Morgunblaðið - Sunnudagur - 17.06.2018, Page 28

FERÐALÖG Eyrnatappar geta komið sér vel á ferðalaginu. Þeirdraga úr hávaða, t.d. í geltandi hundum eða vinnu-
vélum sem eru ræstar á ókristilegum tíma.
Tappa í eyrun
28 MORGUNBLAÐIÐ SUNNUDAGUR 17.6. 2018
Þegar blaðamaður nær tali afþeim Eddu og Jóni er langtliðið á eftirmiðdaginn heima á
Íslandi en klukkan aðeins átta að
morgni hjá þeim hjónum. Þau eru þá
stödd í strandbænum Lincoln City á
vesturströnd Bandaríkjanna og
segja að tímamismunurinn, sjö
klukkutímar, sé dálítið erfiður. En
það er ekki að heyra á þeim að þau
séu þreytt, þrátt fyrir tímamismun
og þá staðreynd að þau séu búin að
vera að hjóla nokkur hundruð kíló-
metra síðastliðna daga. Leiðin liggur
á reiðhjólum frá Portland til San
Francisco, reyndar með smá við-
komu í Rússlandi og á Íslandi.
Hálfs árs skipulagning
Ferðalagið hófst með flugi frá Ís-
landi til Portland. „Það var auðvitað
frábært að geta flogið beint, sér-
staklega af því að við tókum okkar
eigin hjól með,“ segir Edda. „Frá
flugvellinum tókum við bíl með dótið
okkar yfir til Hilsboro, sem er út-
hverfi í Portland, og gistum þar í
eina nótt. Þaðan hjóluðum við til
Vernonia Springs þar sem við gist-
um aðra nótt.“
Jón segir að þessi fyrsta dagleið
hafi verið mjög skemmtileg og gott
að byrja á henni, „því hún lá eftir
gamalli járnbrautarleið sem búið er
að malbika sem hjóla- og göngustíg.
Við hjóluðum því í sveit með engri
bílaumferð eða neitt.“
Frá Vernonia hjóluðu þau yfir til
Astoria og gistu þar í tvær nætur.
Leið þeirra lá svo yfir til Cannon
Beach, þar sem þau gistu eina nótt,
og þaðan yfir til Tillamok. Þau
ákváðu að taka rútu þaðan yfir til
næsta áfangastaðar, Lincoln City,
þar sem það rigndi svo gríðarlega að
þeim fannst ekki óhætt að hjóla við
þær aðstæður.
Edda og Jón segjast hafa byrjað
að skipuleggja ferðina fyrir u.þ.b.
hálfu ári. Þau hafi undirbúið sig vel,
t.d. með því að fara á hjólanámskeið
innanhúss í vetur.
Edda segir þau tvisvar áður hafa
farið utan í hjólaferð. „Við höfum þó
ekki áður hjólað svona langt eins og
við erum að gera núna. Í fyrstu ferð-
inni hjóluðum við frá Ítalíu til Króat-
íu og svo hjóluðum við innan Króat-
íu. Það voru hins vegar skipulagðar
ferðir þar sem við vorum búin að
kaupa allan pakkann og allt var
skipulagt fyrir okkur. Núna erum
við að skipuleggja þetta allt sjálf.“
„Já já, allt sett upp í Excel,“ segir
Jón, „allt frá því hvað við ætlum að
hjóla langt á hverjum degi upp í það
hvar við gistum.“
Excel-skjalið ekki heilagt
Jón segir misjafnt hvað þau Edda
hjóli langt í einu. Stundum fari þau
um fimmtíu kílómetra en aðra daga í
kringum hundrað.
„Það verður að taka með í reikn-
inginn hvort það er mikil hækkun á
leiðinni. Það er auðvelt að hjóla langt
á jafnsléttu en að sama skapi fer
maður styttri vegalengd þegar
hækkunin er mikil. Þetta er mikið
fjallasvæði og mikið um brekkur.
Hækkunin frá Portland til San
Francisco er samtals um fimmtán
þúsund metrar.“
Edda og Jón eru sammála um að
það megi alveg breyta Excel-
skjalinu, eins og þau gerðu þegar
þau tóku rútuna frá Tillamok til Lin-
coln City vegna rigningarinnar óg-
urlegu. Enda engin ástæða til að
taka óþarfa áhættu. Þetta eigi fyrst
og fremst að vera skemmtilegt.
„Við ákváðum strax í byrjun að
þetta ætti að vera gaman og svo bara
gerum við það sem þarf til að svo
megi vera,“ segir Jón.
Hvers vegna ákváðuð þið að hjóla
þessa leið, þ.e. frá Portland til San
Francisco?
„Við keyrðum þessa leið, svokall-
aða 101 highway, fyrir fimm árum,
og töluðum um að það væri gaman
að hjóla þetta einhvern tíma því okk-
ur fannst umhverfið svo rosalega fal-
legt,“ segir Edda. Helsta muninn á
því að hjóla þessa leið eða keyra
segja þau vera þann að maður upplifi
náttúruna og fegurðina í henni á allt
annan hátt en þegar þotið er áfram í
bíl. „Svo sér maður kannski ekki
þessa litlu staði þegar maður keyrir,
Þegar ekki var hægt að hjóla vegna úrhellis tóku hjónin rútu milli staða.
Draumur
sem rættist
Hjónin Edda Holmberg og Jón Birgir Gunnarsson
hafa ferðast víða um Bandaríkin en sjá þau nú í nýju
ljósi þar sem þau hjóla frá Portland til San Franc-
isco, samtals um fjórtán hundruð kílómetra leið.
Guðrún Óla Jónsdóttir gudruno@mbl.is
Jón og Edda segja upplifunina í hjólaferðinni allt aðra
en hingað til í ferðum sínum til Bandaríkjanna.
Jón og Edda eru dugleg að stoppa og njóta umhverfisins.