Morgunblaðið - 03.04.2018, Side 17

FRÉTTIR 17Erlent
MORGUNBLAÐIÐ ÞRIÐJUDAGUR 3. APRÍL 2018
Dvergshöfða 2, 110 Reykjavík bilanaust@bilanaust.is
Sími: 535 9000 | bilanaust.is
Gæði, reynsla og gott verð
Vottaðir hágæða
VARAHLUTIR
í flestar gerðir bifreiða
Siðan 1962
Bílanaust er einnig í Kópavogi – Hafnarfirði – Keflavík – Selfossi – Akureyri – Egilsstöðum
Þorgerður Anna Gunnarsdóttir
thorgerdur@mbl.is
Yfirvöld í Kína hafa ákveðið að
leggja tolla á mikið magn innflutts
varnings frá Bandaríkjunum.
Ákvörðunin var tekin í kjölfar þess
að Donald Trump Bandaríkjaforseti
ákvað að leggja tolla á innflutt stál
og ál til landsins. Yfirvöld í Peking
segja aðgerðirnar til þess gerðar að
vernda hagmuni Kína og vega á
móti því tapi sem hlýst af nýtil-
komnum tollum Bandaríkjamanna.
Tollar kínverskra yfirvalda, sem
tóku gildi í gær, ná til 128 innflutn-
ingsvara frá Bandaríkjunum og
nema þeir allt að 25 prósentustig-
um. Tollarnir munu hafa áhrif á
innflutning að andvirði þriggja
milljarða bandaríkjadala á ári, eða
rúmlega 300 milljarða íslenskra
króna. Meðal þeirra innflutnings-
vara sem tollahækkanirnar ná til
eru ýmsir ferskir og þurrkaðir
ávextir, hnetur, ginseng og vín, sem
hækka um 15%, og frosið svínakjöt
og endurunnið ál, sem hækkar um
25%. Samkvæmt breska ríkisút-
varpinu, BBC, þykir ekki ólíklegt
að Kínverjar tilkynni enn frekari
hækkanir á næstunni.
Tollastríð af hinu góða
Viðskiptaráðherra Kína, Zhong
Shan, hafði áður lýst því yfir að
tollastríð þeirra við Bandaríkin
myndi aðeins leiða til hörmunga
fyrir alþjóðahagkerfið og að Kína
myndi ekki eiga frumkvæði að inn-
flutningshöftum. Þó myndu þeir
ekki sitja hjá ef vegið væri að hag-
kerfi þeirra. Trump hafði hins veg-
ar lýst því yfir að tollastríð væru af
hinu góða og að auðvelt væri fyrir
Bandaríkin að vinna slík stríð.
Innflutningstollar Bandaríkjanna
á stál og ál voru settir á með það að
markmiði að vernda bandaríska
stál- og áliðnaðinn gegn samkeppni,
en mörgum sýnist tollunum sér-
staklega beint að Kína þó að aðeins
brot af heildarinnflutningi stáls og
áls komi þaðan.
Stofna heims-
hagkerfinu í hættu
Bandarísk stjórnvöld hafa jafn-
framt tilkynnt um möguleika á enn
frekari viðskiptaþvingunum gegn
Kína sem eiga að hafa áhrif á inn-
flutning fyrir tugmilljarða Banda-
ríkjadala. Trump tilkynnti að gripið
yrði til refsiaðgerða gegn Kínverj-
um vegna meints stuldar þeirra á
hugverkaréttindum bandarískra
fyrirtækja.
Framkvæmdastjóri Alþjóðavið-
skiptastofnunarinnar, Roberto Aze-
vedo, hefur varað við því að toll-
múrar stofni heimshagkerfinu í
hættu og kallað eftir yfirveguðum
og brýnum samræðum. Hlutabréfa-
vísitölur hafa lækkað víða í Asíu nú
þegar tollastríð á milli viðskipta-
ríkjanna tveggja virðist óumflýjan-
legt.
Yfirvofandi tollastríð
Kína og Bandaríkjanna
AFP
Taka toll Leiðtogar stríðandi landa, Donald Trump og Xi Junping, hittust á fundi í Peking á síðasta ári.
 Kínverjar setja innflutningstolla á 128 vörur frá Bandaríkjunum  Von er á
frekari aðgerðum frá báðum ríkjum  Trump segir auðvelt að vinna tollastríð
Tollarnir
» Ná til 128 innflutningsvara
til Kína frá Bandaríkjunum.
» Ná yfir innflutningsvörur að
andvirði 3 milljarða banda-
ríkjadala á ári.
» Nema 15% til 25% og ná til
vara eins og ávaxta, víns,
svínakjöts og áls.
Uppreisnar-
menn byrjuðu
að yfirgefa sitt
síðasta vígi í
Austur-
Ghoutahéraði í
Sýrlandi í gær
eftir að Rússar
tilkynntu að
samningur hefði
náðst við Jaysh
al-Islam uppreisnarsamtökin.
Liðsmenn samtakanna sáust
yfirgefa borgina Douma í rútum
og voru þeir sagðir á leið norður
í bæ er nefnist Jarablus. Frétta-
veita AFP greindi frá því í gær-
kvöldi að Jaysh al-Islam vildu
ekki staðfesta áðurnefnda flutn-
inga. Samtökin héldu vígi sínu
þrátt fyrir að tvær aðrar upp-
reisnarhreyfingar, Faylaq al-
Rahman og Ahrar al-Sham, hefðu
samþykkt að yfirgefa svæðið í
síðasta mánuði. Yfir 1.600 manns
hafa farist og þúsundir særst síð-
an Sýrlandsstjórn og bandamenn
hennar hófu sóknarárásir á svæð-
inu í febrúar sl.
Síðustu uppreisnar-
mennirnir yfirgefa
Austur-Ghouta
Borgin Douma.
SÝRLAND
Sextán daga
gamall drengur
fannst látinn í
brunni í gær
eftir að ind-
verska lög-
reglan hafði
leitað hans síð-
an á föstudag.
Barnið hafði
verið sofandi
fyrir utan heimili sitt í austur-
hluta ríkisins Odisha þegar það
var numið á brott af rhesus-apa.
Móðirin segist hafa séð apann
taka barnið en gat ekki bjargað
því frá dýrinu.
Krufning leiddi í ljós að barnið
hafði kafnað, en vegna þess að
engir áverkar voru á líkama þess
er jafnvel talið að apinn hafi
sleppt barninu ofan í brunninn.
Villtur api hreif með
sér ungbarn
Rhesus-apar.
INDLAND
Winnie Madikizela Mandela, fyrr-
verandi eiginkona Nelsons Mandela,
lést á sjúkrahúsi í Jóhannesarborg í
Suður-Afríku í gær, 81 árs að aldri.
Andlát hennar bar að eftir lang-
vinn veikindi að því er kemur fram
hjá fréttaveitu AFP.
Winnie og Nelson Mandela voru
gift í 38 ár og lék hún stórt hlutverk í
baráttunni gegn aðskilnaðarstefn-
unni í Suður-Afríku. Stærstan hluta
hjónabandsins voru þau í sundur,
eða þau 27 ár sem fyrrverandi eigin-
maður hennar var í fangelsi.
Winnie var öflugur talsmaður
gegn aðskilnaðarstefnunni og stjórn-
málakona, en hún var bæði þingmað-
ur og ráðherra í Suður-Afríku.
Mannorð hennar var þó ekki óflekk-
að, en hún hefur verið fundin sek um
fjársvik og meðsek um pyntingar og
morð. Árið 1991 var hún sakfelld fyr-
ir aðild að mannráni fjögurra ung-
menna og morðs á einu þeirra, hin-
um 14 ára gamla Stompie Moeketsi.
Leiðir Nelsons og Winnie lágu í
sundur árið 1992 og skildu þau form-
lega fjórum árum seinna eftir lög-
fræðideilu sem leiddi ljós að hún
hafði haldið við ungan lífvörð.
AFP
Áhrifarík Winnie ásamt forseta og varaforseta S-Afríku á síðasta ári.
Winnie Mandela
er látin, 81 árs