Morgunblaðið - 26.01.2018, Síða 38

38 MENNING
MORGUNBLAÐIÐ FÖSTUDAGUR 26. JANÚAR 2018
IB ehf | Fossnes A | 800 Selfoss | ib.is
Nánari upplýsingar ib.is
Ábyrgð og þjónusta fylgir öllum nýjum bílum frá IB
Bílar á lager
Sími 4 80 80 80
2018 GMC Sierra
Litur: Dark slate, svartur að innan.
6.6L Duramax Diesel, 445 HÖ,
vel útbúinn bíll t.d. upphitað stýri, BOSE
hátalarakerfi, upphituð og loftkæld sæti
og heithúðaður pallur.
Öll standsetning innifalin í verði ásamt
ábyrgð og þjónustu.
VERÐ
9.890.000
2017 Ram 3500 Limited
Litur: Hvítur, svartur að innan. Einnig
til rauður og svartur. Ein með öllu:
Loftpúðafjöðrun, Aisin sjálfskipting,
upphitanleg og loftkæld sæti,
hiti í stýri, sóllúga, RAM-box. 6,7L
Cummins.
VERÐ
9.990.000
2017 Ford King Ranch
Litur: Ruby red, mesa brown að innan.
6,7L Diesel ,440 Hö, 925 ft of torque
með upphituð/loftkæld sæti,
heithúðaðan pall, fjarstart og trappa
í hlera,Driver altert-pakki, Trailer tow
camera system og airbag í belti í
aftursæti.
VERÐ
10.890.000
2017 Chevrolet High Country
Litur: Graphite metal. 6.6L Duramax
Diesel, 445 HÖ, vel útbúinn bíll t.d.
upphitað stýri, BOSE hátalarakerfi,
upphituð og loftkæld sæti og
heithúðaður pallur.
VERÐ
10.390.000
Silja Björk Huldudóttir
silja@mbl.is
„Ég er gríðarlega þakklát og mjög spennt að
takast á við þetta verkefni,“ segir Anna Þor-
valdsdóttir, en í gær var tilkynnt að hún hef-
ur verið útnefnd staðartónskáld Sinfóníu-
hljómsveitar Íslands (SÍ) til næstu tveggja
ára. Hún tekur við af Daníel Bjarnasyni,
sem hefur gegnt stöðunni síðustu þrjú ár.
Þegar blaðamaður náði tali af Önnu í gær
var hún stödd í Kaupmannahöfn þar sem
hún tekur þessa dagana þátt í nútímatón-
listarhátíðinni NJORD Biennale, en Anna er
staðartónskáld hátíðarinnar í ár.
Samkvæmt upplýsingum frá SÍ verður
hlutverk Önnu margþætt. Hún mun semja
ný tónverk fyrir hljómsveitina, auk þess sem
hljómsveitin mun flytja önnur nýleg verk
Önnu, m.a. hljómsveitarverkið Metacosmos
sem Fílharmóníuhljómsveit New York-
borgar frumflytur undir stjórn Esa-Pekka
Salonen í apríl. „Hljómsveitin mun einnig
hljóðrita verkið fyrir bandaríska forlagið
Sono Luminus, en nýr hljómdiskur SÍ þar
sem m.a. var að finna verk eftir Önnu hefur
hlotið mikið lof gagnrýnenda. Anna mun
einnig eiga sæti í verkefnavalsnefnd SÍ og
vera í forsvari fyrir tónskáldastofuna Yrkju,
sem er samstarfsverkefni SÍ og Íslenskrar
tónverkamiðstöðvar og miðar að því að veita
ungum tónskáldum reynslu í að semja fyrir
sinfóníuhljómsveit,“ segir í tilkynningu.
„Það er mjög mikilvægt að geta verið í
samstarfi við SÍ með fókus á nýja tónlist,“
segir Anna og bendir á að með samstarfinu
muni SÍ koma að stórum verkefnum sem
hún er að skrifa fyrir erlendar hljómsveitir.
„SÍ verður þannig hlutaðeigandi að verk-
unum og stefnan sett á að flytja þau hér
heima,“ segir Anna og tekur fram að hún
hlakki einnig til að taka sæti í verkefnavals-
nefnd hljómsveitarinnar. „Það verður mjög
áhugavert og spennandi að fá að vera hluti
af þeirri nefnd,“ segir Anna og bendir á mik-
ilvægi þess að í nefndinni heyrist ólíkar
raddir, m.a. frá tónskáldum sem hafi innsýn
í tónlistarsenu samtímans.
Gaman að geta deilt víðtækri reynslu
Um aðkomu sína að Yrkju segir Anna: „SÍ
hefur á undanförnum árum staðið fyrir frá-
bæru starfi með Yrkju fyrir yngri tónskáld.
Það stendur mér mjög nærri og mér finnst
mikilvægt að fá að taka þátt í því starfi.
Sjálfri reyndist mér ómetanlegt þegar ég
var yngri að geta leitað í reynslubrunn ann-
arra þegar kom að tónsmíðum, því að semja
fyrir sinfóníuhljómsveitir og fóta sig í tón-
listarbransanum til að skilja hvernig kerfin
virka. Það er gaman að geta deilt víðtækri
reynslu jafnt sem reynslu á sviði tónsmíða.“
Í tilkynningu frá SÍ segir að Anna sé eitt
virtasta tónskáld samtímans og hafi hlotið
margvísleg verðlaun og viðurkenningar fyrir
tónlist sína. Verk hennar eru flutt reglulega
víðsvegar um heim og hafa hljómað á tón-
leikastöðum og hátíðum eins og Mostly
Mozart-hátíðinni í New York, í Walt Disney
Hall í Los Angeles og í Kennedy Center í
Washington DC. Anna var handhafi Tón-
listarverðlauna Norðurlandaráðs 2012, hlaut
verðlaunin Kravis Emerging Composer
Prize frá Fílharmóníuhljómsveitinni í New
York 2015, og fyrr á þessu ári hlaut hún
tvenn verðlaun frá Lincoln Center:
Emerging Artist Award og The Martin E.
Segal Award.
Anna hefur sent frá sér þrjár plötur, sem
allar hafa hlotið góðar viðtökur. Rhízoma
var m.a. valin á lista yfir bestu plötur ársins
2011 hjá TimeOut New York og TimeOut
Chicago. Aerial, sem kom út hjá Deutsche
Grammophon árið 2014, var valin á fjölda
lista yfir bestu plötur ársins, t.a.m. hjá The
New Yorker Magazine og iTunes Classical.
In the Light of Air var m.a. valin á lista yfir
bestu plötur ársins hjá Alex Ross hjá The
New Yorker og hjá The New York Times.
Spurð hvort einhver verðlaun eða plata
hafi öðrum fremi hjálpað henni að koma sér
á tónlistarkortið, svarar Anna: „Þegar ég
horfi til baka sé ég ekki beinlínis einn ákveð-
inn vendipunkt, þótt vissulega auki verðlaun
og slíkt sýnileika tónlistarinnar og þannig
hefur hver og ein viðurkenning auðvitað
áhrif sem síðan safnast saman. En það snýst
auðvitað allt um það að vinna mikið að tón-
smíðunum,“ segir Anna, sem hefur nóg að
gera því hún er bókuð út árið 2021 með tón-
smíðapöntunum.
Ráðningin brýtur blað í sögu SÍ
„Það hefur verið magnað að fylgjast með
þeirri alþjóðlegu athygli sem íslensk sam-
tímatónlist og tónlistarmenn hafa verið að fá
síðustu misseri,“ segir Arna Kristín Einars-
dóttir, framkvæmdastjóri SÍ. „Anna á þar
stóran hlut að máli en ferill hennar er ein-
staklega glæsilegur. Margar af helstu sin-
fóníuhljómsveitum heims hafa pantað og
frumflutt eftir hana verk, auk þess sem hún
hefur hlotið fjölda alþjóðlegra viðurkenninga
og verðlauna,“ segir Arna Kristín og bendir
á að að mati tónlistargagnrýnanda Wash-
ington Post sé Anna talin ein af 35 áhrifa-
mestu og mikilvægustu klassísku kven-
tónskáldum 20. og 21. aldar. „Það er mikill
fengur fyrir SÍ að fá Önnu til liðs við sig og
við bindum miklar vonir við samstarfið. Til-
koma Önnu brýtur blað í sögu hljómsveit-
arinnar en hún er fyrsta konan sem mun
starfa með hljómsveitinni sem staðartón-
skáld. Það er aldeilis kominn tími til,“ segir
Arna Kristín.
„Gríðarlega þakklát og spennt“
Morgunblaðið/Kristinn Ingvarsson
Spennandi tímar Anna Þorvaldsdóttir.
 Anna Þorvaldsdóttir ráðin nýtt staðartónskáld Sinfóníuhljómsveitar Íslands til næstu tveggja ára
Helgi Snær Sigurðsson
helgisnaer@mbl.is
Finnska kvikmyndin Tuntematon
sotilas, eða Óþekkti hermaðurinn,
sem byggð er á samefndri met-
sölubók Väinö Linna frá árinu
1954, fer í almennar sýningar í Bíó
Paradís í dag. Sögusviðið er Finn-
land í hinu svokallaða Framhalds-
stríði sem Finnar háðu við Sovét-
ríkin í seinni heimsstyrjöldinni, á
árunum 1941-44 og er sagan sögð
frá sjónarhorni fjölda hermanna í
tiltekinni herdeild, allt frá her-
kvaðningu til vopnahlés.
Tvær kvikmyndir hafa áður ver-
ið gerðar eftir bókinni sem telst til
sígildra verka í finnskri bók-
menntasögu og kvikmyndin nýja
er sú dýrasta sem gerð hefur verið
í Finnlandi. Hún hefur notið feiki-
lega góðrar aðsóknar þar í landi
allt frá því hún var frumsýnd í lok
október í fyrra, á hundrað ára af-
mæli finnska lýðveldisins. Hefur
nú selst rétt tæp milljón aðgöngu-
miða sem jafngildir því að fimmti
hver Finni hafi séð myndina.
Finnsk kvikmynd hefur ekki notið
slíkrar aðsóknar í hálfa öld.
Framlag hersins
milljóna virði
Þeir Júlíus Kemp og Ingvar
Þórðarson, sem reka framleiðslu-
fyrirtækið Kisa, eru meðframleið-
endur Óþekkta hermannsins en
þeir hafa komið að framleiðslu ell-
efu finnskra kvikmynda frá árinu
1999, að sögn Ingvars. „Í þessu til-
viki erum við beðnir að vera með
og komum með evrópskan pening
inn í þetta en engan pening frá Ís-
landi því sjóðurinn var ekki til í
þetta,“ segir Ingvar.
Hann segir framleiðslu myndar-
innar hafa kostað um sjö milljónir
evra. „En í raun og veru kostaði
hún mun meira því finnski herinn
lánaði okkur herstöðvar og gerði
alls konar hluti fyrir okkur.
Þannig að það má eiginlega segja
að hún hafi kostað í peningum sjö
milljónir en finnski herinn lét okk-
ur fá sem samvaraði fimm til sex
milljónum,“ útskýrir Ingvar og
bætir við að hver finnsk herstöð sé
á stærð við höfuðborgarsvæðið og
skógi vaxin.
Ingvar segir að um 55.000
manns hafi sóst eftir því að fara
með aukahlutverk í myndinni,
hlutverk hermanna og 5.000 verið
valdir úr þeim hópi. Og þennan
her þurfti að fæða og veita húsa-
skjól, sauma búninga og flytja
milli staða.
40 þúsund miðar í forsölu
Ingvar segir ástæðuna fyrir því
að bókin var kvikmynduð í þriðja
sinn vera 100 ára lýðveldisafmæli
Finnlands í fyrra. „Og Finnar eru
um 5,5 milljónir og myndin er að
skríða í milljón selda miða,“ segir
Ingvar. Slík aðsókn sé stórkostleg
og ekki síst í ljósi þess hversu
mikil afþreying sé í boði nú til
dags.
Sem dæmi um þá eftirvæntingu
sem ríkti í Finnlandi fyrir mynd-
inni nefnir Ingvar að 40 þúsund
miðar hafi verið seldir í forsölu.
„Þessi aðsókn í Finnlandi hefur
vakið athygli um allan heim,“ segir
Ingvar en myndin sló met þar í
landi hvað aðsókn varðar að inn-
lendri kvikmynd yfir frumsýn-
ingarhelgi.
En hvernig gagnrýni hefur
myndin fengið? „Einróma lof,“
svarar Ingvar. „Þú verður ekki
svikinn af Óþekkta hermanninum,
þetta er mögnuð mynd,“ bætir
hann við og að til séu tvær útgáfur
af myndinni, sú lengri þrjár
klukkustundir og sú alþjóðlega,
sem sýnd verður á Íslandi, tvær
klukkustundir og korter.
Leikstýrir Sendiherranum
Leikstjóri myndarinnar er Aku
Louhimies og mun hann leikstýra
„Liggur við að þú
finnir fyrir kúlunum“
 Ingvar Þórðarson og Júlíus Kemp eru meðframleiðendur
Óþekkta hermannsins, dýrustu kvikmyndar Finna frá upp-
hafi  Milljón aðgöngumiðar hafa verið seldir í Finnlandi
Morgunblaðið/RAX
Framleiðandinn Ingvar Þórðarson.