Morgunblaðið - 02.06.2018, Side 37

hann strax. Þú varst svo ánægð
að heyra í mér á aðfangadag síð-
astliðinn þegar ég hringdi og
sagði þér að við hefðum gift okk-
ur deginum áður á afmælisdeg-
inum mínum án nokkurs fyrir-
vara. Alltaf hringdir þú í mig á
afmælisdaginn minn og passaðir
upp á að ég fengi sérstaka af-
mæliskveðju í miðju jólaamstr-
inu þó svo að ég væri orðin full-
orðin. Mér þótti einstaklega
vænt um það og þú vissir það. Þú
varst líka svo spennt að vita að ég
væri að verða amma og Róbert
minn að verða pabbi. Ég mun
segja Krumma litla sögur af þér.
Það er margt annað sem kemur
upp í hugann sem ég er búin að
segja þér í bænum mínum og ég
veit að þú ert búin að heyra í
mér, elsku frænka.
Þú varst einstök kona, ákveð-
in, heiðarleg, staðföst, hreinskil-
in og einstaklega kærleiksrík,
hjartahlý og trúuð. Þér tókst að
láta öllum líða eins og þeir væru
einstakir. Þú varst mér svo mik-
ið, uppáhaldsfrænka, amma fyrir
öll börn sem komu til þín og góð
vinkona. Það á eftir að vera erfitt
að geta ekki tekið upp símann og
hringt í þig. Ég veit að Biggi og
Hella tóku vel á móti þér og það
er ábyggilega mikið talað og
hlegið. Ég elska þig og sakna þín,
elsku Sonja mín.
Elsku Þórður, Gulli, Ágústa
og börn. Hjartanlegar samúðar-
kveðjur.
Sonja, Svavar
og börn.
Það hefur reynst mér mjög
erfitt að sætta mig við að aldrei
aftur geti ég dinglað á Böðvars-
götunni og Sonja frænka, eða
Sonja í Borgarnesi eins og ég
kallaði þig alltaf, taki á móti mér
með knúsi.
En ég næ að brosa í gegnum
tárin þegar þær rifjast upp fyrir
mér, allar skemmtilegu og dýr-
mætu minningarnar sem ég á um
ykkur Þórð úr öllum heimsókn-
unum í Borgarnesið með
mömmu og pabba. Þá fékk ég
meðal annars að leika mér með
kartöfluhausaleirinn, púsla (en
ég deili einmitt þeirri dellu með
þér), leigja mér mynd á vídeó-
leigunni, leika mér í garðinum
ykkar og fara með pabba og
Þórði að viðra hundana í fjör-
unni. Ég man líka eftir því þegar
ég fékk að taka tvær vinkonur
mínar með í nokkurra daga
berjaferð í Borgarnesið. Ég man
að í berjamónum var ég svo hissa
að þú varst alltaf aðeins í burtu
frá okkur hinum en komst svo að
því að þú varst að tryggja þér
aðalbláberin því þú vildir þau
eingöngu. Þú varst alltaf svo
dugleg að vinna í garðinum ykk-
ar og þú áttir garðhatt sem í
hverri heimsókn var alltaf minna
og minna eftir af þar til að lokum
að höfuðið stóð upp úr hattinum
og þú skelltir honum alltaf á þig,
settir út mjöðmina og sagðir: „Er
ég ekki fín?“ – og svo hlógum við
öll.
Þú hafðir alltaf sterkar skoð-
anir á hlutunum og hafðir
ákveðnar reglur og lærði ég
margt í þessum heimsóknum
eins og að fara vel með leikföng
og hluti og grípa ekki fram í. Það
var þó eitt sem aldrei náði í gegn
þrátt fyrir ítrekaðar tilraunir
þínar en það var að kenna mér að
hella upp á kaffi. Ég stóð þrjósk
á mínu að ég þyrfti þess ekki þar
sem ég ætlaði mér aldrei að
drekka kaffi og að gestir gætu
bara drukkið eitthvað annað í
heimsókn hjá mér. Þú spurðir
mig svo alltaf reglulega þegar ég
heyrði í þér í síma hvort ég væri
búin að læra að hella upp á og svo
hlóstu, enda varstu mikill húmor-
isti.
Þú varst dugleg að hrósa mér
bæði þegar við hittumst og í síma
og talaðir alltaf svo fallega um
börnin mín þrjú og veit ég að þú
náðir til hjartans í Ísaki mínum
sjö ára því þegar ég sagði honum
að þú værir farin til Guðs þá
sagði hann leiður: „Hún var
krúttleg,“ en það segir hann að-
eins um þá sem honum þykir
vænt um.
Samband ykkar mömmu, litlu
systur þinnar, var alveg einstakt
og veit ég að missir mömmu er
mikill. Þið töluðuð saman í síma
nánast daglega og man ég að
þegar ég var lítil og var að kalla á
mömmu og fékk ekki svar þá
sagði pabbi: „Hún er að tala við
Borgarnes,“ og þá vissi ég að það
væri góður klukkutími þangað til
ég gæti talað við mömmu.
Það er erfitt að kveðja þig,
svona stórkostlegan karakter og
yndislega manneskju, en ég
hugga mig við það að þér líði bet-
ur núna og þú dansir um í
draumalandinu með foreldrum
þínum og systkinum. Ég geymi
allar dýrmætu minningarnar
mínar um þig í hjartanu eins og
gull, þar til við hittumst næst og
búum til fleiri.
Elsku Þórður, Gulli og fjöl-
skylda, mamma og aðrir að-
standendur, ég sendi ykkur mín-
ar innilegustu samúðarkveðjur
og bið góðan Guð að styrkja ykk-
ur á þessum erfiðu tímum. Megi
minningin um dásamlega konu
lifa.
Henrietta Þóra
Magnúsdóttir.
Sonja var yndisleg, kona
Þórðar frænda míns. Á mínu
æskuheimili voru Þórður og
Sonja yfirleitt nefnd í sömu and-
ránni. Þau ákváðu snemma að
ganga saman æviveginn. Glæsi-
legt par. Sonja var hluti af
dásamlegri, fallegri og kraftmik-
illi fjölskyldu þeirra Þóru og
Lauga Gosa á Siglufirði, eins og
Guðlaugur Gottskálksson var
kallaður. Hún og Þórður fóru
saman suður að mennta sig og
settust þar að, fyrst í Reykjavík
og síðar í Borgarnesi þar sem
þau bjuggu mestalla ævina og
urðu miklir Borgnesingar. Sonja
var atvinnurekandi og rak þar
bókhaldsskrifstofu nánast alla
tíð.
Ávallt var kært með foreldr-
um mínum og Þórði frænda og
Sonju. Sá vinskapur náði líka til
okkar systkinanna á Laugarveg-
inum. Ég minnist ferðar, sem
fjölskyldan fór til Reykjavíkur,
sennilega upp úr 1960 og innlits
til Sonju og Þórðar þar sem þau
bjuggu þá í einu háhýsanna í Sól-
heimum. Mér fannst það svaka-
lega flott og búseta í svo nýstár-
legu húsi lýsandi fyrir fram-
sækni þeirra hjóna.
Löngu seinna leit ég stundum
inn hjá þeim í Borgarnesi og tal-
aði líka oftlega við Sonju í síma.
Það var afskaplega gaman að
eiga orðastað við hana enda
fylgdist Sonja vel með alla tíð og
hafði komið víða við ef svo má
segja. Sonja var líka rökviss,
heiðarleg og veitti mér oft
skemmtilega sýn á menn og mál-
efni.
Húmorinn hennar var him-
neskur að mér fannst. Þegar þau
hjón eignuðust einkasoninn Guð-
laug Þór naut hún þess mjög.
Sonja var ávallt til taks fyrir
stráksa og færði bókhaldsþjón-
ustuna á Böðvarsgötuna til að
auðvelda það. Hún var vakin og
sofin yfir velferð fjölskyldu sinn-
ar og gladdist mjög yfir vel-
gengni Gulla og barnabörnin
áttu sannarlega stóran stað í
hjarta hennar.
Ég er þakklát fyrir að hafa
þekkt Sonju. Þegar ég leit inn
hjá þeim hjónum síðastliðið
haust gerði ég mér ekki grein
fyrir að ég myndi ekki hitta
Sonju aftur. Ég samhryggist
Þórði frænda mínum, Guðlaugi
Þór og fjölskyldunni allri. Þau
hafa svo sannarlega misst mikið.
Blessuð sé minning Sonju Guð-
laugsdóttur.
Árdís
Þórðardóttir.
 Fleiri minningargreinar
um Sonju Guðlaugsdóttur
bíða birtingar og munu birt-
ast í blaðinu næstu daga.
MINNINGAR 37
MORGUNBLAÐIÐ LAUGARDAGUR 2. JÚNÍ 2018
Frímann & hálfdán
Útfararþjónusta
Frímann
897 2468
Hálfdán
898 5765
Ólöf
898 3075
Sími: 565 9775
www.uth.is
uth@uth.is
Cadillac 2017
Innilegar þakkir fyrir auðsýnda samúð og
hlýhug við andlát og útför elskulegrar
móður okkar,
KRISTÍNAR ÞÓRÐARDÓTTUR
frá Árbakka.
Hafið hjartans þakkir fyrir, blessuð sé
minning hennar.
Þór Kröyer Martína Sigursteinsdóttir
Benedikt Kröyer Kristín Sölvadóttir
Þorsteinn Kröyer Ólafía Halldórsdóttir
Iðunn Kröyer Eymundur Hannesson
og fjölskyldur
Þökkum auðsýnda samúð við andlát og
útför okkar elskulegu móður, tengdamóður,
ömmu og langömmu,
JÓNU AÐALHEIÐAR HANNESDÓTTUR
frá Núpsstað,
til heimilis að Árskógum 6,
Reykjavík,
sem lést mánudaginn 7. maí. Hjartans þakkir til starfsfólks
heimahlynningar og líknardeildarinnar í Kópavogi fyrir alúð
og hlýju.
Snorri Þór, Hannes, Ágúst, Hörður Ingþór, Pálmi
og fjölskyldur
Innilegar þakkir fyrir samúð og hlýhug við
andlát móður okkar, tengdamóður, ömmu
og langömmu,
LILJU JÓNSDÓTTUR.
Útförin hefur farið fram í kyrrþey að ósk
hinnar látnu.
Sérstakar þakkir til starfsfólks á Hrafnistu í
Kópavogi fyrir góða umönnun og hlýtt
viðmót.
Ásta Garðarsdóttir Sturla Þórðarson
Helga Garðarsdóttir Sigurjón Sindrason
barnabörn og barnabarnabörn
Ástkær eiginmaður minn, fósturpabbi,
tengdapabbi, afi og frændi,
BJÖRGÚLFUR ANDRÉSSON,
Unnarbraut 26, Seltjarnarnesi,
sem lést sunnudaginn 27. maí, verður
jarðsunginn frá Seltjarnarneskirkju
þriðjudaginn 5. júní klukkan 11.
Þeim sem vilja minnast hans er bent á Krabbameinsfélagið.
Hafdís Jónsdóttir
Gyða Margrét Pétursdóttir Matthías Hemstock
Ýmir, Elvin og Bragi
Anna Björg Sigurðardóttir Víglundur Ákason
Ragnhildur Hrund Sigurðard.
Ástkær eiginkona mín, móðir okkar,
tengdamóðir, amma og langamma,
INGIBJÖRG JÓNA JÓNSDÓTTIR,
sérkennari á Akranesi,
Nýhöfn 4, Garðabæ,
lést mánudaginn 28. maí.
Útför hennar fer fram frá Akraneskirkju miðvikudaginn 6. júní
klukkan 13.
Ingjaldur Bogason
Ingibjörg St. Ingjaldsdóttir Guðmundur R. Guðmundsson
Sólborg Þóra Ingjaldsdóttir Einar Geir Hreinsson
Guðríður Björnsdóttir
barnabörn og barnabarnabarn
Elskuleg dóttir okkar og systir,
EYDÍS JÓHANNSDÓTTIR,
andaðist á líknardeild Landspítalans
þriðjudaginn 15. maí síðastliðinn.
Útförin hefur farið fram í kyrrþey.
Hugheilar þakkir til þeirra sem önnuðust
hana á Kópavogsbraut 5c.
Þuríður Ragnarsdóttir Jóhann Arnfinnsson
Ragnar Brjánn Jóhannsson Baldur Jóhannsson
Ástkær móðir okkar, tengdamóðir og
amma,
FILIPPÍA GUÐRÚN KRISTINSDÓTTIR,
lést mánudaginn 28. maí á Dvalarheimilinu
Lögmannshlíð, Akureyri. Útför hennar fer
fram frá Glerárkirkju mánudaginn 4. júní
klukkan 10.30.
Elín Dögg Gunnarsdóttir Valmar V. Väljaots
Kristdór Þór Gunnarsson Ásgerður Halldórsdóttir
Kristín Lind, Bóel Birna, Karen Tara
Sóley Sara og Gunnar Aron
Elskuleg móðir okkar, tengdamóðir, amma
og langamma,
SIGMUNDA HÁKONARDÓTTIR
Sísí
Árskógum 8, Reykjavík,
lést á Landspítalanum föstudaginn
27. apríl. Útförin fer fram frá Seljakirkju föstudaginn 8. júní
klukkan 13.
Inga Jónsdóttir
Guðrún Valtýsdóttir Þórir Karl Jónasson
Ágústa Rósa Finnlaugsdóttir
barnabörn og barnabarnabörn
Ástkær bróðir minn, frændi, mágur og
vinur,
ÞÓRÐUR Á. HELGASON,
Háengi 4,
Selfossi,
varð bráðkvaddur á heimili sínu
mánudaginn 28. maí.
Útför hans fer fram frá Neskirkju þriðjudaginn 5. júní klukkan 13.
Fyrir hönd aðstandenda,
Ingimundur K. Helgason
Hugheilar þakkir til allra þeirra sem
auðsýndu okkur samúð og vináttu vegna
fráfalls okkar ástkæra
BRAGA ÞÓRS STEFÁNSSONAR
læknis.
Svala Karlsdóttir
Davíð Þór Bragason Connie Lee
Ásta Bragadóttir
Eva Bragadóttir
Kristján Karl Bragason Hafdís Vigfúsdóttir
Stefán Bragason
og barnabörn
Ástkær faðir okkar, afi og langafi,
ARNFINNUR SCHEVING
ARNFINNSSON,
Eyrarflöt 4, Akranesi,
lést sunnudaginn 27. maí á dvalarheimilinu
Höfða. Útför hans fer fram frá Akraneskirkju
föstudaginn 8. júní klukkan 13.
Margrét Arnfinnsdóttir
Þórdís Ásgerður Arnfinnsd. Gylfi Jónsson
Maren Lind Másdóttir Gunnar Harðarson
Helena Másdóttir Ársæll Ottó Björnsson
og barnabarnabörn