Morgunblaðið - 24.11.2018, Page 25

FRÉTTIR 25Erlent
MORGUNBLAÐIÐ LAUGARDAGUR 24. NÓVEMBER 2018
Bogi Þór Arason
bogi@mbl.is
Donald Trump, forseti Bandaríkj-
anna, hefur neitað því að leyniþjón-
ustan CIA hafi komist að þeirri
niðurstöðu að Mohammed bin Salm-
an, krónprins Sádi-Arabíu, hafi fyrir-
skipað morðið á sádiarabíska blaða-
manninum Jamal Khashoggi eins og
bandarískir fjölmiðlar hafa haft eftir
embættismönnum.
Trump sagði við blaðamenn í
fyrradag að í skýrslu frá leyniþjón-
ustunni kæmi fram að embættis-
menn hennar hefðu ákveðna hluti á
„tilfinningunni“. „Ég hef skýrsluna,
þeir hafa ekki komist að niðurstöðu,
ég veit ekki hvort nokkur getur kom-
ist að þeirri niðurstöðu að krónprins-
inn hafi gert þetta,“ bætti hann við.
Fjölmiðlar hafa hins vegar eftir
embættismönnum að CIA hafi kom-
ist að þeirri niðurstöðu að krónprins-
inn hafi fyrirskipað morðið, þeirra á
meðal dagblöðin The New York Tim-
es og The Wall Street Journal. Krón-
prinsinn er valdamesti maður al-
ræðisstjórnar Sádi-Arabíu sem er
íslamskt konungsríki.
The Wall Street Journal hefur eft-
ir bandarískum embættismönnum að
CIA hafi komist að þeirri niðurstöðu
að morðið á Khashoggi hafi verið
framið að fyrirmælum krónprinsins.
Blaðið hefur eftir heimildarmönnun-
um að niðurstaðan byggist meðal
annars á netnjósnum bandarískra
leyniþjónustumanna og gögnum sem
tyrknesk yfirvöld hafi látið CIA í té.
Nokkrir þingmenn úr röðum repú-
blikana og demókrata hafa hvatt til
þess að gripið verði til refsiaðgerða
gegn stjórnvöldum í Sádi-Arabíu
vegna máls Khashoggis sem var
myrtur á ræðisskrifstofu landsins í
Istanbúl 2. október. Trump hefur
hins vegar lagt áherslu á mikilvægi
áframhaldandi samstarfs við kon-
ungsstjórnina í Sádi-Arabíu fyrir
efnahags- og öryggishagsmuni
Bandaríkjanna. Forsetinn sagði fyrr
í vikunni að „það gæti vel verið“ að
krónprins Sádi-Arabíu hefði vitað af
morðinu á Khashoggi en bætti við:
„Kannski vissi hann af því, kannski
ekki!“ Hann áréttaði að hann teldi
það „heimskulegt“ að stofna banda-
rískum störfum og efnahag heimsins
í hættu með því að storka stjórnvöld-
um í Sádi-Arabíu.
Vopnasala stöðvuð
Stjórnin í Finnlandi skýrði frá því í
fyrradag að hún hefði ákveðið að
hætta að veita ný leyfi til vopnasölu
til Sádi-Arabíu vegna morðsins á
Khashoggi og þáttar landsins í
stríðshörmungunum í Jemen þar
sem milljónir manna eru á barmi
hungursneyðar. Áður höfðu stjórn-
völd í Danmörku, Noregi og Þýska-
landi ákveðið að stöðva vopnasölu til
Sádi-Arabíu tímabundið vegna
morðsins og lofthernaðar Sáda í
Jemen.
AFP
Heimsókn Mohammed bin Salman, krónprins Sádi-Arabíu, með Mohammed
bin Zayed (t.h.), krónprinsi furstadæmisins Abu Dhabi, í Dubaí.
Trump neitar
fréttum um
niðurstöðu CIA
 Norræn ríki stöðva vopnasölu
Gæti rætt við Erdogan
á G20-fundi
» Mohammed bin Salman,
krónprins Sádi-Arabíu, er nú í
fyrstu utanlandsferð sinni í
opinberum erindagjörðum eftir
morðið á Jamal Khashoggi.
» Bin Salman ræddi við ráða-
menn Sameinuðu arabísku
furstadæmanna í Dubaí í fyrra-
dag og fer þaðan til nokkurra
annarra arabaríkja.
» Krónprinsinn hyggst sitja
leiðtogafund G20-ríkjanna í
Argentínu í næstu viku.
Hugsanlegt er að hann ræði þá
við Recep Tayyip Erdogan, for-
seta Tyrklands, sem hefur sagt
að morðið á Khashoggi sé
runnið undan rifjum stjórn-
valda í Sádi-Arabíu.
Síðumúli 13 • 108 Reykjavík • 552 9641 • seimei.is
seimeiisland • seimei.is
Opið mánud.-fimmtud. kl. 12-18, föstud. og laugard. kl. 12-16
Aðalfundur Golfklúbbs Reykjavíkur 2018
verður haldinn í Golfskálanum Korpúlfsstöðum, þriðjudaginn 4. desember kl. 20:00.
Dagskrá:
Í upphafi aðalfundar skal kjósa sérstakan fundarstjóra og ritara eftir tilnefningu.
1. Skýrsla formanns.
2. Kynning á endurskoðuðum ársreikningi félagsins.
3. Umræður um skýrslu formanns og ársreikning sem síðan
skal borinn upp til samþykktar.
4. Umræður og atkvæðagreiðsla framkominna tillagna um
lagabreytingar ef einhverjar eru.
5. Afgreiðsla tillagna til lagabreytinga.
6. Ákveðið árgjald og önnur gjöld fyrir næsta starfsár.
7. Kosning stjórnar og varamanna í stjórn.
8. Kosning tveggja endurskoðenda og eins til vara.
9. Önnur málefni ef einhver eru.
Virðingarfyllst, stjórn GR.
Athugið að ársskýrsla GR verður að þessu sinni einungis tiltæk á rafrænu formi, ekki á pappír.
Kvenréttindakonur hafa verið pyntaðar í fangelsum í Sádi-Arabíu og
pyntingarnar eru liður í tilraunum stjórnvalda til að kveða niður gagnrýni
á stefnu Mohammeds bin Salmans krónprins, að sögn The Wall Street
Journal. Blaðið hefur þetta eftir tveimur ráðgjöfum sádiarabísku kon-
ungsfjölskyldunnar, baráttumönnum fyrir mannréttindum og fleiri
heimildarmönnum sem þekkja til aðbúnaðar fanga í landinu. Þeir segja
að minnst átta af átján kvenréttindakonum, sem hafa verið handteknar á
árinu, hafi verið pyntaðar. Engin kvennanna hefur verið ákærð og mörg-
um þeirra hefur verið haldið í einangrun í nokkra mánuði. Þeim Sádum
sem hefur verið haldið í fangelsi í meira en sex mánuði án ákæru hefur
fjölgað mjög á síðustu árum. Í fyrra voru þeir 2.305 en 293 árið 2014.
Krónprinsinn hefur boðað aukið frjálslyndi í landinu en sýnt að gagn-
rýni á ráðamennina verður ekki liðin. Talið er að markmiðið með handtök-
unum sé að þagga niður í fólki sem krefst meiri og hraðari umbóta en
hann hefur léð máls á.
Kvenréttindakonur pyntaðar
REYNT AÐ KVEÐA NIÐUR GAGNRÝNI Á STJÓRN SÁDI-ARABÍU