Morgunblaðið - 25.07.2018, Qupperneq 4
Vinna við göngubrú yfir Breiðholtsbraut á milli
Seljahverfis og Fellahverfis gengur vel og er á
undan áætlun. Uppsteypu brúargólfs lauk í vik-
unni og framundan er vinna við handrið. Björn
Sigurðsson, eigandi fyrirtækisins Skrauta sem
sér um verkið, segir að vinna við framkvæmdina
hafi gengið vel. „Ólíkt mörgum öðrum erum við
alltaf á undan áætlun, það er bara þannig sem
við vinnum,“ segir Björn, en ráðgert var að
framkvæmdum myndi ljúka 1. október nk.
Björn segir að vinna við handrið muni hefjast
sem allra fyrst. „Það á eftir að setja handrið á
brúna áður en hægt verður að taka verkpallana
undan henni. Það er talsverð vinna sökum þess
að handriðin eru sérsniðin og það er ekki auð-
velt að setja þau upp. Þess utan eigum við eftir
að eftirspenna brúna en ég býst við því að við
klárum það í lok vikunnar,“ segir Björn.
Spurður hvenær hann geri ráð fyrir því að
brúin verði tekin í notkun segir Björn það ekki
vera í sínum höndum. Það komi til af því að
vinna við stígagerð upp að brúnni er ekki hafin.
„Við tókum þátt í útboði Vegagerðarinnar og
komum eingöngu að vinnu við brúna. Útboð
vegna vinnu við stígagerð var hins vegar á veg-
um Reykjavíkurborgar en stígurinn er nauðsyn-
legur til þess að hægt sé að nota brúna. Það eru
aðrir aðilar sem sjá um það verkefni og eftir því
sem ég kemst næst er vinna við það ekki hafin,“
segir Björn. aronthordur@mbl.is
Morgunblaðið/Árni Sæberg
Göngubrú yfir Breiðholtsbraut á undan áætlun
Uppsteypu brúargólfs lauk í vikunni og framundan er vinna við sérsniðið handrið brúarinnar
Morgunblaðið/Eggert
Geysissvæðið Jörðin Neðri-Dalur er steinsnar frá hverasvæðinu.
Baldur Arnarson
baldura@mbl.is
Erlendir aðilar hafa að undanförnu
sýnt áhuga á jörðinni Neðri-Dal í
Biskupstungum. Jörðin er næsta
jörð við Geysi í Haukadal.
Þráinn Bjarndal Jónsson, bóndi í
Miklaholti, staðfestir þetta.
Hann segir ásett verð um 1,2 millj-
arða króna. Það sé hagstætt verð
fyrir svo góða jörð. Margir hafi sýnt
henni áhuga upp á síðkastið.
Þráinn Bjarndal vill að öðru leyti
ekki tjá sig um málið. Þá vildi fast-
eignasali hjá Stakfelli ekki tjá sig um
málið. Vísaði hann á eigendur jarð-
arinnar. Þeir eru átta, Bjarndals-
bræður, fæddir á árunum 1943-1952.
Jörðin er 1.200 hektarar.
Kínverjar sagðir áhugasamir
Nokkuð var fjallað um söluna á
Neðri-Dal í fjölmiðlum í fyrrasumar.
Sagði Fréttablaðið meðal annars frá
því að kínverskir fjárfestar hefðu
áhuga á að skoða kaup á jörðinni.
Var haft eftir fasteignasala að um-
ræddir aðilar hefðu áhuga á að
byggja upp ferðaþjónustu. Horft
væri til staðsetningar jarðarinnar og
þess að þar er heitt vatn.
Mikil uppbygging hefur farið fram
á Geysissvæðinu síðustu ár. Meðal
annars er nú verið að leggja loka-
hönd á nýtt lúxushótel við Geysi.
Nýr veitingastaður hefur verið
opnaður á hótelinu og er stefnt að því
að taka herbergin í notkun fyrir ára-
mót. Ráðstefnusalir og spa verða svo
opnuð í kjölfarið.
Undirbúa hótelþorp
Þá sagði Morgunblaðið frá því í
fyrravor að fjárfestar hefðu til skoð-
unar að reisa ferðaþjónustuþorp í
nágrenni Geysis. Nánar tiltekið hef-
ur fasteignaþróunarfélagið Arwen
áform um að reisa þar þúsund
manna ferðaþjónustuþorp á fjórum
til fimm árum. Málið er í vinnslu.
Erlendir aðilar skoða Neðri-Dal
Eigendur jarðarinnar Neðri-Dals við Geysi finna fyrir áhuga fjárfesta Kostar 1,2 milljarða
Nýtt veitingahús hefur verið opnað við Geysi Ferðaþjónustuþorp er enn á undirbúningsstigi
4 FRÉTTIRInnlent
MORGUNBLAÐIÐ MIÐVIKUDAGUR 25. JÚLÍ 2018
HURÐIR
Tunguháls 10, 110 Reykjavík, sími 567 3440, vagnar@vagnar.is, vagnar.is
• Stuttur afhendingartími
• Hágæða íslensk
framleiðsla
• Val um fjölda lita í
RAL-litakerfinu
• Vindstyrktar hurðir
Bílskúrs- og iðnaðarhurðir
Iðnaðarhurðir
Iðnaðarhurðir með gönguhurð
Bílskúrshurðir
Hurðir í trékarma
Tvískiptar hurðir
Smíðað eftir máli
Fyrsta flokks þjónusta og ráðgjöf
Líkt og fram kom í Morgunblaðinu í
gær eru áætlanir þess efnis að koma
upp tveimur hringtorgum á Þing-
vallavegi í auglýsingaferli, en ekki
er þó gert ráð
fyrir fram-
kvæmdinni á
samgönguáætlun
sem gildir til loka
þessa árs.
Þórarinn
Jónasson hefur
búið í Mosfellsdal
og rekið þar
hestaleiguna
Laxnes í rúm
fimmtíu ár. Hann segist vera hrifinn
af hugmyndinni um hringtorg, en
segir ekki síður þörf á undirgöngum
á svæðinu.
„Það eru undirgöng þarna neðst í
dalnum. Það er búið að vera á döf-
inni núna í tíu ár að setja undirgöng
hérna upp frá. Ég er með stærstu
ferðaþjónustu í Mosfellsbæ og þarf
að setja þrjá [starfsmenn] upp á veg
til þess að standa á miðjum veginum
og stoppa umferðina,“ segir Þórar-
inn. „Það er dauðagildra á leiðinni
þarna hjá mér. Það er beygja þegar
bílarnir koma ofan af og þar er einn-
ig komið svo mikið af trjám og hef
ég verið að reyna að skera þau nið-
ur,“ segir Þórarinn og bætir við að
hraðinn á veginum sé gjarnan gríð-
arlegur.
Óbrotin lína og hringtorg
„Hættan er sú að stærsta ferða-
þjónusta í Mosfellsbæ er með fimm
þúsund manns í dauðagildru á ári
því það vantar undirgöng.“
Hann segir þó að honum lítist
einnig vel á að bætt verði hring-
torgum við á svæðinu sem og óbrot-
inni línu til að koma í veg fyrir fram-
úrakstur. „Þó að það kæmi ekki
nema bara eitt hringtorg þá myndi
það hafa mikið að segja,“ segir hann.
Guðný Dóra Gestsdóttir, for-
stöðumaður á Gljúfrasteini, tekur í
sama streng. „Ég held að hringtorg
myndu auka umferðaröryggi hérna
og draga úr hraðanum. Þó að þau
séu kannski ekkert sérstaklega
spennandi þá held ég að þau yrðu til
bóta. Ég er búin að starfa hérna síð-
an 2004 og maður sér hversu mikið
umferðin hefur aukist á þessum
tíma.“ teitur@mbl.is
„Fimm þúsund í dauðagildru“
Þörf er á undirgöngum á svæðinu, segir íbúi og atvinnu-
rekandi í Mosfellsbæ Búið að vera á döfinni í um tíu ár
Þórarinn
Jónasson
Spennt fyr-
ir starfinu
og bjartsýn
„Ég þekki vel til
málefna sveitar-
félagsins. Hef
starfað sem fram-
kvæmdastjóri
Heilbrigðisstofn-
unar sem rekin er
af sveitarfélaginu
og er því einn af
stjórnendum sveit-
arfélagsins. Ég
þekki því stjórn-
sýsluna vel og starfsmennina. Svo er
ég fædd og uppalin í Hornafirði,“ segir
Matthildur Ásmundardóttir sem ráðin
hefur verið bæjarstjóri Sveitarfé-
lagsins Hornafjarðar. Hún tekur til
starfa 1. september næstkomandi.
Framsóknarflokkurinn vann hrein-
an meirihluta í bæjarstjórn í síðustu
kosningnum og var ákveðið að auglýsa
starf bæjarstjóra. Sjö umsóknir bárust
og var þeim öllum hafnað en ákveðið að
bjóða Matthildi starfið. „Ég er óneit-
anlega spennt fyrir þessu starfi og
jafnframt full bjartsýni,“ segir hún.
Matthildur er 40 ára að aldri, sjúkra-
þjálfari að mennt og starfaði við það
fag þar til hún tók að sér stjórnun
stofnunarinnar. Hún hefur einnig lokið
mastersprófi í íþrótta- og heilsufræð-
um. Undanfarin sex ár hefur hún starf-
að sem framkvæmdastjóri Heilbrigð-
isstofnunar Suðurlands á Hornafirði
(HSU).
Eiginmaður Matthildar er Hjálmar
J. Sigurðsson sjúkraþjálfari og eiga
þau þrjú börn.
Matthildur
Ásmundardóttir
Matthildi boðið að
stýra á Hornafirði