Morgunblaðið - 03.02.2018, Qupperneq 22

22 FRÉTTIRViðskipti | Atvinnulíf
MORGUNBLAÐIÐ LAUGARDAGUR 3. FEBRÚAR 2018
ll COMO /\UDIO
Utsolustaour:
HLJ6MSYN
ARMULA 38 - SfMI 588 5010
COMO AUDIO MUSICA allt í einu
tæki, netútvarp með yfir 30.000
stöðvum og CD. Hægt að stjórna með
snjallsíma o.fl.
Frábær hljómgæði
Litir: Svart/hvítt/hnota
Verð 89.500,-
Facebook/hljomsyn
ÚTVARP HEFUR ALDREI
VERIÐ BETRA
comoaudio.com
Skannaðu kóð-
ann til að sjá
gengið eins og
það er núna á
BAKSVIÐ
Stefán E. Stefánsson
ses@mbl.is
„Flutningskerfið frá Blönduvirkjun
er orðið sá takmarkandi þáttur sem
veldur því að við getum ekki ráðist í
frekari orkuvinnslu á svæðinu. Kerfið
er í raun sprungið og getur ekki flutt
meira rafmagn af svæðinu en það sem
Blönduvirkjun
framleiðir í dag.“
Þetta segir Óli
Grétar Blöndal
Sveinsson, fram-
kvæmdastjóri
þróunarsviðs
Landsvirkjunar.
Hann segir að
flutningskerfið sé
í raun svo veikt að
ekki væri með
góðu móti hægt að
keyra sjálfa Blönduvirkjun á fullum
afköstum.
„Blöndustöð er sett upp fyrir 150
MW framleiðslu en hún er yfirleitt
ekki keyrð á meira en 80-90% afköst-
um. Það sýnir ágætlega hversu tak-
markandi þáttur flutningskerfið er.
Það veldur því að öll uppbyggingar-
áform á svæðinu bíða þess að bætt
verði úr því. Raunar er það aðkallandi
enda er fyrirtækið með áætlanir uppi
um að nýta bæði vindorku og frekara
vatnsfall á svæðinu. Þannig eru m.a.
uppi áform um að nýta núverandi
veituleið frá Blöndulóni að Blöndu-
stöð betur en gert er í dag. Í því skyni
höfum við á teikniborðinu þrjár
smærri virkjanir með uppsettu afli
upp á 31 MW. Þær eru mjög væn-
legur kostur þar sem þær nýta bæði
þá innviði sem fyrir eru á svæðinu og
lágmarka einnig umhverfisáhrifin.
Ekki er hægt að flytja alla orku frá
þessum kosti, frekar en Blöndulundi,
meðan flutningskerfið er jafn veikt og
raun ber vitni,“ segir Óli Grétar.
Lundurinn spennandi kostur
Þá hefur fyrirtækið í nokkur ár
unnið að rannsóknum og undirbún-
ingi að uppbyggingu vindorkulundar
sem staðsettur yrði á milli Blöndulóns
og Blöndustöðvar. Hefur hann hlotið
nafnið Blöndulundur. Er þar gert ráð
fyrir allt að 40 vindmyllum sem ná
myndu yfir svæði sem er 20 ferkíló-
metrar.
„Þessi staðsetning hentar afar vel
af tveimur ástæðum. Í fyrsta lagi telj-
um við að aðstæður bjóði upp á öfluga
framleiðslu en þá er einnig gott að
gert er ráð fyrir uppbyggingunni á
svæði sem þegar hefur verið raskað
vegna fyrri uppbyggingar. Þannig er í
raun ekki verið að taka nýtt land und-
ir framleiðsluna heldur verið að nýta
svæði sem þegar hefur verið ráðstaf-
að til orkuframleiðslu í landinu.“
Samkvæmt lokaskýrslu þriðja
áfanga Rammaáætlunar, sem dagað
hefur uppi í meðförum Alþingis, kem-
ur fram að Blöndulundur falli í nýt-
ingarflokk á meðan hinn svokallaði
Búrfellslundur, sem gerir ráð fyrir
uppbyggingu vindorkuvers á Hafinu
sunnan Sultartangavirkjunar og
austan Þjórsár, lenti í biðflokki. Eins
og nýverið kom fram í Viðskipta-
Mogganum hefur Landsvirkjun gert
úrbótatillögur á þeirri hugmynd sem
fyrirtækið bíður þess að geta kynnt,
annaðhvort sem viðbót við þriðja
áfanga Rammaáætlunar, komist hún
til efnislegrar meðferðar í þinginu,
eða þegar verkefnastjórn um fjórða
áfanga Rammaáætlunar tekur verk-
efnið fyrir.
Vindurinn þarf meiri flutnings-
getu í kringum starfsemina
Óli Grétar segir að vindorkufram-
leiðsla sé sífellt að verða álitlegri kost-
ur fyrir Íslendinga. Þar ráði miklu
lækkandi verð á þeirri tækni sem
framleiðslan byggist á. Hann bendir
þó á að ákveðnir ókostir fylgi vindork-
unni þegar kemur að uppbyggingu
flutningskerfisins í kringum hana.
„Stöðugleiki vinnslu eins og við
þekkjum í vatnsaflsvirkjunum er eðlis
málsins samkvæmt ekki til staðar í
vindorkunni. Stundum eru vindmyll-
urnar á miklum afköstum en á öðrum
tíma blæs ekki og vinnslan fellur
niður. Það þýðir að flutningsnetið
þarf að hafa meiri sveigjanleika upp
og niður en þegar vatnsaflsvirkjanir
eru tengdar inn á það. Sem dæmi má
nefna að ef Blöndulundur er byggður
upp eins og áætlanir gera ráð fyrir þá
er uppsett afl hans um 100 MW. Hann
mun hins vegar alla jafna ekki skila
þeirri orku inn á kerfið eins og vatns-
aflsvirkjun með sams konar fram-
leiðslugetu myndi gera,“ segir Óli
Grétar.
Hann segir að Landsvirkjun horfi
þó áfram til vindorkunnar og að hún
muni á komandi árum verða meira
áberandi í áherslum fyrirtækisins.
Hann segir að verið sé að skoða fleiri
mögulegar staðsetningar til upp-
byggingar af þessu tagi og að margt
bendi til þess að margir álitlegir stað-
ir séu í landinu sem komi til greina
undir vindorkulundi á borð við þá sem
fyrirtækið hefur á teikniborðinu í
Þjórsárdal og við Blöndustöð.
Flutningsgetan ekki næg
til að flytja vindorkuna
Morgunblaðið/Árni Sæberg
Vindorka Blöndulundur fellur í nýtingarflokk í þriðja áfanga Rammaáætlunar en Búrfellslundur lendir í biðflokki.
 Blönduvirkjun keyrð á 80-90% afköstum  Flutningskerfið er þegar sprungið
Hentug staðsetning
» Aðstæður við Blönduvirkjun
bjóða upp á öfluga framleiðslu
með vindorku.
» Uppbygging færi fram á
svæði sem þegar hefur verið
raskað til orkuvinnslu og því
ekki verið að taka nýtt land
undir framleiðsluna.
● Á síðustu fimm árum hafa 70 ný skip
bæst við fiskveiðiflotann, 8 skuttog-
arar, 37 vélskip og 25 opnir bátar, að
því er fram kemur á vef Hagstofunnar.
Þar segir einnig að alls hafi 53 þessara
skipa verið smíðuð á Íslandi, öll úr
trefjaplasti og undir 30 brúttótonnum.
Allir togararnir voru hinsvegar smíðaðir
í Tyrklandi, ásamt fjórum af þeim sjö
vélskipum yfir 1.000 brúttótonn.
70 skip bæst við fisk-
veiðiflotann á 5 árum
3. febrúar 2018
Gengi Kaup Sala Mið
Dollari 100.26 100.74 100.5
Sterlingspund 142.76 143.46 143.11
Kanadadalur 81.42 81.9 81.66
Dönsk króna 16.747 16.845 16.796
Norsk króna 13.038 13.114 13.076
Sænsk króna 12.721 12.795 12.758
Svissn. franki 107.47 108.07 107.77
Japanskt jen 0.9139 0.9193 0.9166
SDR 145.9 146.76 146.33
Evra 124.65 125.35 125.0
Meðalgengi/Viðskiptavog þröng 150.9857
Hrávöruverð
Gull 1345.0 ($/únsa)
Ál 2217.5 ($/tonn) LME
Hráolía 68.43 ($/fatið) Brent
● Gengi íslensku
krónunnar hefur
verið skráð að nýju
hjá Seðlabanka
Evrópu eftir rúm-
lega níu ára fjar-
veru. Stefán
Jóhann Stefáns-
son, ritstjóri á
skrifstofu Seðla-
bankastjóra, segir í
samtali við Morg-
unblaðið að þetta leiði að líkindum til
þess að aðrir seðlabankar í Evrópu sem
ekki hafa skráð gengi krónunnar síðan
2008 fylgi fordæmi Seðlabanka Evr-
ópu. Það kunni að stuðla að auknu
öryggi í viðskiptum með íslensku krón-
una á erlendum vettvangi og fela í sér
ákveðna neytendavernd.
Krónan skráð að nýju
hjá Seðlabanka Evrópu
Krónan Skráð á ný
í Evrópu eftir 9 ár.
STUTT
Óli Grétar Blöndal
Sveinsson