Morgunblaðið - 21.09.2018, Page 26

26 ÍSLENDINGAR
MORGUNBLAÐIÐ FÖSTUDAGUR 21. SEPTEMBER 2018
Þór Már Valtýsson kennari á 75 ára afmæli í dag. Hann er fædd-ur Akureyringur og kenndi þar lengst af en ólst upp við Laxár-virkjun í Þingeyjarsýslu. Hann fór í Menntaskólann á Akureyri
en hóf starfsferilinn sem kennari í Reykjaskóla í Hrútafirði, kenndi
síðan í sex ár í Hagaskóla í Reykjavík en flutti svo til Akureyrar 1977.
„Þar var ég meira og minna þar til ég flutti til Reykjavíkur 1. októ-
ber 2008 þegar blessað hrunið hófst.“ Þór kenndi við Oddeyrarskóla
og síðan við Gagnfræðaskóla Akureyrar sem var sameinaður Barna-
skóla Akureyrar og heitir nú Brekkuskóli.
Þór er mikill skákáhugamaður og hefur tvisvar orðið skákmeistari
Akureyrar, árin 1999 og 2003. „Ég hef mjög gaman af því að tefla og
það er mikið skáklíf í Reykjavík fyrir eldri borgara. Margir skák-
klúbbar eru víða í bænum og ég gæti verið að tefla á hverjum degi ef
ég vildi. Ég tefli mest hjá Félagi eldri borgara í Stangarhyl. Þar er
alltaf teflt á þriðjudögum og mæta um 30-35 manns.“ Taflið hefst
klukkan eitt og er teflt fram eftir degi, en hlé er tekið um hásumarið.
Auk þess lætur Þór sig aldrei vanta á Íslandsmót skákfélaga og teflir
þar fyrir Skákfélag Akureyrar.
Þór er fráskilinn en á tvö börn, Þorbjörgu Lilju og Pál, og fjögur
barnabörn. „Þorbjörg og Páll eru bæði kennarar og tefldu mikið sem
krakkar og Páll teflir ennþá en hann er líka bridsari og hefur orðið
Íslandsmeistari í brids.“
Í tilefni afmælisins verður Þór með kaffiboð fyrir sína nánustu.
Morgunblaðið/Ómar
Skákmeistarinn Þór að tafli við Lenku Ptácníková, margfaldan Ís-
landsmeistara kvenna. Við hlið Þórs er Pálmi R. Pétursson.
Mikið skáklíf meðal
eldri borgara
Þór Valtýsson er 75 ára í dag
J
ón Birgir Péturssn fæddist í
Reykjavík 21.9. 1938 og
ólst þar upp: „Við vorum í
Litla-Skerjó sem lenti
norðanverðu við flugbraut-
ina þegar hún var lögð og klauf
Skerjafjarðarbyggðina. Ég var
þriggja ára að leika mér að kubbum í
glugganum heima þegar ég horfði á
hervél hlekkjast á í lendingu, lenda á
olíubíl og kveikja í honum og næsta
húsi. Einn úr áhöfninni, klemmdist
inni í vélinni, brenndist illa og ég held
að hann hafi verið skotinn á staðnum.
Svona var stríðið.
En Litli-Skerjó var nú samt eins
og lítið vinalegt þorp með flugbraut á
aðra hönd en Tívolí á hina og stutt
niður í Miðbæ.“
Jón Birgir lauk stúdentsprófi frá
VÍ 1959. Hann starfaði hjá Flugfélagi
Íslands um fjögurra ára skeið, skrif-
aði um íþróttir í Þjóðviljann 1957-62,
tók síðan við íþróttaskrifum í Vísi og
var fréttamaður á Vísi frá 1963. Hann
var fulltrúi forstjóra Hafskipa hf.
1965-66, fréttastjóri Vísis 1966 og
fréttastjóri Dagblaðsins 1975-79,
óháður blaðamaður og starfrækti
Blaða- og fréttaþjónustuna að
Hamraborg 1 í Kópavogi í áratug, var
fréttastjóri Alþýðublaðsins 1990,
blaðamaður við Tímann 1994, við
Dag-Tímann og Dag og var blaða-
maður við DV frá hausti 1998 en lét af
störfum 2003.
Jón Birgir hefur gegnt ýmsum
trúnaðarstörfum innan íþróttahreyf-
ingarinnar. Hann sat í stjórn KRR,
var ritari Þróttar og sat í unglinga-
nefnd KSÍ. Þá sat hann í stjórn
Hjartaheilla, Reykjavík og í stjórn
HL-stöðvarinnar.
Auk óteljandi blaðagreina hefur
Jón Birgir komið við útgáfu bóka sem
höfundur, skrásetjari og þýðandi.
Síðast kom út um síðustu jól ævisaga
Guðmundar Arasonar, stálkaup-
manns og boxara, Stálmaðurinn.
Bækur frá hendi Jóns Birgis munu
vera 15 talsins.
Jón Birgir Pétursson, fv. blaðamaður – 80 ára
Karlakvöld Arnar, Jón Birgir Eiríksson, afmælisbarnið með Emil Kára, Ari Karlsson og Karl með Grím á hnénu.
Við öflun frétta og
fréttastjórn í hálfa öld
Sól og sæla Jón Birgir og Fjóla
Emelía á suðrænum slóðum.
Hafnarfjörður Jakob Már
Jakobsson fæddist 21.
október 2017 kl. 21.02.
Hann vó 3.408 g og var 50
cm langur. Foreldrar hans
eru Ragnhildur
Reynisdóttir og Jakob
Lárusson.
Nýr borgari
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is