Morgunblaðið - 17.09.2018, Blaðsíða 8

8 FRÉTTIRInnlent
MORGUNBLAÐIÐ MÁNUDAGUR 17. SEPTEMBER 2018
Styrmir Gunnarsson vakti í gærathygli á sjónarmiðum Loga
Einarssonar, formanns Samfylk-
ingar, þegar þingmenn fjölluðu um
stefnuræðu forsætisráðherra.
Styrmir sagði: „Hann ítrekaði að
Samfylkingin vildi
taka upp evru og að
Ísland yrði aðili að
Evrópusambandinu.
Í ljósi þróunar
ESB á síðustu árum
og vondrar reynslu
margra evruríkja
af því að taka þann
gjaldmiðil upp er
nánast ótrúlegt að
heyra slíkar yfirlýs-
ingar nú.“
  
Styrmir benti áað ljóst væri að
Samfylkingin hefði
ekki veitt því eftirtekt að innan
ESB ríkti algert uppnám. „Aðild-
arríkin í A-Evrópu eru í stríði við
Brussel. Grikkir upplifa sig sem
nýlendu annarra Evrópuríkja og
að þeir hafi verið rændir til að
greiða upp tap þýzkra banka af
lánum til Grikklands, á Ítalíu eru
ráðamenn æfir yfir því að einn af
helztu ráðamönnum ESB lýsir
þeim sem „litlum mússólínum“.
Suður-Evrópa öll er í sárum eftir
evruna.“
  
Styrmir nefndi einnig dæmi fráNorðurlöndunum og að það
væri engin samstaða um innflytj-
endapólitík ráðandi ríkja innan
ESB. Þá benti hann á að það að
„boða inngöngu Íslands í slíkt
ríkjabandalag er fullkomið glap-
ræði en er engu að síður yfirlýst
stefna tveggja flokka, Samfylk-
ingar og Viðreisnar.
Það þarf að herða baráttuna
gegn því að gera Ísland að litlum
hreppi í 500 milljón manna ríkja-
bandalagi.“
  
Málflutningur formanns Sam-fylkingarinnar og ýmissa
annarra sýnir að ekki er vanþörf á.
Styrmir
Gunnarsson
Vilja enn aðild
STAKSTEINAR
Logi Einarsson
ÖLL FLOTTUSTU MERKIN
úr Ellingsen, Air og fleiri verslunum.
... og fullt af öðrum merkjum
MERKJAVÖRUMARKAÐUR!
KOMDU OG KLÁRAÐU KAUPIN
FYRIR HAUSTIÐ!
VERÐ FRÁ 1.000KR.
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Lögreglan á Suðurnesjum handtók um hádegisbil
á laugardag karlmann sem hafði veist að lögreglu-
bíl með öxi. Lögregla var í útkalli vegna heim-
ilisófriðar þegar atvikið kom upp. Engum varð
meint af þrátt fyrir að töluverð átök hefði þurft til
að yfirbuga manninn. Lögreglubíllinn er þó tals-
vert skemmdur og ónothæfur.
Á höfuðborgarsvæðinu hafði lögregla á laugar-
dag afskipti af karlmanni í annarlegu ástandi í
Kringlunni þar sem hann hafði ráðist á örygg-
isvörð. Skömmu fyrir miðnætti barst lögreglu til-
kynning um að brotist hefði verið inn í fyrirtæki
við Reykjavíkurveg. Tveir karlmenn voru hand-
teknir vegna málsins.
Þá handtók lögregla karlmann í annarlegu
ástandi við Löngulínu í Garðabæ. Maðurinn var
eingöngu klæddur nærbuxum og sagðist ekki vita
hvar hann væri. Gat hann hvorki gefið lögreglu
upp nafn né kennitölu.
Þá var karlmaður handtekinn á laugardags-
morgun við Lambhagaveg grunaður um bílainn-
brot. Lögregla fann þýfi sem maðurinn hafði tekið
skammt frá vettvangi.
Réðst á lögreglubifreið með öxi
 Ráðist á lögreglubíl í út-
kalli vegna heimilisófriðar
Lögreglan Í Garðabæ hafði lögregla afskipti af
klæðlitlum manni sem vissi ekki hvar hann var.
„Fundurinn var fjölsóttur og sýnir
áhuga og jafnframt áhyggjur fólks
af skipulagsmálum hjá Reykjavík-
urborg,“ segir Ögumundur Jón-
asson, fyrrverandi alþingismaður
og ráðherra, en hann stóð á laugar-
dag fyrir opnum fundi um peninga-
æði í borgarskipulagi í Safnahúsinu
í Reykjavík.
„Meinsemdin er sú að pening-
arnir ráða of miklu en almanna-
hagur of litlu. Það segir síðan sitt
að þegar efnt er til opinnar um-
ræðu þá halda kjörnir fulltrúar sig
fjarri. Fulltrúi Pírata á fundinum í
gær [fyrradag] var þar kærkominn
en jafnframt eini borgarfulltrúinn
að því er mér sýndist og því jafn-
framt undantekningin sem sannaði
regluna um fílabeinsturn skipulags-
stjórnmálanna í borginni,“ sagði
Ögmundur í samtali við mbl.is í
gær.
„Sjálfur hef ég tekið dæmi af út-
varpsreitnum í Efstaleiti þar sem
arðsemissjónarmið ein hafa ráðið
ferðinni og svo náttúrlega af yfir-
ganginum við Austurvöll og Vík-
urgarð þar sem verið er að byggja
við Landsímahúsið í þágu hótelfjár-
festa, þvert á almannavilja,“ segir
Ögmundur.
Segir skipulagsmálin
stýrast af peningaæði
Morgunblaðið/Árni Sæberg
Fundur Frá fundi Ögmundar Jónassonar um peningaæði í borgarskipulagi í
Safnahúsinu. Ögmundur segir einn borgarfulltrúa hafa mætt til fundarins.