Morgunblaðið - 03.03.2018, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 3. OKTÓBER 2018
VÍKURVAGNAR EHF.
Víkurvagnar ehf. | Hyrjarhöfða 8 | 110 Reykjavík
Sími 577 1090 | vikurvagnar.is | sala@vikurvagnar.is
Setjum undir á staðnum
Dráttarbeisli
undir flestar tegundir bíla
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Fátt sem kemur á óvart í bréfi SA
 Formaður VR kveðst ekki vera bjartsýnn á framhaldið í kjaraviðræðum við Samtök atvinnulífsins
Agnes Bragadóttir
agnes@mbl.is
Samtök atvinnulífsins (SA) sendu
seint í fyrrakvöld bréf til allra við-
semjenda sinna í komandi kjaravið-
ræðum, eins og greint var frá á for-
síðu Morgunblaðsins í gær.
Í bréfinu var athygli vakin á því
sem talið var mikilvægt að aðilar
vinnumarkaðarins huguðu að og jafn-
framt óskað eftir formlegum viðræð-
um við verkalýðshreyfinguna.
Halldór Benjamín Þorbergsson,
framkvæmdastjóri SA, sagði m.a. í
frétt Morgunblaðsins í gær, að nálg-
un atvinnurek-
enda væri sú að
næstu samningar
snerust um að
bæta lífskjör og
lífskjör væru
samsett úr fleiri
þáttum en launa-
liðnum.
Í bréfinu bentu
SA einnig á
versnandi sam-
keppnisstöðu íslenskra fyrirtækja,
meðal annars vegna mikils launa-
kostnaðar. Á síðustu árum hefði
launakostnaður á Íslandi hækkað um
55% umfram erlenda keppinauta og
innlent verðlag um 31% umfram
verðlag í viðskiptalöndum Íslands,
allt mælt í sömu mynt, samkvæmt
bréfi SA.
Ragnar Þór Ingólfsson, formaður
VR, var í gær spurður hvort bréf SA
gæti verið innlegg í þá veru að við-
ræðuaðilar mættust á miðri leið, sett-
ust niður og hæfu formlegar viðræð-
ur: „Ef miðjuleiðin felur ekkert í sér,
þá er ég ekki bjartsýnn. Hvað varðar
málflutning Samtaka atvinnulífsins í
þessu bréfi, þá er þar fátt sem kemur
á óvart. Hann hefur verið með þess-
um hætti undanfarið,“ sagði Ragnar
Þór. Hann segir að það sé alveg sama
hvað honum og Halldóri finnist um
einstök atriði.
Ragnar Þór sagði að hann og fleiri
fulltrúar verkalýðsfélaga hefðu rætt
við fulltrúa Samtaka atvinnulífsins
um sum mál, sem aðilar virtust vera
sammála um, ekki síst um þá neyð
sem væri uppi í húsnæðismálum.
„Húsnæðismálin eru vitanlega risa-
stórt hagsmunamál, bæði fyrir bygg-
ingariðnaðinn, fyrir atvinnustigið og
síðast en ekki síst fyrir okkar fé-
lagsmenn, sem þurfa nauðsynlega á
því að halda að húsnæðiskostnaður
lækki,“ sagði Ragnar Þór.
Ragnar Þór segir að þótt verka-
lýðsforystan og Samtök atvinnulífs-
ins séu ekki ósammála um alla hluti,
þá liggi það alveg ljóst fyrir að allt of
mikið beri í milli. „Ég veit ekki alveg
á hvaða tímapunkti maður getur
reiknað með að bæði stjórnvöld og
Samtök atvinnulífsins fari að taka
þessa grafalvarlegu stöðu alvarlega.
Ég bendi bara á að fyrir kjarasamn-
ingana 2015 fór ekkert að gerast, fyrr
en stéttarfélögin voru búin að sam-
þykkja að fara í allsherjarverkfall. Þá
fyrst breyttist tónninn og viðhorfið
og menn gátu sest niður og byrjað að
ræða saman,“ sagði Ragnar Þór.
Ragnar Þór
Ingólfsson
Magnús Heimir Jónasson
mhj@mbl.is
Neytendastofa hefur bannað fyrir-
tækjunum Origo hf., Sahara Media
ehf. og tveimur bloggurum á trend-
net.is að nota duldar auglýsingar.
Þetta kemur fram í ákvörðun Neyt-
endastofu sem send var á fyrir-
tækin í lok síðasta mánuði.
Neytendastofu bárust ábendingar
vegna bloggfærslna á vefsíðunni
Trendnet þar sem fjallað var um
vöru Origo hf. Neytendastofa krafði
fyrirtækin og bloggarana um upp-
lýsingar um hvort endurgjald hefði
komið fyrir umfjöllunina, aðkomu
fyrirtækjanna að undirbúningi um-
fjöllunarinnar og hvort þriðji aðili
hefði annast milligöngu. Við með-
ferð málsins kom fram að ein-
staklingarnir höfðu þegið vöru að
gjöf frá fyrirtækinu sem telst vera
endurgjald.
Engin sekt var lögð á neina aðila
í málinu en að sögn Þórunnar Önnu
Árnadóttir, lögfræðings hjá Neyt-
endastofu, yrði sektað ef fyrirtækin
myndu ekki láta af þessum við-
skiptaháttum. „Þetta er bara bann
við því að notast við duldar auglýs-
ingar almennt og merkja ekki. Það
hefur yfirleitt verið þannig hjá okk-
ur, nema brotið sé þeim mun alvar-
legra, þá hafa það aðallega verið
ítrekunaráhrif sem gera það að
verkum að það sé sektað,“ segir
Þórunn.
Myndavél á trendnet.is
Um var að ræða auglýsingu á
Canon EOS M100-myndavél í
bloggi á vefsíðunni trendnet.is.
Neytendastofa benti á að ágæti um-
ræddrar myndavélar væri tíundað í
færslum tveggja bloggara sem
skrifi á vefsíðunni, auk þess sem
þar væri að finna hlekk á vöruna og
tekið fram að hún fengist í verslun
Origo.
Við meðferð málsins kom fram að
einstaklingarnir höfðu þegið vöru
að gjöf frá fyrirtækinu sem telst
vera endurgjald.
Málið hófst hjá Neytendastofu í
kjölfar ábendingar og segir Þórunn
það algengt að fólk sendi skjáskot
og ábendingar um mögulegar duld-
ar auglýsingar. Neytendastofa fylg-
ist hins vegar einnig með sjálf en
þetta er þriðja ákvörðun stofnunar-
innar um duldar auglýsingar á
skömmum tíma.
Duldu auglýsingar í bloggi
 Origo hf. og Sahara ehf. bannað að nota duldar auglýsingar
Magnús Heimir Jónasson
mhj@mbl.is
Tillaga Vigdísar Hauksdóttur, borgarfulltrúa
Miðflokksins, um óháða rannsókn á rúmlega
400 milljóna króna bragganum í Nauthólsvík
var hafnað án atkvæðagreiðslu á borgarstjórn-
arfundi í gærkvöldi. Lagði meirihlutinn til
málsmeðferðartillögu um að innri endurskoð-
un Reykjavíkurborgar skoðaði málið og var
það samþykkt með 12 atkvæðum gegn 10.
Á borgarstjórnarfundinum lagði Vigdís til að
óháðir aðilar myndu rannsaka hverjir hefðu
haft umsjón með verkinu, hverjir skrifuðu upp
á reikninga og hverjir veittu heimildir fyrir því
að framkvæmdir á bragganum fóru svo langt
fram úr kostnaðaráætlun. Í samtali við
Morgunblaðið segir Vigdís að með því að vísa
málinu til innri endurskoðunar borgarinnar sé
verið að setja það undir pilsfaldinn. Að sögn
Vígdísar situr innri endurskoðandi fundi
borgarráðs og hefði því verið í lófa lagið að
hefja rannsókn þegar viðvörunarbjöllur voru
farnar að klingja. „Hann er armslengd frá
borgarráði og borgarstjóra,“ segir Vígdís.
„Þetta er bara þessi þöggun og það er verið að
grafa niður mál. Þetta er ekkert persónulegt til
þessa manns sem sinnir þessu starfi.“ Hún
segir málið alvarlegt enda stefnir í það að
bragginn gæti endað í að kosta um hálfan millj-
arð og því sé þörf á að óháðir aðilar rannsaki
hvernig kostnaður fór upp úr öllu valdi.
„Þau [meirihlutinn í borginni] þora aldrei
með málin í atkvæðagreiðslu, þeim er vísað
annað. Þannig heldur Dagur þessum meiri-
hluta saman, með því að vísa málum í ráð og
nefnd fyrir lokuðum dyrum þannig að enginn
veit hvernig hver greiðir atkvæði. Því hann
þorir ekki með nein mál í gegnum atkvæða-
greiðslu.“
Upphaflega var gert ráð fyrir að kostnaður-
inn við að gera upp braggann yrði um 157 millj-
ónir. Í sundurliðuðum kostnaði Reykjavíkur-
borgar vegna endurbyggingarinnar kemur
hins vegar í ljós að kostnaðurinn er kominn vel
yfir 400 milljónir. Er þar t.a.m. að finna rúm-
lega 129 milljónir í smíðavinnu, 20,9 milljónir í
frágang lóðar, 36,4 milljónir í múrverk, 28
milljónir í arkitektavinnu og 29,8 milljónir í rif
á bragganum svo dæmi séu tekin.
Marta Guðjónsdóttir, bogarfulltrúi Sjálf-
stæðisflokksins, sagði á fundinum í gær að fé
úr vösum skattgreiðandi væri betur nýtt í þarf-
ari verkefni eins og skólamál og skuldaði
Reykjavíkurborg skattgreiðendum svör.
Skoðað í samhengi innkaupareglna
Vigdís benti á að innkaupaferlum Reykja-
víkurborgar hefði ekki verið fylgt hvað varðaði
kaup á þjónustu, vörum og verklegum fram-
kvæmdum. „Hvað er eiginlega í gangi á skrif-
stofu borgarstjóra að vera ekki búið að stoppa
verkið? Væri þetta einkageirinn væri búið að
reka alla ábyrga aðila,“ sagði Vigdís. Vinna við
náðhús braggans virðist einnig hálfkláruð en
upphaflegt ástandsmat Eflu á náðhúsinu var
að sögn Vigdísar um 34 til 36 milljónir króna en
hefur nú kostað um 46 milljónir. „Og er það
varla fokhellt. Það er virði þriggja herbergja
íbúðar í Reykjavík.“
Höfnuðu óháðri rannsókn
 Meirihluti borgarstjórnar hafnaði óháðri rannsókn á bragganum í Nauthólsvík án atkvæðagreiðslu
 Málinu vísað til innri endurskoðunar Reykjavíkurborgar  Verið að grafa málið, segir borgarfulltrúi
Morgunblaðið/Árni Sæberg
Náðhúsið Svo virðist sem þónokkur vinna sé enn eftir í svokölluðu náðhúsi við braggann í Nauthólsvík, líkt og vel sést á meðfylgjandi ljósmynd
sem tekin var í gær. Verkið í heild hefur kostað yfir 400 milljónir og er tveimur árum á eftir áætlun. Kostnaður vegna náðhúss er í 46 milljónum.