Morgunblaðið - 20.12.2018, Qupperneq 16

16 FRÉTTIRInnlent
MORGUNBLAÐIÐ FIMMTUDAGUR 20. DESEMBER 2018
Margrét Þóra Þórsdóttir
Akureyri
Jólaverslun í höfuðstað Norður-
lands, Akureyri, hefur gengið vel
það sem af er en kaupmenn búa sig
undir stóra daga um komandi helgi,
síðustu dagana fyrir jól. Kaupmenn
höfðu vonast eftir því að Vaðlaheið-
argöng yrðu opnuð fyrir jól svo sem
til stóð fyrr í haust, en af því varð
ekki.
Þórhallur Jónsson formaður
Kaupmannafélags Akureyrar og ná-
grennis segir að allar samgöngu-
bætur séu af hinu góða og enginn
vafi á því að ef náðst hefði að opna
Vaðlaheiðargöng fyrir jól hefði það
haft jákvæð áhrif á jólaverslun á
Akureyri. „Það hefur hvarvetna
komið í ljós þar sem nýjar sam-
göngubætur hafa verið teknar í
gagnið, jarðgöng eða vegstyttingar,
að slíkt skiptir verulegu máli fyrir
þá íbúa sem njóta,“ segir hann.
Veður og færð það sem af er des-
ember hefur að langmestu leyti ver-
ið með besta móti, snjó kyngdi nið-
ur í fáeina daga í byrjun desember
en setti ekki verulegt strik í reikn-
inginn. Uppfrá því hefur veður ver-
ið skaplegt og færð ekki spillst.
„Við erum heppin að því leyti að tíð
hefur verið góð og menn hafa kom-
ist leiðar sinnar án tafa,“ segir Þór-
hallur.
Fólk kemur víða að
Hann segir ríka hefð fyrir því að
íbúar á Austurlandi bregði sér
norður til Akureyrar til að sinna
þar margvíslegum erindum fyrir
jólin og komi menn allt frá Reyð-
arfirði í þeim erindagjörðum. Þá
séu Skagfirðingar og Húnvetningar
mikið á ferðinni á Akureyri fyrir jól.
Þórhallur segir að til að mynda
kjósi íbúar á Hvammstanga margir
hverjir fremur að bregða sér norð-
ur en til höfuborgarinnar í suðri þó
svo að um álíka langan veg sé að
fara. „Við erum þekkt fyrir að veita
góða þjónustu og fjölbreytta. Hér
er skemmra á milli staða, minni um-
ferð og menn komast yfir að gera
meira heldur en á einum degi í
Reykjavík.“
Netverslun eykst
Þórhallur nefnir að netverslun
fari vaxandi og Akureyringar taki
þátt í henni líkt og aðrir, hvort
heldur sem verslað er í útlöndum
eða Reykjavík. „Kaupmenn í bæn-
um verða alveg varir við það að
mikið er verslað í gegnum netið. Ég
hugsa að búið væri að loka mörgum
verslunum hér á Akureyri ef ekki
væri fyrir sífellt fleiri ferðamenn
sem eru duglegir að versla hjá okk-
ur. Þeir halda lífinu í verslun hér
fyrir norðan,“ segir hann.
Þórhallur segir jólaverslun hafa
verið með besta móti undanfarin ár
og sama gildi fyrir þessi jól, hún sé
með svipuðum hætti og var í fyrra..
„En mér finnst aðeins farið að bera
á því að fólk haldi að sér höndum,
neysla fari ögn minnkandi, krónan
er sterk, nýlega hremmningar í
kringum flugfélagið Wow og hag-
vaxtarspár gera að verkum að fólk
verður varkárara, ætlar að sjá
hverju fram vindur.“
Svartur föstudagur markaði
upphaf jólaverslunar
Edda Rún Ragnarsdóttir mark-
aðsstjóri verslunarmiðstöðvarinnar
Glerártorgs segir að svartur föstu-
dagur sem svo er nefndur hafi
markað upphaf jólaverslunarinnar,
en þann dag var miðnæturopnun á
Glerártorgi og fjöldi tilboða í gangi.
Hún segir að stöðugur straumur
hafi verið í miðstöðina yfir daginn
og fram á kvöld og greinilegt að
fólk nýtti sér það sem í boði var.
Fram hafi raunar komið í könnun
sem gerð hafi verið að fólk vilji
gjarnan byrja jólainnkaup fyrr, í
október, nóvember og dreifa þeim
yfir lengra tímabili.
„Þessi dagur féll vel í kramið hjá
okkar viðskiptavinum og var mjög
stór verslunardagur,“ segir hún.
Edda segir að verslun hafi líkt og
áður farið stigvaxandi eftir því sem
á líður, fjöldi fólks verið á ferðinni
enda hafi veður og færð verið með
besta móti og ekki komið í veg fyrir
ferðalög viðskiptavina úr nágranna-
byggðarlögum.
„Færðin hefur stundum verið
slæm í desember og gert að verkum
að fólk hefur ekki verið mikið á far-
aldsfæti, en svo er ekki nú í ár og
það er gott.“
Verslanir á Glerártorgi hafa síðan
á laugardag í liðinni viku verið opn-
ar til kl. 22 á kvöldin og svo verður
fram að jólum, en að vanda verður
opið til 23 á Þorláksmessu. „Það eru
stórir dagar framundan og við ger-
um ráð fyrir að mikill fjöldi verði á
ferðinni, en afgreiðslutíminn er
rúmur og umferðin dreifist frá
morgni til kvölds.“
Aukning hjá Bónus
Jón Ævar Sveinbjörnsson versl-
unarstjóri í Bónus við Langholt á
Akureyri segir jólaverslun hafa ver-
ið mjög góða og betri en í fyrra.
„Við merkjum það á ýmsu, við-
skiptavinir eru fleiri, meira er selt
og þá hefur til að mynda bóksala
hjá okkur verið meiri en var fyrir
síðustu jól. Þó eru nokkrir stórir
dagar eftir,“ segir Jón Ævar.
Miklar endurbætur voru gerðar á
verslun Bónus við Langholt í mars
á þessu ári og verslunin stækkuð.
Það segir Jón Ævar skipta máli,
búðin sé rúmbetri og þægilegri en
áður var og fleiri kjósi að gera þar
sín innkaup, jafnt fyrir jól sem aðra
daga. „Það skiptir svo ekki síður
máli að veðrið hefur að mestu verið
gott og færðin fín allan mánuðinn,
þannig að það komast allir sem vilja
leiðar sinnar. Það var svo dæmi sé
tekið alls ekki eins greiðfært í des-
ember í fyrra. Það er hluti af því að
jólaverslun fór mjög vel af stað, það
eru margir á ferðinni,“ segir hann.
Góð jólaverslun á Akureyri
 Fólk kemst yfir að gera meira á einum degi á Akureyri en í Reykjavík  Veður og færð það sem af er
desember hefur að mestu leyti verið góð en vonbrigði að ekki tókst að opna Vaðlaheiðargöngin fyrir jól
Ljósmynd/Margrét Þóra
Góð jólaverslun Jólaverslun hefur verið með ágætum í höfuðstað Norðurlands í desember enda tíð og færð góð.
Annir Verslunareigendur á Glerártorgi búa sig undir annasama daga.
Það hefur sýnt sig að íslenska þjóðin stendur
saman, sýnir stuðning og samhug
eftir bestu getu.
Hægt er að leggja framlög inn á reikning
nr. 0101-26-35021, kt. 470269-1119
S. 551 4349, 897 0044, maedur@simnet.is
90 ára afmæli
Mæðrastyrksnefndar Reykjavíkur
JÓLASÖFNUN
WWW. fridaskart.is Fríða skartgripahönnuður fridajewels
Skólavörðustíg 18
SILFURHRINGIR Í KUÐUNGALÍNU
29.000,- 25.000,- 25.000,- 15.500,-
Sjö sóttu um embætti þjóðskjala-
varðar sem auglýst var laust til
umsóknar 22. nóvember, þrjár
konur og fjórir karlar. Umsækj-
endur eru: Hrafn Sveinbjarnar-
son, héraðsskjalavörður, Hrefna
Róbertsdóttir, sviðsstjóri, Jóhann-
es Hraunfjörð, kennari og leið-
sögumaður, Ólína Kjerúlf Þor-
varðardóttir, fræðimaður, Sólveig
Magnúsdóttir, skjalastjóri, Stefán
Friðberg Hjartarson, kennari og
ráðgjafi og Þorsteinn Tryggvi
Másson, héraðsskjalavörður. Gert
er ráð fyrir að skipað verði í emb-
ættið til fimm ára frá 1. mars
2019.
Ráðningarferlið framundan
fylgir hefðbundnu verklagi
mennta- og menningarmálaráðu-
neytisins við ráðningu forstöðu-
manna. Skipuð verður þriggja
manna hæfnisnefnd sem yfirfer
umsóknir. Hæfnisnefndin boðar
umsækjendur í viðtöl og gerir til-
lögu til ráðherra.
Sjö sóttu um
Þjóðskjalasafn