Morgunblaðið - 25.07.2018, Qupperneq 6
6 FRÉTTIRInnlent
MORGUNBLAÐIÐ MIÐVIKUDAGUR 25. JÚLÍ 2018
VÍKURVAGNAR EHF.
Víkurvagnar ehf. | Hyrjarhöfða 8 | 110 Reykjavík
Sími 577 1090 | vikurvagnar.is | sala@vikurvagnar.is
Einnig mikið úrval varahluta
í Ifor Williams og aðrar gerðir af kerrum,
ásamt úrvals viðgerðarþjónustu.
Kerrur
frá Ifor Williams í öllum stærðum
og útfærslum
Aron Þórður Albertsson
aronthordur@mbl.is
„Ég veit ekki til annars en að það sé
almenn ánægja með þessar aðgerðir,“
segir Erla Þórdís Traustadóttir,
markaðsfulltrúi hjá Skálholtsstað, um
staðfestingu kirkjuráðs þar sem
heimilað var að hefja gjaldtöku af bif-
reiðum sem eiga viðkomu á Skálholts-
stað. Gjaldtakan mun hefjast í sept-
ember og er að sögn Erlu liður í því að
auka þjónustustigið á svæðinu.
Meðal þess sem innifalið er í gjald-
inu er miði á safnið í Skálholti auk að-
gangs að salerni. Verð fyrir 30 manna
rútu er 3.000 krónur, en minni hóp-
ferðabílar munu greiða 1.500 krónur.
Verð fyrir fólksbifreiðar er enn
óákveðið. „Þetta er auðvitað mjög
vægt gjald og miðað við það sem ég
hef heyrt finnst fólki það mjög sann-
gjarnt. Ferðaþjónustufyrirtækin eru
ánægð með að við séum með þessu að
reyna að halda betur utan um þá sem
hingað koma,“ segir Erla og bætir við
að með þessu sé verið að reyna að
vekja athygli á safninu á svæðinu.
„Þetta er kynning á staðnum og verð-
ur til þess að leiðsögumenn láta fólk
vita að það sé í boði að kíkja á safnið.
Það hafa ekkert allir leiðsögumenn
látið fólk vita af þessu en ég held að
það verði gert nú þegar heimsókn
þangað er innifalin í gjaldtökunni,“
segir Erla.
Þrátt fyrir að ferðaþjónustufyrir-
tækjum hafi hingað til verið frjálst að
leggja á svæðinu hefur Skálholtsstað-
ur verið með samning við Gray Line
undanfarin ár. „Þeir hafa alltaf borg-
að hjá okkur því þeim hefur þótt það
sanngjarnt. Þeir munu síðan núna
vera hluti af þessari gjaldtöku sem er
að hefjast og greiða sama verð og aðr-
ir,“ segir Erla.
Bílstjórar skrái stærð bifreiða
Spurð um hvernig innheimta eigi
gjaldið segir Erla það vera í skoðun.
Líkur séu þó á því að skráningarblað
verði á svæðinu þar sem starfsmönn-
um rútufyrirtækja verður gert að
skrá heimsóknir sínar. Þá hafi starfs-
menn Skálholtsstaðar skoðað hvernig
innheimta fer fram þar sem sambæri-
leg gjaldtaka er. „Við munum líklega
gera þetta eins og aðrir staðir hér á
landi hafa verið að gera. Þá verða bíl-
stjórar að skrá niður stærð hópferða-
bílsins og kvitta undir. Þetta er aðferð
sem hefur gengið vel annars staðar,“
segir Erla.
Gjaldtaka í Skálholti hefst í haust
Gjald verður tekið af bifreiðum sem eiga viðkomu á Skálholtsstað í haust Miði á safnið í Skálholti
og aðgangur að salerni innifalið í gjaldinu Verð fyrir 30 manna rútu verður í kringum 3.000 krónur
Morgunblaðið/Brynjar Gauti
Skálholt Gjald verður innheimt af bifreiðum sem eiga viðkomu í Skálholti í
haust. Verðið verður um 3.000 krónur fyrir 30 manna hópferðabifreiðar.
Teitur Gissurarson
teitur@mbl.is
„Við höfum áður bent á þetta. Veg-
irnir uppfylla ekki þær kröfur sem
gerðar eru til svona fjölfarinna vega.
Það sem gerir þetta svo enn verra er
þegar merkingar eru í ólagi og það
er því miður töluvert um að það séu
vanhöld á yfirborðsmerkingum á Ís-
landi,“ segir Runólfur Ólafsson,
framkvæmdastjóri Félags íslenskra
bifreiðaeigenda (FÍB), við Morgun-
blaðið og vísar til skorts á vegmerk-
ingum á einni vinsælustu leið lands-
ins, Gullna hringnum svonefnda.
Eins og sjá má á meðfylgjandi
myndum eru merkingar á þjóð-
vegum við Gullfoss og Geysi víða
mjög lélegar, jafnvel ósýnilegar með
öllu á köflum, en svæðið er sótt heim
af miklum fjölda ferðamanna á
hverjum degi.
Spurður hvaða áhrif það geti haft
á ferðir fólks þegar merkingar eru
jafnlélegar og raun ber vitni svarar
Runólfur: „Vegirnir eru það þröngir
að það hjálpar kannski þeim sem eru
óvanir að keyra á vegunum okkar að
átta sig á því að þeir verði að vera
innan lína. Ef engar línur eru þá
verður það enn þá erfiðara. Þetta á
líka við um hliðarlínur sem víða
skortir. Það getur m.a. haft þau
áhrif að fólk heldur að því sé óhætt
að leggja úti í vegkanti. Þetta getur
því skapað ýmsar hættur.“
Eiga eftir að gera margt
Svanur G. Bjarnason, svæðisstjóri
Vegagerðarinnar á Selfossi, segir
margt verk óunnið á svæðinu.
„Það á náttúrulega heilmikið eftir
að gera í yfirborðsmerkingum hérna
hjá okkur. Svo er líka einmitt á
þessu svæði búið að vera unnið í
styrkingum og yfirlögnum, svo það
er ekki búið að leggja yfir allt sem
átti að gera. Þetta á allt að mála í
sumar,“ segir hann og bætir við að
veðurfar valdi því að færri tækifæri
myndist til að mála vegina. „Það er
búið að vera mjög mikið unnið í
styrkingum og endurbótum á vegum
þarna á svæðinu. Og síðan er það
veðrið. Það þarf náttúrulega að vera
þurrt,“ segir hann.
Línurnar eru öryggisatriði
Spurður hvort ekki sé líklegt að
hætta aukist í umferðinni samhliða
lélegum merkingum svarar Svanur:
„Já, ég held það hljóti nú að vera.
Annars værum við ekki með þessar
línur. Þetta er auðvitað öryggis-
atriði,“ segir Svanur og heldur
áfram: „Það er bara erfitt við þetta
að eiga. Þetta máist af yfir veturinn
og þá er ekki hægt að mála. Og svo
þarf að viðra vel yfir sumarið til þess
að hægt sé að sinna þessu.“
Sveinn Kr. Rúnarsson, yfirlög-
regluþjónn á Suðurlandi, segir um-
ferð mikla á þessu svæði. „Þetta
svæði er ekkert stórslysasvæði hjá
okkur, en eðli málsins samkvæmt er
hraði þarna lægri en víða annars
staðar. Þarna er bæði þröngt og veg-
urinn lélegur og býður ekki upp á
hraðakstur.Umferðin er þétt og
mikil þarna og þegar það verður
skapast minna færi til framúrakst-
urs,“ segir hann.
„Getur skapað ýmsar hættur“
Vegmerkingar eru víða lélegar eða fjarverandi með öllu þegar ekinn er Gullni hringurinn FÍB
segir merkingar víða í ólagi Vegagerðin segir veðrið hafa sett strik í reikninginn að undanförnu
Morgunblaðið/Árni Sæberg
Bert malbik Það getur oft reynst erfitt að mætast á þröngum vegum landsins, sér í lagi þegar umferð er mikil og vegmerkingar engar líkt og hér er.
Slysahætta Hér er erfitt að átta sig á aðstæðum vegna skorts á merkingum
og þá meðal annars hvort leyfilegt sé að taka fram úr öðru ökutæki.