Morgunblaðið - 31.10.2018, Page 6

6 FRÉTTIRInnlent
MORGUNBLAÐIÐ MIÐVIKUDAGUR 31. OKTÓBER 2018
Helgi Bjarnason
helgi@mbl.is
„Eina svarið sem við eigum við þessu
er að taka út það sem við eigum í Ar-
ion banka og flytja í aðra peninga-
stofnun. Ef við eigum að fara að keyra
til Sauðárkróks til að taka út peninga
skiptir ekki máli í hvorn bankann við
förum,“ segir Einar Einarsson, fyrr-
verandi vinnuvélastjóri á Grund á
Hofsósi. Margir íbúar þar og við-
skiptavinir Arion banka eru óánægðir
með þá ákvörðun bankans að fjar-
lægja eina hraðbankann á Hofsósi.
„Okkur finnst það afleitt að missa
hraðbankann. Við lítum á hann sem
sjálfsagða þjónustu og ákveðin mann-
réttindi. Ef hann fer þurfum við að
aka 80 kílómetra til þess kannski að
taka út fimmþúsundkall,“ segir Ein-
ar.
Leysa út lyf án posa
Hann nefnir sem dæmi að margir
eldri borgarar þurfi að leysa út lyfin
hjá heilsugæslunni með peningum því
að ekki sé posi þar frá apótekinu á
Sauðárkróki sem sendir lyfin. Þá
greiði margir allt sem þeir kaupa í
verslunum með peningum. „Þeir
verða sennilega að láta keyra sig til
Sauðárkróks og taka þá meira út en
þeir þurfa á að halda dagsdaglega,“
segir Einar. Hann bætir því við að
margir ferðamenn eigi þarna leið um
á sumrin og þurfi peninga til að kaupa
vörur og þjónustu.
Of lítil notkun
Búnaðarbankinn var með útibú á
Hofsósi og síðan Kaupþing eftir sam-
eininguna en því var lokað í árslok
2009. Síðar var hraðbanka komið upp
og hann hefur verið þar síðan, þó ekki
alveg stöðugt. Hann hefur verið í and-
dyri útibús verslunar KS síðustu árin.
Stjórnendur Arion banka hafa nú
ákveðið að fjarlægja hraðbankann.
Ekki var búið að því í gær, samkvæmt
upplýsingum Morgunblaðsins.
Samkvæmt upplýsingum Haraldar
Guðna Eiðssonar, uppýsingafulltrúa
Arion banka, er bankinn stöðugt að
skoða hvar sé best og hagkvæmast að
hafa hraðbanka. Töluverður kostnað-
ur fylgi rekstri hvers hraðbanka. Á
Hofsósi hafi notkunin verið svo lítil að
því miður hafi ekki borið sig að hafa
hraðbanka þar.
Spurður um vandræði viðskipta-
vina, sérstaklega eldra fólks sem vant
er að nota peninga í viðskiptum, segir
Haraldur að bankinn bjóði upp á fjöl-
breyttar þjónustuleiðir og sé með
nokkuð umfangsmikla starfsemi á
Norðurlandi, m.a. á Sauðárkróki og
Siglufirði. „Það eru alltaf erfiðar
ákvarðanir að taka þegar verið er að
draga úr þjónustu með þessum hætti,
en við leggjum hins vegar ríka
áherslu á þær fjölbreyttu og þægilegu
þjónustuleiðir sem standa viðskipta-
vinum okkar til boða, hvort sem það
eru greiðslukort eða appið og net-
bankinn,“ segir Haraldur Guðni.
Nauðsynlegur fyrir fólkið
Einar Einarsson telur það haldlítil
rök sem hann heyrir frá Arion banka,
að dýrt sé að reka hraðbankann.
Hann sé engu að síður nauðsynlegur
fyrir fólkið og einhver hraðbanki
þurfi að vera minnst notaður í land-
inu. Ekki geti verið mikill kostnaður
við að reka bankann. Hann segir að
ákvörðun um að taka hraðbankann sé
í andstöðu við útibússtjóra Arion
banka á Sauðárkróki en hann hafi
lengi reynt að halda þessari þjónustu.
Eina svarið er að hætta
viðskiptum við bankann
 Íbúar á Hofsósi vilja ekki missa eina hraðbankann
Morgunblaðið/Eggert
Buslað Krakkar að leik í sundlaug-
inni vinsælu á Hofsósi.
Höskuldur Daði Magnússon
hdm@mbl.is
„Ég var farinn að hugsa mér til
hreyfings og vildi gera eitthvað nýtt.
Mér leist bara ekkert á markaðinn
heima en þá hringdi Trausti bróðir
og sagðist vera með hugmynd. Ég
fór út og skoðaði málið, við gerðum
tilboð og því var tekið,“ segir Níels
Hafsteinsson veitingamaður.
Níels tók um síðustu mánaðamót
við rekstri íbúðahótelsins Castle
Harbour á Tenerife. Hann festi kaup
á hótelinu ásamt tveimur bræðrum
sínum, Trausta og Hilmari, sam-
starfsmanni þeirra Eyjólfi og föður
þeirra, Hafsteini Egilssyni.
„Hann er svona mafíósinn,“ segir
Níels um föður sinn í léttum dúr.
Þeir hafa rekið veitingastaðina
Rauða ljónið á Eiðistorgi og Steik-
húsið í Tryggvagötu við góðan orðs-
tír síðustu ár og mun yngsti bróðir-
inn, Hilmar, sjá um rekstur þeirra
áfram.
Castle Harbour, eða Hafnar-
kastalinn, hefur verið í rekstri í um
þrjá áratugi að sögn Níelsar. Alls
eru 97 íbúðir undir merkjum þess.
„Jújú, þetta kostar auðvitað fullt
af peningum. En viðskiptaáætlunin
gerir ráð fyrir að ég muni á end-
anum græða eitthvað,“ segir Níels.
Hann er sá eini af eigendunum sem
er í fullu starfi við hótelið en auk
hans starfa þernur, húsvörður og
skrifstofufólk þar. Veitingamaður-
inn er sumsé ekki með neinn veit-
ingarekstur en útilokar ekki að þeir
horfi í þá átt síðar meir.
Mikil vinna er að setja sig inn í
reksturinn að sögn Níelsar. „Það var
ekki einu sinni tölvukerfi hérna, all-
ar pantanir voru í bókum. Ég þarf
því að byrja á því að koma fyrirtæk-
inu frá 1998 til 2018. Svo er það nú
þannig að alveg eins og Íslendingar
eru Tenerife-búar ekki hrifnir af því
að gerðar séu breytingar á vinnu
þeirra,“ segir Níels en hægt er að
kynna sér hótelið á tenerent.is.
Af Rauða ljóninu
í hitann á Tenerife
 Feðgar reka íbúðahótel á besta stað
Morgunblaðið/RAX
Á Ljóninu Frá vinstri eru Níels og Hilmar, Eyjólfur Gestur Ingólfsson,
María Hilmarsdóttir og Hafsteinn Egilsson. Á myndina vantar Trausta.
Það skiptast á skin og skúrir þessa dagana og viðrar
ekki alltaf sem best til að hreinsa götur borgarinnar.
Veðurstofan spáir austlægri átt í dag á höfuðborgar-
svæðinu og lítilsháttar snjókomu um tíma. Hvasst getur
orðið við suðausturströndina í dag og á Vestfjörðum.
Hiti verður á bilinu 0 til 6 stig á landinu.
Morgunblaðið/Árni Sæberg
Skin og skúrir skiptast á
Vinnu við malbikun Vaðlaheiðar-
ganga hefur seinkað. Er nú útlit fyr-
ir að ekki náist að ljúka nauðsyn-
legum framkvæmdum við göngin
fyrir 1. desember, en stefnt var að
opnun þeirra þá. Verktakinn vinnur
að nýrri verkáætlun.
Vaðlaheiðargöng áttu að vera
tilbúin föstudaginn 30. nóvember og
opnuð fyrir almenna umferð 1.
desember, samkvæmt samkomulagi
sem Vaðlaheiðargöng hf. og verk-
takinn, Ósafl sf., staðfestu í byrjun
september. Ljóst er að þessi tíma-
áætlun stenst ekki, samkvæmt upp-
lýsingum Valgeirs Bergmann, fram-
kvæmdastjóra Vaðlaheiðarganga.
Eftir að malbika úti
Ástæðan er seinkun á vinnu við
malbikun. Þótt vel hafi gengið
undanfarna daga og sú vinna sé
langt komin er eftir að malbika efra
burðarlag út úr göngunum og að
hringtorgi í Eyjafirði. Einnig er eft-
ir að leggja vegklæðningu á veginn
frá göngunum eftir nýja veginum að
Fnjóskárbrú. Þarf að vera hagstætt
veður til að vinna bæði þessi verk-
efni. Malbikunin er undirstaða
margra annarra verka. Valgeir segir
að verktakinn hafi unnið á fullu og
vonast hann til að hægt verði að
opna göngin fyrir umferð í desem-
ber.
Spurður um áhrif þess á rekstur
Vaðlaheiðarganga að geta ekki hafið
innheimtu veggjalds á umsömdum
tíma segir Valgeir að betra hefði
verið að hefja innheimtu fyrr. Ör-
yggi vegfarenda sé þó meginmálið.
Göngin verði mikil samgöngubót
og öryggismál fyrir vegfarendur og
æskilegt sé að opna þau áður en
mestu vetrarveðrin skelli á.
helgi@mbl.is
Opnun Vaðlaheiðarganga seinkar enn
 Vinna við malbikun á eftir áætlun
 Unnið á fullu að lokafrágangi
Morgunblaðið/Sigurður Bogi
Jarðgöng Unnið er að malbikun og lokafrágangi ganganna. Valgeir Berg-
mann framkvæmdastjóri vonast eftir að geta hleypt umferð á í desember.