Morgunblaðið - 01.11.2018, Blaðsíða 74

74 MENNING
MORGUNBLAÐIÐ FIMMTUDAGUR 1. NÓVEMBER 2018
Dalvegi 16c | 201 Kópavogur | Sími 568 6411 | rafvorur@rafvorur.is
Þvottavélar
og þurrkarar
sem taka
10,1 kg
Amerísk heimilistæki
rafvorur.isRAFVÖRUR ehf
Ljósmyndir Rutar og Silju
Skipholti 31 • 105 Reykjavík • Sími 568 0150
Opið virka daga 10-17 • www.rut.is • Ljósmyndir Rutar og Silju
Einstök
jólagjöf
Barna-
myndatökur
Guðrún Erlingsdóttir
ge@mbl.is
„Það er frábært að fá tækifæri til þess að
spila með Juliu Hülsmann, leiðandi djass-
konu frá Þýskalandi, og enn betra að bjóða
upp á tónleika með tveimur djasskonum á
tvö píanó,“ segir Sunna Gunnlaugsdóttir
um Tíbrártónleika sem fram fara í Salnum
í Kópavogi kl. 20 í kvöld.
„Hülsmann er mjög skapandi og leitandi
og vill gera eitthvað nýtt. Tónsmíðar henn-
ar eru milli þess að vera ómstríð tónlist og
hæfileg blanda af lýrík og melódíu. Tónlist
Hülsmann getur verið svolítið köntótt og
ýtt við landamærum fram og til baka,“
segir Sunna en á tónleikunum verður öll
tónlist eftir þær tvær auk þess sem þær
leika „The Water eftir Feist“ sem Hüls-
mann tók fyrir á hljómplötu sinni In full
view.
„Mín tónlist er að mestu melódísk og
þegar hún spilar mína tónlist á sinn hátt
og ég hennar á minn hátt myndast
skemmtilegt jafnvægi milli þess ljúfa og
beitta. Við vitum hvar við byrjum og
hvernig við ætlum að enda en allt þar á
milli er óvæntur, ævintýralegur spuni,“
segir Sunna, sem fylgst hafði með Hüls-
mann um nokkurt skeið áður en þær
spiluðu saman hjá sendiráði Íslands í
Berlín.
Hülsmann er á mála hjá ECM-útgáfunni
og hefur í tvígang hlotið elstu og virtustu
djassviðurkenningu Þýskalands. Sunna hef-
ur hlotið tónlistarverðlaunin sem flytjandi
ársins og var tilnefnd aftur í ár. Að sögn
Sunnu lék þær Hülsmann fyrst saman á
Play Nordic, hátíðinni í Berlín 2014. Næst
komu þær fram á Jazzhátíð Reykjavíkur
2016 og léku árið 2017 saman á Piano Salon
og listahátíðinni í Münsterland Berlín.
Einstök rödd sem vekur athygli
„Hülsmann er virkur talsmaður djassins
en hún er stofnandi JazzMusikerAufruf og
hefur gegnt formennsku í Þýska tónlistar-
félaginu. Hülsmann hefur vakið athygli um
allan heim fyrir einstaka rödd sem tónskáld
og píanóleikari,“ segir Sunna og bætir við
að 2007 hafi samstarf Hülsmann við ís-
lenska tónlistarmenn hafist þegar hún kom
fram með Strengjakvartett Gerðar
Gunnarsdóttur á djasshátíðinni í Berlín.
„Það gefst ekki oft tækifæri fyrir djass-
píanóleikara að spila á tvö píanó, hvað þá
tvær konur. En það tækifæri gefst í kvöld,“
segir Sunna, sem hlakkar til tónleikanna.
„Óvæntur ævintýralegur spuni“
 Djasskonur fá tækifæri til þess að leika á tvö píanó samtímis í Salnum í Kópavogi  Hülsmann og
Sunna túlka og spila verk hvor annarrar  Ómstríð tónlist og hæfileg blanda af lýrík og melódíu
Morgunblaðið/Eggert
Djasskonur Julia Hülsmann og Sunna
Gunnlaugsdóttir æfa í Salnum fyrir
tónleika kvöldsins.
Myndu jólin koma ef eng-in bók eftir ArnaldIndriðason kæmi út?Þessari spurningu velti
ég fyrir mér eftir lestur nýjustu
bókar hans, Stúlkunnar hjá brúnni.
Frá árinu 1997 hafa fjölmargir eytt
jólanóttinni við lestur bóka Arn-
aldar en Stúlkan hjá brúnni er 22.
bókin sem gefin er út eftir hann.
Arnaldur er einn af þeim sem láta
líta út eins og
vinnan sé ekkert
mál, en við Stúlk-
una hjá brúnni
virðist eins og
hann hafi ekkert
fyrir skrifunum.
Sagan flæðir
áfram áreynslu-
laust og það er
ekki erfitt að
hugsa sér að höf-
undur hafi sest niður við tölvu dag
einn og skrifað söguna í einum rykk.
Eins og í síðustu bók, Myrkrið
veit, er aðalsöguhetjan Konráð, lög-
reglumaður á eftirlaunum. Í grófum
dráttum er söguþráðurinn á þá leið
að eldri hjón sem Konráð kannast
við biðja hann um aðstoð vegna
ungrar konu í neyslu. Konráð er
hins vegar mest með hugann við
unga stúlku sem drukknaði í
Reykjavíkurtjörn árið 1961. Sög-
urnar tvinnast saman á sannfærandi
hátt þar sem sorgin og skömmin
umlykur allt.
Sögupersónurnar eru áhugaverð-
ar og Arnaldur gerir það listavel að
lýsa persónum og stöðum á áhuga-
verðan hátt, án þess þó að fara út í
óþarfa smámunasemi. Samtölin eru
einnig framúrskarandi, einföld og
eðlileg.
Þrátt fyrir að Stúlkan undir
brúnni sé spennusaga er ekki þar
með sagt að hraðinn og hasarinn sé
of mikill. Frekar njóta lesendur þess
að lesa vel skrifaða bók sem fær
hárin til að rísa á réttum stöðum.
Sagan dansar milli nútíðar og for-
tíðar og þrátt fyrir að Konráð sé að-
alsögumaður fá fleiri persónur sína
hluta. Eins og oft áður leynir sagn-
fræðileg þekking höfundar sér ekki
þegar sagan fjallar um liðna tíð.
Lýsingin er til að mynda býsna
skemmtileg þegar Konráð hugsar
með vanþóknun um háhýsin í
Skuggahverfinu: „Hann átti bágt
með að skilja hvers vegna heimska
mannanna þurfti endilega að velja
þennan stað og gera að ljótasta
bletti borgarinnar.“
Ólíkt flestum síðustu jólum mun
ég ekki fá nýjustu bókina eftir Arn-
ald í jólagjöf og ligg því ekki með
nefið ofan í henni á jólanótt. Aðrir
geta hlakkað til jólanna. Nema Arn-
aldur, hann er líklega búinn að lesa
bókina.
Morgunblaðið/Árni Sæberg
Afkastamikill Stúlkan hjá brúnni er 22. skáldsaga Arnaldar Indriðasonar.
Sorgin og skömmin
umlykur allt
Glæpareyfari
Stúlkan hjá brúnni bbbbm
Eftir Arnald Indriðason.
Vaka-Helgafell gefur út. 300 bls. innb.
JÓHANN ÓLAFSSON
BÆKUR