Morgunblaðið - 28.09.2018, Blaðsíða 2

2 MORGUNBLAÐIÐ FÖSTUDAGUR 28. SEPTEMBER 2018
Útgefandi Árvakur Umsjón Marta María Jónasdóttir Blaðamenn Elínrós Líndal elinros@mbl.is, Marta María
Jónasdóttir martamaria@mbl.is Auglýsingar Katrín Theódórsdóttir, kata@mbl.is Prentun Landsprent ehf.
Forsíðumyndina tók Art Gray
Á sama tíma og við erum að ganga inn í fjórðu iðnbyltinguna eru aðverða miklar breytingar á búsetuformi fólks og hugmyndum þess umlífsgæði. Fólk kýs minna og skipulagðara húsnæði. 500 fm einbýli er
til dæmis ekki sama stöðutákn og það var fyrir 30 árum.
Í gamla daga flutti fólk inn í hálfkláruð hús, notaði alla peningana sína til að
gera smátt og smátt fínt í kringum sig og borðaði naglasúpu þegar peningur
mánaðarins var búinn. Og til þess að geta búið í svona stóru húsi vann fólk
myrkranna á milli því það þótti svo fínt. Þá var ekkert Instagram og enginn
þurfti að vita þegar naglasúpan var borðuð á hverjum degi í viku.
Auðvitað er alltaf ákveðinn hópur sem er ennþá fastur með þessar gömlu
og úreltu hugmyndir en upp er að spretta ný kynslóð sem kýs að búa minna
og hafa heimilið betur skipulagt.
Í gegnum tíðina hef ég oft hnotið um umræður um gott skápapláss. Ég hef
oft velt fyrir mér hvað fólk eigi við og hvers vegna það þurfi að geyma svona
mikið. Hvað er fólk að geyma?
Þegar ég hannaði eldhúsið heima hjá mér reyndi ég að hafa passlegt
skápapláss, ekki of mikið og ekki of lítið. Bara pláss fyrir það sem notað er
dags daglega. Ég vildi hafa stóra eyju með góðu vinnuplássi því það er á
þeim stað sem hlutirnir gerast.
Ég sperrti því eyrun þegar Erla Dögg Ingjaldsdóttir, eigandi Minarc-
arkitektastofunnar í Los Angeles, ræddi um skápapláss hér í blaðinu og að
þeirra kúnnar vildu miklu minna af því en áður.
Sjálf á ég alltaf í innri baráttu. Fagurkerinn sem býr innra með mér hrífst
endalaust af einhverju fallegu og vill breyta og bæta á meðan þessi níska vill
eiga sem minnst og eyða sem minnstu.
Þessi samsetning er hlægileg á köflum. Núna er ég með æði fyrir gömlu og
klassísku dóti. Ég elska munstraðar gardínur og myndi vilja hafa þær út um
allt hús og svo er ég komin með dellu fyrir persneskum mottum. Einhver
myndi kannski benda mér kurteislega á að ég væri að eldast sem er reyndar
rétt.
Þessi níska fer reglulega í Góða hirðinn til að hnjóta um gull og gersemar
en kemur svo óvart við í Epal á heimleiðinni …
Þegar kemur að heimilinu er nauðsynlegt að taka
áhættu. Ekki apa allt eftir næsta manni heldur prófa
sig áfram. Kaupa furðulega hluti á nytjamörkuðum
eða á netinu og leyfa leikgleðinni að ráða ríkjum.
Ég lendi alveg í því að gera eitthvað heima sem
er skrýtið, stundum venst það og ef það venst
ekki þá breyti ég því eftir einhvern tíma.
Ef við tækjum aldrei áhættu í lífinu þá
væri nú ekki sérlega gaman að vera til. Er
það nokkuð?
Hlægilega níska nútímakonan
Marta María Jónasdóttir
Uppáhaldsmorgunmaturinn?
„Á virkum dögum borða ég ekki morgunmat en hins veg-
ar drekk ég æðislegan extra heitan „latte“ sem ég bý til í
vinnunni. Kaffið drekk ég þessa dagana úr bolla sem er
kallaður „heiti potturinn“ en viðurnefnið gefur hugmynd
um stærðina á bollanum. Ég er búin að
vinna í Landsvirkjun í fimm ár og hef á
hverjum morgni æft mig í að flóa
mjólk. Árangurinn lét lengi á sér
standa en núna er loksins kominn vísir
að laufi í mjólkina. Samstarfsfólk mitt
hrósar mér mikið fyrir lagnina og ég er
bara virkilega stolt, enda drakk ég
marga vonda bolla í þessu lærdóms-
ferli.“
Áttu þér uppáhaldsflík?
„Já, ég er mjög hrifin af samfest-
ingum og ánægð með þessa sam-
festingatísku sem verið hefur und-
anfarin ár, því í mörg ár var ekki
hægt að fá samfestinga. Uppáhaldið
mitt er gallasamfestingur sem ég
keypti í Madewell fyrir nokkrum árum. Ég
minni sjálfa mig alltaf á Formúlu 1 starfsmann
þegar ég er í honum, en finnst ég bara aðeins
meiri töffari fyrir vikið.“
Hver er uppáhaldsliturinn þinn?
„Ég veit ekki. En uppáhaldsmunstrið mitt er
röndótt. Ég á mikið af röndóttum flíkum og svo á
ég röndóttan sófa og stól. Mig hefur alltaf dreymt
um röndótt veggfóður.“
Hvað þýðir tíska fyrir þér?
„Stíll frekar en tíska fyrir mig. Ég ætla þó ekki að halda
því fram að ég hreyfist ekki í tískunni því tíska er
skemmtileg. En ég vel úr, flíkurnar þurfa að passa stíln-
um mínum og ef um er að ræða föt þá þurfa þau að klæða
mig, annars verða þetta bara mistök sem taka pláss í
fataskápnum. Sama gildir með heimilið, en ég passa mig
sérstaklega á hlutum sem allir eru vitlausir í. Það eru
talsverðar líkur á því að maður verði þreyttur á þeim.“
Hver er uppáhaldsíþróttafatnaðurinn þinn?
„Ég vildi að ég gæti svarað þessu. Ég er nýbúin að setja
íþróttafötin inn í geymslu því þau voru alveg óhreyfð og
tóku bara pláss.“
Hver er mest notaða snyrtivaran í snyrtitöskunni?
„Hypnose-maskarinn frá Lancome bjargar stuttu augn-
hárunum mínum.“
Hvað keyptir þú þér síðast inn á heimilið?
„Nýjasti hluturinn á heimilinu er nú reyndar gjöf, fer-
tugsafmælisgjöf frá foreldrum mínum. Það tók sinn tíma
að finna út hvernig ég ætti að verja afmælispeningnum.
Ég þoli nefnilega illa að gera kaupmistök og vil bara helst
ekki bæta neinu inn á heimilið nema að ég sé algjörlega
sannfærð um að ég eigi eftir að elska hlutinn um ókomna
tíð. Louis Poulsen-borðlampi varð fyrir valinu, eigulegur
og klassískur gripur sem mig er búið að langa í lengi.“
Hvaða hlutur er ómissandi?
„Sá hlutur sem fer með mér út um allt er japönsk skipu-
lagsbók úr leðri. Í hana skrifa ég listana mína, en það
heldur mér við efnið og ég kemst yfir miklu meira. Ég fæ
um leið meiri ró í hugann við að hafa yfirsýn yfir það sem
ég þarf og ætla að gera.
Ég flyt bækurnar inn
frá Japan og býð upp á þær í Heimilisfélaginu. Bækurnar
er ekki bara gullfallegar heldur er þetta sniðugt fyr-
irkomulag því hver og einn raðar bókinni saman eftir sín-
um þörfum. Sumir gera þetta að dagbók, aðrir að huga-
myndabók, matreiðslubók og sumir eru með þetta allt
saman í einni bók.“
Uppáhaldssmáforrit?
„Ég nota Instagram langmest fyrir Heimilisfélagið og
þar finnst mér skemmtilegast að skoða það sem við-
kemur fallegum hlutum, heimilum og tísku. Ég fylgist
með fullt af sænskum fasteignasölum á Instagram en þar
er mikil vinna lögð í stíliseringar á húsnæði fyrir mynda-
töku, sem skemmtilegt er að skoða. Svo á ég alltaf reglu-
lega gæðastundir á Pinterest.“
Hvað heillar þig mest í lífinu?
„Persónulegur vöxtur, þroski og hamingja. Að staldra við
og skoða hvað það er sem mann langar, hvert maður
stefnir og hvaða skref maður þarf að stíga til að láta sér
líða vel. Svo er lífið auðvitað í mörgum köflum og þess
vegna finnst mér svo áhugavert að skoða stöðuna reglu-
lega en láta lífið ekki bara sigla framhjá. Í dag er ég
markþjálfi og fæ kikk út úr því að styðja við aðra og sjá
fólk þannig vaxa, efla sjálft sig og ná árangri.“
Ljósmynd/Íris Dögg Einarsdóttir
Fagurkerinn
Selma Svavarsdóttir er eigandi Heimilisfélagsins. Hún er markþjálfi og
forstöðumaður hjá Landsvirkjun. Sambýlismaður hennar er Þorsteinn I.
Valdimarsson. Hún á tvö börn, Lísu Ólafsdóttur og Ara Þorsteinsson.
Elínrós Línal | elinros@mbl.is
Selma Svavars-
dóttir er mikill
fagurkeri.
Selma er
hrifin af
röndóttu.
Morgunblaðið/Kristinn Magnússon
Selma á mikið af samfest-
ingum og er ánægð með að
þeir hafa verið fáanlegir víða.
Japönsk skipulags-
bók sem fæst í
Heimilisfélaginu.
Það getur tekið
fagurkera tíma að
ná tökunum á því
að búa til lauf úr
froðunni í morg-
unkaffinu.
SJÁLFLÍMANDI HNÍFAPARASKORÐUR
Gullkistan- Frakkastíg 10 - Sími: 551-3160.
Hjálpa þér að halda öllu í skorðum í skúffum. Einnig sjálflímandi filt til að
klæða skúffur og filt með verjandi efni svo ekki falli á silfur og silfurplett.
Við eigum líka fægilög, fægiklúta og ídýfulög til að hreinsa.
SENDUM Í PÓSTKRÖFU
Þessar gardínur fást
í H&M home.