Morgunblaðið - 31.01.2018, Blaðsíða 9

Helgi Bjarnason
helgi@mbl.is
Reykjavíkurborg áætlar að verja
nærri tveimur milljörðum króna í
endurnýjun og viðgerðir á malbiki
gatna borgarinnar í ár. Er það mun
meira en undanfarin ár. Verið er að
vinna upp það sem drabbast hefur
niður á undanförnum árum og telur
skrifstofustjóri hjá Reykjavíkurborg
að göturnar verði komnar í gott horf
á árunum 2020 til 2021.
Áformað er að malbika um 43 kíló-
metra af götum borgarinnar í ár. Er
það um 10% af heildarlengd gatna
Reykjavíkurborgar. Á síðasta ári
voru malbikaðir um 30 kílómetrar
sem var nálægt tvöföldun frá árinu
2016.
Áætlað er að malbikunin kosti um
1.740 milljónir. Að auki verður unnið
við hefðbundnar malbiksviðgerðir og
kostar það um 237 milljónir til við-
bótar. Inni í þessum tölum er mal-
bikun yfirlagna og endurnýjun með
fræsingu og malbikun.
Lengsti kaflinn er á Höfðabakka,
1.407 metrar, og á Snorrabraut,
1.126 metrar. Ámundi V. Brynjólfs-
son, skrifstofustjóri framkvæmda og
viðhalds hjá Reykjavíkurborg, segir
að ástand gatna og umferðarþungi
ráði því hvaða götur séu hafðar í for-
gangi.
Útboð auglýst fljótlega
Borgarráð hefur heimilað um-
hverfis- og skipulagssviði að bjóða út
malbikunarframkvæmdirnar.
Ámundi reiknar með að útboð verði
auglýst um miðjan febrúar og að
framkvæmdir geti þá hafist í apríl
eða byrjun maí. Það ræðst af veðri.
Framkvæmdirnar hefjast með fræs-
ingu malbiks. Tvö til þrjú fyrirtæki
hafa keppt um malbikunarverkefni
en Ámundi segist hafa heyrt að eitt
fyrirtæki til viðbótar sé að koma sér
upp malbikunarstöð. Vonast hann
eftir hagstæðum tilboðum, sér-
staklega í ljósi þess að verkin verði
boðin út tímanlega.
Talið er að endurnýja þurfi malbik
á um 6% gatna á ári til að halda í
horfinu með viðhald. Framkvæmdir
hafa verið langt undir því í langan
tíma, eða 2-4% eins og sést á með-
fylgjandi grafi, eða þar til á síðasta
ári að verulega var bætt í. Ámundi
segir að samkvæmt áætlunum borg-
arinnar verði 6,5 til 7 milljarðar lagð-
ir í malbiksframkvæmdir á árunum
2018 til 2022. Mest á þessu ári. Utan
við þessar viðhaldsframkvæmdir eru
nýframkvæmdir. Einnig viðhald á
stofnbrautum sem eru á vegum rík-
isins. Vegagerðin annast meðal ann-
ars rekstur á Vesturlandsvegi,
Miklubraut, Hringbraut, Sæbraut og
Reykjanesbraut.
Borgin malbikar 43 km
Fyrirhugaðar malbikunarframkvæmdir í Reykjavík 2018
Kjalarnes
Heimild: Umhvefis- og skipulagssvið Reykjavíkurborgar
’04 ’05 ’06 ’07 ’08 ’09 ’10 ’11 ’12 ’13 ’14 ’15 ’16 ’17 ’18
19
15 16 15
17
12 12 11 12 9 10
16 18
30
43Malbikunarframkvæmdir
2004 til 2018, kílómetrar slitlags
Framkvæmdir 2018
Hverfi km
Vesturbær, Miðborg
og Hlíðar 12,5
Laugardalur, Háaleiti
og Bústaðir 12,9
Breiðholt og Árbær 4,8
Grafarvogur, Graf-
arholt og Kjalarnes 8,9
Annað 3,9
Samtals 43
Sem hlutfall af lengd gatna borgarinnar:
2007, 5,9%. 2017, 10,2%.
 Vinna upp viðhald sem drabbast hefur niður  Lengstu kaflarnir eru á
Höfðabakka og Snorrabraut  Göturnar verða komnar í gott horf eftir 2-3 ár
FRÉTTIR 9Innlent
MORGUNBLAÐIÐ MIÐVIKUDAGUR 31. JANÚAR 2018
Verið velkomin í verslun okkar
Opið virka daga kl. 8:30–17:00
Síðumúli 16 I 108 Reykjavík I Sími 580 3900 I fastus.is
fastus.is
20-40% AFSLÁTTUR
ÚTSALA!
AF VÖLDUM VÖRUM Í VERSLUN OKKAR AÐ
SÍÐUMÚLA 16, DAGANA 29. JAN – 2. FEB
FA
S
TU
S
.IS
_
FY
2
0
1
8
0
1
2
6
Eystri Landsréttur Danmerkur
dæmdi Rikke Louise Andersen til
þess að greiða 5.000 danskar
krónur í sekt fyrir að hafa birt
mynd af manni sem beraði sig
fyrir framan dóttur hennar á
Facebook. Andersen fékk mynd af
atburðinum úr öryggismyndavél
og birti á Facebook síðu sinni og
fékk færslan yfir 1000 deilingar.
Taldist myndbirtingin brot á
dönskum persónuverndarlögum
og var henni gert að greiða sekt. Í
samtali við danska fjölmiðilinn
Politiken segir Andersen að hún
myndi ekki hika við að gera þetta
aftur.
Helga Þórisdóttir, forstjóri Per-
sónuverndar á Íslandi, segir nauð-
synlegt að horfa á atburðina sem
tvö aðskilin brot. Bendir hún jafn-
framt á að á Íslandi er ekki heim-
ilt að birta myndefni sem verður
til við rafræna vöktun ef um
mögulegt brot er að ræða. „Ef
það sést að það er mögulegt brot
á persónuverndarlögum sem er að
eiga sér stað, þ.e. grunur um
refsiverðan verknað, þá er ein-
ungis heimilt að afhenda lögreglu
slíkt myndefni og það er þá lög-
reglu að ákveða að birta mynd af
viðkomandi,“ segir Helga.
Persónuvernd hefur áður úr-
skurðað um slíkt hérlendis er Ís-
lendingur birti skjáskot úr örygg-
ismyndavél af manni sem hafði
tekið úlpu í misgripum á KFC.
Hann fékk myndina úr öryggis-
myndavélum KFC og óskaði eftir
aðstoð við að finna „þjófinn“ en
slík myndbirting var talin óheimil.
mhj@mbl.is
Lögreglan
þarf að ákveða
myndbirtingu