Morgunblaðið - 01.11.2018, Síða 16

16 FRÉTTIRInnlent
MORGUNBLAÐIÐ FIMMTUDAGUR 1. NÓVEMBER 2018
Eikjuvogur 29 - 104 Rvk.
s: 781-5100
Opið: Mán-fim: 12-18
fös: 12-16
e u or , r y uo nar, st r s nv rp, m nn s nv rp,
soundbarir, bassabox og ýmislegt annað.
15% afsláttur
af flestum SAMSUNG vörum* í nokkra daga
LÁGMÚLA 8 - 530 2800
*Athugið að afslátturinn gildir ekki af öðrum sértilboðum sem eru í
gangi. Ekki er afsláttur af símum, spjaldtölvum eða úrum.
„Að gefnu tilefni er lagt til að
sveitarstjórn Norðurþings snúi sér
hið fyrsta að öðrum aðgerðum af
svipuðum toga og hér er rætt um. Til
að mynda því makalausa stefnuleysi
sem ríkir í lausagöngu ísbjarna í
sveitarfélaginu,“ segir m.a. í bókun
sem tveir fulltrúar í sveitarstjórn
Norðurþings lögðu fram á fundi í
vikunni.
Áður hafði sveitarstjórnin fallið
frá því að afnema bann við lausa-
göngu katta í þéttbýli í sveitar-
félaginu, en slíkt bann hefur gilt í
áratug.
Tillaga um að falla frá því að af-
nema bannið var samþykkt á fund-
inum með sjö atkvæðum gegn tveim-
ur. Í tillögunni sagði m.a. að
sveitarfélög hringinn í kringum
landið reyndu að sporna við lausa-
göngu katta í þéttbýli og jafnvel
banna slíkt. Engin rök eða beiðni
hefði komið fram sem kallaði á
breytingu á fyrri samþykkt.
Tveir fulltrúar, Kristinn Þór
Magnússon, sem jafnframt er bæjar-
stjóri, og Óli Halldórsson, greiddu
atkvæði gegn tillögunni og lögðu
fram bókun þar sem segir m.a., að
öryggi íbúa hafi nú verið tryggt á ný
með endurvakningu lausagöngu-
banns kattanna í þéttbýlinu. Köttur-
inn sé jú varasöm skepna sem geti
ekki skýlt sér á bak við það eitt að
hafa gengið laus í þúsund ár án
skaða.
„Fyrir heimilisketti Norðurþings,
og bræður þeirra sem kunna að hafa
íhugað flutning í þéttbýlissollinn, er
nú bara eitt að gera; flytja alfarið í
dreifbýlið út í guðs græna náttúruna
þar sem lausagangan hefur frá land-
námi verið að fullu heimil, t.d. í
Kelduhverfið þar sem smjör drýpur
af hverju strái.“
Lausaganga
katta bönnuð
 Stefnuleysi í lausagöngu ísbjarna
Morgunblaðið/Eggert
Var um sig Kettir mega ekki ganga
lausir í þéttbýli í Norðurþingi.
Staðfest var á þingi Norðurlanda-
ráðs í Ósló í gær að íslenska og
finnska verði opinber tungumál á
fundum ráðsins og fái sömu stöðu og
danska, norska og sænska.
Um er að ræða breytingu á 74.
grein starfsreglna Norðurlandaráðs.
Þar segir nú, að tungumál norrænu
ríkjanna séu talin jafngild á fundum
Norðurlandaráðs. Frá og með 1. jan-
úar 2020 verður bætt við, að opinber
tungumál ráðsins séu danska,
finnska, íslenska, norska og sænska.
Margra ára umræður
Fram kemur á vef ráðsins, að
ákvörðunin sé stefnumarkandi og
byggð á margra ára umræðum sem
oft og tíðum hafi verið nokkuð krefj-
andi. Í röksemdum fyrir ákvörðun-
inni er lögð áhersla á lýðræði og
jöfnuð og þá sérstaklega að allir
þingmenn skuli eiga þess kost að tjá
sig á sínu eigin tungumáli, bæði í
ræðu og riti.
Túlkun á og úr finnsku og íslensku
er þegar skipulögð eftir þörfum á
öllum fundum ráðsins og öll mikil-
væg gögn eru þýdd á finnsku og ís-
lensku. Á vef Norðurlandaráðs seg-
ir, að þörfin fyrir túlkun hafi aukist
verulega undanfarin ár og haft í för
með sér stigvaxandi kostnað. Í
ákvörðun ráðsins kemur fram að
greina verði betur kostnaðarlegar
afleiðingar breytinganna sem geri
að verkum að þær geta ekki tekið
gildi fyrr en í ársbyrjun 2020. Meðal
þess sem kannað verði í undirbún-
ingnum sé hvort unnt væri að taka
upp fjartúlkun í framtíðinni og ná
þannig niður kostnaði.
Vinnutungumálin á skrifstofu
Norðurlandaráðs verða áfram
danska, norska og sænska en ráðið
staðfestir að alltaf verði að vera fyrir
hendi starfsfólk á skrifstofunni sem
búi einnig yfir staðgóðri þekkingu á
íslensku og finnsku.
gummi@mbl.is
Fimm opinber tungumál í Norðurlandaráði
 Kannað hvort hægt sé að taka upp
fjartúlkun á fundum ráðsins
Norden.org/Johannes Janssen
Norrænir þingmenn Sjötugasta þing Norðurlandaráðs stendur nú yfir í Ósló, höfuðborg Noregs. Því lýkur í dag.