Safnablaðið Kvistur - 01.09.2017, Page 9

Samspil mismunandi sýningarefnis
leggst á eitt um að gesturinn geti sett
sig í spor fiskþvottakvenna.
í samtali við sýningarstjórann Helgu
Pórsdóttur kom fram að lcostnaður
við sýningargerðina næmi nú um
sex milljónum króna. Enn eru ýmsir
lausir endar í frágangi og miðlun.
Samkomulag varð um að velja þann
framgangsmáta að opna í sumar
frekar en bíða þar til allt yrði tilbúið.
Upplifunin bar þess nokkur merki en
úr því verður bætt með fleiri gripum,
fatnaði og myndum en aðstæður í
húsinu bjóða vel upp á frekari við-
bætur og aukna og bætta miðlun.
í sýningarriti kemur fram að fjöldi
fólks kom að gerð sýningarinnar.
Niðurstaðan er sú að máltækið „Holl-
ur er heimafenginn baggi“ á vel við
sýninguna Ég var aldrei bam í
Byggðasafni Vestíjarða. Andrúm TUrn-
húss í Neðstakaupstað er ágæt um-
gjörð þar sem spilar saman efni, lykt
og áferð. Þegar sýning Byggðasafnsins
var fýrst opnuð í Tjöruhúsinu árið
1982 markaði hún á vissan hátt spor í
sýningargerð á íslenskum byggðasöfn-
un. Þá var sleginn nýr tónn með því
að leika á strengi Turnhússins og um-
hverfi þess. Nú hefur verið saminn nýr
kafli í það tónverk.
Einkennismerki ísafjarðar eru fleiri
en sjómennska og sjóminjar. Á ísa-
firði höfuðstað Vestfjarða blómstruðu
verslun og iðngreinar. í Byggðasafni
Vestfjarðar eru varðveittir gripir og
gögn sem nýtast mundu vel til þess
að gera skil þeim atvinnugreinum. Þá
mundu Krambúðin og Faktorshúsið
verða þátttakendur í því að skapa
ámóta umgjörð um þá og Turnhúsið
gerir um sjómennsku og fiskvinnslu.
Það sem kórónar þó safnið á ísafirði
er sú gæfa sem menn með Jón Pál
Halldórsson í fararbroddi báru til
þess að vernda og viðhalda hinni
merku húsheild í Neðstakaupstað.
Það var ekki fyrirhafnarlaust og því
mega ísfirðingar ekki láta þar við
sitja heldur halda áfram að byggja
upp og styrkja öfluga safnastarfsemi
og metnaðarfulla sýningagerð.
Heimsóknin í Turnhúsið daginn eftir
magnaða máltíð í Tjöruhúsinu er
áminning þess að söfnin í landinu
hafa miklu hlutverki að gegna í bráð
og lengd. Þau mega ekki kvika frá
markmiðum sínum og þurfa að geta
tryggt gæði í sýningum sem þau
standa fyrir, rannsóknum og fræðslu
hvers konar.
9