki vera kalt
Sími 555 3100 www.donna.is
hitarar og ofnar
Olíufylltir ofnar 7 og 9
þilja 1500W og 2000W
Keramik hitarar
með hringdreifingu
á hita
Hitablásarar
í úrvali
Ný vefverslun: www.donna.is
Erum nú á Facebook: donna ehf
BÍÓ
áþriðjudögum í Laugarásbíó
750
á allarmyndir nema íslenskar
kr.
FRÍ
ÁFYLL
ING
Á GOS
I
Í HLÉI
SÝND KL. 10SÝND KL. 8, 10.30
SÝND KL. 5.50 SÝND KL. 6, 8