Morgunblaðið - 27.11.2018, Side 29
DÆGRADVÖL 29
MORGUNBLAÐIÐ ÞRIÐJUDAGUR 27. NÓVEMBER 2018
Vagnhöfði 7, 110 Reykjavík | Sími: 517 5000 | stalogstansar.is
Ekki bara jeppar
2013
- 2017
DRIFSKÖFT
LAGFÆRUM – SMÍÐUM
JAFNVÆGISSTILLUM
OG SELJUM NÝ
Hjöruliðir og íhlutir í flestar gerðir bifreiða
Stjörnuspá
21. mars - 19. apríl
Hrútur Nú verður þú að hrökkva eða stökkva
því ekkert annað getur þokað málum þínum
áfram. Hlauptu undir bagga með vini sem
þarf aðstoð.
20. apríl - 20. maí
Naut Hristu af þér alla hræðslu og helltu þér
út í óvissuna. Reyndu að hlaða batteríin þeg-
ar tími gefst til þess. Ástarsamband hangir á
bláþræði.
21. maí - 20. júní
Tvíburar Þér opnast skyndilega nýr heimur
og átt fullt í fangi með að átta þig á öllu því
sem að honum fylgir. Ekki láta skjöl liggja á
glámbekk og gættu vel að orðum þínum.
21. júní - 22. júlí
Krabbi Viðkvæmt mál ber á góma og þótt
þér sé mikil raun að ræða álit þitt á því verð-
ur þú að gera það. Einhver slær þér gull-
hamra, þú átt þá skilið.
23. júlí - 22. ágúst
Ljón Þú finnur fyrir göfuglyndi og örlæti
gagnvart öllum í dag. Samstarfsfólk þitt mun
sjá þig í nýju ljósi. Leggðu slæmar venjur á
hilluna. Bíttu á jaxlinn.
23. ágúst - 22. sept.
Meyja Það er að færast meiri hraði í lífið hjá
þér. Reyndu samt að slaka á og neita verk-
efnum sem þú veist að þú getur ekki sinnt al-
mennilega.
23. sept. - 22. okt.
Vog Einhver vandamál skjóta upp kollinum
og valda þér erfiðleikum í stuttan tíma. Vertu
á varðbergi gagnvart því sem þú heyrir og
lest því ekki er allt sem sýnist og mál geta
verið lævi blandin.
23. okt. - 21. nóv.
Sporðdreki Settu þér ákveðin markmið til að
keppa að bæði í leik og starfi. Þér hættir til
að stinga höfðinu í sandinn þegar vandamál
koma upp, vendu þig af því.
22. nóv. - 21. des.
Bogmaður Þér verður falin aukin ábyrgð og
það vekur öfund sumra samstarfsmanna
þinna. Þú færð vísbendingu sem kemur þér
þægilega á óvart.
22. des. - 19. janúar
Steingeit Nú verður ekki lengur hjá því kom-
ist að horfast í augu við staðreyndir. Taktu því
rólega næstu viku, annríkið verður mikið eftir
þann tíma.
20. jan. - 18. febr.
Vatnsberi Varastu að láta draga þig inn í
deilur um mál sem þú átt enga aðild að. Af-
staða þín í vissu máli mun koma fjölskyldu og
vinum á óvart.
19. feb. - 20. mars
Fiskar Öllum breytingum fylgir nokkurt rót.
Taktu eitt skref í einu, þannig hefjast allar
ferðir. Þú færð skemmtilegt símtal frá göml-
um vini.
Stefjagróður“ er ný ljóðabók eft-ir einn af okkar snjöllustu hag-
yrðingum Ingólf Ómar Ármanns-
son. Hann er fæddur og uppalinn á
Króknum og byrjaði ungur að
yrkja. Á bakkápu segir: „Hann
stundaði vinnu til sjós og lands og
þekkir bæði landið og miðin, hesta-
maður af lífi og sál og náttúruunn-
andi. Öllu þessu bregður fyrir í
kveðskap hans:
Hálsinn reistur, hýr er brá,
hófa geyst fer ljónið.
Hrjóta gneistar grjóti frá,
greitt er þeyst um frónið.“
Eins og þessi staka ber með sér
leikur hringhendan honum á tungu.
Svona yrkir enginn nema Skagfirð-
ingur!:
Linar þraut og lægir stríð,
laðar fram það besta
að una sáttur alla tíð
við ástir, vín og hesta.
Og í „Göngum og réttum“:
Sungið var af miklum móð,
margan gladdi segginn.
Ærið kenndur oft ég stóð
upp við réttarvegginn.
Ingólfur Ómar er myndvís í stök-
um sínum og ljóðum. Hér yrkir
hann um haustið:
Sól á fætur silast,
sveipar geislum daufum
grundir, mel og mó.
Foldargróður fölnar,
falla lauf af trjánum,
fölvi þekur skóg.
Lyng og lautir roðna,
lindin tæra niðar
lágt við mosató.
Klökkvir svanir kvaka,
kul í sefi þýtur.
Kyrr er haustsins ró.
Nær allar ferhendur Ingólfs Óm-
ars eru með réttum tvíliðum en nú
bregður svo við að hann beitir þrí-
lið í síðustu hendingunni af mikilli
smekkvísi. Honum þykir vænt um
klárinn sinn og hér kemur það
fram:
Klárinn slyngur yfir urð
og um bungur þeysir.
Hefur hann fiman fótaburð,
fallega makkann reisir.
Ingólfur Ómar kann að meta „ís-
lenskan mat“:
Slíka fæðu mikils met,
má því una kátur:
Hér var saltað hrossaket,
hræringur og slátur.
Halldór Blöndal
halldorblondal@simnet.is
Vísnahorn
Stefjagróður
Ingólfs Ómars
„Ég geri bara þaÐ sem gera þarf og
spyr einskis. Þú ættir aÐ gera þaÐ
sama.”
„SagÐir þú hundinum aÐ hann fengi ekki
aÐ fara út í kvöld?”
Ferdinand
Hrólfur hræðilegi
Grettir
... að horfa saman á
næturhimininn.
Í klípu eftir Mike Baldwin eftir Jim UngerHermann
HMMM …
ÞÚ ÆTTIR AÐ ENDURSKOÐA
LÍFSVIÐHORF ÞÍN
ALLT Í
LAGI
ÉG ER
FRÁBÆR!
KAFAÐU AÐEINS
DÝPRA
HVAÐ GRÆDDIR ÞÚ MIKIÐ
FÉ Í FYRRA?
SVONA, SVONA … ÞAÐ ER EKKERT
SKAMMARLEGT VIÐ AÐ VERA LOÐINN!
ERTU AÐ MEINA
HVERSU LOÐINN ÉG
ER UM LÓFANA?
Víkverji fékk svokallað Óskaskrín íjólagjöf fyrir bráðum ári. Það er
sniðug gjöf eða eins og segir á
heimasíðu skrínsins: „Með Óska-
skríni gefurðu upplifanir í stað hluta
og það sem meira er, þú gefur við-
takandanum færi á að velja sína
uppáhalds upplifun úr fjölda freist-
andi möguleika sem leynast í hverju
boxi.“
x x x
Þetta var svokallað GourmetÓskaskrín sem þýðir að Víkverji
og betri helmingurinn geta skellt sér
út að borða á nokkrum völdum veit-
ingastöðum vítt og breitt um landið.
Gott mál.
x x x
Af ýmsum ástæðum dróst að komaþessu í verk en nýverið var ryk-
ið dustað af skríninu með tiltekinn
veitingastað í huga. Hann var sann-
arlega á listanum, þriggja rétta mál-
tíð, en hvað var a’tarna? Gjöfin gildir
ekki í nóvember og desember.
Hverslags vitleysa er það eiginlega?
Búið er að greiða fyrir gjörninginn
og stórfurðulegt að þiggjandi gjafar-
innar megi ekki njóta hennar þegar
honum hentar best.
x x x
Skýrt skal tekið fram að þetta áaðeins við einn af veitingastöð-
unum sem gjöfin nær til; hinir bjóða
mann allir velkominn í nóvember og
desember. Þannig að Víkverji hefur
ennþá svigrúm til að njóta gjafar-
innar.
x x x
Að vísu ekki lengi, því skríniðrennur út um áramótin; gildir
sumsé bara í eitt ár frá kaupdegi.
Sem er vitaskuld önnur vitleysa.
Veitingastaðir og verslanir hafa svo
sem tínt til einhver rök fyrir því að
gjafir sem þessar, innleggsnótur og
annað slíkt gildi bara í tiltekinn tíma
en Víkverji hefur aldrei botnað neitt
í þeim. Þegar veitingastaðurinn eða
verslunin hefur fengið fyrirfram
greitt er eðlilegast að aðgengi sé
óheft, svo lengi sem viðkomandi
staður er ennþá starfandi.
Annars er Víkverji bara þokka-
legur. vikverji@mbl.is
Víkverji
Og þetta er vitnisburðurinn: Guð hef-
ur gefið okkur eilíft líf og þetta líf er í
syni hans.
(Fyrsta Jóhannesarbréf 5.11)