Litli Bergþór - 01.12.2015, Page 5

Litli-Bergþór 5
Formannspistill
Það eru spennandi tímar framundan. Það eru ekki bara
jólin, heldur getur veturinn allur verið fullur af spennandi
viðburðum.
Þessi vetur er reyndar aðeins meira spennandi en aðrir
vetur. Afhverju? Jú, það er nefnilega leikár.
Leikdeild Umf. Biskupstungna er komin af stað og hefur
hafið æfingar. Leikrit hefur verið valið og stefnt er á
frumsýningu snemma í febrúar. Þessi hefð, að bjóða uppá leiksýningar í Aratungu, er eitthvað
sem við í Ungmennafélagi Biskupstungna getum verið mjög stolt af. Það eru ekki mörg
ungmennafélög á landinu sem eiga svo sterka leikhefð eins og við hér í sveit. Félagsheimilið
okkar hentar einstaklega vel undir leiksýningar og er alltaf ánægjulegt að sjá meira líf í húsinu.
Ég hvet því alla til að fylgjast með þegar sýningar verða auglýstar.
Að auki langar mig að þakka þeim fjölmörgu aðilum sem komu að sveitahátíðinni „Tvær úr
Tungunum“ nú í sumar. Hundruð gesta lögðu leið sína í Reykholt þann 15. ágúst og tókst
hátíðin í alla staði mjög vel.
Lesendum óska ég gleðilegra jóla og farsældar á nýju ári og þakka fyrir gott og viðburðarríkt
ár.
Smári Þorsteinsson formaður Umf.Bisk.
Raflagnir - Viðgerðir
Jens Pétur Jóhannsson
LÖGGILTUR RAFVERKTAKI
Tökum að okkur nýlagnir, hönnun raflagna
og alla almenna rafvirkjavinnu
ásamt tækjaviðgerðum.
Efnissala og varahlutaþjónusta.
Fljót og góð vinna.
Sumarbústaðaeigendur athugið að
við sækjum um öll leyfi fyrir heim-
taug að sumarhúsum og lagningu
raflagna
Heimasími: 486 8845
Verkstæði: 486 8984
GSM: 893 7101
Gleðileg jól