Morgunblaðið - 02.06.2018, Blaðsíða 4

4 FRÉTTIRInnlent
MORGUNBLAÐIÐ LAUGARDAGUR 2. JÚNÍ 2018
holar@holabok.is — www.holabok.is
TVÆR GÓÐAR FYRIR SJÓMENN
- OG LANDKRABBA LÍKA
Laggó! Gamansögur af íslenskum
sjómönnum, tenntum og
tannlausum, sem sumir hverjir
hafa „vaðið fyrir ofan sig“.
Bráðskemmtileg bók um aflaskipið Víking
AK-100 þar sem hálfrar aldar saga
þess er sögð með orðum
skipverjanna sjálfra.
Guðrún Erlingsdóttir
Höskuldur Daði Magnússon
Viðræðum um myndun nýrra meiri-
hluta að loknum kosningum er ým-
ist lokið eða þær standa enn yfir.
Búið er að mynda meirihluta í sex af
tólf stærstu sveitarfélögum lands-
ins. Viðræður eru í gangi í fimm af
þessum sveitarfélögum og mál-
efnasamningur bíður samþykkis í
einu þeirra.
Meirihlutaviðræður Samfylk-
ingar, Viðreisnar, Pírata og vinstri
grænna í Reykjavík hafa gengið vel,
að sögn Þórdísar Lóu Þórhalls-
dóttur, oddvita Viðreisnar. „Við er-
um í málefnavinnunni og ekki komin
á þann stað að ræða stóla og hlut-
verk,“ sagði Þórdís í gær. Hún sagði
að skilyrði um að Dagur viki sem
borgarstjóri væri í umræðunni ann-
ars staðar en í meirihlutaviðræð-
unum. Stefnt er að því að sam-
þykkja meirihlutasamstarf fyrir
fund borgarstjórnar 19. júní.
Óeining meðal bæjarfulltrúa
Í Kópavogi, næst stærsta sveitar-
félagi landsins, eru engar formlegar
viðræður hafnar. „Að sjálfsögðu
bindur stjórn fulltrúaráðsins vonir
við það að mál fari að skýrast og það
verði boðað til fundar með oddvita
einhvers annars flokks. Að sjálf-
sögðu viljum við að málin í Kópavogi
leysist hið allra fyrsta,“ segir Ragn-
heiður Dagsdóttir, formaður stjórn-
ar fulltrúaráðs Sjálfstæðisflokksins í
Kópavogi.
Óeining er komin upp meðal
bæjarfulltrúa flokksins. Þrír þeirra,
Margrét Friðriksdóttir, Karen El-
ísabet Halldórsdóttir og Guð-
mundur Gísli Geirdal, lýstu því yfir
á fundi á sunnudag að þau vildu ekki
ganga til samstarfs við BF-Viðreisn.
Þetta mun hafa komið oddvitanum
og bæjarstjóranum, Ármanni Kr.
Ólafssyni, í opna skjöldu enda hafði
verið stefnt að áframhaldandi sam-
starfi með Theódóru Þorsteins-
dóttur, sem leiddi listann, héldu
flokkarnir meirihluta sínum sem
þeir og gerðu. Alla vikuna hefur ver-
ið reynt að bera klæði á vopnin en
ekki hefur fundist lausn á málinu.
Að sögn Ragnheiðar hefur stjórn
fulltrúaráðsins fundað í tvígang í
vikunni, síðast í gærkvöldi. „Við höf-
um rætt stöðuna og hver séu skyn-
samleg næstu skref en höfum ekki
tekið ákvörðun um formlega álykt-
un. Staðan verður tekin aftur í dag
og á sunnudaginn. Við vegum og
metum hvern klukkutíma.“
Íris fyrsta konan
Í Garðabæ hélt meirihluti sjálf-
stæðismanna velli og Gunnar Ein-
arsson verður áfram bæjarstjóri.
Sama er að segja um Seltjarnarnes
þar sem Ásgerður Halldórsdóttir
heldur áfram sem bæjarstjóri
Í Mosfellsbæ er viðræðum um
meirihlutasamstarf Sjálfstæðis-
flokks og Vinstri grænna lokið og
bíður samþykkis flokkanna. Har-
aldur Sverrisson verður áfram
bæjarstjóri. Íris Róbertsdóttir er
fyrsti kjörni kvenkyns bæjar-
fulltrúinn sem tekur við starfi
bæjarstjóra í Vestmannaeyjum.
Hún situr í umboði nýs meirihluta
Eyjalistans og Fyrir Heimaey.
Rósa stýrir Hafnarfirði
Í Hafnarfirði verður Rósa Guð-
bjartsdóttir, oddviti sjálfstæðis-
manna, bæjarstjóri í meirihluta
Framsóknarflokks og óháðra.
Unnið er að málefnasamningi
milli Bæjarlistans, Framsóknar og
Samfylkingarinnar á Akureyri þar
sem ákveðið hefur verið að auglýsa
eftir bæjarstjóra.
Í Reykjanesbæ standa yfir við-
ræður milli Beinnar leiðar, Fram-
sóknar og Samfylkingar og óháðra.
Að sögn Guðbrands Einarssonar,
oddvita Beinnar leiðar, ganga við-
ræður vel og stefnt er að því að
klára viðræður um eða eftir helgi.
Tilvonandi meirihluti vill sjá Kjart-
an Má Kjartansson áfram í stóli
bæjarstjóra.
Haraldur Sverrisson verður
áfram bæjarstjóri í Mosfellsbæ ef
samkomulag sem gert hefur verið
milli Sjálfstæðisflokks og Vinstri
grænna verður samþykkt í flokk-
unum.
Áfram Árborg, Framsókn og
óháðir, Miðflokkur og Samfylking
samþykktu meirihlutasamstarf í Ár-
borg í gær og munu auglýsa eftir
nýjum bæjarstjóra.
Á Akranesi eru Samfylking,
Framsókn og frjálsir langt komnir
með gerð málefnasamnings sem
lagður verður fyrir á félagsfundum
framboðanna um eða eftir helgi.
Flokkarnir eru sammála um að
Sævar Freyr Þráinsson, haldi áfram
sem bæjarstjóri á Akranesi.
Gott skrið í Fjarðabyggð
Fjarðalistinn og Framsókn og
óháðir eru á góðu skriði í meiri-
hlutaviðræðum í Fjarðabyggð. Að
sögn Eydísar Ásbjörnsdóttur, odd-
vita Fjarðalistans, eru flokkarnir
ekki komnir svo langt í viðræðunum
að ræða um bæjarstjóraefni.
Reyna að lægja öldur í Kópavogi
 Meirihlutar komnir í sex af tólf stærstu sveitarfélögunum  Íris fyrst kvenna bæjarstjóri í Eyjum
 Óeining meðal sjálfstæðismanna í Kópavogi  Auglýst eftir bæjarstjóra á Akureyri og í Árborg
Meirihlutamyndanir og viðræður í stærstu sveitarfélögunum
Reykjavík
Píratar, Samfylk-
ing, Viðreisn og
Vinstri græn eru í viðræðum
Borgarstjóri: engin ákvörðun tekin
Kópavogur
Engar fréttir af viðræðum
Hafnarfjörður
Meirihluti: Framsókn og
óháðir og Sjálfstæðisflokkur
Bæjarstjóri: Rósa Guðbjartsdóttir
Akureyri
Meirihluti: Bæjarlist-
inn, Framsókn og
Samfylking
Auglýst eftir bæjarstjóra
Reykjanesbær
Bein leið, Framsókn og
Samfylking og óháðir í
viðræðum
Bæjarstjóraefni: Kjartan Már Kjartansson
Garðabær
Meirihluti: Sjálfstæðisflokkur í
hreinum meirihluta
Bæjarstjóri: Gunnar Einarsson
Mofellsbær
Meirihluti: Sjálfstæðismenn
og Vinstri græn (bíður sam-
þykki flokkanna)
Bæjarstjóri: Haraldur Sverrisson
Árborg
Meirihluti:
Áfram Árborg,
Framsókn og óháðir, Miðflokkur og
Samfylking
Auglýst eftir bæjarstjóra
Akranes
Framsókn og frjálsir og Sam-
fylking eru í viðræðum
Bæjarstjóraefni: Sævar Freyr Þráinsson
Fjarðabyggð
Fjarðalistinn og Framsókn og
óháðir eru í viðræðum
Bæjarstjóri: ekki búið að taka ákvörðun
Seltjarnarnes
Meirihluti: Hreinn meirihluti
Sjálfstæðisflokks
Bæjarstjóri: Ásgerður Halldórsdóttir
Vestmannaeyjar
Meirihluti: Eyjalistinn og
Fyrir Heimaey
Bæjarstjóri: Íris Róbertsdóttir
Morgunblaðið/Eggert
Vinna Vel gekk í viðræðum Samfylkingar, Viðreisnar, Pírata og Vinstri
grænna í Reykjavík sem fóru fram í Fjölbrautaskólanum í Breiðholti í gær.
„Þetta er fyrsti samningur sinnar
tegundar í heiminum,“ segir Heim-
ir Fannar Gunnlaugsson, fram-
kvæmdastjóri Microsoft á Íslandi.
Íslenska ríkið og Microsoft gerðu
í gær með sér heildarsamning um
kaup á hugbúnaði. Íslenskunni
verður gert hátt undir höfði í kjöl-
far þessa; hægt verður að þýða
texta á íslensku yfir á sextíu önnur
tungumál og stefnt er að því að láta
hugbúnaðinn skilja íslensku. Micro-
soft mun auk þess forgangsraða ís-
lenskri talvél framar.
„Með þessum samningi fær ríkið
aðgang að samskonar hugbúnaði
fyrir allar sínar stofnanir, 164 tals-
ins. Þetta teljum við mikið fram-
faraskref, til að mynda hvað varðar
samvinnu og samskipti milli stofn-
ana,“ segir Heimir Fannar í samtali
við Morgunblaðið. Samningurinn
felur í sér aðgengi ríkisstofnana að
nýjustu útgáfu Office 365 hugbún-
aðarpakkans, sem inniheldur meðal
annars Word, Excel, hópvinnukerfi
og póstkerfi.
Í júní verða liðin 20 ár síðan þá-
verandi menntamálaráðherra,
Björn Bjarnason, ritaði Microsoft
bréf og hóf þá vegferð að fá Micro-
soft Office og Windows þýtt yfir á
íslensku. „Síðan höfum við náð sí-
fellt lengra og lengra við að tryggja
íslenskunni sess í hinum stafræna
heimi. Það skiptir okkur miklu máli
að geta boðið upp á Windows 10
stýrikerfið og allan lykilhugbúnað
okkar á íslensku,“ segir Heimir
Fannar.
Nýjasta viðbótin, að hægt sé að
þýða texta á íslensku yfir á 60
tungumál í Word, felur í sér gríðar-
lega hagræðingu og tækifæri að
mati Heimis. „Þarna geturðu tekið
heilt skjal, til dæmis samninga, og
þýtt yfir á fjölda tungumála. Þessi
þjónusta mun svo alltaf batna eftir
því sem við notum hana meira, enda
er gervigreind að baki.“
Samningurinn er til þriggja ára
og hleypur á hundruðum milljóna
króna. „Þetta skapar ríkinu hag-
ræðingu upp á að minnsta kosti 200
milljónir króna á ári. Þarna er
gerður samningur um allar stofn-
anir í stað 164 mögulegra samninga
og í ljósi stærðarinnar fær ríkið
mjög hagstæðan samning. Hann er
á pari við þá sem miklu stærri ríki
eru að gera.“
hdm@mbl.is
Tryggir íslenskunni sess
 Ríkið og Microsoft gera heildarsamning um hugbúnað
Ljósmynd/Hörður Sveinsson
Undirritun Bjarni Benediktsson og Heimir Fannar Gunnlaugsson.
Þorsteinn Halldórsson, sem dæmd-
ur var í sjö ára fangelsi fyrir nauðg-
un og önnur brot í síðasta mánuði í
Héraðsdómi Reykjaness, er grun-
aður um kynferðisbrot í öðru máli
sem verið hefur til rannsóknar hjá
lögreglunni á höfuðborgarsvæðinu.
Þetta staðfesti Theodór Kristjáns-
son, yfirlögregluþjónn hjá kyn-
ferðisbrotadeild lögreglunnar á
höfuðborgarsvæðinu, við mbl.is.
Hann segir rannsóknina langt
komna. Þorsteinn var dæmdur fyr-
ir að tæla unglingsdreng ítrekað
með fíkniefnum, lyfjum og gjöfum.
Hann á að hafa nýtt sér yfirburði
sína gagnvart drengnum vegna ald-
urs og þroskamunar.
Grunaður um fleiri kynferðisbrot