Morgunblaðið - Sunnudagur - 13.05.2018, Page 24

Fjölbreytni í hreyfingu getur verið góð tilað jafna álag á líkamann og gera lífiðskemmtilegra í leiðinni. Sumrin eru
kjörin til að fara út úr líkamsræktarstöðinni og
prófa eitthvað nýtt. Það getur verið gaman að
læra nýja íþrótt og reyna aðeins á heilann um
leið og líkamann.
Strandblak
Í góðu sumarveðri getur verið virkilega gaman
að spila strandblak. Það er eitthvað sérstak-
lega sumarlegt við að spila úti við í sandinum.
Ekki spillir fyrir að hægt er að fara beint í sund
eftir á til að synda eða bara til að slaka á með
vinum í heita pottinum en það eru t.d. strand-
blaksvellir við Laugardalslaug og Árbæjar-
laug.
Strandblak er íþrótt sem reynir á allan lík-
amann; axlir og hendur fá sitt en líka fæturnir
en það reynir á að hlaupa í sandinum og beygja
sig niður til að ná boltanum. Það reynir líka á
marga litla vöðva að æfa á svona ójöfnu undir-
lagi eins og sandur er.
bli.is/strandblak
Tennis
Tennis hefur ekki verið áberandi íþrótt á Ís-
landi. Það er hægt að spila tennis inni allan árs-
ins hring en líka eru útivellir á nokkrum stöð-
um. Tennisíþróttin blómstrar á sumrin og geta
byrjendur sótt námskeið hjá tennisfélögum. Til
dæmis lítur allt út fyrir blómlegt starf hjá
tennisklúbbi Víkings en endurnýjun stendur
yfir á völlunum þar og á að verða lokið í júní.
Það er auðvitað best að fara á byrjenda-
námskeið fyrir fullorðna til að koma sér af stað
en eftir það er vel hægt að leigja sér völl og
mæta reglulega með vinum. Áhugasamir ættu
að kynna sér það félag sem næst er þeim.
tennissamband.is
Frisbígolf
Það er ódýrt að spila frisbígolf því það kostar
ekkert að spila á völlunum sem eru fjölmargir
og er að finna víða um land. Búnaður er ódýr
en í byrjun nægir frisbídiskur sem kostar í
kringum 2.000 krónur.
Mikill vöxtur hefur verið í frisbígolfi á
heimsvísu: um síðustu aldamót voru vellirnir
um þúsund talsins en árið 2017 voru þeir orðnir
um sjö þúsund.
Í folfi, eins og íþróttin er stundum kölluð,
reynir á samhæfingu og líka þarf að ganga
nokkra vegalengd meðan á leik stendur. Marg-
ir geta líka spilað saman svo folfið er líka gott
fyrir félagslífið um leið og verið er að brenna
kaloríum og bæta heilsuna, oftar en ekki í
grænu og fallegu umhverfi.
folf.is
Rathlaup
Margir fara út að hlaupa sér til heilsubótar en
rathlaup er ein tegund hlaupaíþróttar sem
stunduð er á opnum svæðum, bæði innan
borgarmarka og utan. Þátttakendur fá kort af
hlaupasvæðinu og eiga með aðstoð þess að fara
á milli stöðva sem merktar eru á kortið.
Bretar kalla rathlaup „hlaup hins hugsandi
manns“. Keppendur geta tekið þátt í hlaupinu
á ólíkum forsendum enda ekki nóg að vera
fljótur að hlaupa heldur þarf að æfa rötun og
kortalestur jafnframt því sem þrek, úthald og
tækni eru æfð.
Rathlaup er gjarnan stundað sem fjöl-
skylduíþrótt þannig að þátttaka í því getur
stuðlað að bættri heilsu allrar fjölskyldunnar.
rathlaup.is
Verið að spila
strandblak í apríllok
við Árbæjarlaug.
Morgunblaðið/Kristinn Magnússon
Hressandi sumarhreyfing
Það er um að gera að prófa
eitthvað nýtt á sumrin til að
ýta undir frekari hreyfingu,
heilbrigði, útivist og ekki síst
samveru með vinum. Hér
verða taldar upp fjórar
íþróttir sem kjörið er að
stunda að sumri til.
Inga Rún Sigurðardóttir ingarun@mbl.is
GettyImages/iStockphoto
GettyImages/iStockphoto
GettyImages/iStockphoto
HEILSA Nú þegar sumarið er framundan er gott að stytta tímann sem börnin verja fyrir framantölvu og sjónvarp og hvetja þau til útileikja í staðinn. Foreldrar geta tekið sig saman og
bannað tölvuleiki á ákveðnum tímum, þannig fara börnin frekar að leika sér saman úti.
Hvetjum börnin til hreyfingar
24 MORGUNBLAÐIÐ SUNNUDAGUR 13.5. 2018
Streita er skrítin skepna. Stundum er húnvinaleg hvatning og stundum er húnósýnileg. Því ef við lifðum fullkomlega
streitulausu lífi þá væri lítið spennandi að ger-
ast í lífi okkar. Smá stress gerir það að verkum
að við hendum okkur í sturtu áður en við hittum
fólk og öflum okkur upplýsinga áður en við tök-
um mikilvægar ákvarðanir. Það er þegar streit-
an læðist lúmsk aftan að manni og tekur stjórn-
ina sem hún hættir að vera gagnleg.
Nýlega var ég í bakaríi og bað um að fá niður-
skorið brauðið í bréfpoka í stað plastpoka. Ein-
föld beiðni sem hefur möglunarlaust verið kom-
ið til móts við mig með í fyrri bakaríisferðum.
Afgreiðslustúlkan var sennilega 16 ára gömul
og á sinni fyrstu vakt í þessu bakaríi, að
minnsta kosti hafði ég ekki séð hana áður.
Nema hvað, þegar hún rétti mér brauðið í
plastoka og þá gerðist það! Skyndilega varð
ég andsetin, breytti um ham og spurði
hranalega „hvurslags þjónusta þetta væri?“
og bað hana pent um að lagfæra þessi mis-
tök sín.
Það var ekki fyrr en ég var
komin með brauðið í hend-
urnar, búin að borga fyrir mig,
komin útúr bakaríinu og sat í
bílnum þegar ég áttaði mig á
hversu ósanngjörn ég hefði
verið. Þessi útrás hafði
aldrei snúist um brauðpok-
ann heldur eitthvað allt ann-
að og afgreiðslustúlkan var
saklaust fórnarlamb þess að mik-
ið álag var í mínu lífi.
Hversu oft gerist það hjá okkur að
þegar brjálað er að gera í vinnunni
eða við erum að takast á krísur í
samskiptum að við snöppum á
röngum stöðum? Þá gerist það að
okkur finnst umferðarþunginn
vera drifinn áfram af hálfvitum
sem kunna ekki að keyra.
Við vitum öll að óhófleg
streita er heilsuspill-
andi. Hún hefur líka
mjög slæm áhrif á sam-
skipti okkar við annað
fólk. Áhrifin á heilsu og
samskipti eru afar
lúmsk. Þau læðast
aftan að manni og
skyndilega bitnar það á
fólkinu í kringum okkur,
ómeðvitað. Yfirleitt á fólkið
sér einskis ills von og skilur
ekki neitt í neinu. Ef við þekkjum ekki eigin
merki um óhóflega streitu þá getum við lent í
klemmu sem tekur tíma og orku að vinda ofan
af ... og það eykur álagið og streituna enn meira.
Þetta er vítahringur sem þarf að rjúfa.
Það er mikilvægt að vita hvenær álagið er
hætt að vinna með manni og farið að skaða. Það
er persónubundið hver einkennin eru en þau
geta birst á þrjá vegu:
 Líkamleg einkenni eins og magaverkur,
hraður hjartsláttur, sviti, ógleði, hausverkur,
svimi, doði og vöðvabólga.
Félagsleg einkenni eins og að draga sig í hlé
eða að vera á útopnu og óstöðvandi talandi.
Sálræn einkenni eru depurð, pirringur, grát-
ur, svefntruflanir.
Verum meðvituð um skilaboðin sem líkaminn
gefur okkur þegar álagið er mikið og bregðumst
við áður en óharðnaðir unglingar í þjónustu-
störfum verða saklaus fórnarlömb þess.
Þetta snerist aldrei um brauðpokann
Getty Images/iStockphoto
Út fyrir rammann
Agnes Ósk Sigmundsdóttir
agnesosk@mbl.is