Breiðfirðingur - 01.04.1977, Page 111
YFIRLIT
YFIR STARFSEMI BREIÐFIRÐINGAFÉLAGSINS
ÁRIN 1975 OG 1976
Starfsemi félagsins hefst yfirleitt ár hvert með aðalfundi í
febrúar. Formaður flytur greinargerð yfir starfsemi félags-
ins árið sem var að líða, síðan eru reikningar liðins árs
lesnir og útskýrðir ef þess er óskað. Þá fer fram stjórnar-
kjör. Síðan rædd önnur mál er upp eru borin. Því miður
er yfirleitt dræm fundarsókn, og þyrfti að breytast. Stjórn-
arfundir oftast tvisvar í mánuði.
Ársfagnaður var haldinn á Hótel Borg árið 1975 og var
sæmilega sóttur og margt gert til að skemmta gestum, ræð-
ur fluttar gamanvísur sem Ómar Ragnarsson flutti og söng,
fjöldasöngur og margt fleira, dansað til klukkan tvö.
Óhætt er að segja að allir hafi skemmt sér og farið ánægð-
ir heim. Færi ég öllum sem þar komu fram þakkir fyrir.
Sumarfagnaður var haldinn í Lindahæ, síðasta vetrar-
dag og var hann fjölsóttur.
Uppstigningardagur er fastur kaffidagur fyrir aldraða. Var
sú samkoma haldin í Safnaðarheimili Langholtssafnaðar
og þar fóru fram ýms atriði. Kvennakór söng, gamanleik-
ur, fjöldasöngur, fjölsótt.
Skemmtiferð var farin á vegum félagsins og var að þessu
sinni farið í júlí inn á Þórsmörk. Farið var á tveimur bílum,
þátttakendur 83, á aldrinum 5 ára til 75 ára aldurs.
Var sú ferð hin ánægjulegasta. Dásamlegt veður og allir
ánægðir með ferðina. Fararstjóri í ferðinni var Gyða Þor-
steinsdóttir en leiðbeinendur hjónin Ingólfur Jónsson og
Ingibjörg Björgvinsd. Þökkum við þeim fyrir góðar leið-
beiningar og samveru. Ennfremur lagði Jóhannes Ölafsson