Morgunblaðið - 01.11.2018, Síða 6

6 FRÉTTIRInnlent
MORGUNBLAÐIÐ FIMMTUDAGUR 1. NÓVEMBER 2018
Þann 1. nóvember gefur Íslandspóstur út jólafrímerkin
2018 og frímerkjaröð tileinkaða íslenskri myndlist, þ.e.
SÚM-hreyfingunni sem varð til í Reykjavík um miðjan
sjöunda áratuginn.
Fyrstadagsumslög fást á helstu pósthúsum.
Einnig er hægt að panta þau hjá
Frímerkjasölunni. Sími: 580 1050.
Netfang: stamps@stamps.is
Heimasíða: www.stamps.is
facebook.com/icelandicstamps
Safnaðu litlum listaverkum
Höskuldur Daði Magnússon
hdm@mbl.is
„Já, við erum svolítið bjartsýnir á að
það fáist skilningur á þessu,“ segir
Þrándur Arnþórsson, framkvæmda-
stjóri Akstursíþróttasambands Ís-
lands.
Sambandið sendi erindi til um-
hverfis- og samgöngunefndar Al-
þingis vegna samgönguáætlunar
sem nú er í meðförum þingsins. Í
bréfinu er rakið að fulltrúar félags-
ins hafi kynnt starfsemi sambands-
ins, aðstöðu akstursíþróttafélaga og
framtíðaráform í þeim efnum á fundi
árið 2016. Segir þar að mikil land-
kynning felist í akstursíþróttum á
borð við rall og þar séu þjóðvegir og
sýsluvegir ígildi íþróttamannvirkja.
Bent er á að sífellt fleiri vegir séu
teknir af þjóðvegaskrá og settir í
umsjón sveitarfélaga og þar með
dragi úr viðhaldi á þeim. Þá séu
margir þjóðvegir sem notaðir eru í
ralli orðnir þjóðleið ferðamanna án
þess að viðhald hafi verið aukið.
Telur félagið mikilvægt að vegir
sem notaðir hafa verið til keppni í
ralli verði skilgreindir og veitt verði
sérstakt fé til viðhalds þeirra. „AKÍS
leggur til að veittar verði 15 milljónir
króna árlega til nýs liðar, íþrótta-
vegir, sem kæmi undir kaflann
„Stofnvegakostnaður, vegir“ og und-
irkaflann „Annað en stofn- og tengi-
vegir“,“ segir í bréfinu.
Þrándur segir í samtali við
Morgunblaðið að tvö ár séu síðan
þessi hugmynd um „íþróttavegi“ hafi
komið upp hjá formanni félagsins.
„Sveitarfélögin sjá viðhald þessara
vega sem kostnað og vesen fyrir sig
en það eru tvær hliðar á málinu,
keppnishaldið dregur að ferðamenn
og athygli. Við viljum að þau sjái að
það getur verið jákvætt að ráðast í
uppbyggingu á þessum vegum og
þess vegna myndi hjálpa ef til kæmi
framlag frá ríkinu. Við höfum aðeins
heyrt í meðlimum umhverfis- og
samgöngunefndar og teljum að það
sé kominn jákvæður skilningur fyrir
þessu.“
Í bréfi sambandsins er rakið að
með aukningu í ferðamennsku hafi
þrengt að vali hentugra vega til rall-
keppna. „Keppnishaldarar hafa
reynt að finna minna notaða vegi og
hafa þá leitað til sveitarfélaga um af-
not vega sem þau hafa á sínum snær-
um. Mýmörg dæmi má nefna um
þetta, gamli vegurinn um Þverár-
fjall, gamli Ísólfsskálavegurinn,
gamli vegurinn um Tröllháls, vegur
austan Heklu og svo mætti lengi
telja. Sumir þessara vega eru ekki
mikið nýttir af öðrum en röllurum
fyrir sína íþrótt og því viðhald þeirra
ekki mikið en nauðsynlegt engu að
síður,“ segir þar.
Vilja 15 milljónir til „íþróttavega“
Morgunblaðið/Eggert
Rall Akstursíþróttasamband Íslands fer þess á leit að veittar verði 15 milljónir til viðhalds vega sem keppt er á.
 Akstursíþróttamenn vilja fé til viðhalds vega sem keppt er á  Sífellt fleiri vegir teknir af þjóðvega-
skrá og aðrir orðnir að þjóðleiðum ferðamanna án þess að viðhald sé aukið  Rall dregur að ferðamenn
Guðni Einarsson
gudni@mbl.is
„Þetta er dæmalaust alveg,“ segir
séra Pétur Þorsteinsson, prestur
Óháða safnaðarins, um þá ákvörðun
Þjóðskrár Íslands að neita honum
um lista yfir safnaðarfólk sem látist
hefur á síðustu tólf mánuðum.
Listann ætlaði Pétur að nota til að
boða ástvini hinna látnu til minn-
ingarmessu hinn 11. nóvember í
tengslum við allrasálnamessu. Það
hefur hann gert mörg undanfarin ár.
Hann nefnir að næsta sunnudag
verði messa fyrir sóknarbörn 60 ára
og eldri og venjan sé að senda þeim
boð um að mæta til messunnar. Á
vorin hefur verið haft samband við
þau sem gengið hafa til liðs við söfn-
uðinn frá því árinu áður og þau boðin
velkomin í sérstakri guðsþjónustu.
„Ég hef hingað til fengið lista yfir
þá sem hafa látist á síðustu tólf mán-
uðum, lista yfir þau sem gengið hafa
í söfnuðinn og svo heildarlista yfir
safnaðarfólk. En nú er alveg sama
hvar borið er niður í óskum um lista,
Þjóðskrá telur sig ekki geta veitt
þessar upplýsingar vegna persónu-
verndarlaga. Þó hefur engum orðið
meint af þessu, svo ég viti, og enginn
kært mig,“ sagði Pétur. „Fólki hefur
þvert á móti þótt vænt um að við
skulum bjóða því til messu.“
Pétur sendi Þjóðskrá fyrirspurn
um hverju þetta sætti. Þjóðskrá
svaraði því að hún teldi sig ekki hafa
lagaheimild til þess að afhenda per-
sónugreinanlegar upplýsingar um
skráningu í trú- og lífsskoðunar-
félög. Erindinu væri því hafnað.
Bent var á að hægt væri að kæra
ákvörðunina til samgöngu- og
sveitarstjórnarráðuneytisins innan
þriggja mánaða.
Pétur sagði að þetta yrði væntan-
lega rætt á næsta fundi safnaðar-
stjórnar Óháða safnaðarins. Eins
hefur hann látið Samráðsvettvang
trú- og lífsskoðunarfélaga vita um
þessa neitun því málið snerti þau öll.
Til Óháða safnaðarins töldust 3.269
sálir 1. janúar síðastliðinn.
Blaðamaður frétti af manni sem
sendi þjóðkirkjunni fyrirspurn um
hvort hann væri skráður í kirkjuna.
Honum var bent á að best væri að
snúa sér til Þjóðskrár. Hann sendi
Þjóðskrá fyrirspurn í tölvupósti og
var sagt að ekki mætti svara þessu í
tölvupósti, hann yrði að skoða skrán-
ingu sína á island.is. Til þess þyrfti
hann að auðkenna sig rafrænt. Ef
hann kæmi til Þjóðskrár með skilríki
gæti hann einnig fengið svar.
Morgunblaðið/Eggert
Óháði söfnuðurinn Séra Pétur Þorsteinsson hefur til þessa fengið lista um sóknarbörn sem hann hefur óskað eftir.
Fær ekki lengur lista
yfir sóknarbörnin
 Þjóðskrá breytti reglum vegna nýrra persónuverndarlaga
Þjóðskrá Íslands ritaði forstöðu-
mönnum trú- og lífsskoðunar-
félaga og sagði að öll vinnsla
persónuupplýsinga hjá stofnun-
inni hefði verið endurskoðuð í
tengslum við gildistöku nýrra
laga um persónuvernd og
vinnslu persónuupplýsinga á
grundvelli nýju GDPR-reglu-
gerðarinnar. M.a. var lagt mat á
lögmæti þess að skráð trú- og
lífsskoðunarfélög hefðu fengið
lista yfir einstaklinga sem skráð-
ir eru í viðkomandi félag í þjóð-
skrá. Engin skýr lagaheimild sé
fyrir afhendingu slíkra lista. Þá
er áréttað að í skráningu ein-
staklinga í trú- eða lífsskoð-
unarfélag felist ekki að Þjóðskrá
haldi félagatal trú- eða lífsskoð-
unarfélaga. Einungis sé um að
ræða skráningu á því hvert
sóknargjöld skuli renna.
Skrá vegna
sóknargjalda
TRÚ OG LÍFSSKOÐUN
Engin áform eru um að draga úr
starfsemi HB Granda á Vopnafirði
og stefnt er áfram að því að hafa
starfsemi þar á milli vertíða. Hins
vegar er verið að skoða hvernig best
verði að haga þeirri starfsemi og
liggur engin ákvörðun fyrir í þeim
efnum. Þetta segir í yfirlýsingu HB
Granda í kjölfar fréttar Morgun-
blaðsins í gær, þar sem greint var frá
því að ellefu starfsmönnum í frysti-
húsi félagsins á Vopnafirði hefði ver-
ið sagt störfum.
Segir í fréttatilkynningunni að HB
Grandi hafi í mörg ár rekið öfluga
uppsjávarvinnslu á Vopnafirði þar
sem unnið er á vöktum allan sólar-
hringinn meðan á vertíð stendur. Er
tekið fram að fastráðnir starfsmenn
uppsjávarfrystihússins séu 60 tals-
ins eftir uppsagnirnar, sem sé svipað
og verið hafi í gegnum tíðina.
Þá er greint frá því að árið 2016
hafi verið ákveðið að byggja upp bol-
fiskvinnslu á Vopnafirði til að starf-
rækja á milli vertíða og hófst vinnsla
í henni eftir sjómannaverkfallið í
mars 2017. Rekstur bolfiskvinnsl-
unnar hafi hins vegar almennt ekki
gengið sem skyldi og því hafi verið
ákveðið að endurskipuleggja starf-
semi á Vopnafirði á milli vertíða.
Engin áform um að
draga úr starfsemi
 Yfirlýsing HB Granda vegna uppsagna