Morgunblaðið - 27.02.2018, Síða 4

4 FRÉTTIRInnlent
MORGUNBLAÐIÐ ÞRIÐJUDAGUR 27. FEBRÚAR 2018
Sími 775 1832 | Happie furniture - húsgögn
Sérsmíðuð húsgögn
fyrir heimili og fyrirtæki
Happie furniture
Happie.is gamall, loðinn fress. Þeir höfðu báð-ir farið í klippingu í tilefni dagsins.
Auðunn hefur áhuga á íþróttum,
heldur þessa stundina með KA og
kann ýmsar frægðarsögur en hann
er skapandi í hugsun.
Mikið er til af teikningum eftir
Auðun og hann er mikill tónlistar-
unnandi og hlustaði áður á klassíska
tónlist, s.s. Grieg, Schubert og Moz-
art, en er nú farin að daprast heyrn.
Þegar Auðunn varð 65 ára gaf
hann út ljóðabókina „Ljóðin mín“
sem er myndskreytt með myndum
af höfundinum. Hann las uppáhalds
ljóðið sitt úr bókinni upp, en það
heitir: „Blaðasalinn“
Lítill drengur
gengur upp og niður Laugaveginn.
Hann gengur með tvo poka
fulla af blöðum.
Fólkið borgar fyrir blöðin,
lítur í blöðin í matartímanum.
bjó áfram hjá systur sinni. Auðunn
fór að vinna á Múlalundi árið 1970,
en tók sjálfur upp á því að fara niður
í bæ að selja dagblöð og hætti á
Múlalundi. Hann seldi dagblöð alla
daga æ síðan til ársins 2006, þegar
hann ákvað sjálfur að hætta, orðinn
lélegur til gangs. Um áraraðir var
Auðunn titlaður „blaðakóngur“ enda
átti hann farsælan feril í blaðasöl-
unni og seldi blöð fyrir Vísi, DV,
Morgunblaðið, Þjóðviljann og NT.
„Ég seldi blöð á Skólavörðustíg og
Laugavegi. En líka niðri í Austur-
stræti þar sem ég stóð við Póst-
húsið. Á hinu horninu við Apótekið
stóð Óli blaðasali,“ segir Auðunn og
bætir við að hann hafi síðar fært sig
út í Sundahöfn þar sem hann seldi
blöð í skipin. Spurður hvaða blað
hafi selst best svarar hann: „Morg-
unblaðið!“
Auðunn býr nú á sambýli við Vest-
urbrún ásamt Úlfi sem er sjö ára
Erna Ýr Öldudóttir
ernayr@mbl.is
„Ég er fertugur,“ segir Auðunn
Gestsson, fyrrv. blaðasali, fullviss og
virðist líða eins og mun yngri manni
á áttræðisafmæli sínu.
„Ég hélt afmælisveislu í Áskirkju
í fyrradag. Það var fínerí – frænd-
fólk mitt og fleiri komu. En vinkona
mín, hún Sigurlaug, komst ekki því
hún datt og meiddi sig svo ég bauð
henni í afmæliskaffi í dag í staðinn.“
Auðunn fæddist í Flatey á Breiða-
firði 27. febrúar 1938. Hann var
yngstur sex barna. Móðir hans lést
er hann var 7 ára og tóku þá Gerður
systir hans og Jón maður hennar við
uppeldi og umsjá Auðuns.
Ákvað sjálfur að selja blöð
Fjölskyldan flutti úr Flatey til
Grundarfjarðar árið 1959 og þaðan
til Reykjavíkur 1961 þar sem hann
Morgunblaðið/Eggert
Afmælisbarnið Auðunn Gestsson, einn kunnasti blaðasölumaður landsins, fagnar í dag áttræðisafmæli sínu.
Seldi mest af Mogga
á farsælum ferlinum
 Auðunn Gestsson, fyrrum blaðasali, er áttræður í dag
Við Birtingakvísl í Árbæ gistu tveir
erlendir ferðamenn í tjaldi á húsa-
lóð aðfaranótt mánudags, við afar
takmarkaða kátínu íbúa.
„Það er eldri kona hérna í næstu
íbúð og hún var orðin pínu hrædd.
Þeir höfðu lagt bakpoka sína fyrir
utan tjaldið og breitt dúk yfir þá
þannig að það var eins og það væri
einn maður þar. Hún hélt að þetta
væru íslenskir útigangsmenn,“ seg-
ir Heimir Jónsson, íbúi í húsinu,
sem rak mennina í burtu. Þeir voru
viðkunnanlegir og sennilega
frönskumælandi, að sögn Heimis.
„Þeir komu um hálfeitt og tjöld-
uðu þarna og vöknuðu svo bara í
hádeginu. Þá fóru þeir að éta flat-
kökur og prótínstykki.“
Heimir fór og ræddi við mennina
og sagði þeim að hafa sig á brott
hið fyrsta, annars yrði lögregla
kölluð til. Hann segir mennina hafa
orðið hálfhissa þegar hann rak þá
burt af náttstað sínum.
„Þeir töluðu ekkert rosalega
góða ensku, ég var að reyna að út-
skýra fyrir þeim að taka með sér
ruslið og það gekk erfiðlega.“
Mennirnir voru fótgangandi og
Heimir segir líklegast að þeir hafi
ætlað að húkka sér far út úr borg-
inni, en Ártúnshöfðinn mun vera
mjög vinsæll „húkkstaður“ er-
lendra ferðamanna, jafnvel undir
lok febrúarmánaðar. athi@mbl.is
Vöknuðu með
gesti í garðinum
 Puttaferðalangar tjölduðu í óleyfi
Ljósmynd/Heimir Jónsson
Garður Túristarnir plöntuðu sér
þar sem íbúar hússins fóðra fugla.
Helgi Bjarnason
helgi@mbl.is
30% meðlagsgreiðenda eru komin á
vanskilaskrá að kröfu Innheimtu-
stofnunar sveitarfélaga. Þegar þeim
sem farið hafa á vanskilaskrá að
kröfu annarra er bætt við er niður-
staðan sú að annar hver meðlags-
greiðandi er á vanskilaskrá. Þetta
upplýsir Gunnar Kristinn Þórðar-
son, formaður Samtaka umgengnis-
foreldra.
Afskriftir meðlagsskulda fara vax-
andi, eins og fram kom í blaðinu í
gær. Afskrifaðar hafa verið kröfur
upp á tæpan milljarð frá árinu 2013.
Þurfa að semja um greiðslur
Gunnar Kristinn segir að margir
umgengnisforeldrar séu í vonlausri
stöðu fjárhagslega. Þegar þeir séu
komnir í þá stöðu að geta ekki staðið
undir meðlagsgreiðslum, eigi engar
eignir og sjái ekki möguleika á að
vinna sig út úr vandanum sé oft eng-
in önnur leið en að lýsa sig gjald-
þrota. Meðlagsskuldirnir fylgi þeim
út yfir gröf og dauða því þegar
skuldari deyi geri Innheimtustofnun
kröfu í dánarbúið og geri börnin arf-
laus. „Það leikur sér enginn að því að
fara í gjaldþrot en menn komast þá
kannski hjá því að öll launin þeirra
séu hirt upp í meðlagsskuldir,“ segir
Gunnar.
Honum finnst málflutningur Inn-
heimtustofnunar sveitarfélaga
ómerkilegur þegar á það er bent í
bréfi til stjórnvalda og sveitarfélaga
að þeir sem lýsa sig gjaldþrota séu
að greiða meðlag að fullu eða hluta
fram til gjaldþrots og það túlkað
þannig að menn sem séu borgunar-
menn fyrir meðlagi séu að lýsa sig
gjaldþrota. „Umgengnisforeldrar
þurfa að gera samninga við Inn-
heimtustofnun um greiðslur áður en
þeir lýsa yfir gjaldþroti. Annars er
megnið af launum þeirra hirt allan
fyrningartímann, í tvö ár, og þeir
settir út á guð og gaddinn,“ segir
hann.
Því til viðbótar bendir Gunnar á að
allt sem innheimtist á fyrningar-
frestinum sé notað til að greiða niður
elstu skuld viðkomandi. Á meðan
myndist nýjar kröfur sem ekki eru
fyrnanlegar eftir gjaldþrotaskipti.
Meðlagsgreiðandinn geti farið fram
á að greiðslurnar fari til að greiða
nýju kröfurnar en fæstir þekki þann
rétt sinn.
Rætt á vettvangi Sambandsins
Vaxandi afskriftir meðlagsskulda
eru raktar til styttingar á fyrningar-
fresti skulda eftir gjaldþrotameðferð
sem gerð var með breytingum á
gjaldþrotalögum á árinu 2010. Af-
skriftirnar bitna á sveitarfélögunum
því þau fá minni greiðslur úr Jöfn-
unarsjóði sveitarfélaga því afskrift-
irnar eru greiddar úr honum og hafa
forgang. Halldór Halldórsson, for-
maður Sambands íslenskra sveitar-
félaga, segir að þetta komi sér afar
illa fyrir sveitarfélögin. Hann getur
þess þó að Innheimtustofnun hafi
bætt mjög innheimtu sína, meðal
annars náð betur til skuldara sem
flutt hafa til útlanda eftir hrun.
Hann segir að bréf Innheimtu-
stofnunar sveitarfélaga verði rætt á
vettvangi sambandsins á næstunni,
meðal annars hugmyndir um að
lengja aftur fyrningarfrestinn.
Afskrifaðar meðlagsskuldir eru
greiddar úr svokölluðum útgjalda-
jöfnunarpotti Jöfnunarsjóðs. Það
þýðir að þau sveitarfélög sem mest
hafa útgjöldin á hvern íbúa, yfirleitt
minni sveitarfélögin, greiða skuld-
ina. Sveitarfélög með fleiri en 10
þúsund íbúa verða ekki fyrir teljandi
tekjuskerðingu vegna þessa, til
dæmis heldur Reykjavíkurborg nán-
ast öllu sínu enda fær hún litlar
greiðslur úr Jöfnunarsjóði. Gera má
ráð fyrir að mikill meirihluti skuld-
aranna búi í stærri sveitarfélögun-
um.
Meðlagsgreiðendur á vanskilaskrá
 Gjaldþrot er oft eina leiðin út úr ógöngum meðlagsskulda segir formaður Samtaka umgengnis-
foreldra  Semja þarf um greiðslur á fyrningartíma  Afskriftirnar bitna á minnstu sveitarfélögunum
Meðlag
» Innheimta meðlagsskulda er
talin verkefni sveitarfélaga.
Væntanlega tengist það fram-
færsluskyldunni sem er elsta
verkefni íslenskra sveitarfélaga.
» Meðlag með barni er 33.168
krónur á mánuði.
» Um þessar mundir greiða
rúmlega 11 þúsund manns mán-
aðarlegt meðlag eða upp í eldri
meðlagsskuldir. Fjöldinn er
breytilegur á milli mánaða.
» Á síðasta ári voru afskrifaðar
407 milljóna króna meðlags-
skuldir, þar af 69 milljónir í febr-
úar.
Börn Þeir sem ekki hafa forsjá yfir
börnum sínum greiða meðlag.
Gunnar Kristinn
Þórðarson
Halldór
Halldórsson