Morgunblaðið - 16.07.2018, Blaðsíða 14

14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 16. JÚLÍ 2018
Eyesland . Grandagarði 13 og Glæsibæ, 5. hæð . sími 510 0110 . www.eyesland.is
Frábært
verð á glerjum
Einfókus gler
Verð frá kr. 16.900,-
Margskipt gler
Verð frá kr. 41.900,-
Cocoa Mint 2554 umgjörð
kr. 12.900,-
16. júlí 2018
Gengi Kaup Sala Mið
Dollari 107.43 107.95 107.69
Sterlingspund 140.95 141.63 141.29
Kanadadalur 81.3 81.78 81.54
Dönsk króna 16.745 16.843 16.794
Norsk króna 13.162 13.24 13.201
Sænsk króna 12.03 12.1 12.065
Svissn. franki 106.81 107.41 107.11
Japanskt jen 0.9535 0.9591 0.9563
SDR 150.58 151.48 151.03
Evra 124.85 125.55 125.2
Meðalgengi/Viðskiptavog þröng 152.326
Hrávöruverð
Gull 1240.5 ($/únsa)
Ál 2104.0 ($/tonn) LME
Hráolía 74.34 ($/fatið) Brent
● Á fundi með rík-
isstjórn Þýskalands
þann 6. júlí varaði
Jens Weidmann
seðlabankastjóri
við því að líkur
væru á að taki að
hægja á þýska
hagkerfinu. Þýska
viðskiptablaðið
Handelsblatt grein-
ir frá þessu og
hefur eftir heimildarmönnum innan
hins opinbera.
Að sögn Reuters ráðlagi Weidmann
ríkisstjórninni að búa sig undir erfið-
leikaskeið. Sagði hann að í næstu nið-
ursveiflu gæti ríkið þurft að grípa inn
í. Of langt er þar til að stýrivextir
Seðlabanka Evrópu komist aftur á eðli-
legan stað og þess vegna lítið svigrúm
hjá SBE til að örva hagkerfi álfunnar.
Í júní lækkaði Bundesbank hagvaxt-
arspá sína fyrir þetta ár úr 2,5% niður
í 2,0%. Að mati seðlabankans er enn
mikill þróttur í atvinnulífi Þýskalands
en ástæða til að hafa áhyggjur af
mögulegum óstöðugleika af völdum
þeirrar þróunar sem er að eiga sér
stað á sviði alþjóðaviðskipta og stjórn-
mála.
ai@mbl.is
Jens
Weidmann
Seðlabanki Þýskalands
segir horfur versnandi
STUTT
FRÉTTASKÝRING
Ásgeir Ingvarsson
ai@mbl.is
Viðbrögðin létu ekki á sér standa.
Ekki var nóg með að John Schnat-
ter, stofnandi pizzustaðakeðjunnar
Papa John‘s, léti af störfum sem
stjórnarformaður fyrirtækisins,
heldur verður vörumerki keðjunnar
breytt svo að ásjóna hans mun ekki
lengur prýða pizzukassa fyrirtæk-
isins og auglýsingar. Hvert á fætur
öðru hafa vinsæl bandarísk íþrótta-
lið skorið á tengslin við Papa John‘s
og almannatengslafyrirtækið Olson
Engage hefur líka sagt upp samn-
ingi sínum við keðjuna. Háskólinn í
Louisville tilkynnti á föstudag að
hann muni fella nafn pizzukeðjunn-
ar úr nafni íþróttaleikvangs skólans,
sem áður hét Papa John‘s Cardinal
Stadium, en Schnatter hafði á sínum
tíma látið 15 milljónir dala af hendi
rakna til að stækka og bæta leik-
vanginn.
Stórslys á símafundi
En hvað var það sem Schnatter
gerði til að hleypa öllu í bál og
brand?
Forbes ljóstraði því upp á mið-
vikudag að Schnatter hefði setið
símafund í maí með fulltrúum ráð-
gjafarfyrirtækisins Laundry Ser-
vice þar sem markmiðið var að
þjálfa hann í að forðast almanna-
tengslaklúður. Á fundinum tók
Schnatter þátt í æfingu þar sem
hann var beðinn um að svara því
hvernig hann myndi fordæma kyn-
þáttahaturshópa á netinu. Er óhætt
að segja að svarið hafi farið öfugt
ofan í fundargesti. Schnatter byrj-
aði á að nota „n-orðið“ þegar hann
kvartaði yfir því að Harland Sand-
ers, stofnandi KFC-kjúklingastað-
anna hefði aldrei verið látinn finna
til tevatnsins fyrir að nota úrelt og
niðrandi orð um svart fólk. Þvínæst
lýsti Schnatter æskuárum sínum í
Indíana þar sem svart fólk gat átt
það á hættu að vera tekið af lífi án
dóms og laga.
Að sögn Forbes gekk Schnatter
það eitt til að sýna hvað hann hefði
mikla andúð á kynþáttahatri, en í
reynd tókst honum að sármóðga
fjölda fundargesta. Laundry Service
sagði í kjölfarið upp samningi sínum
við Papa John’s og á endanum láku
upplýsingar um fundinn til fjöl-
miðla. Schnatter sagði af sér síðar
sama dag.
Í janúar hafði Schnatter látið af
störfum sem forstjóri Papa John’s,
en hann olli töluverðu uppnámi þeg-
ar hann kvartaði yfir að NFL-ruðn-
ingsdeildin hefði ekki tekið nægi-
lega hart á mótmælum íþrótta-
manna gegn kynþáttamismunun.
Tilefni ummælanna var að Papa
John’s tengdi mótmælin við sam-
drátt í pizzusölu.
Sýnilegur um allan heim
CNN greinir frá að Schnatter eigi
um 29% hlut í Papa Johns en hann
stofnaði fyrirtækið árið 1984.
Schnatter hefur verið andlit fyrir-
tækisins frá upphafi og áberandi í
auglýsingum þess og öðru markaðs-
efni. Í dag er Papa John‘s þriðja
stærsta pizzukeðja Bandaríkjanna,
á eftir Domino‘s og Pizza Hut. Má
finna Papa John‘s-veitingastaði í öll-
um heimsálfum að Ástralíu og Suð-
urskautslandinu undanskildum.
Í tilkynningu sem send var fjöl-
miðlum staðfesti Schnatter lýs-
inguna á fundinum örlagaríka. „Ég
biðst afsökunar, óháð því í hvaða
samhengi hlutirnir voru sagðir,“
sagði hann. „Í stuttu máli sagt þá
eiga kynþóttafordómar ekkert er-
indi við samfélagið okkar.“
Stofnandi og andlit pizzu-
keðju tekur pokann sinn
AFP
Afdráttarlaust Schnatter verður m.a. fjarlægður úr vörumerki fyrirtækisins sem hann stofnaði árið 1984.
 Notaði niðrandi orð á símafundi um hvernig forðast ætti almannatengslaklúður
Starbucks tilkynnti í síðustu viku að
kaffihúsakeðjan muni hætta að nota
plaströr ekki seinna en 2020. Í stað
þess að bera drykki fram í plastmáli
með loki og röri verður notað lok með
drykkjarstút sem á að gera sama
gagn og rörið.
Áður höfðu stjórnvöld í Seattle í
Bandaríkjunum og Vancouver í Kan-
ada bannað drykkjarrör úr plasti, og
er í undirbúningi að koma á sams
konar banni í nokkrum bandarískum
stórborgum sem og í Bretlandi.
En nú hefur komið í ljós að lok með
drykkjarstút gætu verið skaðlegri
umhverfinu en hefðbundin plastlok
með röri. Það var blaðamaður banda-
ríska tímaritsins Reason sem komst
að því með einfaldri mælingu að
meira plast er í nýju rörlausu lokun-
um.
Í dag eru samanlagt á bilinu 3,23 til
3,55 grömm af plasti í þeim rörum og
lokum sem Starbucks notar en í nýju
lokin með drykkjarstútnum fara 3,55
til 4,11 grömm af plasti eftir því hve
stórt lok er notað. Bætast því 0,32 til
0,88 grömm af plasti við hverja
drykkjarpöntun og mun plastfótspor
Starbucks aukast sem því nemur.
Starbucks hefur brugðist við
fréttaflutningi Reason með því að
benda á að nýju stúts-lokin hafi þann
kost að vera úr endurvinnanlegu
plasti ólíkt rörunum sem notuð eru í
dag. ai@mbl.is
AFP
Umdeilt Nýju rör-lausu lokin munu stækka plastfótspor Starbucks.
Nota meira plast með
því að sleppa rörum