Morgunblaðið - 27.11.2018, Qupperneq 14

14 FRÉTTIRInnlent
MORGUNBLAÐIÐ ÞRIÐJUDAGUR 27. NÓVEMBER 2018
Kíktu á verðið
SMÁRALIND
www.skornirthinir.is
• Kuldaskór úr mjúku leðri
• Fóðraður með ull og því
einstaklega hlýr
• Rennilás að innanverðu
• Grófur gúmmísóli með
gúmmíbroddum
Tilboðsverð
6.798
verð áður 16.995
stærðir 36-42
Kuldaskór
Sigtryggur Sigtryggsson
sisi@mbl.is
Kostnaður við endurbætur á Grön-
dalshúsi var 238 milljónir króna.
Þetta var upplýst á síðasta fundi
borgarráðs. Fram kemur í bókun
borgarráðsfulltrúa Sjálfstæðis-
flokksins að upphafleg fjárhags-
áætlun hafi verið 40 milljónir
króna.
Miðað við uppreiknaða bygging-
arvísitölu frá 2009 er þessi upphæð
60 milljónir í dag. Því má segja að
verkið hafi farið
297% fram úr
áætlun. „Endur-
bætur á einu húsi
fyrir 238 millj-
ónir króna eru há
fjárhæð,“ bókuðu
sjálfstæðismenn
og óskuðu eftir
skýringum á
þessu. Árið 2016
ákvað Icelandair
Group að leggja fram 30 milljónir
til endurgerðar hússins og starf-
seminnar þar.
Húsið, sem nú stendur í Grjóta-
þorpi, var opnað á þjóðhátíðardag-
inn 2017 og er þar rekið menning-
arhús í minningu Benedikts
Gröndals, skálds og fræðimanns.
Fram kemur í umsögn skrifstofu
eigna og atvinnuþróunar hjá borg-
inni að Gröndalshús hafi upphaflega
staðið að Vesturgötu 16b. Húsið var
byggt 1881, en Benedikt Gröndal
Sveinbjarnarson keypti húsið 1888
og bjó í því þar til hann lést 1907.
Húsið er talið hafa mikið menning-
ar- og byggingarsögulegt gildi sakir
aldurs, sögu og gerðar sinnar og er
friðað. Reykjavíkurborg keypti hús-
ið 2006 með flutning þess í huga.
Það var flutt árið 2009 og hafin við-
gerð á því á Grandagarði í atvinnu-
tengdu samstarfsverkefni með
Völundarverki. Um var að ræða
endurbætur á ytri klæðningu,
gluggum og þaki. Eftir endurbætur
Völundarverks stóð húsið ónotað og
óupphitað allt þar til ákveðið var að
flytja það á endanlegan stað að
Vesturgötu 5b. Á árinu 2014 steypti
Minjavernd undirstöður undir húsið
á nýrri lóð og á vormánuðum 2015
var hlaðinn grágrýtissökkull undir
það og það flutt á hann í lok apríl. Í
grunni hússins var útbúin íbúð til
að auka notgildi hússins.
Rakaskemmdir eftir geymslu
Fornleifar fundust er grunnur
var tekinn fyrir húsið á nýjum stað
og eftir fornleifauppgröft og skrá-
setningu fornleifa var heimilað að
klára jarðvinnu. Húsið var allt end-
urgert að innan en einnig reyndist
nauðsynlegt að endurglerja húsið
sem og endurgera þakið vegna
rakaskemmda eftir langa geymslu
úti á Granda. Einnig voru milligólf
endurbyggð frá grunni til að auka
burðargetu þeirra. Allri endurgerð
hússins var hagað samkvæmt frið-
un þess sem og menningar- og
byggingarsögulegum gildum. Reynt
var að aðlaga húsið eins og kostur
var að aðgengismálum þrátt fyrir
form og aldur þess. Þá var gengið
frá lóð og hún aðlöguð að svæðinu í
kring.
Í samningi milli Reykjavíkur-
borgar og Minjaverndar voru val-
kvæð atriði varðandi eignarhald
hússins. Niðurstaðan varð að
Reykjavíkurborg væri eigandi
hússins en Minjavernd annaðist
endurgerð þess. Húsið er leigt af
menningar- og ferðamálasviði og
nýtt fyrir Bókmenntaborg Reykja-
víkur og er þar bæði sýning um
Benedikt Gröndal og aðstaða fyrir
rithöfunda og fræðimenn.
Frá árinu 2009, þegar verkefni
Völundarverks hófst, og til dagsins
í dag hefur 238.122.141 kr. verið
varið í endurbætur á Gröndalshúsi.
Langstærsti liðurinn er húsasmíði,
tæpar 189 milljónir.
238 milljónir í endur-
gerð Gröndalshúss
 Fór 297% fram úr áætlun  Óskað eftir skýringum
Morgunblaðið/Sigurður Bogi
Gröndalshús Stendur á nýjum stað í Grjótaþorpi og nýtur sín vel í nágrenni
gamalla húsa í Kvosinni. Í húsinu er rekið umfangsmikið menningarstarf.
Benedikt Gröndal
Aðgangur að þjóðskrá hjá Reykja-
víkurborg er ekki í samræmi við lög
um persónuvernd samkvæmt nýleg-
um úrskurði stofnunarinnar og hefur
borgin fengið frest til að laga heim-
ildir til aðgangs að skránni. Öllum
starfsmönnum Reykjavíkurborgar,
sem hafa aðgang að tölvu við störf
sín, er veittur aðgangur að ítarlegri
þjóðskrá á innri vef borgarinnar,
bæði grunn- og viðbótarupplýsing-
um.
Grunnskrá hefur að geyma nafn
einstaklings, kennitölu, heimili, póst-
númer, póststöð, bannmerkingu og,
eftir atvikum, nafn og póstfang um-
boðsmanns einstaklings sem búsett-
ur er erlendis. Viðbótarupplýsingar
geyma nafnnúmer, fjölskyldunúmer,
lögheimiliskóða, kyn, hjúskapar-
stöðu, ríkisfang, fæðingarstað, fæð-
ingardag, makakennitölu, lögheimil-
iskóða, dagsetningu breytinga,
aðseturskóða, dagsetningu nýskrán-
ingar, síðasta lögheimili á Íslandi,
hvort hlutaðeigandi sé nýr á skrá,
heimilisfang, afdrif, dagsetningu
brottfellingar og breytingu á nafni
eða kennitölu.
Forsaga málsins er sú að í desem-
ber á síðasta ári barst Persónuvernd
kvörtun yfir aðgangi að þjóðskrár-
upplýsingum hjá Reykjavíkurborg.
Sá sem kvartaði var fyrrverandi
starfsmaður borgarinnar. Taldi
hann að hægt væri að nota þessar
upplýsingar sér í óhag.
Persónuvernd telur ljóst að svo að
unnt sé að rækja lögbundin verkefni
Reykjavíkurborgar geti aðgangur að
þjóðskrá verið nauðsynlegur.
Persónuvernd telur þó í ljósi með-
alhófskröfu að svo víðtækur þjóð-
skráraðgangur sem starfsmenn
borgarinnar hafa sé ekki í samræmi
við lögin.
Of víðtækur að-
gangur að þjóðskrá
 Reykjavíkurborg
fær frest til úrbóta
hjá Persónuvernd
Morgunblaðið/Ómar
Reykjavíkurborg Starfsmenn höfðu
of víðtækan aðgang að þjóðskrá.
Afar flókið verður að koma tækja-
búnaðinum fyrir sem verður notaður
í verkefnið Flyover Iceland en stefnt
er á opnun risastórrar sýningar-
hvelfingar á Fiskislóð seinnipart
næsta sumars. Tækin munu fara inn
í húsið áður en lokið verður við að
byggja það. Í Flyover Iceland mun
fólk svífa um í sérhönnuðum sætum í
sýndarveruleika yfir helstu náttúru-
perlum Íslands og njóta útsýnisins
fyrir framan stóran skjá.
Að sögn Sigurgeirs Guðlaugs-
sonar, stjórnarformanns afþreying-
arfyrirtækisins Esju Attractions
ehf., er verið að senda búnaðinn til
landsins og stefnt er að uppsetningu
á meirihluta hans eftir áramót. Til
þess að hægt verði að koma búnað-
inum fyrir þarf húsið á Fiskislóð að
vera komið á ákveðið byggingarstig.
Vinna er hafin við að setja þar upp
burðarvirkið og eftir að þeim fram-
kvæmdum lýkur verður húsinu lok-
að utan um það. Því næst koma tæk-
in þangað inn og að því loknu verður
hægt að ljúka smíði hússins að fullu.
„Það verður keðjuverkandi lokun á
húsinu,“ segir Sigurgeir og bætir við
að stærðargráðan á öllu saman sé of-
boðsleg.
Í búnaðinum er m.a. skjár frá
Austurríki sem er 17 sinnum 20
metrar að breidd og hæð og 40 sæti
sem færast í átt að honum. Þau fara
10 til 14 metra upp í loftið meðan á
sýningunni stendur og sitja áhorf-
endurnir í öryggisbeltum. Um eins
konar háloftaheimsókn á tveimur
hæðum verður að ræða þar sem sæt-
in hreyfast í takt við myndirnar.
„Eins og þú svífir“
„Þetta er óhemju raunveruleg
upplifun, þér finnst eins og þú svífir
um í lausu lofti,“ segir hann og nefn-
ir að lofthrætt fólk ætti ekki að hafa
áhyggjur því slík tilfinning gleymist
um leið og sýningin hefst.
Tækin koma að mestu frá félagi
sem heitir Brogent Technologies í
Taívan og eru þau langstærsti ein-
staki kostnaðarliðurinn fyrir utan
húsið sjálft. Þungamiðjan í tækja-
búnaðinum er hið svokallaða i-Ride
með sætunum fjörutíu sem fyrir-
tækið hefur þróað. Heildarkostnað-
ur verkefnisins þegar allt er talið,
bæði bygging hússins, tækjabúnað-
urinn og að koma honum til landsins,
hleypur á milljörðum króna. Vel yfir
100 manns hafa unnið við verkefnið.
Veitingasalur og verslun verða á
neðri hæð hússins.
Stofnendur Flyover Iceland eru
þeir Sigurgeir, Robyn Mitchell og
Kevin Finnegan. Fyrirtækið Pursuit
sér um reksturinn.
Morgunblaðið/Kristinn Magnússon
Sýndarheimur Stefnt er að opnun stórrar sýningarhvelfingar á Fiskislóð í
Reykjavík næsta sumar og gefst fólki þar færi á að kynnast náttúrunni.
Tækin flutt inn áð-
ur en húsið klárast