Dagblaðið Vísir - DV - 26.10.2018, Qupperneq 16

16 SPORT 26. október 2018
BAÐHERBERGIS-
Þitt er valið
Þú velur að kaupa innréttinguna í
ósamsettum einingum, eða lætur okkur um
samsetninguna. Að sjálfsögðu önnumst við
líka uppsetningu og endanlegan frágang.
Fullkomin þjónusta, eigið verkstæði.
Fjölbreytt úrval aF hurðum, Framhliðum,
klæðningum og einingum
styrkur - ending - gæði
HÁGÆða DaNSKar
Askalind 3 • 201 Kópavogur • Sími: 562 1500 • friform.is
iNNrÉttiNGar
Opið:
Mán. til föstudaga kl. 09 til 18
Laugardaga kl. 11 til 15
Gat ekki hlaupið fyrir HM og gat
varla hlaupið að móti loknu
n Aron Einar færði fórnir fyrir íslenska landsliðið
n Hefur náð bata og er bjartsýnn á komandi tíma
Á
hugafólk um íþróttir fagn-
aði vel um síðustu helgi
þegar fyrirliði karlalands-
liðsins í fótbolta, Aron
Einar Gunnarsson, snéri
aftur á knattspyrnu-
völlinn. Endur-
koma sem margir
höfðu beðið eft-
ir og þessi þjóð-
hetja frá Akur-
eyri hafði ekki
spilað fót-
bolta í 116
daga þegar
hann byrj-
aði í sigri
Cardiff á
Fulham
í ensku
úrvals-
deildinni.
Aron
hafði
ekkert
spilað
síðan Ís-
land féll
úr leik á HM
í Rússlandi gegn Króat-
íu. Síðan þá hefur gangan verið
löng, erfið á köflum en meiðslin
má rekja til þess að Aron Einar
tók sénsa með líkama sinn fyr-
ir íslenska þjóð, til að geta leitt
liðið út á völlinn í Rússlandi.
,,Það segir sig sjálft að það
var mjög ljúft að snúa aftur.
Þetta hefur verið langur að-
dragandi og erfitt að horfa
af hliðarlínunni, það er samt
alltaf jafn sætt þegar maður kem-
ur aftur, líka miðað við hvernig
leikurinn þróaðist. Þetta var gam-
an,“ sagði Aron þegar fréttamaður
ræddi við hann í vikunni, hann var
þá á leið heim af æfingu.
Borga fyrir að fara á HM
Aron var meiddur í aðdraganda
Heimsmeistaramótsins og þurfti
að leggja mikið á sig til að ná
mótinu, hann fór í aðgerð á hné og
ökkla skömmu fyrir mót en náði
bata. Hann þurfti að borga fyrir
það eftir mótið.
,,Þetta er bara í rauninni hnéð
sem hefur angrað mig, það hefur
verið að koma vökvi í það eftir æf-
ingar. Það er aðallega það sem hef-
ur verið að stríða mér aðeins, sér-
staklega eftir sumarfríið. Að koma
til baka á undirbúningstímabili
eftir að hafa ekkert gert í tvær vik-
ur, þá var hnéð ekki alveg nógu
ánægt með mann. Það er ekki að
bregðast eins mikið við æfingum
í dag, eins og það gerði, Ég fór til
Katar í viku á dögunum og þar var
ég bara að byggja upp vöðvamassa
í kringum þetta. Fá styrkinn í
kringum þetta allt aftur.“
Aron segist hafa tekið sénsa
með því að keyra allt í botn fyrir
HM, hann hafi hins vegar ekki get-
að vitað að líkaminn myndi svara
svona. ,,Það var vitað fyrir fram, ég
vissi ekki hvernig þetta myndi fara.
Ég var að borga fyrir það núna,
ég fór of snemma af stað. Ef ég
myndi lenda í þessari stöðu aftur,
þá myndi ég gera alveg það sama.
Að spila á HM hafði verið draum-
ur, ég setti auka pressu á líkamann
á þeim tímapunkti. Ég gat ekki vit-
að hvernig líkaminn tæki því eftir
mót, ég er að komast í gegnum það
og er jákvæður á framhaldið. Ég er
ekkert sloppinn, ég þarf að hugsa
um hnéð og einbeita mér að því að
endurheimta eftir leiki.“
Gat ekki hlaupið skömmu fyrir
HM
Í huga Arons stóð það aldrei tæpt
að hann myndi leika á HM, þrátt
fyrir að hafa varla geta hlaup-
ið skömmu fyrir mót. ,,Það kom
aldrei til greina að sleppa HM,
það komu samt augnablik þar
sem ég var efins. Það voru tímar
í undirbúningnum fyrir mót þar
sem ég gat bara ekki hlaupið. Að
fara á HM og geta ekki hlaupið er
smá vesen. Ég náði að koma mér
í gegnum það á hausnum, ég var
búinn að segja sjálfum mér það að
ég myndi spila í gegnum sársauk-
ann og taka svo á því seinna. Á HM
fann ég ekkert mikið fyrir þessu
en undirbúningurinn var erfiður.
Hann reyndi á.“
Cardiff gaf Aroni góðan tíma
eftir sumarið til að jafna sig, hann
ætlaði að ná sér alveg góðum.
,,Það var alveg planið, Cardiff var
með mér í þeirri ákvörðunartöku.
Ég reyndi aðeins að koma til baka
á æfingar en ég var ekki klár í það
á þeim tímapunkti. Þetta var húll-
umhæ, hvort ég ætti að spila eða
hvað. Þjálfarinn sagði í viðtölum
það sem hann sá á æfingum en
svo eftir þær þá var ég ekki nógu
góður. Það var gott að taka sér
tíma og reyna að halda sér heilum
út tímabilið, frekar en að koma til
baka og fara út aftur eftir tvo leiki.“
Leikmannahópur Cardiff er
sterkur andlega
Cardiff var að vinna sinn fyrsta
sigur um liðna helgi, þegar Aron
snéri aftur. Liðið er með fimm stig
eftir níu umferðir og vitað er að
veturinn verður erfiður. ,,Það er
mikilvægt fyrir sjálfstraustið, það
er það góða við þetta samt, þetta
er þannig hópur. Þetta er góð-
ur leikmannahópur, við þekkjum
okkar gæði og takmörk. Við þurf-
um að hafa fyrir hlutunum, við
gerum okkur fulla grein fyrir því
að þetta verður erfitt tímabil. Byrj-
unin er ekkert að hjálpa okkur en
við höfum verið að mæta mörgum
sterkum liðum, það er góðs viti að
hafa klárað þá leiki. Það var gott að
vinna Fulham, við þurfum að taka
stigin af liðunum í kringum okkur.
Þessi deild skiptist í tvær deildir,
fyrir neðan og ofan miðju, það er
mikilvægt að ná punktum á móti
liðunum í kringum okkur, reyna
svo að stríða liðunum fyrir ofan
okkur. Það er erfiður leikur við
Liverpool næst, það má segja að
það verði 90 mínútna eltingaleik-
ur. Maður er í þessari deild til að
kljást við stærstu liðin.“
Erfitt að horfa á landsliðið
ströggla
Aron hefur misst af fjórum lands-
leikjum eftir HM, þar sem hann
hefur verið meiddur. Liðið fékk
vonda skelli og umræðan hefur
breyst fljótt. Talað er um krísu hjá
landsliðinu, nokkrum mánuðum
eftir að liðið komst á HM. ,,Þetta
hefur verið mjög erfitt, þegar ég
hef verið meiddur þá hef ég far-
ið og hitt hópinn. Að vera heima
og vera ekki partur af hópnum
og stemmingunni í kringum það,
það hefur verið erfitt. Sérstaklega
í fyrstu tveimur leikjunum gegn
Sviss og Belgíu, að sjá félagana í
veseni var erfitt. Mér leið eins og
ég ætti að vera þarna með þeim
og ströggla og reyna að hjálpa til,
fá drullið yfir sig. Vera með og taka
ábyrgð, það var erfitt að taka því.
Síðustu tveir leikir voru flottir og
menn sá hvernig voru að bregð-
ast við. Við fengum Jóhann Berg
og Alfreð aftur inn, fleiri leikmenn
með mikla reynslu. Það var mikil-
vægt upp á sjálfstraustið.“
,,Það er hluti af þessu að hlusta
á slæmu umræðuna líka, við tök-
um því eins og menn. Við kvörtum
yfir þessu okkar á milli og ætlum að
sýna okkur og sanna aftur. Það er
búið að afskrifa okkur, það er líka
alveg ágætt. Við höfum alltaf eitt-
hvað að sanna og bæta, við erum
enn að bæta okkur. Með nýjum
þjálfara, Erik Hamren, koma nýj-
ar áherslur. Við eigum nokkur góð
ár eftir til að halda áfram á sömu
braut. Menn eru ekki saddir þrátt
fyrir að það séu búin tvö stórmót
í röð, maður hefur tekið eftir slíkri
umræðu. Það er gaman að vera á
stórmóti og menn vilja þangað aft-
ur. Það er hugur í mönnum.“ n
,,Ef ég myndi
lenda í þessari
stöðu aftur, þá myndi
ég gera alveg það sama.
Að spila á HM hafði verið
draumur.
Hörður Snævar Jónsson
hoddi@433.is