Dagblaðið Vísir - DV - 20.07.2018, Blaðsíða 42

42 MENNING 20. júlí 2018
K
ona sem er að leita verður
að deita“ – segir gamalt
kínverskt máltæki, og hef
ég lifað eftir því undanfarin
misseri. Jafnvel eignast einn og
einn æfingakærasta þó að sá
langtímarétti sé ekki fundinn.
Miðbæjarkonan ég á það til að
fara í afslöppunarferðir til útlanda
og í þeim hefur mér síst þótt
ástæða til að slökkva á smáforritinu
Tinder sem ég nota gjarnan til að
kynnast álitlegum piltum. Því er
varla saman að jafna að leika sér í
smáforritinu erlendis eða með báða
fætur á móðurlandinu – munur á
mannfjölda er ein ástæðan fyrir því.
Fyrir hvern huggulegan Íslending
sem birtir myndir teknar á þessari
öld, skrifar eitthvað af viti í prófílinn
sinn og er raunverulega að leita
að einhverju innihaldsríkara en
skyndikynlífi, má búast við tugum
í Kaupmannahöfn, hundruðum í
Berlín og þúsundum í New York.
Kona í vondu skapi
Það er þó fleira en fjöldinn
sem veldur, og það hef ég ritað
um áður og alveg óvart rótað
upp viðkvæmum tilfinningum
(vissulega án þess að ætla nokkurri
einustu sálu illt). Ég hef kastað
fram spurningunni um hvort 90%
íslenskra karlmanna gætu verið
vanstilltir í samskiptum og getið
mér þess til að auknu jafnrétti
kynjanna sé um að kenna: „Getur
verið að forgjöfin sem karlmenn
hafa búið að síðustu árhundruðin
í krafti kyns síns sé horfin og þeir
standi nú uppi ráðalausir, óvanir
jafnréttinu og því að þurfa eitthvað
að leggja á sig.“ (R.E., Kynlífspressan,
2014) Ég hlýt að hafa verið nýbúin
á slæmu stefnumóti þegar ég
skrifaði þessi ósköp – hvers vegna
hefði ég annars skrifað „fokk jú“
í millifyrirsögn og notað síðar í
greininni grimmdarleg orð eins
og „lúðagangur“, „sauðsháttur“
og „höfnunarhræðsla“. Voðalega
hlýtur þetta stefnumót að hafa
verið glatað.
Kjarkur og kynfæri
En ætli eitthvað hafi breyst á fjórum
árum? Stefnumótamenning
Íslendinga er rétt svo að slíta
barnsskónum svo að fjögur ár
eru allhá prósenta heildartímans
sem sú iðja hefur verið stunduð
hér um slóðir. Það verður æ
algengara að fólk hafni þeim
gamla íslenska sið að drekka
kláravín í kók fram eftir kvöldi,
drífa sig svo á barinn upp úr
miðnætti, panta bjór (bjórlíki
fyrir 1989) og drekka hann þar
til kjarkurinn varð nægur til að
hrynja í fangið á einhverjum með
passandi kynfæri.
Óvelkomnar dráttarvélar
Núna er blessunarlega orðið
nokkuð vinsælt að fólk skiptist á
nokkrum orðum áður en samfarir
hefjast, og sé jafnvel búið að
ganga úr skugga um að það eigi
skap saman. Orðspor Íslendinga
lifir þó og hefur náð erlendum
eyrum eins og við vitum. Hver
man ekki eftir „Dirty weekend“
auglýsingum Icelandair frá því
fyrir nokkrum árum. Nýlegri
eru dæmi um táldráttarvélarnar
Julien Blanc og Daryush
Valizadeh sem báðar hafa ritað
fjálglega um það hvernig skuli fá
íslenskar konur sem allra hraðast
úr nærbuxunum. Þeir fengu
eðlilega nokkuð óblíðar móttökur
heimafólks þegar þeir reyndu að
bera boðskapinn hingað.
Við hittumst í Bónus
Kannski er það aldurinn og
viskan, en ég hef mögulega mýkst
eitthvað örlítið í afstöðu minni
til íslenskra karlmanna, þó svo
að ég sé fullviss um að þeir eigi
ennþá dálítinn spöl eftir til að
komast með tærnar þangað sem
margir erlendir kynbræður þeirra
eru með hælana. Tinder hefur
opnað nýjar víddir og greitt fyrir
samskiptum án vímuefna. Fleiri
og fleiri telja eðlilegt að hittast yfir
kaffibolla eða hveitibollu til að
kanna hvort frekari grundvöllur
sé til samskipta á rómantískum
eða lostafullum nótum. Svo
megum við ekki gleyma því
að það má alveg spjalla við
ókunnuga í heita pottinum, í
strætó, í grænmetisdeildinni
úti í búð og í biðröðinni í Ísbúð
Vesturbæjar. n
Síðumúla 30 - Reykjavík
Hofsbót 4 - Akureyri
20-50%
AFSLÁTTUR
Á SÓFA OG
BORÐSTOFUDÖGUM
HAFA ÍSLENSKIR KARLMENN EITTHVAÐ SKÁNAÐ?
Fylgist með því hversu oft þið
njótið ásta:
Fáið ykkur fína stjörnulímmiða
og setjið stjörnu á dagatalið þegar
kynlíf er stundað. Það getur verið
sexí að skoða dagatalið saman.
Frábært fyrir fólk í samböndum
sem er farið að stunda kynlíf
of sjaldan og langar að gera
breytingu þar á.
Hrósum meira:
Hvert hrós er gjöf sem við
græðum á að gefa. Fyrir hvert
hrós sem við gefum úr hjartanu
bætast tvö ný við. Þegar við
leggjum okkur fram við að taka
eftir því jákvæða í fari fólks og
setjum hlutina í orð. Búum við til
jákvæða orku, góð tengsl og sexí
andrúmsloft.
Tjáum þarfir og væntingar:
Rútínan og hversdagsleikinn
hafa kannski leitt huga okkar
frá því hvað við raunverulega
þurfum í kynlífinu. Spáum
í þarfirnar og hvort þær eru
uppfylltar í kynlífinu eins og
það er í dag. Ef ekki, þarf að tala
saman og búa til nýtt plan.
Prófum eitthvað nýtt:
Gerið tilraunir í kynlífinu.
Breytið um takt eða aðgerðaröð.
Gerið hlutina aðeins öðruvísi
en vanalega. Breytingar þurfa
ekki að þýða keðjur og leður
eða heilgalla úr latex. Nýjungar
kveikja í okkur, það er mannlegt
og eðlilegt.
Ragnheiður Eiríksdóttir
er hjúkrunarfræðingur og
kynlífsráðgjafi
raggaeiriks@gmail.com
www.raggaeiriks.com
Fjórar leiðir til að auka lostann í lífinu