Morgunblaðið - 01.11.2018, Qupperneq 63

MINNINGAR 63
MORGUNBLAÐIÐ FIMMTUDAGUR 1. NÓVEMBER 2018
✝ Þorsteinn Guð-bergsson fædd-
ist í Reykjavík 22.
september 1938.
Hann lést á Heil-
brigðisstofnun
Vestfjarða á Pat-
reksfirði 4. október
2018.
Foreldrar hans
voru Guðbergur
Jónas Jónsson, f.
22.5. 1914, d. 24.11.
1951, og Áslaug Þorsteins-
dóttir, f. 12.2. 1919, d. 28.11.
1995. Albróðir Þorsteins var
Sigurjón Gunnar, f. 10.4. 1940,
d. 24.1. 2017. Systkin Þorsteins
sammæðra eru Kristín, f. 12.2.
1948, d. 2.9. 1998, Haukur, f.
26.9. 1950, d. 23.12. 2010, Klem-
enz, f. 12.4. 1953, d. 3.3. 2006,
Guðrún, f. 5.11. 1955, d. 20.5.
fluttist síðar ásamt móður og
bróður sínum að Dýrastöðum í
Norðurárdal. Þorsteinn útskrif-
aðist frá Samvinnuskólanum á
Bifröst 1958 og flutti í kjölfarið
til Patreksfjarðar til að starfa í
Vatneyrarbúð. Þaðan lá leiðin
til Reykjavíkur og starfaði Þor-
steinn sem skrifstofumaður hjá
Sindrasmiðjunni en síðar flutt-
ist hann ásamt Þuríði til
Hafnarfjarðar og rak verslun-
ina Hraunver. Þorsteinn fékk
starf hjá Hamri í Reykjavík og
vann þar í 14 ár. Eftir það festi
hann kaup á Versluninni Drífu í
Kópavogi en rekstri hennar var
hætt árið 1990. Þorsteinn flutt-
ist til Patreksfjarðar 1992 og
tók við starfi umsjónarmanns
orlofsbyggðarinnar í Flóka-
lundi sama ár og starfaði við
það til ársins 2008 eða þar til
hann komst á eftirlaun. Þor-
steinn starfaði að auki við ýmis
önnur störf á Patreksfirði, að-
allega í fiskvinnslu, m.a. hjá Út-
gerð Leifs Halldórssonar.
Útförin hefur farið fram í
kyrrþey að ósk hins látna.
1956, og Guðrún, f.
19.7. 1958. Systkin
Þorsteins samfeðra
eru Inga, f. 3.11.
1946, Skapti, f. 9.7.
1948, og Guðbjörg,
f. 17.7. 1951.
Þorsteinn
kvæntist Þuríði
Gunnhildi Ingi-
mundardóttur,
hjúkrunarfræðingi,
f. 29.9. 1940, og
eignuðust þau einn son, Brynjar
Þór, lektor við Háskólann á Bif-
röst, f. 20.5. 1970, maki Guð-
ríður Leifsdóttir þjónustustjóri
hjá VÍS, f. 9.7. 1975. Börn
þeirra eru Patrekur Bergmann,
f. 18.5. 1999, og Filippía, f. 30.6.
2010.
Þorsteinn eyddi fyrstu árum
sínum að mestu í Reykjavík en
Elsku afi minn, ég sakna þín
mjög mikið og vona að þér líði
vel núna.
Þín afastelpa
Filippía.
Aldrei mun ég gleyma Steina
afa mínum, alltaf var hann var
góður við mig og vildi allt fyrir
mig gera. Með honum átti ég
margar gleðistundir sem hafa
skapað ógleymanlegar minning-
ar og þær eru dýrmætar núna
þegar hann hefur kvatt okkur
og ferðast inn í draumalandið
sitt. Ég man hvað ég hlakkaði
mikið til þegar ég vissi að ég
ætti að fara í heimsókn til
Steina afa. Á sumrin vann hann
í Flókalundi og þangað var sko
gaman að koma. Sundlaugin og
umhverfið allt var ein paradís
fyrir lítinn gutta, frábær staður
til að vera með afa og hjálpa
honum í vinnunni og eyða tíma
með honum. Reka kindurnar í
burtu, mála og gera við hitt og
þetta eða bara vera inni og
hlusta á rigninguna. Hann afi
var alltaf svo jákvæður og glað-
ur og var yndislegur maður
sem sýndi mér ekkert nema ást
og kærleik. Afi kenndi mér að
það er tilgangslaust að skipta
skapi yfir einhverju smávægi-
legu, það hefur bara neikvæð
áhrif á sálina, betra er að brosa
og vera jákvæður, eins og
Steini afi, þegar eitthvað bját-
aði á.
Elsku afi minn, ég sakna þín
mikið og þakka þér fyrir allar
stundirnar sem við áttum, ég
veit að þér líður betur núna.
Þinn afastrákur.
Patrekur Bergmann.
Ástkær mágur og öðlingur
hefur kvatt, Þorsteinn Guð-
bergsson á Patreksfirði.
Örlagavefur Steina og Þurýj-
ar hefur verið samofinn ást og
umhyggju frá fyrstu tíð: Hún
kom 17 ára frá Patreksfirði í
eldhús Samvinnuskólans á Bif-
röst. Hann sveitastrákur frá
Dýrastöðum í Norðurárdal,
tveimur árum eldri og sestur á
skólabekk. Í ægifögru umhverfi
stigu þau sín fyrstu gæfuspor
og sextíu og einu ári síðar voru
þau ennþá ástfangin upp fyrir
haus.
Ennþá er auðvelt að kalla
fram tilhlökkunina þegar beðið
var eftir stóru systur með unn-
ustann. Í Aðalstræti 88 var mik-
ill viðbúnaður, hnallþórur móð-
ur okkar biðu í búrinu, herbergi
stóru systur var nánast dauð-
hreinsað, allir biðu með eftir-
væntingu. Steini brást okkur
ekki þá sem endranær, hann
bræddi hjörtu allra við fyrstu
sýn; varð stóri og góði bróð-
irinn, þreyttist aldrei á spur-
ulum stelpuhnokkum og lék við
þá. Og foreldrar okkar litu á
hann sem son sinn frá fyrstu
stundu.
Á öllum þessum árum hefur
lítið breyst, ljúflingurinn Steini
hefur haldið áfram að leika við
systrabörnin og barnabörnin
hafa líka fengið að njóta þess.
Systir okkar og mágur hafa
verið samhent á lífsgöngu sinni,
málfarið ber þess vitni: Þau eru
í daglegu tali Steini Þurýjar og
Þurý Steina! Gestrisni þeirra
var eðlislæg, fallegt heimili
þeirra hefur alla tíð staðið okk-
ur systrum opið. Sjálfsagt þótti
að ein systirin hefði vetursetu
hjá þeim með yngsta barn sitt
þegar aðstæður höguðu þannig
til.
Mágur okkar var hógvær
maður, tranaði sér ekki fram að
óþörfu en sérhvert orð hans vó
þungt þegar hann tók til máls.
Hann var réttsýnn, sá jafnan
fleiri en eina hlið á mönnum og
málefnum og aldrei heyrðist
hnjóðsyrði hrjóta af vörum
hans um samferðarmenn.
Lundin hans var einstaklega
ljúf, broshrukkur kringum augu
hans báru þess vel vitni hvað
stutt var í glens og gaman. Allt
lék í höndum hans, hvort sem
var hellulögn, múrverk, smíðar
og málning, og hann var með
eindæmum hjálpfús. Hann
munaði til að mynda ekkert um
að koma að vestan og dvelja
helgi hjá einni systurinni og
skilja íbúð hennar eftir nýmál-
aða þegar hann hélt til baka.
Fjölskyldan var Steina okkar
allt og afahlutverkið átti sér-
deilis vel við hann. Patrekur og
Filippía hafa misst mikið þegar
afi er ekki til staðar.
Elsku stóra systir, óendan-
lega fallegar minningar hrann-
ast upp þegar hjartans Steini
er kvaddur.Við endum kveðju-
orð okkar úr ljóði Rósu ömmu
þegar hún kvaddi afa, Þórarin
K. Ólafsson, hinstu kveðju:
Þú baðst um það að mega fyrri fara,
fengin er þessi kæra óskin þín,
og ráðgjafinn telur mig hæfari að
hjara,
hérna um tíma, fremur en þig án
mín.
Þig kveðja og þakka ástvinirnir allir,
umhyggjan þín hún var svo dásam-
leg,
nú er þín leið um himins dýrðar
hallir,
hjartkærir vinir fara um sama veg.
Vertu nú sæll, já, sæll um eilífð alla,
ávallt þig leiði Jesú kærleiks mund.
Ég veit að bráðum klukkurnar mig
kalla,
kemst ég þá aftur, vinur, þinn á
fund.
(Sigurrós Guðmundsdóttir frá Sauð-
eyjum)
Sigþrúður, Hallfríður
og Björg Jóhönnu-
og Ingimundardætur.
Elsku Steini,
Heimili ykkar Þurýjar á Pat-
reksfirði stóð mér alltaf opið,
fullt af ást og kærleika (og góð-
um mat). Ég man eftir þér sem
hlýjum og góðum manni, þú
varst alltaf greiðvikinn og
skemmtilegur.
Þegar ég skrifa þessi orð til
þín þá reikar hugurinn fljótt til
Flókalundar. Þolinmæði þín
fyrir ungum strák sem var mik-
ið niðri fyrir var aðdáunarverð,
svona eftir á að hyggja. Ég
man eftir að hafa elt þig um
alla orlofsbyggð og skellt mér
til sunds í lauginni þinni. En
minnisstæðast af öllu er þegar
við gengum um allt og — vopn-
aðir sleifum og pottum – gerð-
um heiðarlega tilraun til að
reka burt kindur sem létu sér
fátt um finnast.
Við Heiða hugsum til þín
með söknuði og reynum –
ásamt fleirum – að hugsa jafn
vel um hana Þurý þína og þú
gerðir.
Takk fyrir allar góðu stund-
irnar.
Þinn,
Brynjar Örnu- og Guðnason.
Þorsteinn
Guðbergsson
✝ Jóhanna Kol-brún Jóhannes-
dóttir var fædd í
Reykjavík 7. júlí
1949. Hún lést á
líknardeild Land-
spítalans í Kópa-
vogi 15. október
2018.
Foreldrar henn-
ar voru Jóhannes
Jónsson, f. á Litlu-
Þverá í Fljótum í
Skagafirði 14. júlí 1911, d. 23.
ágúst 1991, og Sigurbjörg Þor-
leifsdóttir, f. á Hofi í Norðfirði
17. desember 1912, d. 20. júlí
2003.
Systkini Jóhönnu eru Sigmar
Norðfjörð Jóhannesson, f. 1935,
d. 2015, Þorleifur Guðmundur
Jóhannesson, f. 1937, Jón Þórir
Jóhannesson, f. 1940, Sigrún
Hildur Jóhannesdóttir, f. 1941,
Anna Björk Jóhannesdóttir, f.
Einarsson, f. 1993. 3) Helena
Dröfn Jónsdóttir, f. 1973. Maki
Árni Bragason, f. 1967. Börn
þeirra eru a) Hlynur Þór Árna-
son, f. 1992. Maki Saga Ýr Kjart-
ansdóttir, f. 1991. Dóttir þeirra
er Lea Karin, f. 2015 b) Karen
Mjöll Árnadóttir, f. 1995. Maki
Atli Már Valtýsson, f. 1992. Dótt-
ir þeirra er Anja Myrk, f. 2017 c)
Kristjana Árnadóttir, f. 1985.
Maki Eiríkur Jónsson, f. 1983.
Dætur þeirra eru Eva Natalie, f.
2007, og Nadia Liv, f. 2014. Frá
fyrri sambúð átti Jón dótturina
Petrínu Guðrúnu Jónsdóttur, f.
1963. Maki Vigfús Vigfússon, f.
1960. Börn þeirra eru: a) Vigfús
Vigfússon, f. 1983. Maki Rachel
Enock Mkindi, f. 1992 b) Selma
Dögg Vigfúsdóttir, f. 1989. Maki
Egill Jóhannsson, f. 1988, dóttir
þeirra er Embla f. 2015.
Jóhanna var uppalin í Blesu-
gróf og bar hún sterkar taugar
til staðarins alla tíð. Jóhanna
starfaði við hin ýmsu verslunar-
og þjónustustörf, lengst af í
þvottahúsi Landakotsspítala.
Útför hennar fór fram frá
Grafarvogskirkju 29. október
2018.
1947 og Óli Sævar
Jóhannesson, f.
1951.
Jóhanna kvænt-
ist Jóni Edward
Wellings, f. 12. júní
1941, þann 12.
september 1996.
Börn þeirra eru
1) Jóhannes Jóns-
son, f. 1967. Maki
Guðrún Ásta Guð-
jónsdóttir, f. 1963.
Börn þeirra eru Ásta Kolbrún, f.
1996, og Jón Andri, f. 2000. Fyrir
átti Guðrún Ásta þau Jóhönnu
Jakobsdóttur, f. 1980, og Daníel
Viðarsson, f. 1989. 2) Ragnheið-
ur Klara Jónsdóttir, f. 1970.
Maki Einar Geirtryggur Skúla-
son, f. 1963. Börn þeirra eru: a)
Elísa Örk Einarsdóttir, f. 1988.
Maki Henry Þór Reynisson, f.
1980. Sonur þeirra er Reynar
Erik, f. 2011. b) Patrekur Ægir
Elsku mamma mín.
Eins og lífið getur verið gott
og yndislegt getur það líka verið
sárt og ósanngjarnt og þannig
er það svo sannarlega núna. Ég
á hins vegar margar fallegar og
dýrmætar minningar um þig
sem eiga eftir að ylja mér um
hjartarætur alla daga.
Þú vildir alltaf hafa allt í röð
og reglu, alltaf var heimilið
hreint og snyrtilegt, allt sem þú
gerðir gerðir þú vel.
Ég er þakklát fyrir að hafa
fengið að alast upp í þessum
gæðum og hef ég svo sannarlega
tekið það með mér inn á mitt
heimili. Til að komast í gegnum
þessa sorg verð ég að trúa því
að þetta hafi einhvern tilgang.
Ég elska þig, mamma mín, og
söknuðurinn verður mikill.
Þín dóttir,
Helena.
Ég horfði í gegnum gluggann,
á grafhljóðri vetrarnóttu
og leit eina litla stjörnu,
þar lengst úti í blárri nóttu.
Hún skein með svo blíðum bjarma,
sem bros frá liðnum árum,
hún titraði gegnum gluggann,
sem geisli í sorgartárum.
(Magnús Ásgeirsson)
Elsku amma, það er sárt að
kveðja en minningarnar ylja.
Takk fyrir allt.
Selma Dögg, Vigfús
og fjölskyldur.
Nú er komið að kveðjustund,
rúmum þremur árum eftir að þú
greindist með illvígt krabba-
mein, og minningarnar streyma
fram. Ég ætla aðeins að nefna
nokkrar sem sitja fast í huga
mér.
Ég man aldrei eftir pabba án
þín, Jóhanna mín. Ég man þegar
ég var að koma til ykkar á
Freyjugötuna í litla bakhúsið
sem mér fannst svo fallegt að
kíkja á litlu systkinin mín þrjú.
Þú tókst alltaf svo vel á móti
mér, gafst mér mjólk og eitt-
hvað gott að borða. Mér leið svo
vel hjá ykkur þrátt fyrir að vera
mikið feimin.
Þegar ég var að koma suður
að vestan var oft virkur dagur
og þið pabbi í vinnu hjá DV. Ég
fékk þá að fara með í vinnuna að
keyra út blöð í verslanir og
sjoppur og fannst mér það voða
mikið sport. Ein mjög sterk
minning er þegar við fórum bara
tvær að kaupa á mig föt, ég var
um 12 ára. Við fórum víða á
Laugaveginum að skoða en end-
uðum svo í Karnabæ, þar sem
við keyptum gallabuxur og sítt
gallavesti. Það sem ég var
ánægð þennan dag – mér leið
eins og prinsessu. Vegna þess
hversu góð þú varst mér alla tíð
og tókst mér vel varstu mér góð
fyrirmynd þegar ég fékk hann
Birgi Má minn í bónus með
Fúsa mínum. Ég vona að ég hafi
reynst honum jafn vel og þú
mér. Ein minning enn, það var
þegar ég hringdi fyrir um 36 ár-
um og tilkynnti ykkur pabba að
þið væruð að verða amma og afi.
Þið voruð voða glöð en þér
fannst þú nú kannski full ung,
aðeins 33 ára. Þú tæklaðir þetta
sko alveg og reyndist hin besta
amma fyrir Fúsa minn og Selmu
mína. Takk innilega fyrir það og
allt annað sem þú hefur gert
fyrir mig og mína, elsku Jó-
hanna.
Elsku pabbi, Jói, Ragnheiður,
Helena og fjölskyldur, megi góð-
ur guð vaka yfir og veita ykkur
styrk.
Athvarf hlýtt við áttum hjá þér
ástrík skildir bros og tár.
Í samleik björt, sem sólskinsdagur
samfylgd þín um horfin ár.
Fyrir allt sem okkur varstu
ástarþakkir færum þér.
Gæði og tryggð gafstu
í verki góðri konu vitni ber.
Aðalsmerkið: elska og fórna
yfir þínum sporum skín.
Hlý og björt í hugum okkar
hjartkær lifir minning þín.
(Ingibjörg Sigurðardóttir)
Þín,
Petrína (Peta).
Jóhanna Kolbrún
Jóhannesdóttir
Elsku hjartans
vinurinn, nú hefur
þú kvatt þennan
heim eftir erfiða
baráttu. Þú barðist eins og hetja,
alltaf svo jákvæður og með þá
hugsun að létta okkur hinum
gönguna. Ekki veit ég hvernig ég
fer í gegnum þessa erfiðu tíma,
það er erfitt að hugsa sér vetur-
inn án þín og komandi sumar. Þú
varst alltaf með mér í öllu sem við
tókum okkur fyrir hendur, jafnt
úti sem inni og allt var gert með
gleði í hjarta.
Þó þú hafir þurft að hætta á
sjónum veikindanna vegna, þá yf-
irgaf sjómennskan þig aldrei. Þú
hringdir daglega í bræður þína
og spurðir aflafregna og þegar
heilsa leyfði, fórst þú og landaðir
með þeim, elskaðir að finna ilm-
inn af sjónum og standa vaktina á
krananum.
Þér var mjög umhugað um líð-
an allra í kringum þig, varla leið
sá dagur að ekki væri hringt í
börnin okkar til að athuga hvern-
ig dagurinn hefði gengið. Þá
fengu þau að heyra hvernig dag-
urinn okkar hefði verið og hvað
við hefðum áorkað þann daginn.
Það var alltaf stutt í grín og
glens, jafnvel send mynd eða
myndband. Þessar myndir getum
við nú skoðað og hugsað til þín,
rifjaðar upp góðar minningar,
ýmist grátið eða hlegið.
Þú varst mikill íþróttaunnandi,
elskaðir fótbolta og varst mikill
aðdáandi Man. Utd og lagðir þitt
af mörkum til að stækka klúbb-
inn bæði með þínum börnum og
annarra. Það var oftar en ekki
auðvelt fyrir þig að sannfæra
systkinabörnin okkar um að
United væri besta liðið. Þér var
Guðmundur Arnar
Hermannsson
✝ GuðmundurArnar Her-
mannsson fæddist
21. maí 1962. Hann
lést 28. september
2018. Útförin fór
fram 11. október
2018
þá einnig umhugað
um að börnin okkar
stunduðu íþróttir
enda lagðir þú mikið
upp úr heilbrigðu
líferni. Ég mun ekki
gleyma þeim stund-
um sem við áttum
saman í heilsurækt-
inni, hjóla-, göngu-
og hlaupaferðunum
okkar fram í dal, eða
öllum fótboltamót-
unum og ferðalögunum sem við
fórum með börnunum okkar.
Þær voru allar yndislegar og
vekja góðar minningar.
Elsku Gummi minn, það verð-
ur erfitt að koma heim úr
vinnunni og heyra ekki „hæ hæ,
ertu kominn? Komdu og spjall-
aðu við mig“ eða „komdu og fáðu
þér kaffi með mér“. Elsku vinur,
þetta verður okkur öllum svo erf-
itt því þú varst svo einstaklega
flottur karakter, reyndir alltaf að
vera jákvæður og finna jákvæðu
punktana, sama hversu erfiðar
niðurstöðurnar voru. Hjá börn-
unum okkar er skarðið stórt, og
verður það erfitt að fylla. Þú
varst svo duglegur að leiðbeina
þeim ef þau vantaði aðstoð, þó
það væri bara smá spjall. Ég mun
reyna allt hvað ég get en það
kemur seint í þinn stað.
Elsku hjartans vinurinn, við
munum halda áfram að lifa eftir
þínu lífsmottói „ég get, ætla og
skal “, engin orð fá jafn vel lýst
lífi þínu og persónuleika. Ég get
seint þakkað að fullu þá heppni
að hafa orðið á vegi þínum fyrir
36 árum síðan, að hafa fengið að
deila þessum hluta ævinnar með
þér og eignast fjölskylduna okkar
saman. Takk fyrir öll hlátrasköll-
in og gleðina sem fyllti líf okkar
saman, þér mun ég aldrei
gleyma, elsku hjartað mitt. Guð
gefi að þér líði vel þar sem þú ert
núna, laus við allar þjáningar og
verki. Elsku Gummi minn, þú ert
og verður alltaf ástin í mínu lífi.
Þín
Anna Guðrún.
Morgunblaðið birtir minningargreinar endurgjaldslaust alla
útgáfudaga.
Skil | Þeir sem vilja senda Morgunblaðinu greinar eru vinsamlega
beðnir að nota innsendikerfi blaðsins. Smellt á Morgunblaðslógóið í
hægra horninu efst og viðeigandi liður, „Senda inn minningargrein,“
valinn úr felliglugganum. Einnig er hægt að slá inn slóðina
www.mbl.is/sendagrein
Skilafrestur | Ef óskað er eftir birtingu á útfarardegi verður greinin
að hafa borist eigi síðar en á hádegi tveimur virkum dögum fyrr (á
föstudegi ef útför er á mánudegi eða þriðjudegi).
Þar sem pláss er takmarkað getur birting dregist, enda þótt grein ber-
ist áður en skilafrestur rennur út.
Minningargreinar