Dagblaðið Vísir - DV - 20.07.2018, Blaðsíða 32
Vestfirðir Helgarblað 20.júlí 2018KYNNINGARBLAÐ
Skelfiskræktun er umhverfisvæn atvinnugrein sem skilar af sér
framúrskarandi og lostætri
afurð. ST2 á Drangsnesi hefur
síðustu rúmlega tíu árin stundað
skelfiskræktun í Steingrímsfirði
á Ströndum, samhliða annarri
útgerð. Félagið er með tvö fiskiskip,
dragnótarbát og minni bát og
þessi skipakostur útgerðarinnar er
samnýttur í skelfiskræktunina.
Halldór Logi Friðgeirsson
hefur haft veg og vanda af
skelfiskræktuninni en ST2 er í eigu
foreldra hans. Síðar stofnuðu ST2,
Fiskvinnslan Drangur og fleiri félög
Strandaskel til að sjá um vinnslu
og sölu á afurðum. Þessa dagana
siglir Halldór á bátnum Sigureyju
ST-22 og sækir skelina. „Við köllum
þetta uppskeru fremur en veiðar
en það er þriggja ára ferli að rækta
skel,“ segir Halldór. Skelin sem hann
kemur með upp á land núna er því
þriggja ára gömul.
„Við erum með skelfiskvinnslu
hérna á staðnum og bjóðum upp
á ferska bláskel en einnig forsoðna
og frysta. Forsoðin og fryst afurð
frá okkur er til sölu í verslunum
Bónus en ferskur skelfiskur frá okkur
er á flestum betri veitingahúsum
í Reykjavík,“ segir Halldór. Á
markaðnum og veitingahúsunum
er afurðin titluð Strandaskel frá
Dóra á Drangsnesi. Veitingastaðir
eru stoltir af að bjóða upp á þetta
lostæti enda er Strandaskelin
rómuð:
„Þetta er mjög góð skel með
afskaplega mikla holdfyllingu, það
hefur hvergi annars staðar mælst
eins mikil holdfylling,“ segir Halldór.
Nánari upplýsingar eru á
vefsíðunni drangur.is og á
Facebook-síðunni Strandaskel.
Einnig má senda fyrirspurnir á
netfangið drangur@drangsnes.is og
símanúmer eru 451-3239, 898-
3239 og 899-5568.
STRANDASKEL
Hágæða ræktuð bláskel úr
Steingrímsfirði á Ströndum