Morgunblaðið - 20.01.2018, Blaðsíða 53

DÆGRADVÖL 53
MORGUNBLAÐIÐ LAUGARDAGUR 20. JANÚAR 2018
Stjörnuspá
21. mars - 19. apríl 
Hrútur Þú kemst í álnir, til metorða og
uppskerð virðingu samferðamanna sama
hver bakgrunnur þinn er. Eldmóður þinn er
óslökkvandi.
20. apríl - 20. maí 
Naut Reyndu að hafa stjórn á sjálfum þér á
öllum sviðum, sérstaklega skaltu gæta hófs
í mat og drykk. Ekki leggja árar í bát þótt á
móti blási.
21. maí - 20. júní 
Tvíburar Taktu afleiðingum gjörða þinna og
mundu að til þess að ná árangri þarftu að
leggja þitt af mörkum. Valdamiklir ein-
staklingar leggja eyrun við þegar þú talar.
21. júní - 22. júlí 
Krabbi Þótt þú sinnir nú mikilvægu ábyrgð-
arstarfi er óþarfi að taka sjálfan sig of há-
tíðlega. Spennandi möguleikar á ferðalögum
eða námi gætu boðist.
23. júlí - 22. ágúst 
Ljón Það er til lítils að láta einhver minni-
háttar mál pirra sig og eyðileggja daginn.
Frestaðu nú ekki lengur því sem þú hefur
lofað að framkvæma.
23. ágúst - 22. sept. 
Meyja Hindranir dagsins í dag eru ímynd-
aðar eða að minnsta kosti miklu auðveldari
viðureignar en þú hefðir haldið. Ekki gefast
upp þótt á móti blási því þú munt uppskera
ríkulega.
23. sept. - 22. okt. 
Vog Það er létt og bjart í kringum þig og
fólk laðast að þér. Reyndu að vera
raunsæ/r og heiðarleg/ur gagnvart sjálfri/
sjálfum þér.
23. okt. - 21. nóv.
Sporðdreki Haltu höfðinu hátt svo þú getir
séð allar þær hindranir sem leynast milli þín
og hins fullkomna dags. Víkkaðu sjóndeild-
arhringinn og prófaðu eitthvað nýtt og
framandi.
22. nóv. - 21. des.

Bogmaður Horfðu framhjá því fólki sem
reynir að espa þig upp því það er ekki þess
virði að kasta perlum fyrir svín. Vertu því
varkár í umgengni þinni við aðra.
22. des. - 19. janúar 
Steingeit Nú er að grípa tækifærið og gera
tilboð í það sem þú hefur lengi haft auga-
stað á. Hið óvænta færir þér gleði.
20. jan. - 18. febr. 
Vatnsberi Þú þarft að hafa augu á hverjum
fingri í fjármálum því það er aldrei að vita
hvenær gefur á bátinn. Með réttu hugarfari
gæti margt jákvætt komið í ljós.
19. feb. - 20. mars

Fiskar Þér gefst tækifæri til að kynnast
nýju fólki og það lætur þér líða stórkost-
lega. Nú er ákjósanlegur tími til að ryðja
gömlum ágreiningi úr vegi.
Gátan er sem endranær eftirGuðmund Arnfinnsson:
Svæði afgirt fyrir fé.
Í fjósinu ég hygg að sé.
Hestakofi opinn er.
Umferð gegnum túnið ber.
Helgi Seljan á þessa lausn:
Tröð ég hafði fyrir fé,
í fjósi líka tröð ég sé.
Hestakofi heiti ber,
heim að bænum tröðin er.
Guðrún Bjarnadóttir svarar:
Hjá tröð bíður rollan í röðinni.
Við rassa og flór liggur tröðin.
Hesturinn töltir að tröðinni.
Tröðin létt heim eftir vöðin.
Og bætir við: „En stundum tekst
mér engan veginn að ráða gáturnar
og þá:
Ekki gátur allar fæ ég ráðið.
Ábyrgðarlaus alla stund,
ásaka ég helst Guðmund.“
Þannig skýrir Guðmundur gát-
una:
Tröð er gerði fyrir fé.
Í fjósi tröð ég ætla að sé.
Hesthús tröð hér opið er.
Umferð tröð að húsi ber.
Þá er limra:
Tjörvi í Tröð var sætur,
og töfraði heimasætur,
en engin hans naut.
Þau örlög hann hlaut,
að átu hann soltnar mannætur.
Og síðan ný gáta eftir Guðmund:
Árar hafa að mér sótt,
illa svaf ég þessa nótt,
hrökk loks upp og bænir bað,
beit á jaxl og gátu kvað:
Feikna stór er fóturinn.
Fláráður sá þrjóturinn.
Við smjörgerð fyrrum þarfaþing.
Þetta er skór á stórfætling.
Hér yrkir Helgi R. Einarsson um
„Leti“:
Þegar ærnar byrjuðu’ að bera
um Bólstaðarhlíðina þvera
fór Alli í frí
aðeins af því
það var allt of mikið að gera.
Kristján Fjallaskáld orti við
drykk:
Drekkum, bræður iðu öls,
árnum mæðu bana,
þegar hræða hrannir böls
hjarta næðisvana.
Halldór Blöndal
halldorblondal@simnet.is
Vísnahorn
Land var lagt í tröð
„ÞAÐ ER EINGÖNGU VEGNA ÞESS AÐ ÉG
ER KONA AÐ ÞEIR ÆTLAST TIL ÞESS AÐ
ÉG SJÁI UM ALLAN PENINGAÞVOTTINN.“
„ÞAÐ STENDUR: „VEGNA HÆKKANDI
ÚTGJALDA KOSTAR NÚNA 200 KALL AÐ
ÓSKA SÉR.““
Í klípu eftir Mike Baldwin eftir Jim UngerHermann
Ferdinand
Hrólfur hræðilegi
Grettir
... að ímynda sér að
hún sé aftur í örmum
þínum.
HANN VIRKILEGA
HATAR ÚTILEGUR
ER ÞAÐ EKKI?
ÞETTA ER
LANGT
PRIK!
HELGA! ÉG ER KOMINN HEIM
ÚR GOLFINU!
VARSTU MIKIÐ
UNDIR PARI?
ÓSKABRUNNUR
Víkverji er ánægður með þá tískuað fólk sé farið að vera með lif-
andi plöntur í meira mæli á heimili
sínu. Hann er meðlimur í hópnum
„Stofublóm inniblóm pottablóm hóp-
urinn“ á Facebook þar sem hægt er
að fá mörg góð ráð um meðferð stofu-
plantna. Það er mjög gaman að fylgj-
ast með umræðum í þeim hópi. Potta-
plöntur hafa vart verið í viðlíka tísku
síðan á sjöunda áratug síðustu aldar
enda rímar margt í heimilistískunni
við tísku þess tíma en áttundi áratug-
urinn kemur líka sterkt inn á heim-
ilinu um þessar mundir, ef eitthvað er
að marka dönsku bolig-blöðin sem
Víkverji les gjarnan.
x x x
Græni liturinn á plöntunum seturskemmtilegan blæ á heimilið og
til viðbótar bæta margar algengar
plöntur inniloftið mikið eins og frið-
arlilja (Spatiphyllum), rifblaðka
(Monstera Deliciosa) og indíánafjöður
(Sanseveria). Þessar plöntur gera
mikið fyrir gæði innilofts og getur
það munað miklu eins og á Íslandi þar
sem það getur verið erfitt að lofta út í
frostinu um hávetur.
x x x
Pinterest spáir því að röndóttarplöntur verði næst vinsælar enda
eru það margir sem kaupa plönturnar
fyrir útlitið frekar en út af því að þeir
séu með svo græna fingur. Víkverji
uppgötvaði að honum finnst gaman
að hugsa um plöntunar en það er
margt sem þarf að varast. Sumar
plöntur þurfa mikla vökvun á meðan
aðrar mega ekki vera í mikilli sól.
Þetta er nokkuð sem þarf að lærast
svo plönturnar lifi af. Græni liturinn
er fallegur og röndóttar plöntur líka
en Víkverja finnst líklegt að vínrauð-
ar plöntur muni bráðum njóta vin-
sælda. Það eru til mörg sérstaklega
falleg stofublóm sem eru vínrauð og
þau njóta sín til dæmis vel í hóp.
x x x
Kryddjurtirnar á heimilinu eigahins vegar erfitt í mesta skamm-
deginu en þær virðast ætla að lifa vet-
urinn af eins og í fyrra. Það er gaman
að hafa nóg af kryddjurtum úti í
glugga, það er svo dásamlega góð
lykt af þeim, lykt af sumri.
vikverji@mbl.is
Víkverji
Eins og faðir sýnir miskunn börnum
sínum, eins hefur Drottinn sýnt mis-
kunn þeim er óttast hann.
(Sálm: 103:13)
HEYRNARSTÖ‹INKringlunni • Sími 568 7777 • heyra.is
exton™ heyrnartækin opna nýjar leiðir í samskiptum
auka lífsgæðin. Komdu í ókeypis heyrnarmælingu
fáðu heyrnartæki lánuð til reynslu.
Við hjálpum þér
að bæta lífsgæðin
R
og
og
Atvinna