Morgunblaðið - 28.09.2018, Qupperneq 24

24 MORGUNBLAÐIÐ FÖSTUDAGUR 28. SEPTEMBER 2018
„Ég legg mikið upp úr ferskum
blómum og kertum, það er grunn-
urinn.“
Byrjuð að undirbúa jólin
Inga Bryndís er mikið jólabarn að
eigin sögn og því ekki að undra að
hún er byrjuð að skipuleggja jólin í
Magnólíu. ,,Í ár verður „Out of Af-
rica“-þema. Ég er svo mikið jólabarn
og vil gefa jólunum góðan undirbún-
ing. Eins finnst mér svo mikilvægt
að njóta aðventunnar með börn-
unum og fjölskyldunni. Þess vegna
leitast ég við að skreyta snemma. Ég
er kannski ekki með mikið skraut,
en ég legg hugsun og vinnu í það
sem ég geri fyrir jólin. Hlýleg
stemning á aðventunni skapar minn-
ingar sem lifa inn í framtíðina.“
Hvernig lýsir þú þessu þema?
„Það er góð spurning. „Out of Af-
rica“ tengist í rauninni art deco-
tímabilinu. Þar koma þessi áhrif frá
grímunum, formunum, litunum, ilm-
inum og sögunni í Afríku. Það eru
þessir töfrar; sandurinn, myrkrið,
dýrin, þessi villta náttúra sem hefur
svo ótrúlega mikla fegurð. Þannig
eru kransarnir og hjörtun okkar hrá
eins og náttúran. Engir tveir hlutir
eru eins heldur fær handverkið að
njóta sín. Áferðin verður innblásin
frá þessu tímabili.“
Inga Bryndís leggur áherslu á að
við hönnun og stíl á húsum sé ekkert
eitt rétt eða fullkomið. „Allt það sem
sprettur frá hjartanu, í hvaða formi
sem er, mun ávallt skila sér.“
Eldhúsið er einfalt og bjart. Það
minnir á ítölsk sveitaeldhús. Eldhús-
innréttingin var sérpöntuð í Byko.
Gangurinn niður á jarðhæðina er fallegur. Hvernig teppið
tekur við af flísunum er bæði praktískt og smart.
Blöndunartækin á baðherberginu eru bresk. Þau eru handsmíðuð í London. Á þessu baðherbergi innan af svefnherbergi þeirra
hjóna hefur verið komið fyrir spegli við enda baðkarsins sem gerir rýmið opnara í ásýnd.
Svefnherbergið er stór svíta, þar sem þrjú svæði liggja saman. Inngangur að svítunni er stór, til
hægri liggur fataherbergið og baðherbergið. Til vinstri er rými þar sem rúm þeirra hjóna er staðsett.
Fallega snyrt
kisan situr
með brothætt-
um glösum í
gluggakistunni
að virða fyrir
sér manlífið í
Þingholtunum.
,,Í ár verður „Out of Africa“-þema. Ég er svo
mikið jólabarn og vil gefa jólunum góðan und-
irbúning. Eins finnst mér svo mikilvægt að njóta
aðventunnar með börnunum og fjölskyldunni.
Þess vegna leitast ég við að skreyta snemma.“