Safnablaðið Kvistur - 01.09.2017, Blaðsíða 4

RITSTJORASPJALL
Enn eitt
safnablað
Safnablaðið Kvistur kemur nú út fjórða sinni og undir nýjum formerkjum.
Félag íslenskra safna og safnmanna (FÍSOS) hefur nú tekið að sér að annast
útgáfu blaðsins og tekur við keflinu af Safnarútunni. Félagið er ekki
nýgræðingur í útgáfu því það hefur áður staðið fyrir útgáfu tveggja blaða.
Fyrst Ljóra á árunum 1980 til 1991, en af honum komu út sjö tölublöð, og síðan
Fréttabréfi safnmanna á árunum 1992-1997. Enda þótt hvorugt þessara rita hafi
orðið langlíft höfðu þau mikil áhrif á safnaheiminn á sinni tíð og fyrir þá sem
síðar komu til starfa eru þau heimild um viðfang og umræðu safnamanna
á útgáfutímanum. Áhöld eru um hvort að fólk geti orðið tekið sér blað í hönd
og kannski væri slíkt blað betur komið uppi í slcýjum sem senda það niður til
jarðar að sumra mati. Niðurstaðan varð samt sú að félagið gefur út eitt blað
til reynslu. Um þetta gildir eins og í öllu öðru: er á meðan er.
Þetta hefti Kvists hefur þema sem gengur í gegnum kjarnann af þeim slcrif-
um sem það hefur að geyma. Fjallað er um söfn og heilsu. Söfn sem vettvang
fyrir safngesti sem glíma við heilsubrest. Safngripi sem tengjast heilsu með
einhverjum hætti. En líka um heilsufar safnkosts. Fullyrt er að söfn geti
bætt heilsu fóllcs og sjaldan hefur verið brýnna að slcapa fólki sameiginlegan
vettvang til samfunda og samtals.
Söfnum fjölgar á íslandi og safnmönnum líka. Það er dreifður hópur bæði
landfræðilega og að viðfangi. Þrátt fyrir það er fleira sem fólk á sameiginlegt
en virðist við fyrstu sýn. Þann sameiginlega streng er brýnt að styrkja á sem
flestan hátt. Við getum kennt og miðlað hvort öðru með margs konar hætti.
Vinnuskipti eru merkileg jafningjafræðsla sem getur skipt máli bæði fyrir
einyrkja og þá sem eru að feta á ný mið í safnastarfi heima fyrir. Þau eru lílca
gefandi fyrir þann sem fær tækifæri til að miðla af þelclcingu sinni. Þannig
fórum við tvær, ég og Kristín Halla Baldvinsdóttir, norður til Siglufjarðar á
vordögum í vinnuskipti við Síldarminjasafnið til að leggja á ráð um framtíð
Ljósmyndasafns Siglufjarðar. Þar áttum við dýrðardaga í góðum félagsskap
og gerðum vonandi líka eitthvað gagn. Löng hefð er fyrir sams lconar vinnu-
skiptum Þjóðminjasafns og Minjasafnsins á Akureyri. Eftir langa samfylgd
með íslenskum safnamönnum allt frá fyrsta hefti Ljóra til ijórða tölublaðs
Kvists hef ég aðeins eitt ráð. Höldum hópinn, hjálpumst að og styrkjum
hvort annað til góðra verka.
Inga Lára Baldvinsdóttir
Safnablaðið Kvistur
Útgefandi Félag íslenskra safna og safnmanna
Ritstjóri Inga Lára Baldvinsdóttir
Ritstjórn Ingunn Jónsdóttir, Kolbrún Ýr
Einarsdóttir, Linda Ásdísardóttir, Sigrún
Kristjánsdóttir, Sigurjón Baldur Hafsteinsson,
Steinar Örn Atlason
Auglýsingar Linda Ásdísardóttir
Hönnun Ármann Agnarsson, Helgi Páll Melsted
Ljósmynd á kápu
Hjálmar R. Bárðarson
Ljósmyndasafn íslands í Þjóðminjasafni
Prentun Prentmet
Höfundum greina eru færðar kærar þakkir
fyrir þeirra framlag
ISSN-2298-6944
4